Dagblaðið Vísir - DV - 07.03.2000, Blaðsíða 9

ÞRIÐJUDAGUR 7. MARS 2000
9
I>V
Neytendur
Öskudagurinn á morgun:
Hetjubúningar
og prinsessur
- mikið úrval búninga á góðu verði
Sprengidagurinn er i dag og
margir sem eiga eftir að innbyrða
býsnin af saltkjöti með öllu tilheyr-
andi. Bolludágurinn er liðinn og
þeir sem eiga afgang í ísskápnum
geta fengið sér bollu í eftirmatinn í
dag, svona rétt á eftir saltkjötinu
en sprengidagurinn var löngum
notaður sem síðasta tækifæri til
kjötátu fyrir lönguföstu í kaþólsk-
um sið. Dagurinn dregur heiti sitt
af því að ekki mátti borða kjöt í
heilar sjö vikur fyrir páska. Það
þótti langur tími eins og nafnið
gefur til kynna en venjan var að
borða undirstöðuríkan mat fyrir
fostuna og var hangikjöt og salt-
kjöt oft fyrir valinu.
Ösku kastað yfir kirkjugesti
Langafastan hefst á morgun,
öskudag, og stendur til páska. í
kaþólskum sið var ösku kastað yfir
kirkjugesti og er nafnið dregið af
því.
Með því að strá ösku yfir sig eða
leggjast á ösku sýndi fólkið iðrun
sina en syndarar fengu fyrirgefn-
ingu synda sinna eftir að þeir
komu til kirkju á öskudag og iðr-
uðust til skírdags. Eftir siðaskiptin
þróaðist dagurinn í skemmtun og
voru haldnar kjötkveðjuhátíðir og
mannamót í Evrópu. Vegna veður-
fars hér á landi hefur dagurinn að
mestu verið haldinn hátíðlegur
innandyra.
Að hengja öskupoka á hvern
annan er talinn séríslenskur siður.
Konurnar settu ösku í pokana sem
þær hengdu síðan á karlana. Karl-
mennirnir settu aftur á móti litla
steina í sina poka og hengdu þá á
konumar.
Öskupokahefðin hefur þó farið
dvínandi en grímubúningarnir
notið meiri vinsælda hjá yngri
kynslóðinni. Sumir slá köttinn úr
tunnunni og enn aðrir ganga búð
úr búð og syngja fyrir afgreiðslu-
fólk í þeirri von að fá góðgæti í
poka fyrir viðvikið.
Míkíll verðmunur á grímubúningum
Lægsta verð i 890 kr.|
Meðalverð: lj.500-2.500 kr.j
[Hæsta verð 3.690 kr.|
Meðalverð um 2000 krónur
DV hafði samband við nokkrar
leikfangabúðir og spurðist fyrir um
verðlagningu á grímubúningum.
Hægt er að fá búninga fyrir innan
við þúsund krónur og allt upp í tæp-
ar 4000 krónur. Algengt verð er á
bilinu 1.400 til 2.400 krónur en verð-
lagningin fer mikið eftir því hve
efnismikill hver búningur er. Vin-
sælustu búningarnir eru ýmiss kon-
ar hetjubúningar og má þá nefna
ninja, Batman og Superman hjá
drengjunum en prinsessubúning-
Krakkar tilbúnir fyrir öskudaginn
Öskupokaheföin hefur þó fariö dvínandi en grimubúningarnir
notiö meiri vinsælda hjá yngri kynsióöinni.
arnir hafa jafnan notið mikilla vin-
sælda hjá stúlkunum en úrvalið er
mikið og allir ættu að finna sér eitt-
hvað við sitt hæfi.
Veðurfarið hefur óneitanlega
áhrif hér á landi m.t.t. útiveru en
margir búningar eru ekki hannaðir
með kalda veðráttu í huga. Til eru
þykkir heilir dýrabúningar á
yngstu börnin en verðlagningin á
þeim er að öllu jöfnu dýrari en þeir
allra þynnstu en hægt er að fá þá á
þriðja þúsundið. Dýrin eru úr ýms-
um ævintýrum og nýr búningur á
markaðnum er fuglinn Tweedy frá
Walt Disney. -hól
Þórunn Jónsdóttir saumar búninga á börnin sín:
Hvorki flókið né kostnaðarsamt
Það hefur ekki farið fram hjá
foreldrum ungra barna að ösku-
dagurinn er á morgun. Sumar
mæður hafa setið við sauma og eru
þegar búnar að hanna draumabún-
inginn á barnið. Aðrar fara í
næstu leikfangaverslun og kaupa
tilbúinn búning og enn aðrar fara
á saumastofu til að fá hann saum-
aðan fyrir sig.
Saumastofur taka til hendinni
fyrir daginn og er nokkuð um að
leitað sé til þeirra. Hjá Saumastof-
unni Textilline kostar búningur
um 2.500 krónur en getur farið upp
í 3-4000 krónur, allt eftir hve efnis-
mikili hann er og flókinn. Mest er
óskað eftir dýrabúningum sem eru
heilir búningar en einnig hafa þær
saumað trúðabúninga fyrir daginn.
„Búningasaumur eins og þessi
þarf hvorki að vera flókinn né
kostnaðarsamur. Saumaskapurinn
er oft á tíðum einfaldur og það má
oft endumýja gömul föt,“ segir
UVHVIYND BK
Þórunn Jónsdóttir og öskudagsbúningar barnanna:
Nokkrir af þeim fjölmörgu búningum sem hún hefur búiö til um ævina.
Þórunn Jónsdóttir en hún hefur
saumað búninga á börnin sín í
gegnum árin og á myndarlegt safn
búninga. -hól
Rjóminn vill ekki þeytast
Ef rjóminn vill ekki þeytast er
hægt að kæla hann, skálina og
þeytarann vel og vandlega. Því
næst má setja skálina með rjóm-
anum í aðra skál fulla af ísmoi-
um meðan þeytt er. Svo má setja
eggjahvítu í rjómann, kæla hann
og þeyta svo. Ef rjóminn þeytist
ekki þrátt fyrir allt er hægt að
setja 3-4 dropa af sítrónusafa
varlega saman við.
, -
Oþægileg matarlykt
Ef vond lykt er af grænmetinu
sem verið er að sjóða er tilvalið að
láta edik malla í potti á næstu
hellu. Þá má
einnig setja
edik beint í
soðvatnið. Síð-
ast en ekki
sist er tilvalið
að setja
nokkrar
teskeiðar af sykri og kardemomm-
um á pönnu og hita á hellu.
Burt
með
skánina
Tilað
koma í veg fyr-
ir skánina í sósum og sultum er
hægt að bera þunnt lag af bræddu
smjöri eða rjóma á sultur, búðinga
og sósur strax og lokið er viö að
elda. Hrærið og skánin er úr sög-
unni.
Lauksteiking
Auðvelt er að brúna lauk með
fallegri áferð ef svolitlum sykri er
stráð á sneiðarnar fyrir steikingu.
Fótaspegill
Þeir sem hafa ekki pláss fyrir
mannháan spegil í íbúðinni sinni
og eiga því örðugt með að sjá
skóútbúnað sinn eða neðri hluta
líkamans geta tekið á það ráð með
því að fá sér svokallaðan skóspegil
innan á skáphurð eða við útidyra-
hurðina, eða nánast hvar sem er.
Þá er hægt að virða fyrir sér
kjólfaldinn og afturendann.
Þeir sem hafa neitaö sér um herlegheitin af ótta viö krabbamein
geta tekiö gleöi sína aftur.
Heilbrigðiskönnun á nítrítinnihaldi saltkjöts:
Saltkjötið er ekki
krabbameinsvaldandi
Könnun sem gerð var í síðustu
viku á nítrítinnihaldi á söltuðu
lambakjöti leiddi i ljós að nítrít í
saltkjöti var innan leyfðra marka.
Nítrít er aukefni sem ásamt matar-
salti nefnist nítritsait en það er not-
að við verkun saltkjöts. Efnið hefur
rotverjandi áhrif og gefur auk þess
saltkjöti rauða litinn er það gengur
í samband við vöðvarauða kjötsins.
í of miklu magni er efnið talið
stuðla að myndun svokallaðra
„nítrósamina" í kjötinu en meðal
þeirra eru þekktir krabbameins-
valdar.
Könnunin var framkvæmd á veg-
um heilbrigðiseftirlitanna á höfuð-
borgarsvæðinu og var sýni tekið af
saltkjöti frá öllum þekktum salt-
kjötsframleiðendum sem dreifa
vöru sinni á höfuðborgarsvæðinu.
Af þeim fjórtán sýnum sem tekin
voru reyndist nítrít vera innan
leyfilegra marka.
Sambærileg könnun var gerð árið
1998 og reyndist þá nítrítið vera yfir
leyfileg magni í fimm sýnum. Al-
mennt er því notkun þessa aukaefn-
is með réttum hætti.
-hól
LIFEYRISSJOÐUR VERZLUNARMANNA
Ársfundur 2000
Ársfundur Lífeyrissjóðs verzlunarmanna
verður haldinn mánudaginn 10. apríl 2000
kl. 17 í Gullteigi á Grand Hótel.
Vinsamlega athugið breytingu á áður
auglýstum fundardegi.
Dagskrá fundarins:
1. Venjuleg ársfundarstörf.
2. Önnur mál.
Sjóðfélagar og lífeyrisþegar sjóðsins eiga rétt
til setu á ársfundinum.
Fundargögn verða afhent á fundarstað.
Reykjavík 5. mars 2000
Stjórn Lífeyrissjóðs verzlunarmanna
f LÍFEYRISSJÓÐUR VERZLUNARMANNA
Sími: 580 4000, Myndsendir: 580 4099
Netfang: skrifstofa@live.is