Dagblaðið Vísir - DV - 28.02.1996, Page 12

12
MIÐVIKUDAGUR. 28 FEBRÚAR 1996
Spurningin
Hvernig líst þér á ástandið
innan þjóðkirkjunnar?
María Rabasca verslunarmað-
ur: Mér finnst það bara mjög slæmt.
Erlingur Richardsson nemi: Ég
er lítið inni í því en það er nauðsyn-
legt að hafa fjör.
Erna Björg Guðmundsdóttir
dagmóðir: Illa. Það eru orðnar allt
of miklar deilur og rugl fram og til
baka.
Guðmundur Þór Guðþórsson
nemi: Ég veit það ekki.
Guðþór Sverrisson vegheflls-
stjóri: Mér finnst það ekki nógu
gott.
Kolbeinn Erlingsson nemi: Nú
veit ég ekki, ég er ekki kristinn.
Lesendur
Alþýöuflokkurinn og Þjóðvaki:
Sameining á
næsta leiti?
Þýðingarmiklar yfirlýsingar formanna og helstu forystusveitar Alþýðuflokks
og Þjóðvaka kynnu að þýða breytingar í stjórnmálum hér, segir m.a. í bréf-
inu.
Gísli Guðmundsson skrifar:
Alþýðuflokkurinn fagnar 80 ára
tilvist sinni í næsta mánuði. Al-
þýðuflokkurinn er um margt einn
merkilegasti stjórnmálaflokkur
landsins þótt ekki hafi hann átt
miklu fylgi að fagna síðustu árin.
Þjóðvaki varð flokknum sár sem
talsvert hefur þurft að sinna og for-
maður Þjóðvaka og aðrir stuðnings-
menn þess flokks hafa verið iðnir
við að losa sig við ættartengslin allt
til þessa.
Það er þó á allra síðustu vikum
sem fólk hefur verið að merkja ein-
hvern samdrátt milli Alþýðuflokks-
manna og þeirra sem stjórna Þjóð-
vaka. Þetta hefur meira að segja
komið fram í sölum Alþingis, þar
sem samvinna á milli þessara
flokka hefur ekki verið slæm, og
reyndar hafa þingmenn Alþýðu-
flokks haft frumkvæði um að ná til
Þjóðvaka með ýmsu móti í pólitísku
samstarfi á þingi. Mörgum finnst
sem varaformaður Þjóðvaka, Svan-
friður Jónasdóttir, hafi opnað um-
ræðuna um meiri nálgun við Al-
þýðuflokkinn en menn hefðu búist
við. - Og nú síðast formaðurinn
sjálfur, Jóhanna Sigurðardóttir,
sem leggur ofuráherslu á að jafnað-
armenn „í þremur smáum stjórnar-
andstöðuflokkum" megi ekki bregð-
ast því takmarki að bæta og jafna
kjör launafólksins.
Og ekkert hefur skort á hrós for-
manns Alþýðuflokksins um Þjóð-
vakafólk á Alþingi nú síðustu dag-
ana. Það er því alls ekki hægt að
útiloka frekara samstarf a.m.k.
þessara tveggja flokka í þeirri við-
leitni að sameina jafnaðarmenn bet-
ur og meira eins og hugur margra
þeirra stendur þó til í raun. Þeirri
frétt skaut upp fyrir tveimur vikum
eða svo að innan Alþýðuflokksins
væri allt kapp lagt á að fá Þjóðvaka
og Alþýðuflokk sameinaða fyrir 80
ára afmæli síðarnefnda flokksins í
næsta mánuði. Og svo brá við að
engar ýfingar hafa verið milli flokk-
anna siðan.
Skjótt skipast veður í lofti stjórn-
málanna og það þyrfti ekki að koma
á óvart þótt Þjóðvaki og Alþýðu-
flokkur gengju sameiginlega til af-
mælishófs Alþýðuflokksins þann 12.
mars nk. Það gæti svo leitt til skjót-
ari viðbragða annars staðar um enn
meiri samþjöppun allra þeirra sem
vilja sameinast undir merki jafnað-
armanna. Yfirlýsingar formanna og
helstu forystusveitar i Alþýðuflokki
og Þjóðvaka fyrir - eða í kringum -
afmæli Alþýðuflokksins gætu því
þýtt mikla breytingu fyrir íslensk
stjórnmál á seinni hluta yfirstand-
andi kjörtímabils.
Umhverfissjóður verslunarinnar
Óskar Magnússon skrifar:
í DV 22. þ.m. er fjallað um verð á
plastpokum og sagt frá því að þeir
kosti 10 kr. í Hagkaupi, kr. 9 í Bón-
usi en kr. 5 í Fjarðarkaupum og
spurt hvort þetta sé hluti af verð-
stefnu þessara fyrirtækja.
- 1. október 1995 tók til starfa Um-
hverfissjóður verslunarinnar. í
hann greiða um 140 dagvöruversl-
anir um land allt, þ.á m. Hagkaup.
Þessi sjóður hefur á stefnuskrá
sinni að styrkja umhverfísmál með
greiðslum af andvirði seldra plast-
poka í verslunum. í öllum verslun-
um sem eru þátttakendur í sjóðnum
eru pokarnir seldir á 10 kr., en ekki
bara í Hagkaupi eins og skilja
mátti.
Af því fara, gróft reiknað, 2 kr. í
vsk., 4 kr. kostar framleiðsla pokans
og 4 kr. fara í Umhverfissjóðinn.
Hér er því verslunin ekki að taka
neina álagningu heldur stuðla að
þjóðþrifamálum. - Fyrirkomulag
þetta er háð eftirliti sem meðlimir
hafa fallist á.
Örfáar verslanir standa utan
þessa sjóðs en selja pokana með
álagningu allt að einu. Hvað um þá
álagningu verður veit nú enginn en
víst er að ráðstöfun hennar er ekki
háð neinu eftirliti eins og Umhverf-
issjóður verslunarinnar gerir ráð
fyrir. Þessar verslanir geta gert það
sem þeim sýnist við þessa peninga.
Meiri körfu, takk
Jakob skrifar:
Ég get ekki stillt mig um að skrifa
nokkrar línur til að vara henni
Auði, sem var að kvarta hér á þess-
ari síðu sl. mánudag yfir beinum út-
sendingum Stöðvar 2 frá NBA-deild-
inni í körfubolta. í sömu grein er
farið fram á það að útsendingarnar
verði færðar yfir á sjóvarpsstöðina
Sýn.
Kæra Auður, hvernig væri nú að
minnast þess aðeins að það er fleira %
fólk á landinu en þeir sem búa í
grennd við Reykjavík, og sjá þar af
leiðandi ekki Sýn enn sem komið
er? Væri það ekki dálítið ósann-
ILlÍliSÆi þjónusta
allan
í síma
5000
lli kl. 14 og 16
Væri ekki dálítið ósanngjarnt að kaupa beinar útsendingar frá NBA fyrir ein-
ungis lítinn hluta þjóðarinnar? spyr bréfritari.
gjarnt og vanhugsað að kaupa bein-
ar útsendingar frá NBA, sem
myndu aðeins standa hluta þjóðar-
innar til boða að sjá? - Það finnst
mér og öllum þeim fjölda sem horf-
ir á þessa leiki hér úti á landi. Það
virðist nefnilega oft þurfa að minna
ýmsa aðila á að það býr lika fólk úti
á landi.
Það er nú ekki svo oft sem sýnt er
beint frá NBA á ári. Og þeir sem
ekki geðjast að körfubolta hljóta að
geta leyft okkur sem viljum horfa á
hann að njóta þess í friði í þau fáu
skipti. Er það ekki?
Auðvitað væri sjálfsagt, af minni
hálfu a.m.k., að færa útsendingarn-
ar yfir á Sýn, þegar og ef allir lands-
menn geta séð þá sjónvarpsstöð, en
því miður sé ég engin teikn á lofti
um að það gerist í náinni framtíð.
Að lokum við ég þakka Stöð 2 fyrir
góða umfjöllun um NBA og vona að
haldið verði áfram á sömu braut.
Passíusálmar
í ólestri
Vilborg hringdi:
Margir hafa kvartað yfir lestri
Passíusálmanna í ár og mér
finnst Passíusálmarnir vera í
verulegum ólestri að þessu
sinni. Þeir eru ekki lesnir af til-
finningu þess sem ann ljóðum.
Það er alveg tvennt ólíkt að lesa
beinan texta og óbundið mál og
svo ljóð. Ég hef heyrt þann sem
nú les Passíusálmana fara ágæt-
lega með annan texta og hann
hefur góða rödd og frambæri-
lega. Það er aðeins lesturinn á
þessum sálmum sem fer fyrir
brjóstið á flestum að þessu sinni.
Það er væntanlega of seint að
grípa í taumana nú enda ekki
við því að búast af hendi Ríkisút-
varpsins fremur en endranær
þegar kvartað er.
Fíkniefni
og fíknilyf
Pétur hringdi:
Það er ekki nóg að hreinsa
landið af fíkniefnum, þ.e. að
koma í veg fyrir smygl til lands-
ins, sem ætti að geta verið til-
tölulega auðvelt ef mannafli
væri til þess settur. Hvað með öll
þau efni og lyf sem flokka má
undir fíkniefni og menn fá hér
með löglegum hætti, t.d. í gegn-
um lyfseðla frá læknum? Hér
þarf að gera mikið og stórt átak
og það má ekkert til spara til að
sporna gegn neyslu fíkniefna að
fullu og öllu.
Vinsældir
Kontrapunktsins
Á.S.K. hringdi:
Það fer ekki á milli mála að
spurningakeppnir eru meðal
vinsælustu þátta í sjónvarpi. Það
er heldur ekkert séríslenskt fyr-
irbæri. Spumingakeppnin
Kontrapunktur er án efa orðinn
meðal vinsælustu þáttanna í
Sjónvarpinu. Þetta er vel fram
settur þáttur og fræðandi þar
sem íslendingarnir standa sig
fyllilega meðal keppendanna. Nú
síðast unnu þeir Dani naumlega.
Spyrillinn er skemmtilegur og
einkar naskur að koma með
ábendingar sem þó verða ekki
metnar sem hlutdrægni. Svona
þætti á Sjónvarpið m.a. að sýna
oftar ásamt góðum kvikmynd-
um.
Friður í Korp-
úlfsstaðafjósið
Hannes skrifar:
Ég hlýddi á undarlegan þátt á
Aðalstöðinni sl. sunnudags-
kvöld. Þar ræddi einn mikill
friðarpostuli um „Frið 2000“.
Hann vildi gera ísland að einni
allsherjar friðarmiðstöð. Hann
vildi fá Korpúlfsstaði sem bæki-
stöð fyrir starfsemina. Gallinn
var að hann náði ekki nógu góðu
sambandi við ráðamenn hér,
hafði t.d. ekki náð í borgarstjór-
ann, til að bjóða honum frið í
gamla Korpúlfsstaðafjósið. Er nú
ekki komið nóg af þessum al-
heimsatburðum sem eiga að geta .
gerst hér á íslandi? Er þetta
nokkuð annað en stórmennsku-
draumar?
Til Ýrar en
ekki „kýrar"?
Ólafur Björnsson hringdi:
Ég las í DV í morgun (mánu-
dag) frétt þar sem rætt var um
stúlku að nafni Ýr. Þar stöð
„Ýrar“. Ég vissi ekki að þetta
væri rétt beyging en nú veit ég
betur. En hvers vegna er þá ekki
líka talað um til „kýrar“ úr því
þetta eru sams konar kvenkyns-
orð að stofni til? Er nú nokkur
furða þótt útlendingar eigi erfitt
meö að komast inn í svona yfir-
máta „lógískt" tungumál, is-
lenskuna?