Dagblaðið Vísir - DV - 02.02.1996, Qupperneq 32

FRÉTTASKOTIÐ
SÍMINN SEM ALDREf SEFUR
Haflr þú ábendingu eöa vitneskju um frétt,
hringdu þá í síma 550 5555. Fyrir hvert
fréttaskot, sem birtist eöa er notaö í DV,
greiöast 3.000 krónur. Fyrir besta fréttaskotiö
í hverri viku greiðast 7.000. Fullrar nafnleyndar
er gætt. Við tökum viö fréttaskotum allan
sólarhringinn.
550 5555
Frjálst,óháð dagblað
FÖSTUDAGUR 2. FEBRÚAR 1996
Vestmannaeyjar:
Tvennt á
sjúkrahús
Piltur og stúlka voru flutt á
sjúkrahúsið í Vestmannaeyjum eftir
harðan árekstur á mótum Höfðaveg-
ar og Heiðartúns um klukkan tíu í
gærkvöldi.
Meiðsli þeirra voru ekki talin al-
varleg en ökumaður annarrar bif-
reiðarinnar kvartaði undan verk í
baki og líklegt er talið að hann hafi
rifbeinsbrotnað. Stúlka, sem var
farþegi hjá honum, skarst á hönd-
um og var aum í fótum.
Áreksturinn varð með þeim hætti
að ökumaður, sem var einn í bil sín-
um, missti stjóm á honum í hálku
og rann af miklu afli á annan. Femt
var í þeim bíl og eyðilagðist hann.
Hinn bíllinn er mikið skemmdur.
-GK
Fyrsti norski
loðnu-
báturinn
Fyrsti norski loðnubáturinn á
þessari vertíð er á leið á miðin fyr-
ir austan land. Vesterveg heitir
skipið og hafði Landhelgisgæslan
spurnir af því í gærkvöldi við land-
helgismörkin.
Rólegt var á loðnumiðunum í nótt
en margir bátar eru á leið út í dag
eftir löndun í gær. Fengu þá margir
góðan afla sem landað var á Aust-
fjarðahöfnum og í Vestmannaeyj-
um. í gærkveldi kom Börkur t.d. vel
hlaðinn inn til Neskaupstaðar.
-GK
Mjólkurhækkunin:
Óttast að
annað fýlgi
- segir Jóhannes Gunnarsson
„Ég veit að forsendunum er ekki
hægt að mótmæla en ég fyllist viss-
um ótta þegar þetta mikil hækkun,
allt að rúmum 6%, verður á mjólk-
urvörum að eitthvað sé að fara af
stað í þjóðfélaginu. Það eru von-
brigði að markaðurinn skuli ekki fá
að ráða meiru,“ segir Jóhannes
Gunnarsson hjá Neytendasamtök-
unum, aðspurður út í hina miklu
hækkun á mjólkurvörum. Verð á
mjólkurlítranum hefur hækkað um
4 krónur og hækkun á mjólkurvör-
um til neytenda nemur 3-6,5%.
„Það er engin samkeppni í þess-
ari grein og ég sé engin merki þess
að menn séu að hagræða í íslensk-
um mjólkuriðnaði. Hann er óhag-
kvæmur og kannski hefði mátt
koma í veg fyrir þessa hækkun með
hagræðingu," segir Jóhannes.
-sv
Michael Rimmer, Bretinn sem Hæstiréttur sýknaði í gær af nauðgunarákæru:
Heim í dag til konu
og 16 mánaða dóttur
Hann kvaðst nokkrum sinnum
hafa farið út á meðal fólks frá Hót-
el Lind þar sem hann hefur búið
og sagði starfsfólk og gesti þar
hafa verið sér vinveitt.
í dómi Hæstaréttar í gær var
dómi Héraðsdóms Reykjavíkur
um 12 mánaða fangelsi fyrir
nauðgun og greiðslu miskabóta og
málskostnaðar upp á tæpa eina
milljón króna hnekkt. Athygli vek-
ur að ríkissaksóknari fór ekki
fram á frestun á málflutningi í
Hæstarétti þrátt fyrir að beðið hafi
verið um framhaldsrannsókn FBI
í Bandaríkjunum á DNA-sýni úr
sakborningnum til að skera úr um
réttmæti íslenskrar og norskrar
DNA-rannsóknar sem stönguðust
á. Hæstiréttur gat því ekki frestað
uppkvaðningu og lét sakboming-
inn njóta vafans sem upp kom
vegna DNA-rannsóknanna. -Ótt
Michael Rimmer á Hótel Lind í morgun, þaðan sem hann hélt áieiðis til
Keflavíkurflugvallar. DV-mynd GVA
„Konan mín varð yfir sig ánægð
þegar ég sagði henni frá dómi
Hæstaréttar í gær. Við eigum sext-
án mánaða dóttur og ég fer heim
til þeirra í dag. Þetta er búið að
vera martröð hjá mér,“ sagði
Michael Rimmer, 23 ára Bretinn af
togaranum Arctic Corsair frá Hull
sem Hæstiréttur sýknaði í gær af
ákæru um að hafa nauðgað ís-
lenskri konu um borð í togaranum
Þerney aðfaranótt 8. október.
Rimmer sagði að þegar hann
var kærður í málinu í haust og
ríkissaksóknari ákærði hann síð-
an fyrir nauðgun hefði kona hans
ekki haft trú á því að sakargiftirn-
ar ættu við rök að styðjast.
Bretinn kvaðst ekki vilja tjá sig
um hvort málarekstur verður nú
af hans hálfu að teknu tilliti til
þess að um rangan uppljóstur hafi
verið að ræða hjá konunni sem
kærði hann upphaflega fyrir
nauðgun og að honum hafi verið
haldið hér á landi frá þvi í október
vegna sakamálsins.
„Ég get ekki gefið þér comment
á það,“ sagði Rimmer.
Ungur drengur hlaut sár á fæti og var fluttur á slysadeild eftir að ekið var á hann á Réttarholtsvegi eftir hádegið í
gær. Slysið varð rétt við Réttarholtsskóla. Að sögn lögreglu voru meiðsli drengsins ekki alvarleg. DV-mynd S
Úttekt DV á sameigninni:
Sýnir
gríðarleg
verðmæti
- segir Sighvatur
„Ef allur þessi aflakvóti gengi
kaupum og sölum mætti búast við
því að verðið myndi lækka veru-
lega. Þannig er ekki hægt að full-
yrða í dag hvert raunverulegt mark-
aðsverð kvótans væri ef hann gengi
allur kaupum og sölum. Hins vegar
sýnir þessi úttekt að það er um gríð-
arleg verðmæti að ræða, verðmæti
sem þjóðin á samkvæmt lögum.
Þjóðin afhendir þau síðan einstak-
lingum ókeypis með skömmtunar-
kerfi úr sjávarútvegsráðuneytinu og
einstaklingarnir eru svo að braska
með þau sín á milli og hafa af þeim
tekjur. Tölurnar gefa vísbendingu
um umfangið," sagði Sighvatur
Björgvinsson við DV vegna úttektar
í blaðinu í gær á verðmæti helstu
fisktegunda á íslandsmiðum ef
veiðileyfagjald yrði tekið upp.
Einar Oddur Kristjánsson sagði að
endalaust væri hægt að leika sér að
tölum en þær segðu enga sögu. „Máli
skiptir hvort við getum búið til fisk-
veiðistjórnunarkerfi sem skilar þjóð-
félaginu nýjum peningum og há-
marksarði. Um það á umræðan að
snúast en gerir ekki.“ -bjb
MJÓLK ER GÓÐ.
FYRIR SÆGREIFA!
Veöriö á morgun:
Slydda eða
rigning
Á morgun verður suðaustlæg
átt, allhvasst á vestanverðu
landinu en kaldi eða stinnings-
kaldi austan til. Slydda eða
rigning sunnan- og vestan-
lands, einkum síðdegis, og hiti
á bilinu 1 til 4 stig. Norðaustan-
lands verður þurrt og bjart veð-
ur og vægt frost.
Veðrið í dag
er á bls. 36
rafverktakar
r a f k ó p
samvirki

Skemmuvegi 30 - 200 Kóp.
Sími 5544566
Hlaðborð í hádeginu