Dagblaðið Vísir - DV - 10.10.1996, Blaðsíða 3

FIMMTUDAGUR 10. OKTÓBER 1996
Fréttir
3
Framburður Skeiðarárhlaups:
Búist við um 150 milljón
tonnum af jarðefnum
- óvíst hvernig þau dreifast um sandinn eða ganga í sjó fram
Skeiðarárhlaupið árið 1934 bar út
á sandinn og í sjó fram um 150 millj-
ónir tonna af seti, að sögn Helga
Björnssonar, jarðeðlis- og jöklafræð-
ings á Raunvísindastofnun Háskól-
ans.
Ef hlaupið verður svipað að vöxt-
um má búast við ámóta framburði
jarðefna. Hvorki Helgi né aðrir sem
rætt var við í gær treysta sér til
þess að spá um hvernig þessi fram-
burður muni dreifast um sandinn
né hversu langt strandlengjan muni
færast fram.
Helgi Björnsson segir að nú sé
einstakt tækifæri til að fylgjast með
eldsumbrotunum á Vatnajökli, upp-
hafi þeirra, framvindu og væntan-
legum afleiðingum og endalokum.
Allur búnaður og tækni til vöktun-
ar og gagnaúrvinnslu hafi aldrei
fyrr verið eins góður og nú.
Á grundvelli niðurstaðna rann-
sókna og sögulegra gagna sé hægt
að hafa viðbúnað gagnvart þvi sem
gerast kann og bregðast við i sam-
ræmi við það. Hann segir að al-
mennt sé búist við að flóðið hagi sér
í líkingu við það sem gerðist 1938 en
hins vegar megi búast við minna
vatnsmagni en þá þar sem vatns-
rými Grímsvatna er minna en þá
var.
„Mín afstaða er sú að menn eigi
að ræða viðbrögð við hugsanlegum
möguleikum í ljósi reynslunnar og
þekkingar á eðli þess sem þarna er
að gerast og þeirra mælinga sem
hafa farið og fara fram,“ segir Helgi
Björnsson.
-SÁ
Pétur Hafstein:
Kostnaður
um fram
tekjur
fjórtán og
hálf milljón
Endurskoðaðir reikningar á veg-
um Landssamtaka til stuðnings for-
setaframboði Péturs Kr. Hafstein
liggja nú fyrir. Á þeim kemur fram
að skuldir vegna framboðsins nema
tæpum fjórtán og hálfri milljón
króna.
Rekstrartekjur vegna framboðs-
ins voru 21.025.242 kr. Þar bar lang-
hæst frjáls framlög og stofnframlag
frambjóðanda. Rekstrargjöld voru
35.510.397 kr. og bar þar hæst aug-
lýsingar í útvarpi og sjónvarpi og
rekstur kosningaskrifstofu. Kostn-
aður um fram tekjur var því ná-
kvæmlega 14.485.155 kr.
í fréttatilkynningu frá samtökun-
um kemur- fram að allur kostnaður
hefur verið greiddur með rekstrar-
tekjum og lántökum. Pétur Kr. Haf-
stein ber að lokum persónulega
ábyrgð á þeim skuldbindingum sem
til var stofnað. Stjóm samtakanna
mun áfram leita leiða til fjáröflunar
til að brúa bilið milli tekna og
gjalda en reikningur nr. 11100 er op-
inn í Landsbanka íslands, útibúi nr.
112, i Bankastræti 7 í Reykjavík.
-RR
Pétur Kr. Hafstein. Skuldir vegna
forsetaframboös hans f sumar
nema hálfri fimmtándu milljón
króna.
Bjóðum mikið úrval vandaðra aiwa hljómtækja frá kr. 49.900.
Komið á sýningu í verslunum okkar og kynnist
ofurkrafti á ótrúlegu verði.
Kringlan 8-12 - Sími 568 1000 ÁrmÚN 38 - Sími 553 1133