Dagblaðið Vísir - DV - 05.09.1997, Blaðsíða 9

FÖSTUDAGUR 5. SEPTEMBER 1997

HLJÓMPLJÍTU
Blues Traveler - Straight on tiil Morning:
Skrítin blanda ★★
Straight on till Morning er
sjötta plata Blues Traveler. Á
henni er eins og á sumum
eldri plötunum einkennileg
blanda af grípandi poppi og
léttu rokki og síðan furðuleg-
um lögum sem gætu form-
leysisins vegna verið leikin af
fingrum fram. Miðað við
hvernig plötukaupendur tóku
hinni misheppnuðu hljóm-
leikaplötu, Live from the Fall,
hefði maður ályktað að hljóm-
sveitin héldi sig við hina óm-
þýðari hlið sina í framtíðinni.
Sú er ekki raunin og það dregur heildarútkomuna talsvert niður.
Á Straight on till Morning er eitt og annað sem gleður eyrað.
Carolina Blues, Felicia og Canadian Rose eru til dæmis ágætislög.
Síst verri en margt sem hljómsveitin bauð upp á á metsöluplötu
sinni, Four. En hver og einn verður að fá að hafa sína sérvisku í
friði, einnig John Popper, aðallagahöfundur Blues Traveler. En
meðan hann heldur áfram að hræra saman léttu, auðmeltu rokki
og öðru sem fær mann til að hlaupa yfir á næsta eða þarnæsta lag
verður heildarútkoman aldrei viðunandi.
Ásgeir Tómasson
Keith Jarrett - La Scala ****
Bandaríski píanóleikarinn
Keith Jarrett er einn fræg-
asti einleikari í sögu djass-
tónlistarinnar. Á þessum
nýja hljómdiski, sem tekinn
er upp á tónleikum í La
Scala óperuhúsinu á Ítalíu,
flytur hann þrjú verk, „La
Scala“ númer I og II og
„Over the Rainbow". Fyrsta
verkið hefst á ljúfri laglínu
sem síðan er spunnið út frá i
45 mínútur, víða er komið
við á þeim tíma eins og gefur
að skilja og margir kaflamir
afar fallegir. Annað verkið er hraðara og byggist meira á alls
konar fingraæfingum. Þriðja lagið er flutt á hefðbundinn hátt
með áherslu á rómantík og fegurð lagsins.
Það er dálítið sérkennileg upplifun að hlusta á Jarrett í þess-
um löngu spunaverkum, sérstaklega þvi fyrsta. Þótt afburða-
tækni píanóleikarans sé hvað ljósust í „La Scala, Part 11“ eru ró-
legri stundirnar við hljóðfærið ekki síður eftirtektarverðar og
næstum jafn miklar stunur, stapp og raul öðru hverju frá tónlist-
armanninum. Einnig má heyra ræskingar og hóstakjöltur frá
áheyrendum. Þessi músík er kannski ekki fyrir alveg alla en
þetta er ákaflega áhrifamikill performans sem skilur eflaust unn-
endur góðrar píanótónlistar og spunaverka eftir í hæstum hæð-
um eða í öllu falli á efstu hæð.
• Ingvi Þór Kormáksson
LA SCALA
Keich Jarretc
Stjörnukisi - Geislaveisla:
Frumlegt og óvænt ★★★
Stjömukisi er tveggja
manna sveit skipuð þeim
Úlfi Chaka sem annast texta
og söng og Gunnari Óskars-
syni sem sér um forritun og
plokkun gítarstrengja.
Geislaveisla er fyrsta verk
hljómsveitarinnar undir
þessu nafni en meðlimir
sveitarinnar störfuðu áður í
2001. Geislaveisla er með
betri verkum hljómsveitar
sem heyrst hefur að undan-
förnu á íslenskum markaði.
Stjömukisi nær þessu hráa
rokksándi blandað hljóðgervlum sem ósjálfrátt minnir mann á
Prodigy og tónlistin er heldur ekki ósvipuð á köflum. Fjölbreytni
einkennir þó þau sex lög sem eru á plötunni án þess að heildar-
svipurinn týnist og sterk karaktereinkenni máist út. Besta lag
disksins þykir mér vera Leifturljós, í einu orði sagt frábært
rokklag. Síðasta lag disksins, Kaíro seiðir hugann með arpeggio
hljóðgervilsins en nær þó frábæru tilfinningaþema þrátt fyrir
notkun forritunar. Þó að áhrif megi greina margs staðar að er
Stjömukisi ótvírætt frumleg hljómsveit sem skilar tónlist sinni
án þess að vera að elta uppi einhverjar ákveðnar formúlur og
tekst þeim það bara nokkuð vel.
Upptökumennimir ívar Bongó, Ólafur Halldórsson og Hrann-
ar Ingimundarson ásamt Páli Borg ná ákveðnu sándi á disknum
sem ég get sagt með mikilli gleði að er ekki séríslenskt
poppplötusánd. Hér hefur verið stillt saman tilfinningu og hljóð-
blöndun með góðum árangri. Má ég síðan óska eftir meira með
Stjömukisa í framtíðinni.
-ps
Um það leyti sem unga fólkið fer
að tygja sig í skólann eftir sumar-
leyfið, leikhúsin kynna vetrarstarf-
ið og trén búa sig undir að fella lauf-
in sest Hörður Torfason niður og fer
að glíma við það erfiða verkefni að
velja lög til flutnings á hinum ár-
legu hausttónleikum sínum. Vand-
inn er sá að af svo miklu er að taka.
Sumt sem höfundurinn er harla
ánægður með hefur hann ekki getað
sett á lagalistann. Ella yrðu tónleik-
arnir allt of langir. En nú er listinn
í ár tilbúinn, enda eru tónleikamir
í kvöld í Borgarleikhúsinu.
„Ég ætla að vera einn á sviðinu
núna,“ segir Hörður þegar hann er
inntur eftir tónleikunum. „Á undan-
fömum árum hef ég fengið ýmsa
góða menn til að spila með mér en
nú ætla ég að breyta til. Svo ætla ég
að spila mikið af nýju efni. Það hef-
ur safnast heilmikið fyrir því að ég
hef ekki gefið út um nokkurt skeið.
Plötur með íslenskri tónlist seljast
fremur illa um þessar mundir og
maður verður að haga sér sam-
kvæmt því.
En auðvitað blanda ég eldri tón-
list saman við,“ bætir hann fljót-
mæltur við. „Ætli ég fari ekki yfir
allan ferilinn þegar upp er staðið.
Ég spila mikið af óskalögum. Fólk
kemur ekki síður til að heyra eldri
lögin en þau nými.“
Ihaldssamir aðdáendur
Eldra efni, segirðu. Bláa blóm-
ið verður þá væntanlega til stað-
ar?
„Já, þetta bláa blóm,“ svarar
Hörður, íbygginn. „Það verður að
fljóta með hvort sem manni líkar
betur eða ver. Fólk er reyndar ótrú-
lega íhaldssamt og ef það fengi að
ráða myndi ég sennilega ekki flytja
neitt nema af fimm fyrstu plötun-
um. Kannski léti það bara fyrstu
plötuna nægja. Það er eins og hlust-
endur þurfi ótrúlega langan tíma til
að meðtaka það sem maður er að
semja. En maður verður að láta
nýju tónlistina fá sitt pláss og
einnig eitt og annað sem maður er
ánægður með en hefur ekki komið
að í langan tíma. Það er heilmikil
yfirlega að velja það saman sem
maður ætlar að spila á hausttónleik-
unum.“
Hörður segir að hann hafi úr á
annað hundrað lögum að velja. „Og
það bætist alltaf meira og meira við.
Ég lýk við eitt lag og ljóð á mánuöi
svo að nú hefur til dæmis safnast
talsvert upp sem ég á eftir að gefa
út.“
Yrk
Þótt ný plata sé ekki væntanleg
frá Herði Torfasyni á næstunni er
útgáfustarfsemin ekki afskipt. Bók-
in Yrk kom út í gær og verður að
sjálfsögðu til sölu á tónleikunum í
kvöld.
„I Yrk eru þrjátíu ljóð og textar
eftir mig. Ekkert af þessu efni hefur
komið út á plötu. Reyndar eru til lög
við nánast öll ljóðin. Sum lögin eru
kannski ekki alveg tilbúin ennþá en
ég gríp í þau endrum og sinnum.“
Hörður hefur efnt til hausttón-
leika á hverju ári síöustu tvo ára-
tugina og rúmlega það. Þeir fyrstu
voru haldnir þegar hann var þrjátíu
og eins árs.
„Tónleikarnir í ár eru númer
tuttugu og eitt eða tuttugu og tvö,“
segir hann. „Alltént eru þeir hinir
tólftu í röðinni hér á landi. Þeir
fyrstu voru í Austurbæjarbíói þegar
ég varð fertugur. Þá var því spáð að
ég færi á hausinn með fyrirtækið.
Ég var stórtækur og fékk Bubba og
Megas til að koma fram með mér.
Húsið fylltist og við spiluðum þang-
að til starfsfólkið í bíóinu vildi fara
að losna við okkur. Síðan var ég í
Norræna húsinu í tvö skipti, og víð-
ar. Ég endaði í Borgarleikhúsinu og
þar kann ég vel við mig. Þar komast
hæfilega margir fyrir. Þegar ég var
í Norræna húsinu lenti ég í hálf-
gerðum vandræðum því að fólk var
að koma austan af landi eða að
norðan og komst svo ekki inn.
Á Netinu
Það kemur sem sagt engin plata
út frá Herði Torfasyni á þessu
hausti. Hann segist ekki nenna að
standa í þrasi við dreifingarfyrir-
tækin sem honum þykir standa sig
slælega í að sinna þeirri vinnu sem
þau taka að sér og iðulega láta eigin
plötur ganga fyrir verkum einherj-
anna sem þau taka að sér að koma
á framfæri.
„Ég treysti mér bara ekki til þess
að gefa út plötu eins og staðan er á
markaðinum um þessar mundir,“
segir hann. „Ég er hins vegar með
heimasíðu á Netinu. Það selst alltaf
eitthvað af plötum í gegnum hana
og svo hringir fólk þannig að það er
alltaf dálítil hreyfing áþeim plötum
sem eru komnar út.“
Hann segir að Netið virki ágæt-
lega til að vera í sambandi við þá
sem hafa áhuga á tónlist hans. Þar
fræðist fólk um lífshlaup hans og
tónlistarferil, getur kannað plötum-
ar sem út eru komnar og pantað sér
eintök og að sjálfsögðu einnig sent
tölvupóst.
Slóðin að heimasíðu Harðar er
http://www.aegis.is/hordur/
-ÁT
Hörður Torfason: Hausttónleikar hans eru löngu orðnir fastur liður í
skemmtanalífinu.
Borgarstjómin í Leeds hef-
ur hrósað hljómsveitinni
Prodigy mjög fyrir skjót við-
brögö þegar hún kom fram á
V97 tónlistarhátíðinni þar 16.
ágúst. Mikill troðningur
myndaöist þá við sviðið með
þeim afleiðingum að flytja
þurfti tvo aðdáendur hljóm-
sveitarinnar á sjúkrahús. Þá
var hljómsveitin aðeins búin
að spila þrjú lög. Keith Flint
og Maxim stöðvuðu tónleik-
ana strax þegar þeir sáu hvaö
var að gerast og sögðu fólkinu
að færa sig.
Talsmaöur borgarstjórnar
Leeds sagði að hljómsveitin
hefði með snarræði sínu kom-
ið í veg fyrir stórslys, Hún
hefði verið hreint frábær.
Mennirnir tveir, sem fluttir
vora á sjúkrahúsið, voru út-
skrifaðir seinna sama dag.
Hljómplötufyrirtæki Prodigy,
XL, hefur gefið út yfirlýsingu
þar sem það segir að allt hefði
getaö farið úr böndunum ef
ekki hefði verið fyrir skjót við-
brögð öryggisgæslunnar og
hljómsveitarinnar.
Þessi hátíð endaði þvi mið-
ur ekki svo vel fyrir alla. 18
ára stúlka varð fyrir bíl þegar
hún var að fara inn á hátíðar-
svæðið. Hún lést samstundis.
Talsmaður hátíöarinnar sagöi
það dapurlegt að svo hörmu-
legt atvik skyggði á það sem
annars hafði verið skemmti-
legur viðburður.