Dagblaðið Vísir - DV - 21.06.1997, Blaðsíða 24

LAUGARDAGUR 21. JÚNÍ 199? 30"^“
24
%igíingar
★ ★
Islenska ólympíuliðið í eðlisfræði
„Ég var alltaf
að leika mér
með Star Wars
og fékk þá mik-
inn áhuga á að
búa til geim-
skip,“ segir Jón
Thoroddsen, sem
er einn fulltrúa
Islands á næstu
ólympíuleikum í
eðlisfræði sem
haldnir verða
13.-21. júlí í
Sudbury í
Kanada.
I síðustu viku
birtist í DV nið-
urstöður TIMSS-
rannsóknarinn-
ar um frammi-
stöðu íslenskra
nemenda í 3. og
4. bekk grunn-
skóla. Niðurstöð-
urnar voru enn
eitt reiðarslagið
fyrir íslenskt
menntakerfi og
undirstrika að
aðgerða er þörf
til að bæta
kennslu og auka
áhuga íslenskra
nemenda
á raungrein-
um.
Ójðfn leikur VÍÖar Ágústsson, Birgir B,örn Sævarsson> Guaiaugur Jóhannesson, Jón Eyvindur Bjarnason, Sveinn B. Sigurðsson, Jón Thoroddsen
Síðastliðinn
vetur var hin árlega landskeppni í
eðlisfræði haldin í öllum framhalds-
skólum landsins og Viðar Ágústs-
son, framkvæmdastjóri keppninnar,
segir að aðalmarkmiðið með keppn-
inni sé einmitt að auka áhuga nem-
enda á raungreinum.
íslendingar hafa tekið þátt frá ár-
inu 1980. Keppnin er haldin árlega
og hefur íslendingum yflrleitt geng-
ið illa. Viðar segir að um ójafnan
leik sé að ræða þar sem íslensku
keppendurnir séu með 2-3 ára eðlis-
fræðinám að baki en jafnaldrar
þeirra erlendis með 5-6 ára nám.
Þeir fimm nemendur sem skör-
uðu fram úr í landskeppninni eru
þessa dagana önnum kafnir við und-
irbúning undir ólympíuleikana.
in hliðin
Læra í Háskólanum
Jón Thoroddsen er einn kepp-
enda. Hann er nýstúdent úr
Menntaskólanum í Reykjavík, af
eðlisfræðibraut. Hann segir að
raungreinakennslan í MR sé yfir-
leitt góð en mætti þó byrja fyrr.
Hann segir að nauðsynlegt sé að
auka kröfurnar í grunnskólum
landsins þar sem pressan sé engin
fyrstu árin.
Strákarnir eru með aðstöðu í Há-
skóla íslands og eru þar í átta
klukkutíma á dag ásamt kennara
sínum, Ara Ólafssyni.
Hæfari kennara
Jón Eyvindur Bjarnason er
einnig MR-ingur og á eftir eitt ár til
stúdentsprófs. Faðir Jóns er raf-
virki og segir Jón að hann hafi i
gegnum tíðina kennt sér eitt og ann-
að er snertir eðlisfræði. Jón segist
vera nokkuð sáttur við raungreina-
kennslú í MR en líkt og nafni hans
telur hann raungreinakennslu í
grunnskólunum ekki nógu góða.
„Ég tel brýnt að fá hæfari raun-
greinakennara í grunnskólana sem
kunna fagið sitt betur.“
Keppnin heima
Birgir Bjöm Sævarsson, úr Flens-
borg, er einn þeirra sem skaraði
fram úr á landsmótinu. Hann segist
aldrei hafa haft sérstakan áhuga á
raungreinum en þær hafi alltaf leg-
iö vel fyrir honum og að áhuginn sé
nú allur að aukast.
Á næsta ári verða ólympíuleik-
arnir haldnir hér á landi og Viðar
Ágústsson, framkvæmdastjóri
keppninnar, segir þetta kjörið tæk-
ifæri til að auka áhuga íslendinga á
raungreinum. Venja er að gestgjaf-
inn haldi keppendum uppi meðan á
leikunum stendur og nú þegar hefur
tekist að safna um helming þess fjár
sem þarf til að geta haldið keppn-
ina.
Tölvur og íþróttir
Guðlaugur Jóhannesson er á eðl-
is- og náttúrufræðibraut í Fjöl-
brautaskóla Suðurlands. Guðlaugur
á eitt ár eftir til stúdentsprófs en að
því loknu ætlar
hann að fara í
verkfræði við Há-
skóla íslands.
Guðlaugur er á
sama máli og fé-
lagar hans að
raungreina-
kennsla í grunn-
skólum sé ábóta-
vant en honum
þykir raungreina-
kennsla í fram-
haldsskólum vera
ágæt.
Byrjaði í
grunnskóla
Sveinn B. Sig-
urðsson er MR-
ingur fæddur 1979
en er ári á undan
í skóla. Sveinn
hefur alltaf haft
mikinn áhuga á
raungreinum og
byrjaði að lesa
þær strax í
grunnskóla. Á
síðasta ári var
hann þátttakandi
á ólympíuleikun-
um í stærðfræði
og nú í ár var
hann einnig beð-
inn um að taka
þátt.
Sveini finnst
raungreina-
kennsla í grunnskólum vera hreint
hlægileg og segir að í mörgun tilvik-
, um sé hún það einnig í menntaskól-
um. Það fari þó eftir kennurum.
Ljós í myrkri
Strákamir fimm eru ljósiö í, að
því er annars virðist, myrkvuðum
heimi raungreinakunnáttu ís-
lenskra nemenda. Þeir eiga mikið
og erfitt starf fyrir höndum og ósk-
ar DV þeim góðs gengis með von
um að þeir muni í framtíðinni
hjálpa til viö að reisa raungreina-
kunnáttu landans á þann stall sem
sæmir menntaðri þjóð.-me
og Ari Ólafsson.
DV-mynd JAK
Spilari af lífi og sál
„Ég byrjaði níu ára að æfa golf
en fór ekki að taka það alvarlega
fyrr en fyrir þrem til fjórum árum.
Ég æfi helst á hverjum degi og
keppi eins oft og ég get,“ segir
Alda Ægisdóttir sem er ein af okk-
ar efnilegri golfspilurum. Alda hef-
ur undanfariö tekið miklum fram-
fórum í golfinu og staðið sig vel á
mótum sumarsins. í framtíðinni
stefnir hún á atvinnumennsku í
golfi en þetta sumarið er stefnan
að komast á Norðurlandamótið.
Alda sýnir að þessu sinni á sér
hina hliðina.
Fullt nafn: Alda Ægisdóttir.
Fæðingardagur og ár: 10. apríl
1980.
Maki: Enginn.
Böm: Engin.
Bifreið: Er alltaf á bíl mömmu og
pabba.
Starf: í sumar bóna ég bíla í Kóp-
son en ég er nemi í MS.
Laun: 400 krónur á tímann.
Hefur þú unnið í happdrætti eða
lottói? Nei.
Hvað finnst þér skemmtilegast
að gera? Spila golf.
Hvað finnst þér leiðinlegast að
gera? Hanga heima.
Uppáhaldsmatur: Kjúklingur.
Uppáhaldsdrykkur: Sprite.
Hvaða íþróttamaður stendur
fremstur í dag? Birgir Leifur Haf-
þórsson golfari.
Uppáhaldstímarit: Ekkert sér-
stakt.
Hver er fallegasti karl sem þú
hefur séð? Guð, ég veit það ekki,
Leonardo de Caprio er rosalega
sætur.
Ertu hlynnt eða andvíg ríkis-
stjórninni? Er nú ekkert meö í
henni.
Hvaða persónu langar þig mest
til að hitta? Tyker Woods.
Uppáhaldsleikari: Leonardo de
Caprio.
Uppáhaldsleikkona: Sandra Bull-
ock.
Uppáhaldssöngvari: Damon Al-
barn.
Uppáhaldsstjómmálamaður:
Enginn sérstakur.
Uppáhaldsteiknimyndapersóna:
Bart Simpson.
Uppáhaldssjónvarpseftii: Ekkert
sérstakt.
Uppáhaldsmatsölustaður/veit-
ingahús: Hornið.
Hvaða bók langar þig mest að
lesa? Les ekki mikið.
Hver útvarpsrásanna finnst þér
best? FM og X-ið.
Uppáhaldsútvarpsmaður: Eng-
inn sérstakur.
Hverja sjónvarpsstöðina horfir
þú mest á? Stöð 2.
Uppáhaldssjónvarpsmaður: Eng-
inn sérstakur.
Uppáhaldsskemmtistaður/krá:
Ég skemmti mér voða lítið og er of
ung til að komast inn á staðina.
SkólaböOin í MS eru skemmtileg-
ust.
Uppáhaldsfélag í íþróttum? Golf-
klúbbur Reykjavíkur en ég æfi
með honum.
Stefnir þú að einhverju sérstöku
í framtíðinni? Já, veröa atvinnu-
golfari, komast á Norðurlandamót-
ið og sem flest mót sem haldin
verða í sumar.
Hvað ætlar þú að gera í sumar-
fríinu: SpOa golf.
DV-mynd E.ÓI.