Dagblaðið Vísir - DV - 05.09.1997, Blaðsíða 2
16 '&ikmyndir
Háskólabíó/Bean:
Herra Baun í Hollywood **i
Rowan Atkinson er einn fremsti
gamanleikari Englendinga. Likt og
Jim Carrey er hann þekktur fyrir
ótrúlegar gúmmígrettur en ólíkt
Carrey er honum fleira til lista lagt.
Atkinson hefur fyrst og fremst ein-
beitt sér að sjónvarpsleik og er
frægur fyrir hlutverk sitt sem kjaft-
askurinn og þrjóturinn Svarta nað-
ran í samnefndri þáttaröð sem
hann skrifaöi i samráði við annan.
Önnur þekkt persóna Atkinsons er
Herra Baun. Baunin er andstæða
Nöðrunnar, þögull og óframfærinn,
og í túlkun á honum reynir veru-
lega á látbragðshæfileika leikarans. Hrakfallakrákan Herra Baun held-
ur í samnefndri mynd vestur um haf til Hollywood þar sem hann á að
opna sýningu á frægasta málverki Bandaríkjamanna, „Mömmu
Whistlers". Umsjónarmenn safnsins halda að Baunin sé þekktur list-
fræðingur (Doktor Baun), enda er það nokkuð ráðandi skoðun í kvik-
myndum samtímans að hverfandi munur sé á menntamönnum og fávit-
um.
Atkinson fer á kostum í þeim vandræðalegu senum sem eru helsta
einkenni þáttaraðarinnar en illa tekst að skapa heildstæða sögu úr röð
skemmtilegra brota. Aukapersónumar gegna flestar fyrst og fremst því
hlutverki að bregðast við uppátækjum Baunarinnar sem gerir það að
verkum að myndin dettur niður í hvert sinn sem aðrir en Atkinson eru
á tjaldinu. Af Bean má hafa bestu skemmtun. í henni eru margar óborg-
anlegar senur sem ég hefði kosið að sjá fléttaðar saman af meiri kost-
gæfni.
Leikstjóri: Mel Smith. Aðalhlutverk: Rowan Atkinson, Peter Mac-
Nicol, Pamela Reed, Harris Yulin, Burt Reynolds og Richard Gant.
Sambíóin/Lady and the Tramp: ****
Hundalff
Hvernig dæmir maður klassíska
teiknimynd? Varfæmislega og með
skömm i hjarta fyrir að hafa aðeins
gefið henni þrjár og hálfa stjörnu. Ég
sá Hefðarfrúna og umrenninginn í
Gamla bíói fyrir allt of mörgum árum
og ansi oft ef ég man rétt.
Myndin segir frá tíkinni Lafði og
flækingsrakka sem við skulum kalla
Snata. Hún er saklaus og fógur, hann
kankvís þorpari með hjarta úr gulli.
Þegar Lafði lendir í ræsinu tekur
Snati hana upp á sína arma (ef hund-
ar geta slíkt), rómantíkin blómstrar
og þau lenda i ýmsum ævintýrum.
Átökin í myndum Disneys em oft upp á líf og dauða. Svo er þó ekki hér
og ég er ekki frá því að þetta sé ein hæglátasta mynd meistarans. Síam-
skettirnir illgjömu era þó með eftirminnilegustu þrjótum teiknimynda-
sögunnar.
Ég ólst upp við bandaríska talsetningu og þykir því alltaf óþægilegt
að heyra íslenskar raddir í teiknimyndum Disneys. En þetta er víst gert
fyrir blessuð bömin og þá vilja þau stundum gleymast sem komin eru
til ára sinna. Reyndar þótti mér íslensku leikaramir standa sig ágæt-
lega og á köflum trúði ég ekki mínum eigin eyram.
Heföarfrain og umrenningurinn var gerð seint á ferli Walts Disney
(1901-1966) þegar hann átti að baki Mjallhvíti og dvergana sjö (1937),
Fantasíu, Gosa (1940), Bamba (1942), Öskubusku (1950) og Pétur Pan
(1953). Fyrstu fjórar myndirnar eru að mínu mati meistaraverk og Hefð-
arfrúin og umrenningurinn stenst ekki samanburð við þær. Ég gef
henni þó þrjár og hálfa stjömu því það sem Disney gerði best gerði
hann betur en nokkur annar.
íslenskar leikraddir: Hilmir Snær Guðnason, Edda Heiðrún Back-
man, Margrét Vilhjálmsdóttir, Felix Bergsson, Róbert Amfmnsson,
Pálmi Gestsson, Jóhann Sigurðsson, Þóra Friðriksdóttir, Steinunn Þor-
steinsdóttir og Bergur Ingólfsson.
Guðni Elísson
FÖSTUDAGUR 5. SEPTEMBER 1997 L>V
Aöalleikararnir t myndinni Lífsháski á góðri stund, Rob Lowe og James Belushi.
Stjörnubíó:
yíÉáj](í
Stjörnubíó frumsýndi í gær
spennumyndina Lífsháski sem heit-
ir á frummálinu „Living in Peril“.
Með aðalhlutverk í þeirri mynd fara
Rob Lowe, James Belushi og Dean
Stockwell. Leikstjóri myndarinnar
er Jack Esgard.
Walter Woods (Rob Lowe) er ung-
ur arkitekt á uppleið í lífinu. Hon-
um finnst sárt að skilja ófríska eig-
inkonu sina eftir heima, en honum
hefur verið falið stórt verkefni í Los
Angeles sem hann þarf að standa
skil á. Verkefni hans er ekki smátt
í sniðum en það er að teikna eina
flottustu villu Hollywoods. Við-
skiptavinur Walters, Michael
(James Belushi) gerir kröfur enda á
hann sand af seðlum. En þá byrja
einmitt vandræðin.
Þegar Walter er á leiðinni til Los
Angeles reynir stór flutningabíll að
hrekja hann út af hraðbrautinni.
Þegar Walter er kominn í leiguíbúð
sína hittir hann húsvörðinn (Dean
Stockwell) sem gæti allt eins verið
húsvörður í helvíti. Hinn moldríki
viðskiptavinur Walters er ekkert
skárri, hann er gjörsamlega óþol-
andi ráðrikur og ófyrirleitinn. Til
að bæta gráu ofan á svart eru ótelj-
andi rottur farnar að venja komur
sínar í leiguíbúð Walters.
Martröðin verður algjör hjá Walt-
er þegar hann vaknar einn morgun-
inn með lík af fallegri dömu við
hliðina á sér. Hvað er að gerast?
Hver vill honum svona illt? Hér er á
ferðinni magnaður sálfræðitryllir
sem fær hárin til að rísa. -ÍS
James Belushi, bróbir Johns
Belushi heitins, hefur gjarnan
reynt fyrir sér sem gamanleikari en
stendur sig ekki síöur í spennu-
trylli sem þessum.
Christian Slater hefur leikiö í mörgum frægum myndum. Hér er mótleikari
hans sjálfur John Travolta í myndinni Broken Arrow.
Christian
K
Hinn ungi Christian Slater hefur
nú bæst í þann vaxandi hóp leikara
sem á í vandræðum vegna óhóflegr-
ar áfengis- og vímuefnanotkunar.
Slater er nú á meðferðarstofnun fyr-
ir slíka sem hann skráöi sig sjálf-
viljugur á. 14. ágúst síðastliðinn
komst Slater í heimsfréttimar þeg-
ar hann var tekinn fastur fyrir of-
beldi og ólæti þegar hann var út úr
heiminum af eiturlyfjanotkun og
drykkju. Það vora engin venjuleg
drykkjulæti heldur lenti hann í al-
varlegum slagsmálum við eiganda
Slater í vandamálum
íbúðar sem hann leigði hjá og beit
hann illa í öxlina!
Atvikið gerðist rétt fyrir 28 ára af-
mælisdag stjörnunnar og þurfti
Slater að dúsa bak við lás og slá á
afmælisdaginn. Honum tókst síðan
að fá sig leystan út með þriggja og
hálfrar milljón króna tryggingu og
það fyrsta sem hann gerði var að
skrá sig inn á endurhæfingarstöð.
Slater hafði áður viðurkennt við yf-
irheyrslur að hann væri langt leidd-
ur af áfengis- og kókaínneyslu.
Margir munu eftir fyrsta hlut-
verki Slaters sem skaut honum upp
á stjömuhimininn. Það var í mynd-
inni Name of the Rose þar sem hann
lék á eftirminnilegan hátt á móti (
Sean Connery. Síðan þá hefur hann
verið eftirsóttur og talinn meðal
stærstu ungu nafnanna í
Hollywood. Meðal annarra frægra
mynda hans era Broken Arrow og
Interview with the Wampire. Áætl-
að er að Slater verði látinn svara til
saka fyrir athæfi sitt í fyrri hluta
septembermánaðar. -ÍS