Dagblaðið Vísir - DV - 30.03.2000, Qupperneq 16

16
FIMMTUDAGUR 30. MARS 2000
Skoðun
DV
Steinar Smári Hilmarsson,
14 ára frá Djúpavogi:
Já, en fór reyndar á snjóbretti
í Skálafelli.
Kristín Vignisdóttir:
Já, ég fór á gönguskíöi.
Hanna Gunnarsdóttir afgreiöslustúlka:
Já, ég fór einu sinni í Bláfjöll.
Gyöa Halldórsdóttir, heimavinnandi:
Nei.
Sveinn Eiösson:
Nei, ekkert síöan 1957.
Inn á hvert heimili meö skyldugreiöslunni fyrir menninguna
- „Mín spá er sú aö allt of seint sé í rassinn gripiö á öllum aðilum málsins.
Klámið komið í
vikulok RÚV
Guöjón Sigurösson
skrifar:
Uppgangur nektarstaða í helstu
þéttbýlisstöðum landsins hefur veitt
landsmönnum mikla innsýn í það
sem áður var næsta óþekkt hér; bar-
áttu við vændi og vímuefni sem
sögð eru samfara þessum stöðum.
Lagt hefur verið fram lagafrum-
varp, byggt á niðurstöðum sérstakr-
ar nefndar sem hafði það að mark-
miði að spoma gegn starfsemi og
uppgangi þessara staða.
Mín spá er sú að allt of seint sé í
rassinn gripið á öllum aðilum máls-
ins - bæði þeim sem reka nektar-
búllumar og stúlkunum sem koma
að utan til nektarsýninga. Að ekki
sé talaö um alla hina sem farnir eru
að byggja upp efni og vinnu á til-
veru þessara nektarstaða. Þannig
smýgur nú klámið inn á sérhvem
íslenskan fjölmiöil: dagblöðin, leik-
húsin, skemmtiþætti í útvarpi og
sjónvarpi og áreiðanlega verður
kirkjan að fylgja á eftir eigi hún að
lifa af, eftir því sem yngri aldurs-
hópar taka viö.
„Það var ekki seinna
vœnna að klámið tyllti
tánum á tinda íslensku
menningarsetranna, út-
varps, sjónvarps og leikhús-
anna, þótt ekki vœri nema
til að ergja nokkra áheyr-
endur og áhorfendur sem
ganga líka bara út úr
musteri Thalíu í
miðri sýningu. “
Ríkisútvarpið, já, gamla gufan,
lætur heldur ekki sitt eftir liggja. Sl.
laugardag var klámið komið í heim-
sókn í vikulokin, milli kl. 11 og 12.
Þar mættust tveir úr kláminu,
kvenskríbentinn á Degi og ritstjóri
tímaritsins Bleikt og blátt, ásamt
þriðja aðila, konu sem reyndi af
veikum mætti að andæfa gegn
kláminu. Umræðumar í þættinum
gengu út á að „enginn var aö styðja
klám“. Hér var „eðlilegur" hlutur á
ferð í þjóðfélagi sem er aö þróast í
takt við tímann. Enginn var að
„halda uppi vörnum" fyrir klám-
búllur. Nei, „hjálpi mér!“ - líkt og
einn fyrrverandi bankastjóri hróp-
aöi gjarnan á sínum velmektartím-
um.
Það var ekki seinna vænna aö
klámið tyllti tánum á tinda íslensku
menningarsetranna, útvarps, sjón-
varps og leikhúsanna, þótt ekki
væri nema til að ergja nokkra
áheyrendur og áhorfendur sem
ganga líka bara út úr musteri Thal-
íu i miðri sýningu þegar klámið
verður sem ákafast á senunni.
Við erum heppnir, íslendingar, að
hafa fengið að þróast i takt við sor-
ann sem aðrar þjóðir vilja ekki vita
af annars staðar en í öngstrætum og
í sérstökum hverfum, oft aflokuð-
um, en til brúks fyrir framandi
ferðamenn. Hér er soranum boðinn
„bon jour“ upp á franska vísu og
„veskúaöur" á danska. Já, inn á
hvert heimili með skyldugreiðsl-
unni fyrir menninguna frá RÚV.
Lífeyrissjóðirnir missa gildi sitt
091038-4989
s krífar:
Halldór Ásgrímsson utanríkisráð-
herra vék að því fyrir stuttu að
hækka þyrfti skyldusparnað (lífeyr-
issjóðsgreiöslur) i landinu. Ég vil
benda Halldóri á það aö lífeyrissjóð-
irnir í dag eru fyrir löngu búnir að
missa gildi sitt sem eftirlaunasjóðir
og líka sem gott skylduspamaðar-
form, því þeir erfast ekki. Það er
mikilvægt atriði.
Þeir eru þess vegna orðnir fjár-
festingarsjóðir og markaðsvara.
Betra er fyrir fólk, sem vill komast
„Mín skoðun er sú að starf-
semi lífeyrissjóðanna sé
komin inn á starfssvið rík-
isbankanna með kaupum á
hlutabréfum og öðrum
verðbréfum. “
á góð eftirlaun þegar að starfslokum
kemur, að lögleiddur yrði almennur
skylduspamaður í formi ríkis-
skuldabréfa, sem rynni til Trygg-
ingastofnunar ríkisins. Þannig yrðu
lífeyrissjóðir hreinlega lagðir niður
og allt fé sjóðanna lagt inn hjá TR.
Mín skoðun er sú að starfsemi lif-
eyrissjóðanna sé komin inn á starfs-
svið ríkisbankanna með kaupum á
hlutabréfum og öðrum verðbréfum.
- Sem sé; langt frá samtryggingar-
hugsjóninni eins og upphaflega var
ætlast til. Þaö er því, hvemig sem á
er litið, lítil sem engin trygging fyr-
ir þá sem eru að nálgast starfslok í
dag, önnur en sú að éta upp það sem
þeir hafa sparaö. Og þaö er venju-
lega í formi húsnæðis í einhverju
formi.
Dagfari
Sótt aö miskunnsama Samverjanum
Handan við homið er fjölgun bifreiðaslysa með
tilheyrandi ósanngjömum bótakröfum. Það er
því ekki annað að gera en hœkka iðgjöld á al-
menning um svo sem þriðjung.
Tryggingafélög á íslandi eiga bágt
þessa dagana. Þau hafa safnað í digra
sjóði undanfarin ár til að vera þess
albúin að mæta fjöldaárekstrum sem
gætu brostið á einhvem tímann.
Tryggingafélögin eiga það sammerkt
að þeim stjómar fólk sem allt hugsar
eins. Þannig kviknar ævinlega ljós
hjá öllum á sama tíma þegar hækk-
unar iðgjalda á almenning er þörf.
Það er til sönnunar þess að félögin
fara ekki offari aö venjulega hækka
allir um nákvæmlega sömu krónu-
tölu. Þar er að vísu undanskilið að-
skotatryggingafélag sem kennir sig
við Félag íslenskra bifreiðaeigenda og hef-
ur haft tilhneigingar til þeirrar sýndar-
mennsku að bjóða lægri tryggingar en
þeir sem af alúö huga að því að byggja
upp sjóði til framtíðar. íslensku trygginga-
félögin hafa skilað methagnaði sem bygg-
ist á því að fólkið sem stjómar þeim er samstiga
í aö reka félögin vel. Þau hafa því haft burði til
að greiöa hluthöfum ríflegri arð en flest önnur
fyrirtæki. En nú eru blikur á lofti. Handan við
homið er fjölgun bifreiðaslysa með tilheyrandi
ósanngjömum bótakröfum. Það er því ekki ann-
að að gera en hækka iðgjöld á almenning um svo
sem þriöjung. Það má ekki gerast að sjóðirnir
góöu standi í stað eða ekki verði hægt að greiða
hluthöfum metarö enn eitt árið. Það er þó enn
hægt að spyma við fótum með því að vísa í
smáa letrið og lögsækja síðan ekkjur, gamal-
menni, öryrkja og aðra þá sem liggja vel við
höggi. Löng reynsla er fyrir því að hefja lögsókn
á hendur þannig fólki en það eitt
dugir ekki til þess að stoppa upp í
svarta gatið sem er inni í framtíð-
inni. Þeir sem ekki skilja þá afstöðu
gömlu tryggingafélaganna era úti að
aka með tilheyrandi háska fyrir þá
sem eru ekki úti að aka. Aðförin að
æra gömlu tryggingafélaganna er
með eindæmum ósvífln. Tryggingafé-
lögin eru í stöðugri samkeppni um
góða ímynd við gömlu olíufélögin.
Eigendur oliurisanna eru reyndar að
miklu leyti þeir sömu og í trygginga-
bransanum eins og sjá má af því að
einvala starfslið áttar sig venjulega á
því samstundis hve mikillar hækkunar er
þörf á bensínvörum. Ósanngimi almenn-
ings felst í þvi að hatast við tryggingafé-
lögin sem eru hinir miskunnsömu sam-
verjar nútímans en láta olíufélögin í friði.
Eðilegast væri að hagsmunafélög launþega
hefðu frumkvæði að því að leggja til ríflegar
hækkanir. Neytendasamtökin, Félag íslenskra
bifreiðaeigenda og allir þeir sem láta sig varöa
örlög lítilmagnans verða nú að taka á honum
stóra sínum. Það er kominn tími á samhjálp til
miskunnsama Samverjans.
Leit að breskum
ættingjum
Elín skrifar:
Átt þú ættingja í Bretlandi sem þig
langar til að finna? Þá gæti ég
kannski hjálpað þér.
Ég var hátt í 3 ár að leita að ætt-
ingjum mínum í Bretlandi og tókst
loks eftir mikla vinnu að finna þá. .Á
þessum tíma hef ég safnað miklu af
upplýsingum sem gætu nýst öðram í
svipuðum sporum. Ég er tilbúin til að
aðstoða eftir fremsta megni. - Nánari
upplýsingar gefur Elíh í síma 4371951.
Á ferö og flugi í hálkunni
Gáleysi eins í umferöinni
er tjón annarra.
Tryggingagjöld
bifreiða
Stefán Stefánsson skrifar:
Það er óréttlæti að mismuna okkur
landsbyggðarfólkinu og íbúum höfuð-
borgarinnar sem eru svo lélegir bíl-
stjórar að þeir kunna ekki að aka í
hálku en valda þó flestum tjónum á
öllu landinu. Því bendi ég á að fólkið
með lögheimili á höfuðborgarsvæðinu
ætti að borga hærri iðgjöld en fólkið á
landsbyggðinni því á landinu er ekki
mikið um tjón og ekki hægt að mis-
bjóða okkur fyrir þeirra gáleysi.
Krakkar viö tölvu
Enskukennsla hefst of seint.
Enskukennsla
frá 8 ára
Faðir hringdi:
Ég á strák sem er 7 ára gamall og
eins og margir á þessum aldri gengur
hann að tölvunni í frístundum og
glimir þar við leiki og forrit sem hon-
um hæfa. Allt undir eftirliti okkar for-
eldranna. Strákur er orðinn nokkuð
fær i hfnu viðtekna tölvumáli á skján-
um og vill fræðast meira en við náum
að sinna í þessu efni. Skaði að íslensk-
ir krakkar skuli ekki fá enskukennslu
fyrr en á miðjum grunnskólaaldri.
Auðvitað ætti enskukennsla að hefjast
frá 8 ára aldri, Það er tíðkað í skólum
nágrannalandanna, t.d. í Hollandi þar
sem tungumálakennsla er einna best í
Evrópu. Við eigum ekki að vera slíkir
eftirbátar sem raun ber vitni.
Ómissandi
Egilssilfur
Halldór Guðmundsson skrifar:
Ég vil mælast til
þess við þá sem
áhuga hafa á þjóð-
málum, og þeir eru
margir í þessu
landi, að þeir verði
sér úti um tæki og
tól til að ná þáttum
Egils Helgasonar á
Skjá einum á
sunnudögum. Þetta
eru frábærir þjóð-
málaþættir, aútaf
með það efsta í um-
ræðunni á hverjum tíma, stjómmál,
feimnismál, hitamál af öllu tagi. Og
hann er með skarpa og lifandi viðmæl-
endur. Þetta er eitthvað annað en á
hinum stöðvunum. Þessi Egilssilfurs-
þáttur er ómissandi sjónvarpsefni.
IDV Lesendur
Lesendur geta hringt allan sólarhring-
inn í síma: 550 5035.
Eða sent tölvupóst á netfangiö:
gra@ff.is
Eða sent bréf til: Lesendasíða DV,
Þverholti 11, 105 ReyKiavík.
Lesendur eru hvattir til að senda mynd
af sér til birtingar meö bréfunum á
sama póstfang.
Egiil Helgason
sjónvarpsmaöur
Býöur upp á frá-
bæra þjóömála-
þætti.