Dagblaðið Vísir - DV - 07.03.1997, Blaðsíða 5
FÖSTUDAGUR 7. MARS 1997
5
Fréttir
Dvergasteinn:
Ammoníaksleki
Mengun frá Járnblendiverksmiðjunni á Grundartanga:
Yfirvöld hafa sof-
ið á verðinum
- hneyksli að starfsleyfi verksmiðjunnar hefur aldrei verið endurskoðað, segir Hjörleifur
„Það er ljóst af svari umhverfis-
ráðherra að opinberir aðilar, sem
áttu að vera búnir að endurmeta
starfsleyfi jámblendiverksmiðjunn-
ar fyrir löngu, hafa sofið á verðin-
um og það er auðvitað hneyksli að
starfsleyfið skuli vera óendurskoð-
að frá byrjun," segir Hjörleifur
Guttormsson alþingismaður um
svar umhverfisráðherra við fyrir-
spum Hjörleifs um starfsemi Jám-
blendiverksmiðjunnar á Grundar-
tanga og mengunarvamir hennar.
Hjörleifur sagði i samtali við DV
að af svarinu væri einnig ljóst að
Hollustuvernd ríkisins er engan
veginn í stakk búin til að rækja sitt
lögboðna hlutverk eftirlits með
rekstri af þessu tagi og það sé viður-
kennt í svari ráðherra. Menn hljóti
því að velta því fyrir sér hvort
starfsleyfi fyrir starfsemi af þessu
tagi séu yfirleitt hrein sýndar-
mennska og draga sínar ályktanir
varðandi aðra stóriðju.
í fyrirspurn Hjörleifs, sem var í
fimm liðum, var m.a. spurt hvemig
staðið hefði verið að rekstri jám-
blendiverksmiðjunnar með tilliti til
11. greinar laga um hana frá 1977,
en þar stendur að verksmiðjunni
beri að gera ráðstafanir til að vama
tjóni á umhverfi á Grundartanga og
hönnun, bygging og rekstur hennar
í öllu vera í samræmi við þágild-
andi og síðciri lög og reglugerðir hér
á landi varðandi mengunarvarnir,
náttúruvernd, öryggi, heilbrigði og
hreinlæti á vinnustað.
í svari umhverfísráðherra segir
að verksmiðjan hafí uppfyllt ákvæði
starfsleyfis en laga- og reglugerð-
aumhverfi hefði breyst síðan 1977
og hefði ráðuneytið nýlega beðið
Hollustuvemd að gera samanburð á
starfsleyfi verksmiðjunnar og
breyttiun kröfum í lögum og reglu-
gerðum með það fyrir augum að
færa starfsleyfið að þeim breyting-
um.
í svarinu kemur fram að viðhald
á mengunarbúnaði verksmiðjunnar
hafi ekki verið í lagi en Hollustu-
vemd þó ekki talið ástæðu til að
gera athugasemdir við það. Það
kunni að þurfa endurskoðunar við
með hliðsjón af auknu - algeru og
stuttu reyksleppi á siðasta ári, eins
og það er kallað.
Sem svar við því hvers vegna
starfsleyfi verksmiðjunnar hafi
ekki verið endurskoðað segir í svari
umhverfisráðherra að ástæðan sé
sú að Hollustuvemd ríkisins hafi
ekki komist yfir að sinna öllum
nauðsynlegum verkefnum á undan-
fornum árum.
-SÁ
„Þetta var eins og hvert annað
óhapp. Það var verið að vinna á
lyftara inni í frystiklefa, bretti
rann fram af gafflinum og tók í
sundur rör. Menn bragðust skjótt
við og lokuðu fyrir og sem betur
fer meiddist enginn. Það er vissu-
lega alltaf hætta á ferðum þegar
ammoníak lekur svona út,“ segir
Adolf Guðmundsson, framkvæmda-
stjóri Fiskiðjunar Dvergasteins á
Seyðisfirði.
Óhappið átti sér stað fyrri part
vikunnar og vonast Adolf til þess
að tjón sé óverulegt. Hugsanlegt er
að 25-30 tonn af unninni rússa-
loönu hafi skemmst en tryggingafé-
lagið hefur ekki komist austur til
þess að meta tjónið.
„Fyrir utan hugsanlegt tjón á
hráefni hefur afleidda tjónið verið
eitthvað. Við þurftum að afþýða
klefann og engin vinnsla hefur ver-
ið hér síðan fyrir óhappið. Loðnu-
frystingu er lokið hjá okkur og
þrátt fyrir að við höfúm hætt fyrr
en við ætluðum þökkum við fyrir
að þetta gerðist ekki á meðan allt
var í fúllum gangi á miðri vertíð,“
segir Adolf. Hann sagði við DV í
gær að búið væri að gera við
skemmdir og að verið væri að
keyra upp klefann. -sv
Arnar Pálsson afhenti áskorun um að ríkisstjórn og Alþingi beiti sér fyrir því
að Æsan verði hífð upp af hafsbotni. DV-mynd
Áskorun til forsætisráðherra vegna Æsumálsins:
Hömrum járn-
ið heitt
- segir Arnar Pálsson
„Það sem vakir fyrir okkur er að
hamra jámið á meðan það er heitt
og því skorum við á verkstjóra rík-
isstjómarinnar að beita sér fyrir
því að málið verði tekið upp á þingi.
Við fundum það í utandagskrárum-
ræðunni um málið á dögunum að
vilji þingmanna var skýr,“ segir
Amar Pálsson, einn þeirra sem
barist hefur fyrir því að kúfiskbát-
urinn Æsa ÍS verði hífð upp af hafs-
botni en hún sökk i Arnarfirði á
liðnu sumri og tveir menn með
henni.
DV sagði frá þvi fyrir nokkru að
köfunarfyrirtækið Djúpmynd hafi,
frá því að báturinn sökk, sagst geta
náð honum upp fyrir um 18-20
milljónir króna og nú hefur tilboð
frá fyrirtækinu borist upp á 18
milljónir. í því felst að ná skipinu
upp og koma því í slipp á ísafirði.
„Við höfum margítrekað nauðsyn
þess að ná skipinu upp og gera
Rannsóknarnefnd sjóslysa kleift að
rannsaka þetta undarlega slys. Sam-
gönguráðherra sagðist tilbúinn að
skoða málið ef vilji væri til þess á
Alþingi og þetta er bara liður að því
markmiði okkar að málinu verði
siglt í höfn,“ segir Amar.
-sv
Akureyri:
Konur tregar að mæta
til krabbameinsleitar
DV, Akureyri:
Af tæplega 1100 konum á Akur-
eyri sem boðið hefur verið að koma
til krabbameinsleitar hjá Heil-
sugæslustöð bæjarins, höfðu aðeins
118 sinnt kallinu um síðustu mánað-
amót, eða rétt rúmlega 10% þeirra
sem haft hefur verið samband við
bréflega.
Átak í krabbameinsleit sem nú
stendur yfir á vegum Heilsugæslu-
stöðvarinnar hófst 17. febrúar og
lýkur 14. mars. Leitað er að leghál-
skrabbameini en leit að forstigum
krabbameins hefúr reynst árangurs-
rík. Einnig er leitað að brjóst-
krabbameini, en staðreyndir sýna
að tólfta hver kona fær þann sjúk-
dóm.
Alls hafa 517 konur eldri en 40
ára verið boðaðar og þær hvattar til
að koma í skoðun. Um mánaðamót-
in síðustu hafði aðeins 61 kona svar-
að kallinu og mætt til skoðunar. 580
konum á aldrinum 40 ára og yngri
var sent sams konar bréf og um
mánaðamót höfðu aðeins 57 þeirra
mætt til skoðunar.
Starfsfólk krabbameinsleitar
Heilsugæslustöðvarinnar viil hvetja
konur til að nota tilboð um að mæta
til skoðunar, að mæta til krabba-
meinsleitar geri konur ekki einung-
is fyrir sjálfa sig, heldur einnig fyr-
ir sina nánustu. -gk
Hverfafundir llf
með borgarstjóra f
Hverfafundum Ingibjargar Sólrúnar Gísladóttur
borgarstjóra með íbúum Reykjavíkur verður
framhaldið á næstu vikum.
5. fundur verður haldinn mánudaginn 10. mars með íbúum Bakka,
Stekkja, Skóga og Seljahverfis auk Suður-Mjóddar.
Fundarstaður: Ölduselsskóli kl. 20.00.
6. fundur verður haidinn fímmtudaginn 13. mars með íbúum í
Háaleitis-, Smáíbúða-, Bústaða-, Fossvogs- og Múlahverfí.
Fundarstaður: Réttarholtsskóli kl 20.00.
7. fundur verður haldinn mánudaginn 24. mars með íbúum í Túnum,
Holtum, Norðurmýri og Hlíðum.
Fundarstaður: Ráðhúsið kl. 20.00.
8. fundur verður haldinn mánudaginn 7. apríl með íbúum
Vesturbæjar, Miðbæjar og Austurbæjar vestan Snorrabrautar.
Fundarstaður: Ráðhúsið kl. 20.00.
Á fundunum mun borgarstjóri m.a. ræða um áætlanir og
framkvæmdir í hverfunum. Síðan verða opnar umræður og
fyrirspurnir með þátttöku fundarmanna og embættismanna
borgarinnar. Jafnframt verða settar upp teikningar af
fyrirhuguðum framkvæmdum í hverfunum ásamt öðru fróðlegu og
myndrænu efni.
Allir velkomnir.
Skrifstofa borgarstjóra.