Dagblaðið Vísir - DV - 05.07.1996, Page 2

2
FÖSTUDAGUR 5. JÚLÍ 1996
Fréttir
Starfsmenn hjá Vestfirskum skelfiski á Flateyri hafa veikst á undanförnum mánuðum:
A annan tug með asmakost
og hósta vegna eiturgufu
- engar úrbætur þrátt fyrir athugasemdir heilsugæslulæknis sem segir ástandið mjög slæmt
„Það eru eiturgufur sem berast úr
sjóðaranum út um salinn. Við erum
búin að klaga þetta til yfirmanna en
það er ekkert gert í málinu. Þeim
virðist vera nákvæmlega sama um
okkur. Það eru flestir starfsmenn
sem hafa fengið þennan óþverra og
nokkrir hafa veikst illa og þjást af
asma,“ sagði starfsmaöur hjá fyrir-
tækinu Vestfirskum skelfiski á Flat-
eyri. Þar hefur myndast slæmt
ástand því margir starfsmenn fyrir-
tækisins hafa veikst í öndunarfær-
um og þjást af slæmum hósta og
nokkrir hafa fengið slæm asmaköst.
Orsök þessara veikinda segja starfs-
menn vera tæki í vélarsal fyrirtæk-
isins sem kallað er sjóðari. Það sér
um að sjóða skeljamar en myndar
gufur sem valda áðurnefndum veik-
indum. Heilsugæslulæknirinn á
Flateyri staðfesti þetta við DV.
„Ég kom fyrir tæplega þremur
mánuðum og varð var viö að marg-
ir starfsmenn voru með slæman
hósta. Ég hef farið þrisvar sinnum
til læknis á þessum tíma en veikin
hefur ágerst. Ég er nú á mjög sterk-
um asmalyfjum og tek þau svo ég
geti hreinlega sofnað. Starfsmenn
eru margir hræddir við að taka sér
frí því yfirmenn eru mjög fúlir ef
minnst er á veikindin eða veikinda-
frí. Mér var persónulega hótað
brottrekstri i einu veikindafríinu þó
ég væri með læknisvottorð.
Ég hef reynt að þrauka þetta en
nú er ég staðráðinn í að fara burt og
aftur í bæinn. Það fara fjórir starfs-
menn með mér sem einnig hafa
veikst. Ég veit um alla vega 20
starfsmenn sem hafa kvartað undan
slæmri líðan en súmir hafa ekki far-
ið til læknis því það er dýrt og
einnig þau lyf sem við þurfum að
kaupa. Margir þeirra hafa flúið héð-
an út af þessu og ég veit um einn
sem flúði í vor og var þá ælandi
blóði. Þeir sem stjóma hér hafa
sagst ætla að gera við sjóðarann
sem veldur þessum gufum en það
eina sem þeir hafa gert er að láta
okkur hafa grímur sem virka ekki
gegn þessum eiturgufum," sagði
starfsmaðurinn sem vildi ekki láta
nafns síns getið.
Mjög slæmt ástand
„Ég get staðfest það að margir
starfsmenn frá Vestfirskum skel-
fiski hafa kvartað undan ertandi
áhrifum í hálsi og öndunarfærum.
Orsökina má rekja til sjóðarans í
vinnusal fyrirtækisins. Sjóðarinn
myndar gufur sem em slæmar fyrir
öndunarfæri. Það hefur eitthvað á
annan tug starfsmanna komið til
mín út af þessu. Sumir hafa fengið
asmaköst en tilfellin eru á mismun-
andi stigum. Þetta virðist hafa byrj-
að í mars þegar slæm inflúensa
geisaði hér en hún gerir það að
verkum að fólk er viðkvæmara fyr-
ir. Þetta er mjög óþægilegt en ekki
hættulegt til langframa því þetta
eru skammtímavandamál. Engu að
síður er þetta mjög slæmt ástand.
Ég hef bent yfirmönnum á þetta og
þeir ætluðu að vera búnir að gera
við tækið fyrir 14. maí. Mér skilst
að það eigi að gera við tækið á næst-
unni og loka fyrir að gufumar ber-
ist út í loftið,“ sagði Páll Þorsteins-
son, heilsugæslulæknir á Flateyri,
við DV vegna málsins.
Á erfitt með að ná andanum
Ég hef verið að þrífa hjá Vest-
firskum skelfiski í um mánuð og þá
er ég á kvöldin eftir að slökkt er á
þessu tæki. Engu að síður hef ég
veikst af þessum eiturgufum sem
eru í loftinu. Ég fæ mjög oft slæman
hósta, sérstaklega þegar ég er inni
að vinna, og á stundum erfitt með
að ná andanum. Ég hef ekki farið til
læknis en ætla að fara héðan áður
en ég verð meira veikur. Ég veit af
mörgum sem hafa flúið af því þeir
em hræddir um að veikjast," sagði
Pálmi Þór Jónsson, starfsmaður hjá
fyrirtækinu.
DV talaði við fjóra aðra einstakl-
inga sem unnið hafa hjá Vestfirsk-
um skelfiski í vor og sumar og
höfðu þeir allir orðið veikir, sumir
lítillega en aðrir illa. Sögðust allir
starfsmennirnir hafa borgað læknis-
kostnaðinn sjálfir. -RR
Verksmiðja Vestfirsks skelfisks á Flateyri þar sem á annan tug starfsmanna
hefur veikst vegna eiturgufu frá sjóðara í vinnslusal. DV-mynd Hörður
Aðeins tveir hætt
vegna heilsubrests
- segir framkvæmdastjórinn
Deilan í Efstaleiti 10 til 14:
Bent gefst upp á sam-
býlinu og fer úr landi
„Ég viðurkenni að það hafa kom-
ið upp nokkur tilfelli hér hjá starfs-
mönnum fyrirtækisins en ég hef
ekki nákvæma tölu um hve það eru
margir. Eftir að við opnuðum hér
bar ekkert á svona veikindum fyrr
en í mars. Heilsugæslulæknir taldi
það í beinum tengslum við flensu-
faraldur sem hér geisaði. Síðan bar
ekki á neinu þar til fyrir nokkrum
vikum að þetta tók sig aftur upp og
nokkrir hafa veikst síðan. Stór hluti
starfsmanna hér hefur ekki veikst
þannig að við höfum ekki verið
vissir hvort veikindin væru beinlín-
is út af sjóðaranum og þeirri gufu
sem hann myndar. Það er ástæðan
fyrir því að við vorum ekki búnir að
gera neitt róttækt í málunum en
ætlunin er nú að ganga frá þessu á
næstu dögum og gera við tækið. Við
höfum fengið menn frá Vinnueftir-
litinu hingað og erum sammála um
að það þurfi að byggja einangrun í
kringum tækið þannig að gufan ber-
ist ekki út í loftið. Það er stefnt að
því nú í vikunni," sagði Guðlaugur
Pálsson, framkvæmdastjóri hjá
Vestfirskum skelfiski, við DV vegna
málsins.
„Það er ekki rétt að þau borgi
lækniskostnað því þaö gerum við
eins og stendur í samningum. Þá er
ekki rétt að við höfum hótað mönn-
um vegna veikindafría. Hins vegar
geröist það í eitt skipti að starfs-
maöur var í veikindafríi en sást úti
á sama tíma og okkur fannst það
ekki sniðugt fyrst við vorum að
borga honum fullan veikindafrídag
svo ég áminnti hann en ekkert
meira. Ég veit ekki hvað liggur að
baki svona ummælum en þetta er
ekki sannleikur. Ég tel aö við höf-
um gert vel við það fólk sem hefur
veikst eða óskaö eftir veikindafríum
og því er ég mjög sár yfir þessum
ummælum. Það þarf hins vegar að
sjálfsögðu að skila inn veikindavott-
orði eins og annars staðar í fyrir-
tækjum. Að því er ég best veit hafa
aðeins tveir starfsmenn hætt und-
anfarið vegna heilsubrests. Þeir
sögðu mér frá því og það var ekkert
mál af hálfu fyrirtækisins," sagði
Guðlaugur.
-RR
„Ég er búinn að kaupa mér hús í
Orlando í Flórída svo að ég ætla að
hafa langt bil á milli mín og þessara
manna,“ sagði Bent Scheving Thor-
steinsson sem vann í vikunni mál
fyrir héraðsdómi gegn húsfélagi
hússins sem hann býr í.
„ Ef allt fer sem áður á ég von á
því að þessu verði áfrýjað til Hæsta-
réttar. Ég er búinn að gefast upp á
þessu sambýli. Þetta er eilíft þvarg.
Úrskurðurinn sem féll í héraðsdómi
er raunverulega sá sami og kveðinn
var upp 1995 af umhverfisráðherra."
Bent segist sjá fram á að það verði
ekki framar friðvænlegt í húsinu.
„Ég og konan mín sjáum ekkert
sem hægt er að gera við þessu. Við
erum búin að fá úrskurð á úrskurð
ofan, ekki einu sinni, tvisvar eða
þrisvar heldur fjórum sinnum.
Hvað sem við gerum gagnar það
ekkert. Það er alltaf fundið upp á
því að krefjast endurupptöku, end-
urskoðunar, áfrýjunar og svo fram-
vegis. Þó vil ég taka það fram og
undirstrika að hér eiga ekki allir
jafnan hlut. Hér í húsinu er mikið
af yndislegu fólki.“
Erum óvelkomin hér
„Því miður eru hér 6 til 7 aðilar
sem tröllríða húsinu, ráða öllu og
hafa gert það frá þvi að þeir fluttu
hér inn. Svo er framkoman í okkar
garð ákaflega tuddaleg. Við erum
ekki velkomin hjá þessu liði sem
ræður húsum. „Þó að búið sé að rífa
niður vegginn er það ekki nóg. Þeir
þráast enn þá við að endurreisa þá
veggi sem aðskildu gang og setu-
stofu. í rauninni á enginn leið
þama um nema fjölskylda mín og
þeir sem heimsækja mig því að það
á enginn annar íbúð með þessu að-
gengi. “
Vitað er um fleiri dæmi þess að
fleira fólk í húsinu telur rétt sinn
stórlega skertan þannig að ósættið
snertir ekki Bent einan.
-SF
Stuttar fréttir
Ákvarðanir á næstunni
Líklegt er að ákvarðanir um
tvö álver og stækkun Járn-
blendiverksmiðjunnar verði
teknar næstu mánuði. Stöð 2
sagði frá.
Mótmæla blokkum
550 Reykvikingar mótmæla
breytingum á skipulagi á Laug-
amesi. Blokkir eru fyrirhugaðar
þar, að sögn Útvai-ps.
Kvika skýrir jarð*
skjálfta
Kvika hefur streymt inn í
kvikuhólf milli NesjavaUa og
Hveragerðis og hefur land risið.
Þetta skýrir tiða jarðskjálfta,
skv. Útvarpi.
DNA sannaði ekki sekt
DNA-rannsókn sýndi ekki
fram á sekt útlendings, sem
kærður var fyrir kynferðislega
misbeitingu fyrir vestan í vor.
RÚV greindi frá. -GHS
Bent við barinn fræga. Hann segist vera búinn að gefast upp á sambýlinu,
þar sem deilur hafa staðið um árabil, og ætlar að flytja til Flórída þar sem
hann hefur fest kaup á húsi. í baksýn sést inngangurinn í íbúðina hans
DV-mynd Pjetur