Þjóðviljinn - 18.04.1991, Síða 1

73. tölublað
Fimmtudagur 18. apríl 1991
56.árgangur
HlífviU
iara.
„Jðfnun lífskjara verður
því aðeins náð ef saman fer
sérstök hækkun lægstu launa
og breyting á skattkerfinu,"
segir í ályktun sem Verka-
mannafélagið Hlíf í Hafnar-
firði hefur sent frá sér. Fé-
lagsfundur í þessu ijölmenna
verkamannafélagi hefur
ályktað um ýmsa þætti sem
snerta hinn almenna launa-
mann.
Lífskjarajöfnuninni eru
gerð sérstök skil í ályktun
verkamannafélagsins, þar segir
m.a. „Til að bæta lifskjör al-
menns launafólks telur Verka-
mannafélagið Hlíf að auk
samninga við atvinnurekendur
um kaup og kjör verði verka-
lýðshreyfingin að ná fram
samningum við ríkisvaldið um
breytingar á skattkerfínu."
Félagið leggur áherslu á að
aðhalds verði gætt í ríkisum-
svifum og eftirlit verði hert til
að koma í veg fyrir undandrátt
frá skatti. Þær breytingar á
skattkerfinu sem tilteknar eru í
ályktuninni eru t.d. veruleg
hækkun skattleysismarka, há-
tekjuskattur og að tekjuskattur
verði lagður á fjánnagnstekjur.
Verkamannafélagið vill að það
íjármagn sem skapist vegna
þessara breytinga verði notað
til jöfnunar lífskjara. 1 því sam-
bandi er sérstaklega getið um
hækkun bamabóta, húsaleigu-
bætur og vaxtabætur almenn-
ingi til handa.
Félagslegt íbúðarhúsnæði
fékk sinn sess á félagsfundin-
um. Þar segir m.a. „gert verði
átak í byggingu og/eða kaupum
á félagslegu íbúðarhúsnæði,
með það i huga að sfytta til
muna biðtíma eftir íbúðum,
sem nú er óeðlilega langur hjá
sumum sveitarfélögum." Hug-
myndir Hlífarmanna eru að
biðtími eftir félagslegu hús-
næði verði ekki lengri, en sem
nemur 18 til 24 mánuðum. -sþ
Svavar Gestsson menntamálaráðherra og Ólafur Ragnar Grimsson fjármálaráðherra á blaðamannafundi á Hótel Borg á mánudag, þar sem þeir kynntu útreikn-
inga sem sýndu að Davíð hefur hækkað álögur þrefalt umfram það sem rikið hefur gert. Mynd: Jim Smart.
Óháðir aðilar meti
skattahækkanir Davíðs
O' lafur Ragnar Gríms-
son fjármálaráð-
herra hefur skorað á
Davíð Oddsson borg-
arstjóra að láta
óháða aðila meta
skattahækkanir borgarinnar í
tíð Davíðs sem borgarstjóra.
Álagningarseðlar vegna fast-
eignagjalda, sem borgin hefúr ver-
ið að senda út til fyrirtækja, stað-
festa svo um munar stórfelldar
skattahækkanir borgarstjórans í
Reykjavik. Einn gjaldaliðanna,
sorphirðugjald, hefur í mörgum til-
fellum hækkað um mörg þúsund
prósent á milli áranna 1990 og
1991.
í útreikningum sem fjármála-
ráðherra og menntamálaráðherra
kynntu á blaðamannafundi á
mánudag kemur fram að Davíð
hefúr á níu árum aukið skatta borg-
arinnar um 32 prósent að raungildi
á hvem íbúa, en á sama tíma hafa
skattar ríkisins aukist um 11 pró-
sent.
Dagvistunargjöld, gatnagerðar-
gjöld o.fl. liðir eru neftidir til sög-
unnar sem dæmi um hækkun á
sköttum Davíðs.
Sem dæmi um hækkanir á milli
ára má taka álagningarseðil á
verslun í Reykjavík sem Þjóðvilj-
inn hefúr undir höndum. Þar kem-
ur ffam að sorphirðugjald hefur
hækkað um mörg þúsund prósent. I
fyrra borgaði fyrirtækið 574 krónur
fyrir tunnuleigu en í ár er því ætlað
að borga 25.594 krónur fyrir
tunnuleigu og sorphirðugjald.
Borgarstjómarmeirihlutinn hef-
ur ákafl mótmælt þessari umfjöllun
um skatthækkanir og borið því við,
að um kosningabrellur andstæð-
inga sé að ræða.
Ólafur Ragnar skoraði á Ólaf
G. Einarsson, efsta mann Sjálf-
stæðisflokksins í Reykjaneskjör-
dæmi, í beinni útsendingu Sjón-
varpsins á þriðjudagskvöld, að láta
óháða aðila meta þessa útreikn-
inga. Ólafur G. svaraði því hins-
vegar aldrei hvort hann væri tilbú-
inn til þess.
Þjóðviljinn reyndi að ná sam-
bandi við Davíð í gær til að fá svör
hans við þessari áskomn Ólafs
Ragnars, en án árangurs. -sþ/-Sáf
Alþýðubandalagið vinnur á
Alþýðubandalagið fengi 15,1 prósent í alþingiskosning-
unum á laugardaginn ef marka má skoðanakönnun
sem Félagsvísindastofnun Háskóla íslands gerði fyrir
Morgunblaðið og birtist í gær. Þetta er óvenjuleg niður-
staða þar sem Alþýðubandalagið hefur ekki fyrr mælst
með meira fylgi í könnunum en flokkurinn fékk í kosn-
ingunum 1987. Þá fékk flokkurinn 13,4 prósent atkvæða.
Niðurstaðan er að þessu leyti
mjög ólík niðurstöðu Gallup-könn-
unar sem Sjónvarpið hefur látið
gera.
I könnun Félagsvísindastofn-
unar fékk Sjálfstæðisfiokkurinn
40,4 prósent fylgi samanborið við
27,2 prósent í kosningunum 1987
og bætir við sig meira fylgi en sem
nemur fylgi Borgarafiokksins. 1
kosningunum 1983 fékk hann hins
vegar 38,7 prósent atkvæða. Vik-
mörk á fylgi Sjálfstæðisflokksins
eru +-3,1 prósent en +-2,3 hjá Al-
þýðubandalaginu.
Sé hinsvegar tekið mið af
skoðanakönnun stofnunarinnar frá
síðasta mánuði kemur í ljós að
Sjálfstæðisflokkurinn tapar tæp-
lega átta prósent fylgi meðan Al-
þýðubandalagið bætir við sig slétt-
um fimm prósentum. Fylgi Sjálf-
stæðisflokksins fer úr 48,0 prósent-
um í 40,4 en fylgi Alþýðubanda-
lagsins fer úr 10,1 prósenti í 15,1.
Aðrir flokkar eru með svipaða út-
komu í báðum þessum könnunum.
Alþýðuflokkurinn mælist nú
með 12,1 prósent fylgi en var með
11,7 í mars og 15,2 í kosningunum
1987. Framsóknarflokkurinn fær
nú 20,2 prósent en var með 19,2 í
mars og 18,9 í síðustu kosningum.
Kvennalistinn mælist nú með 9,8
prósent fylgi, var með 8,6 prósent í
mars og 10,1 prósent í kosningun-
um 1987. Frjálslyndir mælast með
0,5 prósent samanborið við að
Borgaraflokkurinn fékk 10,9 pró-
sent atkvæða 1987. -gpm