Dagblaðið Vísir - DV - 16.05.1997, Blaðsíða 12

* myndbönd
Smoke: ***i
Tóbaksbúðin á horninu
Wayne Wang leikstýrir þessari mynd eftir hand-
riti rithöfundarins Pauls Austers, sem er einn af
virtustu samtímarithöfundum Bandaríkjanna. Hann tvinnar saman líf
nokkurra einstaklinga í Brooklyn og segir sögur þeirra. Vinátta rithöf-
undarins Pauls Benjamins og Auggie, verslunarstjórans í tóbaksbúö-
inni, er í brennidepli. Rithöfundurinn er enn að ná sér eftir lát konu
sinnar á meðan draugar fortíðarinnar ásækja Auggie í formi eineygðr-
ar fyrrum ástkonu. Paul kemst í kynni við ungling sem liggur á leynd-
armálum og í kjölfarið fáum við að kynnast einhentum föður hans, sem
á við eigin fortíðardrauga að etja. Allar persónumar eiga það sameigin-
legt að vera að reyna að sætta sig við sín fyrri mistök og leita lífsfyll-
ingar. Sögurnar eru hver annarri athyglisverðari og vel tengdar, þannig
að áhorfandinn fær að sjá heilsteypta kvikmynd fremur en nokkrar
smásögur. William Hurt og Harvey Keitel eru kóngar í ríki sínu og sér-
staklega nær William Hurt góðum tökum á sínu hlutverki. Þá er Harold
Perrineau, jr. athyglisverður í hlutverki unglingsins. Þess má geta að
von er á Blue in the Face, sem Wang gerði til hliðar við Smoke, en þar
er sama tóbaksbúðin í aðalhlutverki.
Útgefandi: Skífan. Leikstjóri: Wayne Wang. Aðalhlutverk: William Hurt og
Harvey Keitel. Bandarísk, 1995. Lengd: 110 mín. Öllum leyfð. -PJ
Countdown „
Hrekkjastrumpur í Seattle
Brjálæðingur nokkur er með jólapakka handa
Seattle-búum. Hann hefur komið sprengju fyrir ein-
hvers staðar í borginni sem á að springa á jóladag.
Löggan hefur þrjá sólarhringa til að hafa upp á hon-
um og sprengjunni og byrja á því að handtaka jap-
anska kærustu brjálæðingsins. Sara Davis er löggu-
kona og lætur til sín taka í málinu, en henni til
trafala er löggukona frá Japan sem er komin til að
fylgja kærustu brjálæðingsins heim til Japans. Brjá-
læðingurinn heimtar kærustuna sína til baka í staðinn fyrir upplýsing-
ar um staðsetningu bombunnar en allt fer úrskeiðis við býttin og í rest-
ina eru margir alríkislögreglumenn í valnum og bijálæðingurinn farinn
með móður Söru á tónleika. Lori Petty (Tank Girl) er i aðalhlutverkinu
í þessari afar drungalegu og fremur langdregnu spennumynd. Hún pass-
ar engan veginn í hlutverkið, enda_með afbrigðum skemmtileg týpa,
meðan hlutverkið er gráalvarlegt. Jason London er ágætur brjálæðing-
ur, en hlutverkið hans er fremur asnalegt og illa grundað. Söguþráður-
inn er tóm steypa frá upphafi til enda.
Útgefandi: Bergvík. Leikstjóri: Keoni Waxman. Aðalhlutverk: Lori Petty.
Bandarísk, 1996. Lengd: 90 mín. Bönnuð innan 16 ára. PJ
The Associate ★
Hlutskipti kynjanna
Laurel Ayres er snjallasti og duglegasti starfsmað-
urinn í WaU Street, en kemst lítt áfram í hvítu karla-
samfélaginu þar, enda er hún blökkukona. Þegar
gengið er fram hjá henni við stöðuveitingu stormar
hún út og stofnar eigin fyrirtæki, en enginn tekur
mark á henni fyrr en hún skáldar upp hvítan, mið-
aldra, karlkyns meðeiganda sem fær allar góðu hugmyndirnar hennar.
Nýi meðeigandinn verður fljótt skærasta stjaman í bransanum og allir
vilja hitta þennan fjármálasnilling. Laurel Ayres fær því vin sinn, klæð-
skipting, til að hanna nýtt útlit handa sér og bregður sér í hlutverk
meðeigandans. Bandaríkjamenn virðast eiga erfitt með að framleiða
grínmyndir án boðskapar og enn erfiðara með að hafa boðskapinn vit-
rænan. The Associate er nákvæmlega eins og allar hinar (kannist þið
ekki við endinn - aðalsöguhetjan færir manni boðskapinn í hjartnæmri
ræðu og allir lúðarnir sjá að sér og klappa í virðingarskyni), og harla
lítið fyndin. Whoopi Goldberg er hér um bil algjörlega ófyndin, en Di-
ane Wiest er hins vegar nokkuð skondin sem hin bústna aðstoðarkona.
Útgefandi: Háskólabíó. Leikstjóri: Donald Petrie. Aðalhlutverk: Whoopi
Goldberg. Bandarísk, 1996. Lengd: 113 mín. Öllum leyfð. -PJ
Courage under Fire *
Sannleiksleit
Nathan Serling á erfitt með að sætta sig við mis-
tök sín i Persaflóastríðinu, þar sem hann gaf skipun
um að skjóta á skriðdreka sem reyndist vera úr hans
eigin sveit. Herinn þaggar niður atvikið og felur
honum að gefa umsögn um orðuveitingu konu nokkurrar sem var for-
ingi sjúkraþyrlusveitar og dó í bardaga. Ætlast er til að hann renni til-
nefningunni ljúflega í gegn en misræmi í framburði vitna verður til þess
að hann vill rannsaka málið frekar. Sektarkennd hans vegna eigin mis-
taka og óbeit á yfirhylmingu þeirra kemur í veg fyrir að hann geti sam-
þykkt yfirborðskennda rannsókn og hann lendir í ónáð hjá yfirboðurum
sínum af þeim sökum. Myndin kemur nokkuð á óvart með þvi að vera
ekki algjörlega heilalaus þjóðrembuþvæla, þótt reyndar séu siðferðis-
pælingarnar fremur grunnar, og úr verður allsæmilegt hermanna-
drama. Denzel Washington er mjög staðlaður en Meg Ryan kemur á
óvart og er bara sæmilega sannfærandi hörkukvendi. Atriðin sem sýna
mismunandi frásagnir vitnanna af bardaganum eru vel gerð og hefur
greinilega mikið verið i þau lagt.
Leikstjóri: Edward Zwick. Aöalhlutverk: Denzel Washington og Meg
Ryan. Bandarísk, 1996. Lengd: 112 mín. Bönnuö innan 16 ára. -PJ
Gfl R\(,L
FÖSTUDAGUR 16. MAI 1997
5. til 11. maí
jr-ux~rr-.r:—ar,—rs..xr,„ n . r
S Æ T1 r ■ J FYRRI VIKA VIKUR Á LISTA TITILL ÚTGEF. TEG.
1 1 4 Phenomenon Sam-myndbönd Drama
2 : 2 3 Chain Reaction - Skífan Spenna
3 3 2 Tin Cup Warnermyndir Gaman
4 4 : 4 Black Sheep ClC-myndbönd , Gaman
5 ; Ný 1 Courage under Fire Skrfan Spenna
6 5 4 Substitute I Háskólabíó Spenna
7 ; Ný 1 Associate Háskóiabíó Gaman
8 6 8 Time to Kill 1 Warnermyndir Spenna
9 7 5 Fan Sam-myndbönd ■ Spenna
10 10 8 Multiplicity Skrfan Gaman
11 9 5 Feeling Minnesota Myndform Spenna
12 11 9 Nutty Professor , ; ClC-myndbönd Gaman
13 8 5 Escape from L.A, ClC-myndbönd Spenna
14 15 2 Smoke Skífan Drama
15 : 13 : 7 Twister ClC-myndbönd , Spenna
16 12 l 6 Stiptease Skífan Spenna
17 14 ; 5 Lone Star Skífan Spenna
18 16 6 Beautiful Girls Skífan Gaman
19 ' Ný ; 1 ; Adrenalin Sktfan ' Spenna
20 19 16 Fargo Háskölabíö , Spenna
Phenomenon er nú búin að vera fjórar vikur í efsta sæti
og virðist ekkert ætla að gefa eftir. Tin Cup, sem þótti lík-
leg til aö hreppa efsta sætið, veröur að gera sér að góðu
þriöja sætið, sama sæti og síðast. í fimmta sæti er ný
kvikmynd, Courage under Fire, sem gerist að hluta til í
Flóastríðinu. Á myndinni er Meg Ryan í hlutverki flug-
liðsforingja ásamt einum undirmanna sinna. í sjöunda
sæti er einnig ný mynd, The Associate. í þessari gaman-
mynd leikur Whoopi Goidberg snjalla konu á fjármála-
sviði sem er látin gjalda þess að hún er kona. Hún iætur
þó krók koma á móti bragði. Fyrir áhugamenn um góðar
listrænar kvikmyndir er vert að benda á Smoke og Lone
Star, báðar frábærar myndir sem enginn ætti að láta
fram hjá sér fara.
Phenomenon
John Travolta og
Robert Duvall
Hinn hlédrægi Ge-
orge verður fyrir því
að einhvers konar
eldingu lýstur niður
í hann og vankar
hann. Þegar hann
rankar við sér áttar
hann sig á því að
áður óþekkt orka hef-
ur hreiðrað um sig í
líkama hans og huga,
orka sem gerir hon-
um kleift að sjá og
fmna fyrir óorðnum
hlutum jafnframt því
sem hann getur nú
hreyft hluti úr stað
með huganum. Þegar
hæfileikar hans
spyrjast út vekur það
misjöfn viðbrögð.
Chain
Reaction
Keanu Reeves og
Morgan Freeman
Vélvirkinn Eddie
Kasalivich og vís-
indakonan Lily
Sinclair eru í flokki
vísindamanna sem
hafa fundið upp nýja
tegund orku.
Skömmu eftir að
uppfmningin er gerð
er rannsóknarstofan
eyðilögð í spreng-
ingu og yfirmaður
þeirra er myrtur.
Eddie og Lily eru
grunuð um ódæðið
og eina von þeirra er
að valdamikill emb-
ættismaður leggi
þeim lið, en það er
allsendis óvíst að
hann sé á þeirra
bandi.
Tin Cup
Kevin Costner og
Rene Russo
Ef Roy „Tin Cup“
McAvoy væri snjall
þá hefði hann getað
orðið meðal þeirra
snjöllustu í golfí-
þróttinni í stað þess
að vera nú golfkenn-
ari í litlum bæ í
Texas. Hann hefði
einnig átt að láta sér
nægja að kenna sál-
fræðingnum dr.
Molly golf eins og
beðið var í stað þess
verða ástfanginn af
henni. Nú þarf hann
að gera eitthvað stór-
kostlegt til að koma
lífi sínu á rétta
braut. Það sem Roy
þarf að gera er að
sigra á opna banda-
ríska meistaramót-
inu.
Black Sheep
Chris Farley og
David Spade
Mike Donnelly er
með afbrigðum óhepp-
inn og er í raun eitt
stykki gangandi stór-
slys. Nú hefur Mike
ákveðið að aðstoða
bróður sinn við að
vinna ríkisstjórakosn-
ingar. En það er alveg
sama hvað Mike reyn-
ir að gera, alltaf skal
allt enda með ósköp-
um. Þegar A1 sér að
pólitískur ferill hans
er kominn í hættu fær
hann letiblóðið Steve
Dodds til að aðstoða
sig við að koma bróð-
ur sínum úr umferð
tímabundið. Steve
samþykkir en áttar
sig fljótt á að hann er
að gera hrikalegustu
mistök lífs síns.
Courage
under Fire
Denzel Washington
og Meg Ryan.
Undirofurstinn Nat-
han Sterling verður fyr-
ir því um nótt í
Persaflóastríðinu að
sprengja upp, fyrir
slysni, bandarískan
skriðdreka. Herinn
ákveður að þagga málið
niður og kallar Sterling
heim. I kjölfarið er hon-
um fahð að rannsaka
dauða flugstjóra sem er
um það bil að verða
fyrsta konan til að
hljóta æðsta heiðurs-
merki Bandaríkjahers.
Vitnum ber ekki saman
um atvik þau sem
leiddu til dauða hennar
og tilraunir Sterlings til
að komast að hinu
sanna ýfa gömul sár.