Dagblaðið Vísir - DV - 18.08.1999, Page 12

12
MIÐVKUDAGUR 18. ÁGÚST 1999
Útgáfufélag: FRJÁLS FJÖLMIÐLUN HF.
Stjórnarformaöur og útgáfustjóri: SVEINN R. EYJÓLFSSON
Framkvæmdastjóri og útgáfusflóri: EYJÓLFUR SVEINSSON
Ritstjórar: JÓNAS KRISTJÁNSSON og ÓLI BJÖRN KÁRASON
Aöstoðarritstjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaöaafgreiösla, áskrift: ÞVERHOLTI11,105 RVÍK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aörar deildir: 550 5999
GRÆN númer: Auglýsingan 800 5550. Áskrift: 800 5777
Stafræn útgáfa: Heimasíöa: http://www.skyrr.is/dv/
Vísir, netútgáfa Frjálsrar plmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverö á mánuöi 1900 kr. m. vsk. Lausasöluverð 170 kr. m. vsk., Helgarblaö 230 kr. m. vsk.
DV áskilur sér rétt til aö birta aðsent efni blaðsins í stafrænu formi og í gagnabönkum án endurgjalds.
DV greiðir ekki viömælendum fyrir viötöl við þá eöa fyrir myndbirtingar af þeim.
r
Imynd og drápsleikir
Ein verðmætasta eign hvers fyrirtækis er sú ímynd
sem það hefur í hugum almennings. Fjárfesting í ímynd
er því ekki aðeins talin eðlileg heldur nauðsynleg í harðn-
andi heimi viðskipta þar sem samkeppni ríkir.
Gott orðspor getur ráðið úrslitum í keppninni um hylli
neytenda og sú ára sem er í kringum fyrirtæki ræður
miklu um gengi þess á hlutabréfamarkaði. Þessi einfoldu
sannindi eru flestum íslenskum stjómendum ljós, enda
leggja æ fleiri fyrirtæki þunga áherslu á að byggja upp
góða ímynd í hugum almennings á vöm sinni og þjón-
ustu. Góð ímynd er öðm fremur trygging fyrir góðum ár-
angri í viðskiptum.
Á undanfömum árum hafa íslensk fyrirtæki varið
ómældum fjármunum í að byggja upp ákveðna ímynd -
þau hafa fjárfest í orðspori. Olíufélögin þrjú hafa öll með
einum eða öðrum hætti tengst náttúmvemd og upp-
græðslu lands. Með því hafa þau reynt að spyma gegn
þeim hugmyndum að olíufélög séu í eðli sínu óvinir nátt-
úrunnar. Tölvu- og tæknifyrirtæki hafa með ýmsum
hætti reynt að koma þeim skilaboðum til landsmanna að
þau séu framsækin og nútímaleg. Samgöngufyrirtæki
hafa með fjárstuðningi við listir og menningu reynt að
mýkja ímyndina og svo mætti lengi telja.
Á síðustu árum hafa íþróttafélög notið þess ríkulega
hve ímynd skiptir fyrirtæki máli. Deildarkeppnir í bolta-
íþróttum eru kenndar við ákveðin fyrirtæki og önnur fyr-
irtæki greiða sjónvarpsstöðvunum fyrir að leggja nafh
sitt við erlendar boltakeppnir.
Landssíminn hefur á síðustu árum verið einn helsti
styrktaraðili íslensku knattspymunnar og efstu deildir í
karla- og kvennaflokki em kennar við fyrirtækið. Fáir
sem eitthvað fýlgjast með fréttum komast hjá því að
heyra Landssímadeildina nefnda oft í viku hverri yfir
sumarmánuðina.
Það verður að teljast töluverð skynsemi hjá fyrirtæki
að tengjast með beinum hætti langvinsælustu íþrótta-
greininni - ekki síst fyrirtæki sem þrátt fýrir allt er um-
deilt. Enginn getur amast við því að eitt stærsta fyrirtæki
landsins leggi lag sitt við heilbrigði íþrótta. Þegar fyrir-
tæki byggja upp ímynd skiptir öllu hvernig það er gert.
Um liðna helgi var haldið svokallað Skjáiftamót Lands-
símans í tölvuleiknum Quake, sem er skotleikur og geng-
ur út á að drepa sem flesta af andstæðingunum. í frétt DV
í gær kom fram að þetta væri stærsta tölvuleikjamót sem
haldið hefur verið hér á landi.
í sjálfu sér er ekkert við því að segja þó unglingar stytti
sér stundir við tölvuleiki, jafnvel drápsleiki eins og
Quake, en hvemig í ósköpunum Landssíminn telur það
eftirsóknarvert að tengjast drápsleikjadýrkun unglinga er
óskiljanlegt með öllu. Hvernig ímyndarsmiðir Landssím-
ans komust að þeirri niðurstöðu að það væri fýrirtækinu
og unglingunum sjálfum til framdráttar að standa fyrir
tölvuleikjamóti þar sem gert er út á lægstu hvatir mann-
legs eðlis - drápseðlið - þarfnast útskýringa forráða-
manna þess,
Á næstu mánuðum þarf Landssíminn sem aldrei fyrr á
því að halda að almenningur beri til hans jákvætt hugar-
far. Samkeppni á íjarskiptamarkaði er að aukast og á
næstu misserum verður hafist handa við að koma fyrir-
tækinu í eigu einkaaðila. Hvernig sú einkavæðing tekst
til ræðst að nokkru af því orðspori sem af Landssímanum
fer. Hróður Landssímans er ekki í réttu hlutfalli við þann
fjölda sem drepinn er í Quake.
Óli Bjöm Kárason
Ævintýralegar fréttir
af íslenskum fjármagns-
markaöi eru ósjaldan í
fjölmiðlum. Þær tilfær-
ingar sem sagt er frá
minna nú orðið ekki
ósjaldan á pókerspil eða
dramatisk atriði við
„græna boröið" úr ein-
hverri kvikmyndinni.
Nú síðast var sagt frá því
að nýr hópur vaskra fjár-
festa hefði keypt stóran
hlut í Fjárfestingar-
banka atvinnulífsins
(FBA) „við nefið“ á göml-
um og virðulegum fjár-
festum sem ætluðu sér
þennan hlut.
Þessi ósvífni setti
bæði forsætisráðherrann
og hans helsta hug-
myndafræðing verulega
úr jafnvægi. Þeir eiga þó
ekki minnsta heiðurinn
af að hafa skapað þann
heim hinna miklu tæki-
færa sem íslenskur fjár-
Sameiginlegar eignir okkar eins og spilapeningar inn á íslenskan fjármagnsmarkað
sem meir og meir tekur á sig mynd græna borðsins í spilavítinu.
Græna borðið
magnsmarkaður er og
verður meðan spilað er
um eignir ríkisins á
honum eftir leikreglum
sem þeir sjálflr eru höf-
undar að. En sala Spari-
sjóðanna á hlut sínum í
FBA er enn ein dapur-
leg staðfesting á axar-
sköftum ríkisstjórnar
Davíðs Oddssonar við
meðferð sameiginlegra
eigna þjóðarinnar.
Hefði gefið hæsta
verðið
Yflrlýsingar sem for-
ystumenn stjómarflokk-
anna gáfu í umræðum á
Alþingi um að þeir
myndu tryggja fullt
verð og dreifða eignar-
aðild að fjármáiastofn-
unum vom ótrúverðug-
ar og eru það enn frek-
ar nú. Ráðherrar stjóm-
arflokkanna höfðu áður
hafnað öllum hugmynd-
um um sameiningu
þeirra flármálastofnana
sem nú mynda FBA við
ríkisbankana eða aðra
aðila í bankakerflnu.
Stjórnendur ríkisbank-
anna höfðu margbent
þeim á þá augljósu
kosti sem hefðu fylgt
þessari leið. Slík sameining hefði
skapað mjög öfluga fjármálastofnun
sem hefði (ef það hefði verið mark-
mið með sölu þessara ríkiseigna)
geflð ömgglega hæsta verðið.
Það er enginn vafi á að hluthafar
í FBA og hluthafar þeirra ijármála-
stofhana sem hugsanlega sameinast
FBA munu hagnast verulega að
sameiningu yftrstaðinni. Þetta hafa
stjórnvöld auðvitað gert sér fulla
grein fyrir. Ákvörðun ríkisstjórnar-
innar um að standa ekki aö slíkri
sameiningu fjármálastofnana var
ákvörðun um að aðrir fengju tæki-
Kjallarinn
,Jóhann
Ársælsson
alþingismaður
færi til að hagnast á
sameiningu þeirra.
Stjórnvöld tapa
verðmætum
í desember sl. keyptu
Sparisjóðirnir þann
hlut í FBA sem nú er
til umræðu fyrir 3
milljarða en nú 7
mánuðum seinna
selja þeir þennan
hlut sinn á 4,4 millj-
arða. Gróði Spari-
sjóðanna er gífurleg-
ur 1,3 til 1,4 milljarð-
ar og sá stutti tími
sem liðinn er síðan
stjórnvöld seldu
þennan hlut er full-
komlega staðfesting á
„Ráöherrar stjórnarflokkanna
höfðu áður hafnað öllum hug-
myndum um sameiningu þeirra
fjármálastofnana sem nú mynda
FBA við ríkisbankana eða aðra
aðila í bankakerfinu. Stjórnend-
ur ríkisbankanna höfðu marg-
bent þeim á þá augljósu kosti
sem hefðu fylgt þessari leið.“
að enn einu sinni hafa stjómvöld
tapað af miklum verðmætum sem
ríkissjóður (þjóðin) átti að fá. Þetta
er einkar dapurlegt fyiir þá sem
höfðu árum og áratugum saman
greitt til þeirra sjóða sem nú mynda
FBA og hafa í raun byggt um hið
mikla eigið fé sem FBA fékk í
vöggugjöf. Þegar þessar eignir eru
nú gerðar upptækar í ríkissjóð hefði
átt að sýna þeim sem hafa lagt þessa
fjármuni td þá lágmarksvirðingu
frá hendi stjómvalda að tryggt væri
fullt verð fyrir þessi verðmæti.
Forsætisráðherra vill nú gera
ráðstafanir til að tryggja dreifða
eignaraðild að fjármálastofnunum
en þegar þessi mál vom til meðferð-
ar á Alþingi höfnuðu stjómarflokk-
arnir hugmyndum um hömlur á
stærð eignarhluta í bönkunum.
Umræðan nú er undarleg vegna
þess að hún fór ekki fram þegar
Sparisjóðimir keyptu stóran hlut
reyndar með því yfirlýsta markmiði
að ná ekki bara ráðandi hlut í FBA
heldur sameina hann Sparisjóðun-
um. Af hverju heyrðist ekkert í for-
sætisráðherranum þá? Síðan hefur
jú ekkert breyst nema eigendur era
nú aðrir en í desember.
Sporin hræða
Ástæðan fyrir því að umræðan
vaknar nú en ekki þegar Sparisjóð-
imir keyptu getur þvi ekki verið
önnur en sú að hinir nýju eig-
endur séu ekki forsætisráð-
herranum að skapi, eða að ein-
hverjum öðram hafl verið ætl-
uð völd og spónn úr aski. í af-
káralegu einkavæðingarbrölti
ríkisstjórnarinnar hræða spor-
in.
Þótt efast megi um að margir
kjósendur myndu fela bílasala
með slíka fortíð að selja fyrir
sig aflóga bil fólu þeir henni
áframhaldandi völd og tæki-
færi til að halda áfram að senda
sameiginlegar eignir okkar
eins og spilapeninga inn á ís-
lenskan fjármagnsmarkað sem
meira og meira tekur á sig mynd
græna borðsins í spilavítinu.
En forsætisráðherrann hefur nú
snöggvast hrokkið upp úr frjáls-
hyggjudraumnum og boðar reglur
um dreifða eignaraðild að fjár-
málastofnunum og þar með við-
leitni til að setja hömlur á menn-
ina við græna borðið. Það er full
ástæða fyrir stjórnarandstöðuna
að fagna afstöðubreytingu Davíðs
Oddssonar og styðja skynsamlegar
tillögur sem hafa slík markmið.
Jóhann Ársælsson
Skoðanir annarra
Hvað hefur breyst, Siv?
„Hinn 19. nóvember á síðasta ári birti Morgun-
blaðið itarlegt samtal við Siv Friðleifsdóttur, núver-
andi umhverfisráðherra, sem þá var í framboði til
varaformennsku í Framsóknarflokknum ... Hvað
hefur breytzt á 10 mánuðum? Hvers vegna hefur
umhverfisráðherra ekki sömu afstöðu nú og þá?
Hvers vegna beitir ráðherrann sér ekki fyrir því, að
notuð verði „beztu tæki“ að hennar mati í nóvem-
ber í fyrra til þess að „dæma um áhrif ‘ Fljótsdals-
virkjunar?“
Úr forystugreinum Mbl. 17. ágúst.
Stórmynd um Leif Eiríksson
„Einhveijum milljónaslöttum ku við íslendingar
ætla að verja til að telja Bandaríkjamönnum trú um
að Leifur heitinn Eiríksson hafi fundið Ameríku fyr-
ir þúsund áram eða svo ... En nú er í ljós komið að
ýmis ljón eru í vegi Leifs þar vestra ... þeir fáu
Bandaríkjamenn sem hafa héyrt Leifs getið, telja
hann sænskan og tengja hann viö símafyrirtækið
Ericsson og álíta þá vísast að um sé að ræða fjöl-
skyldufyrirtæki Eiríkssona, sem Leifur stofnaði fyr-
ir langalöngu ... Hvernig væri nú að íslendingar
settu fé í gerð stórmyndar um Leif Eiriksson og fund
Ameríku og réðu Harrison Ford til að leika Leif og
settu Sean Connery í hlutverk Eiríks rauða? Við
beinum þessari hugmynd til Jóns Ólafssonar, Hrafns
Gunnlaugssonar, Siguijóns Sighvatssonar og FBA.“
Jóhannes Sigurjónsson í pistli sínum Leifur síma-
mær í Degi 17. ágúst.
Reykjavíkurflugvöllur
„Framkvæmdir við nýjan Reykjavíkurflugvöll
hefjast senn. Nái þær fram að ganga er verið að festa
flugvöllinn í sessi næstu áratugi - ef til vill hálfa öld
- með gífurlegum áhrifum sem því eru samfara á
umhverfi, mannlíf, menningu og samfélag í höfuð-
borginni ... Aldrei hefur farið fram alhliða mat á
áhrifum flugreksturs i Vatnsmýri og Reykjavíkur-
flugvöllur hefurhvorki starfsleyfi frá Hollustuvernd
né Vinnueftirliti. Völlurinn stendur þróun og mögu-
leikum Reykjavikurborgar fyrir þrifum og rekstur
hans er botnlaus taphít fyrir ríkið sem hulinn er fyr-
ir almenningi í reikningum Flugmálastjómar.“
Einar Karl Haraldsson og Steinunn Jóhannesdóttir í
Mbl.-grein 17. ágúst.