Dagblaðið Vísir - DV - 30.09.1995, Side 4

LAUGARDAGUR 30. SEPTEMBER 1995
fréttir
Seðlabankinn gagnrýndur afbandarískum sérfræðingi 1 peningamálum:
Ferill Seðlabankans sá
alversti sem þekkist
yfirborðskennd og einfeldningsleg gagnrýni, segir Már Guðmundsson
Ferill Seðlabanka Islands þar til á
síðustu árum er sá alversti sem
þekkist í þróuöum löndum. Verð-
bólgan á áttunda áratugnum var
meira í ætt við ástandið í þróunar-
löndunum. Þetta kom fram í máli
Kurt Schuler, ráðgjafa í peningamál-
um við John Hopkins-háskólann í
Washington, á málþingi á vegum
hagfræðideildar H.í. í vikunni.
Kurt Schuler kom hingað til lands
í boði Hagfræðistofnunar H.í. og
Rannsóknarframlags bankanna.
Undanfarin ár hefur hann unnið að
rannsóknum á seðlabönkum 1 lönd-
um með yfir milljón íbúa og auk þess
kannað Seðlabanka íslands.
í sjónvarpsviðtali eftir fundinn
sagði Kurt það álitamál hvort það
borgaði sig fyrir íslendinga að hafa
seðlabanka. Að hans mati kynni það
að vera einfaldara aö taka upp mynt
einhvers annars ríkis, svo sem doll-
ara eða þýskt mark.
„Ef verðbólgan veröur áfram lág
og ef íslendingar trúa á að Seðla-
bankinn haldi verðbólgu í skefjum
um hríð þá er tilvist bankans ekki
mjög til óþurftar. Ef verðbólgan
eyskt á ný, eða ef þjóðin óttast það,
sýnist mér viturlegt að hugleiða
hvort Seðlabankinn sé verðbólgunn-
ar virði,“ sagði Kurt.
Einungis horft á verðbóiguna
Að sögn Más Guðmundssonar, að-
alhagfræðings Seölabankans, er mál-
flutningur Kurts einfeldningslegur
enda byggist hann á yfirborðs-
kenndri athugun á íslensku efna-
hagslífi. Þó gagnrýnin beinist eink-
um að Seðlabankanum þá sé inntak-
ið í málflutningi hans þaö að leggja
eigi íslensku krónuna niður. Mat sitt
byggi hann einungis á verðbólgunni.
Már segir Kurt horfa fram hjá því
að afkoma þjóðarinnar byggist á
sveiflukenndum sjávarútvegi og aö
Seðlabankinn hafi lotiö póhtískri
stjóm til langs tíma. Már vitnar með-
al annars til álits eins virtasta hag-
fræðings í heiminum í dag, prófess-
ors Pauls Krugman, sem komst að
þeirri niöurstöðu aö því fylgdu fleiri
kostir en galiar fyrir íslendinga að
halda uppi sjálfstæðum gjaldmiðli.
Alit þetta birtist í Fjármálatíðindum
árið 1991.
„Eftir að hafa skoðað aðstæður
okkar ítarlega komst Paul aö þeirri
niðurstöðu aö ísland væri of fámennt
til aö útflutningur þaðan gæti
nokkru sinni orðið mjög fjölbreyttur,
fjarlægðin frá meginlandinu of mikil
til að tryggja hreyfanleika á vinnu-
afli og vægi utanríkisverslunar til-
tölulega lítið. Vegna þessa geti breyt-
ing á gengi gegnt mikilvægu hlut-
verki í hagstjórn án þess að óhag-
ræði ur hlytist af. “ -kaa
Noröurlandaráð:
Siv
greiddi
atkvæði
gegn
Siv Friðleifsdóttir, þingmaður
Framsóknarflokks, gekk þvert á
samkomulag stjómarflokkanna
og greiddi atkvæöí með tillögu
vinstri sósíalista og Hjörleifs
Guttormssonar um skipulags-
breytingar Norðurlandaráðs á
aukaþingf þess í Kaupmannahöfn
í dag. Þetta kom fram í kvöldfrétt-
um Útvarps.
TiIIaga vinstri sósíalista var
feUd og greiddi Siv þá atkvæði
með tiUögu forsætisnefndar eins
og aörir þingmenn stjómarflokk-
anna. Sturla Böövarsson, þing-
maöur Sjálfstæðisflokks, sagöi í
útvarpsfréttum í gær að spum-
ingar vöknuöu um heilindi Fram-
sóknarflokksins í stjórnarsam-
starfinu. -GHS
Þau eru mörg handtökin sem inna þarf af hendi i sláturtíðinni. Frágangur á gærum er eitt þeirra og karlarnir hjá
sláturhúsi KEA á Akureyri handleika gærurnar eftir kúnstarinnar reglum hvern dag á meðan sláturtíð stendur
yfir, fram i miðjan næsta mánuð. DV-mynd gk
Minniskubbum
stolið í Reikni-
stofnun
Fjölda minniskubba var stolið
úr tölvum í Reiknistofnun Há-
skóla ísland í innbrotí í fyrrinótt.
Er verðmæti kubbanna taliö
nema hundruðum þúsunda
króna. Kubbarnir era úr tölvum
sem voru í notkun hjá stofnun-
inni.
Rannsóknarlögregla ríkisins
vimrnr að rannsókn málsins.
Rannsóknariögreglumenn veij-
ast hins vegar allra frétta af
þjófnaðinum og framgangi rann-
sóknarinnar. -GK
ofstórir
Lögreglan á Vopnafirði fékk
skömm í hattinn hjá heimamönn-
um eftir að sjússamælarnir á hót-
eli staðarins voru mældir upp í
gær. Reyndust soparnir, sem
veittir eru á barnum, of stórir og
var hald lagt á mælana. Létu gest-
ir þess getið við lögreglumenn að
of langt væri gengiö í gæslu laga
ogréttar. -GK
Framkvæmdir í skógræktarlandi í Kópavogi:
Eyðileggur 40% af
útivistarsvæðinu
- segir í mótmælabréfi Skógræktarfélagsins
„Til að færa veginn þarf að auglýsa
breytta landnotkun á aöalskipulagi
og það hefur ekki veriö auglýst enn
þá og ekkert verið samþykkt en bæj-
arstjórn hefur samþykkt lagningu
stofnæðarinnar. Það eru í gangi hug-
myndir um að golfvöllur veröi þama
en það þarf að auglýsa eftir athuga-
semdum og senda breytinguna til
skipulagsstjóra til að breyta því,“
segir Friðrik Baldursson, starfsmað-
ur Kópavogsbæjar.
Bæjarstjóm Kópavogs hefur sam-
þykkt lagningu stofnæðar um leigu-
land Skógræktarfélags Kópavogs við
Rjúpnahæð hjá Vífilsstööum og verð-
ur að rífa upp um 20 þúsund trjá-
plöntur vegna framkvæmdanna.
Fyrirhugað er að leggja golfvöll í
nágrenni svæðisins og verður þjóö-
vegur fluttur þannig að hann liggi
um skógræktarlandið. Breyta þarf
aöalskipulagi vegna þessa en veröi
af vegaframkvæmdum verður að rífa
upp 47 þúsund plöntur.
Baldur Helgason, formaður Skóg-
ræktarfélagsins, hefur sent bæjaryf-
irvöldum og hitaveitustjóra bréf og
mótmælt harðlega. í bréfinu minnir
Baldur á að árið 1990 hafi Skógrækt-
arfélag íslands hafi efnt til söfnunar
meðal þjóðarinnar. Fyrir söfnunarf-
éð hafi tvær milljónir plantna verið
keyptar og 186.700 þeirra verið gróð-
ursettar í Rjúpnahæð. Til að fyrir-
byggja rask á plöntunum hafi verið
gerður skriflegur leigusamningur
við eigendur landsins, Kópavogsbæ
og Póst og síma, um leigu á landinu
til 50 ára og hafi samningurinn verið
þinglýstur.
„Astæöan fyrir allri þessari breyt-
ingu á skipulaginu nú er sú að nú á
að „troða“ golfvelli inn á skipulagið
og þess vegna þarf að færa fyrirhug-
aðan þjóðveg inn á umrætt útivistar-
svæði og þar með eyðileggja yfir 40%
af útivistarsvæðinu. Heildarútivist-
arsvæðið er því búið að skeröa og
raska svo mikið að það verður svo
til ónothæft að mínu mati,“ segir í
bréfi Baldurs til bæjaryfirvalda.
Bæjarráð Kópavogs hefur óskað
eftir nánari skýringum á þessu máli
og er von á þeim á bæjarráðsfundi í
næstu viku.
-GHS
Hitaveitustjóri um stofnæðina á Rjúpnahæð:
Við höfumfengið
leyfi hjá bænum
„Vel getur verið að hægt sé að
leggja æðina annars staðar en það
kostar örugglega meiri peninga.
Æðiri er 90 sentímetra víö og kostar
50 þúsund krónur á metrann þann-
ig að við erum ekki spenntir fyrir
að hlaupa út og suður með hana. í
samningi milli Kópavogs og
Reykjavíkur á Kópavogur að benda
okkur á land. Það gerist þannig að
við gerum tillögu og þeir sam-
þykkja hana eða benda á hvar hún
gæti legiö. Þeir hafa samþykkt
þessa tillögu," segir Gunnar Krist-
insson hitaveitustjóri.
Gunnar segir að Hitaveitan hafi
fengið leyfi til framkvæmdanna hjá
skipulagsyfirvöldum bæjarins,
hvort sem það hafi verið hjá emb-
ættismönnum eða skipulagsnefnd.
í sumar hafi bæjaryfirvöld sam-
þykkt framkvæmdir í skógræktar-
landinu í Rjúpnahæð meö þeim
fyrirvara að Hitaveitan bæti það
rask sem verður á landinu. Á það
hafi verið falhst. 22ja metra breiða
ræmu þurfi undir framkvæmdirn-
ar en eftir lagninguna þurfi Hita-
veitan aðeins 10 metra ræmu með-
fram æðinni til að komast til við-
gerða.
Baldur Helgason, formaður Skóg-
ræktarfélags Kópavogs, hefur sent
hitaveitustjóra bréf til að óska eftir
því að hann kynni sér málið. Gunn-
ar segist ætla að gera þaö.
Framkvæmdir viö lagningu
stofnæðarinnar hefjast í desember
og standa fram í mars. Heildar-
kostnaður nemur tæpum 50 millj-
ónum króna.
Ekki náðist í Kristin Kristinsson,
formann skipulagsnefndar Kópa-
vogs, eða yfirmenn skipulagsdeild-
ar bæjarins.
-GHS