Dagblaðið Vísir - DV - 31.07.1998, Blaðsíða 20

Dagblaðið Vísir - DV - 31.07.1998, Blaðsíða 20
lV fc- Hvern myndirðu helst vilja hafa með þér í bæinn þegar þú ætlar að kaupa þér föt: besta vin þinn, mömmu þína, kærustuna eða einhvern allt annan? Ertu eins og þetta fólk vill hafa þig eða myndi það vilja kalla fram í þér annan mann en þú þykist vera? Fókus fékk mömmu, unnustu og vin Jóhanns G. Jóhannssonar, sem leikur Sonny í Grease, til að klæða hann upp og skapa nýjan Jóa með nýjum fötum. Og tveir hommar fengu líka sitt tækifæri Skíðamaður, töffari, Síðan Jói var lítill drengur hafa konurnar í lifl hans séð um að klæða hann. Fyrst mamma hans, svo systir hans og nú kærastan. Jói hlýðir bara og klæðir sig í það sem til er ætlast. Þess vegna var hann tilvalinn efhiviður í verk- efnið sem móður hans, unnustu, besta vini og tveimur hommum var falið. Að klæða hann upp eft- ir sínu höfði til að kanna hvort fötin skapi manninn; hvort þau gætu sært fram þann Jóa sem þau helst vildu sjá með fötunum ein- um. Unnustuna dreymir um aksjón-mann Ferðin byrjar í Útilifi í Glæsi- bæ. Þangað vildi kærastan hans, Guðrún Kaldal, fara með hann. „Ég vil setja hann í skíðagalla. Það er kominn tími til að maður- inn eignist almennileg útivistar- föt og hendi ljósbláa vattgallanum sem hann hefur notað síðan hann var fimmtán ára," segir kærastan um leið og hún rennir augunum rannsakandi yfir skíðadeildina. Henni er alveg sama þótt úti sé sól, blíða og átján stiga hiti. í skíðagalla skal hann fara. „Ég hef alla ævi verið mikið á skíðum og þarf að ala Jóa svolítið upp á því sviði. Ég gaf honum skíði í jólagjöf og um páskana fór- um við til Dalvíkur og Akureyrar í því skyni að iðka þessa íþrótt. Hann er allur að koma til en það versta er að hann er alltaf svo upptekinn við leiklistina og hefur þess vegna lítinn tíma fyrir þetta. Það breytir því samt ekki að nú er kominn tími til að dressa mann- inn upp svo hann falli almenni- lega inn í fjölskylduna mína," seg- ir kærastan. Fyrst er Jói settur í gular og svartar skíðabuxur með axla- böndum. Á meðan kærastan trítl- ar um og leitar að meiru bíður Jói hinn rólegasti í skíðabuxun- um og drekkur vatn. Hann er greinilega vanur að vera með- höndlaður á þennan hátt. „Jóka, systir mín, og mamma voru á sínum tíma með verslun- ina Skaparann. Þá var ég óspart notaður sem fyrirsæta. Svo vann Jóka einu sinni hjá Gerði í Flónni og þá notaði hún mig líka sem tilraunadýr. Á pönktímabil- inu klæddi hún mig eins og pönk- ara og á Grease-timabilinu var ég líka hafður í réttu múndering- unni," segir Jói. Og hefur þú enga skoöun á í hverju þú ert látinn veral „Ég hef bara aldrei fengið að hafa neina skoðun á því. Það er alltaf farið með mig eins og dúkku og þær eiga ekki að hafa skoðan- ir." Svört flíspeysa, svört flíshúfa, svört skiðagleraugu, gul og svört úlpa, buxur og snjóbrettaskór í stíl. Þarna var það komið. Þannig vill kærastan hans Jóa hafa hann. „Verst hvað þetta kostar mikið. Ég verð bara að byrja að safna fyrir næstu jól," segir hún og fær glampa í augun þegar hún sér draumagæjann sinn, kærastann, í fyrsta flokks útivistarfötum. Jói brosir sveittur í sólinni og jöklaklæðnaðinum á meðan ljós- myndarinn tekur mynd og kærastan ljómar. GuWaug vélur á föt a orenglnn slnn. Mamman vill gulan gæja Þá var það mamman. Líklegt var talið að hún myndi klæða hann í pressaðar buxur, snyrti- lega skyrtu og kannski prjóna- vesti við. En nei, nei. Mamma hans Jóa er engin venjuleg mamma og ólíkt því sem blaða- maður hafði gert sér í hugarlund fór hún með hann í hina flippuðu tískuvöruverslun, Spútnik. „Ég hef alltaf getað valið fót á Jóa sem honum líkar vel. Alveg síðan ég pantaði á hann fót upp úr Kays-listanum hefur hann verið ánægður með það sem ég vel á hann. Enda er hann líka svo sæt- ur að það fer honum allt vel," seg- ir mamman, Guðlaug Ingibergs- dóttir. Hún var ekki lengi að finna föt á drenginn sinn - dró strax fram gula skyrtu, svartan og gráan jakka með óvenjulegu sniði og víðar, svartar buxur. „Ég held að þetta verði fint á honum. Gult fer honum líka svo vel," segir hún og laumar að um leið þeirri skoðun sinni að stund- um sé hræðilegt að sjá útganginn á syninum. „Hann á það til að taka ást- fóstri við einhverja flík og nota ekkert annað 1 langan tíma. Þeg- ar ég sé hann í einhverri skelfi- legri druslu þá tek ég í taumana og segi: „Bíddu nú við, hjartans fallega barnið hennar mömmu sinnar, í hverju ertu nuna?" „Við erum öll svolitið fríkuð í fjölskyldunni. Ég vil hafa Jóa töff og þó að ég sé að verða sextug finnst mér árin ekki skipta neinu máli. Nú sér kærastan um að klæða hann og ég er bara ánægð með hvernig hún gerir það. Hún er samt meira í íþróttafatnaði heldur en við systir hans. Hann er flottur í þessum fötum, gæti verið í þeim hversdags og eins farið í þeim í leikhús." Vinurinn vill út með Gary Grant Vinahópur Jóa er skrautlegur og enginn einn stíll einkennir fé- lagana. í hópnum er að finna pilta allt frá rokkurum upp í jakkafata- menn. Einn af vinum Jóa, Gunn- ar Valur, var fenginn til að velja á hann föt. Hann fór með vin sinn í verslunina GK en hún er rómuð fyrir fín og klassísk herraföt. f Ó k U S 31. júlí 1998

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.