Dagblaðið Vísir - DV - 10.10.1996, Blaðsíða 4

4
FIMMTUDAGUR 10. OKTÓBER 1996
Fréttir
Skoðanakönnun DV á viðhorfi til nýs prestsembættis á meginlandi Evrópu:
Mikill meirihluti kjósenda
andvígur brauði séra Flóka
Mikill meirihluti kjósenda er
andvígur ráðningu íslensks prests,
séra Flóka Kristinssonar, á megin-
landi Evrópu með aðsetri í Lúxem-
borg. Kynbræður Flóka eru frekar
andvígir embættinu en konur. Þetta
eru helstu niðurstöður skoðana-
könnunar DV sem gerð var um síð-
ustu helgi af markaðsdeild Frjálsrar
fjölmiðlunar hf.
Úrtakið í skoðanakönnun DV var
600 manns. Jafnt var skipt á milli
kynja sem og höfuðborgarsvæðis og
landsbyggðar. Spurt var: „Ertu
fylgjandi eða andvígur ráðningu ís-
lensks prests í Lúxemborg?"
Sé tekið mið af svörum allra í
könnuninni sögðust 22,7 prósent
vera fylgjandi embættinu, 47 pró-
sent voru því andvíg, óákveðnir
voru 28,7 prósent og 1,7 prósent að-
spurðra vildu ekki svara spurning-
- konur eru frekar hlynntar embættinu en karlar
DV
Ráðning íslensks prests í Lúxemborg
- viöhorf kjósenda samkv. skoöanakönnun DV
Niöurstöður skoðanakönn-
unarinnar urðu þessar:
Svara ekki
Óákveðnir
eru teknir þeir sem tóku afstöðu
niðurstöðurnar þessar:
Fylgjandi
Andvígir
Andvígir
unni. Því tóku sjö af hverjum tíu í
könnuninni afstöðu til spurningar-
innar.
Ef aðeins eru teknir þeir sem af-
stöðu tóku voru 32,5 prósent fylgj-
andi embættinu í Lúxemborg en
67,5 prósent voru því andvíg.
Meiri andstaða
á landsbyggðinni
Þegar afstaða kjósenda er skoðuð
eftir búsetu kemur í ljós að þeir sem
eru andvígir prestsembættinu eru
mun fleiri á landsbyggðinni en á
höfuðborgarsvæðinu. Hlutfóllin eru
mjög svipuð í hópi fylgjenda.
Afstaða kynjanna er misjöfn.
Kynbræður Flóka virðast ekki sýna
nýja embættinu skilning því tals-
vert fleiri karlar en konur eru and-
vígir embættinu. Að sama skapi eru
konur fjölmennari í hópi fylgjenda
embættisins. -bjb
Verslun á Þingeyri í rúm 20 ár:
Unga fölkið snýr til hefð-
bundinna matarvenja
- segir Jóhanna Jónsdóttir verslunarmaður
DV, Þingeyri:
„Reksturinn gengur alveg bæri-
lega. Það eru auðvitað sveiflur í
þessu eins og gengur og það er oft
lakast á haustin. Við erum gallhörð
á því að halda áfram,“ segir Jó-
hanna Jónsdóttir hefur rekið Versl-
un Gunnars Sigurðssonar á Þing-
eyri ásamt manni sínum Gunnari
Sigurðssyni undanfarin 20 ár eða
síðan 6. desember 1975. Verslunin er
önnur tveggja matvöruverslana á
staðnum og er rekin í samkeppni
við Kaupfélag Dýrfirðinga. Jóhanna
segist ekki merkja samdrátt í versl-
uninni með bættum samgöngum.
Hún segir að neyslumynstrið hafi
breyst talsvert í gegnum árin.
„Þetta hefur sérstaklega breyst
með unga fólkinu sem er komið út í
pitsurnar. Þó held ég að allra síð-
ustu árin hafi unga fólkið tekið við
sér aftur með að taka slátur og
hverfa til þeirra matarvenja sem
tíðkast hafa í gegnum tíðina. Það er
farið að spá í aurinn sinn. Fólk hef-
ur gott upp úr þvi að vinna matinn
heima,“ segir Jóhanna. -rt
-...-
Johanna Jónsdóttir í verslun sinni á Þingeyri.
Dagfari
Beðið eflir hlaupi
Eftir þvi sem liðið hefur á gosið
í Vatnajökli hefur spenna aukist
jafnt og þétt meðal þeirra blaða-
manna og ljósmyndara og sjón-
varpsmanna sem dvalið hafa aust-
ur á söndum. Sá fríði hópur hefur
haldið vöku sinni nætur og daga og
beðið þolinmóður eftir Skeiðarár-
hlaupi.
Með fréttum sínum af gossvæð-
inu hafa þessir árvökulu menn
haldið þjóðinni og umheiminum
við efnið. Hver stórfréttin af
annarri hefur borist að austan um
yfirvofandi hlaup. Við höfum séð
myndir af söndunum og ánni og
fjöllunum í kring og stöku sinnum
hefur brugðið fyrir myndum af
gosinu sjálfu. Þó ekki oft, því öll at-
hygli beinist að hlaupinu. Nú kem-
ur það í nótt, segja fréttamenn með
öndina í hálsinum, og svo kemur
nóttin og hlaupið lætur ekki á sér
kræla, og nú kemur það í nótt,
segja fréttamenn aftur en bannsett
hlaupið lætur á sér standa. Næt-
urnar líða og heil vika er liðin og
ekkert hlaup. Auðvitað lýjast
menn á því að tilkynna hlaup á
hverri stundu í heilan sólarhring
og marga sólarhringa og heila viku
og menn verða þreyttir og slæptir
og leiðir af því að mæna upp til
fjalla og bíða eftir hlaupi.
Vísindamenn eru þó á staðnum
til að létta fréttamönnum róðurinn.
Þar eru jarðskjálftafræðingar og
jarðeðlisfræðingar og vatnamæl-
ingamenn og ekki má gleyma göml-
um mönnum í sveitinni, sem allir
vita hvenær hlaupið kemur. Og
þeir eru spurðir og segja sem er að
það ráðist af gosinu og jöklinum og
framrennsli Grímsvatna og þjóðin
er gapandi yfir þessari þekkingu.
Annaðhvort kemur vatnið undan
jöklinum eða þá að íshellan skríð-
ur fram, segja vísndamenn með
áralanga starfsmenntun að baki.
Vatnið hefur hækkað í Grímsvötn-
um, segja þeir spekingslega og
fréttamenn hafa þetta eftir þeim og
„Kemur þá hlaupið?" spyrja þeir í
barnslegri eftirvæntingu, því að
það er ekki heiglum hent að bíða í
heila viku eftir hlaupi sem á að
vera komið fyrir löngu.
Alvarlegasta fréttin var þó sú að
haft var eftir gömlum bónda á
svæðinu að hlaupið kæmi í vor!
Blaðamenn voru skelfingu lostn-
ir og báru þessa kenningu undir
vísndamennina sem klóruðu sér í
skeggið og sögðu að þaö réðist af
vatnsmagninu og hæð þess í
Grímsvötnum og aftur urðu menn
fullir aðdáunar yfir þessari visku
allri og horfa dolfallnir á sandinn
og fljótin og göllin í kring.
Vonandi kemur hlaupið. Ekki
vegna þess að Dagfari vilji Skeiðar-
árhlap og allt það tjón sem því
kann að fylgja. Heldur hitt að þetta
er orðinn spurning um úthald
fréttamanna og heiður vísinda-
manna en allir hafa þessir menn
staðið sig frábærlega vel og eiga
það fullkomlega skilið að hlaupið
komi og komi sem fyrst. Menn geta
ekki beðið endalaust.
Umheimurinn er líka farinn að
bíða í ofvæni, en það eru takmörk
fyrir því hvað menn geta beðið
lengi og smám saman dofnar áhug-
inn og loksins þegar hlaupið kem-
ur nennir enginn lengur að fylgjast
með þvi eða segja frá því. Það kem-
ur of seint.
Ekki má heldur gleyma vega-
gerðarmönnunum sem eru búnir
að ýta og grafa og hlaða varnar-
garða og loka veginum á hverri
nóttu og þurfa svo að opna aftur og
öll er þessi vinna unnin fyrir gýg
ef hlaupið kemur ekki fyrr en of
seint eða þá þannig að öfl vinnan
fer í súginn þvi að hlaupiö kann að
verða öðruvísi en menn hafa reikn-
að með.
Og þá hafa miklir fjármunir far-
ið fyrir ekki neitt og það má ekki
gerast.
Vonandi hefur hlaupið komið i
nótt. Vonandi kemur hlaup. Von-
andi verður öll þessi bið og öll
þessi vinna til einhvers gagns.
Dagfari