Dagblaðið Vísir - DV - 04.07.2000, Qupperneq 12
12
ÞRIÐJUDAGUR 4. JÚLÍ 2000
ÞRIÐJUDAGUR 4. JÚLÍ 2000
29
Útgáfufélag: Frjáls fjölmiölun hf.
Stjórnarformaður og útgáfustjóri: Sveinn R. Eyjólfsson
Framkvæmdastjóri og útgáfustjóri: Eyjólfur Sveinsson
Ritstjórar: Jónas Kristjánsson og Óli Björn Kárason
Aóstoóarritstjóri: Jónas Haraldsson
Augiýsingastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaðaafgreiðsla, áskrift:
Þverholti 11,105 Rvík, sími: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, slmi: 462 5013, blaðam.: 462 6613, fax: 461 1605
Setning og umbrot: Frjáls fjöimiölun hf.
Filmu- og plótugerö: Isafoldarprensmiðja hf. Prentun: Árvakur hf.
Áskriftarverð á mánuöi 1950 kr. m. vsk. Lausasöluverö 180 kr. m. vsk., Helgarblað 250 kr. m. vsk.
DV áskilur sér rétt til aö birta aðsent efni blaðsins I stafrænu formi og í gagnabönkum án endurgjalds.
DV greiðir ekki viðmælendum fyrir viðtöl við þá eða fyrir myndbirtingar af þeim.
Boðberum kennt um
Kristnihátíð var haldin með pomp og prakt á Þingvöll-
um um helgina. Hátíðin var þrautskipulögð og dagskráin
metnaðarfull. Vegna hremminga í umferðarmálum á lýð-
veldishátíðinni 1994 var mikil áhersla lögð á samgöngur að
og frá Þingvöllum og lagt í umtalsverðar vegabætur. Óhætt
er að fullyrða að vel hafi tekist til með allt sem að hátíð-
inni sneri og veður var meira að segja afar blítt báða há-
tíðardagana. Þrátt fyrir þetta var aðsókn dræm og hlýtur
að valda vonbrigðum. Um var að ræða þjóðarhátíð og fyrri
slíkar á Þingvöllum, 1930,1944,1974 og 1994, hafa dregið að
sér tugbúsundir manna.
Lögreglan áætlar að alls hafi verið 26 til 32 þúsund
manns á Þingvöllum um helgina. Miðað við fjölda einka-
bíla og rútufarþega er talið að á laugardeginum hafi hátíð-
argestir verið 12 til 15 þúsund og 14 til 17 þúsund á sunnu-
deginum. Þótt biskup hafi sagt í helgarviðtali í DV að stór-
kostlegt væri ef 20 þúsund manns kæmu til Þingvalla,
vegna kristnihátíðar, þá verður ekki fram hjá því litið að
bátttakan var dræm. Við undirbúning var gengið út frá því
að hægt væri að taka á móti 50 til 70 búsund manns hvorn
dag hátíðarinnar.
Eðlilegt og sjálfsagt var að fagna bví að þúsund ár eru
liðin frá bví að kristni var lögtekin á Þingvöllum. íslensk
stjómvöld stóðu að undirbúningi og framkvæmd hátíðar-
innar af stórhug og á það bendir biskup réttilega í fyrr-
greindu viðtali. Um kostnað vegna beirra má endalaust
deila en vart verður hjá því komist að kosta miklu til þeg-
ar boðið er til bjóðarhátíðar.
Tilefni hátíðarinnar var því ærið enda er kristni samof-
in íslenskri sögu og menningu. Það stóð því mikið til. Gest-
gjafar sem leggja mikið á sig og spara hvergi í undirbún-
ingi hijóta að reikna með og vonast eftir góðri bátttöku.
Fari það á annan veg hljóta menn að spyrja sjálfa sig og
leita skýringa. Þeir sem mættu til ÞingvaUa áttu þar góð-
ar stundir en þeir voru allt of fáir miðað við eðlilegar
væntingar.
Júlíus Hafstein, framkvæmdastjóri Kristnihátíðamefnd-
ar, sagði i gær að framkvæmdaaðilar hefðu búist við og
vonast eftir fleiri gestum en raun varð á. Sem hluta skýr-
ingar á dræmri bátttöku nefndi hann gamlan draug um-
ferðarvandans frá árinu 1994 og jarðskjálftahremmingar
undanfarinna daga. Þá má nefna að bein útsending var frá
hátíðinni í útvarpi og sjónvarpi. Eflaust kann þetta að hafa
haft einhver áhrif en tæpast afgerandi. Ljóst var báða há-
tíðardagana að umferð gekk greiðlega og var vart meiri en
á góðum góðviðrissunnudegi. Þær fréttir voru reglulega
fluttar á laugardag og sunnudag.
Kristnitökuhátíðin mætti andbyr á undirbúningsstigi og
fjöldinn sat heima begar að henni kom. Biskup vildi, í fyrr-
greindu helgarviðtali, kenna sumum fjölmiðlum um nei-
kvæða umræðu og nefndi DV sérstaklega. Af því tilefni er
rétt að minna biskup á að fjölmiðlar, þar á meðal DV, eru
speglar samtímans. Þeir greina frá straumum samfélagsins
og bví sem hæst ber hverju sinni. Afstaða almennings til
tilekinna atburða, jákvæð eða neikvæð, er fyrir hendi og
skilar sér í fjölmiðlana. Fráleitt er að ætla að einstakir fjöl-
miðlar búi þá umræðu til. í aðdraganda svo mikils viðburð-
ar, sem kristnihátíð á Þingvöllum er, kynna fjölmiðlar fjöl-
margar hliðar mála, dagskrá, samgöngumál að gefnu til-
efni, kostnað og aðstöðu alla. Gagnrýni á framkvæmd, komi
hún fram, er getið og svara þeirra sem að standa leitað.
Biskupi væri því sæmra að líta sér nær og huga að stöðu
bjóðkirkjunnar en kenna boðberum tíðinda um.
Jónas Haraldsson
DV
Sannar smámyndir
Þær voru á Ingólfstorgi.
Hitinn var ótrúlegur þama í
skjólinu og sólinni og dans-
inn dunaði á sviðinu.
Reyndar var útsýni ekki
gott en það mátti ráða af
drynjandi tónlistinni að
mikið gengi á. Móðirin tölti
með sofandi litla þamið i
vagninum áleiðis upp Lækj-
argötuna - hávaðinn var svo
mikill. Þegar svo jörðin hélt
áfram að titra undir fótum
hennar flaug sú hugsun óá-
reitt um kollinn að það gæti
hreinlega ekki verið hollt að standa
nálægt öðmm eins bassahljóðum og
þama voru greinilega í gangi.
Klukkustundu síðar, þegar hún
hafði margsinnis reynt að ná sam-
bandi við samferðafólk sitt sem hún
hafði auðvitað týnt og þar með eldri
börnunum, nefndi einhver að orðið
hefði jarðskjáifti. Æ - hún hafði misst
af honum.
Fullur bátur af stelpum
Þær voru loksins komnar af stað i
bátsferðina. Fullur bátur af stelpum á
Pæjumótinu hafði beðið eftir þeim.
Sigfrí&ur
Björnsdóttir
tónlistarkennari
Þær höfðu gleymt sér en tek-
ið sprettinn þegar ljóst varð
hvað klukkan var. Sam-
ferðamenn þeirra vora ekki
ánægðir með þær en þær
sjálfar mjög glaðar að missa
ekki af heliaferðinni. Bátur-
inn sigldi nú hægt undir
hamarinn áleiðis í hellinn.
Fararstjóri benti upp og
spurði bátsstjórann hvað
væri að gerast þarna uppi.
Jarðvegur rann til og litlir
steinar byrjuðu að hrynja í
sjóinn. Ryk þyrlaðist upp og
steinarnir stækkuðu.
Á meðan þau stóðu þama furðu
lostin hafði maðurinn við stýrið tekið
sjálfstæða ákvörðun og bakkaði nú
greinilega með miklum hraða frá
hamrinum. I sama mund tóku berg-
flísar að spýtast úr bjarginu og björg
að hrynja með látum fyrir framan
þau. Sjórinn gekk í bylgjum og ailt í
einu varð loftið svart. Öll lundabyggð-
in hafði loks flogið upp og byrgði nú
sýn til sólar.
Lamandi skelfing
Hann stóð þarna undir hamravegg
Morgunblaðshallarinnar. Dansar-
amir ungu á sviðinu stóðu sig vel
og krakkarnir virtust hafa gaman
af því að horfa á þetta. Hávaðinn
var mikill en samt var notalegt
þama og heitt. Eitthvað vakti at-
hygli hans og hann leit upp hús-
hliðina. Það var eins og húsið
hristist og ljósið brotnaði á mikilli
hreyfmgu í bylgjandi rúðunum.
Andartak fór um hann lamandi
skelfmg og honum fannst sem hús-
ið væri að hrynja yfír þau þarna.
Hann leit í kringum sig. Hann
sá nokkur andlit þar sem hann gat
lesið sömu hugsun úr svipnum en
ótrúlega margir virtust ekki hafa
tekið eftir neinu. Hann pikkaði í
krakkana og gaf þeim merki um
að koma. Nú skyldi stefnan tekin á
Arnarhól af mörgum ástæðum og
sumar þeirra myndi hann aldrei
ræða við neinn.
Gráturinn tók öll völd
Þær systur vora ekki sofnaðar.
Dagurinn í sumarbúðunum hafði
verið skemmtilegur. Um kvöldið
hafði þeim verið sagt að sofna með
dyrnar á herbergjunum opnar og
„Eitthvað vakti athygli hans og
hann leit upp húshliðina. Það var
eins og húsið hristist og Ijósið
brotnaði á mikilli hreyfingu í bylgj-
andi rúðunum. Andartak fór um
hann lamandi skelfing og honum
fannst sem húsið væri að hrynja
yfir þau þarna. “
snúa höfðum frá gluggum. Sú
yngri hafði verið á Pæjumóti fyrir
nokkrum dögum og var því öðrum
lífsreyndari á þessu sviði. En það
var bara svo gaman að spjalla. Allt
í einu hristist allt og skalf. Gífur-
legir kippir rykktu í allt fast og
laust. Eldri systirin reyndi að
harka af sér því hin börnin í búð-
unum máttu ekki sjá skelfingu
hennar. Allir höfðu nú safnast
saman í borðstofúnni og aðeins
fundust litlir skjálftar öðru hvoru.
Hún fór inn í herbergi og hall-
aði. Gráturinn tók öll völd. Hún
reyndi að láta ekki heyra i sér en
það var erfitt. Hún ákvað að
hringja í mömmu þó henni væri
fullljóst að maður mátti ekki
hringja. „Þetta verður í lagi,“
sagði mamma. „Ekki fara neitt
með neinum. Brýmar þarfnast at-
hugunar. Við komum til ykkar
strax og hægt er. Ekki gráta góða!
Hin bömin þurfa á stuðningi þín-
um og fordæmi að halda. Sjáumst
elskan mín. Góða og blessaða nótt
- við sjáumst á morgun." Henni
leið strax betur.
Sigfriður Bjömsdóttir
Skipta formerki máli?
Til er gömul saga af manni sem
seldi þorskhausa, sennilegast á Ak-
ureyri. Hann seldi hvem þeirra á
fhnm aura stykkið en hann sagðist
tapa tveimur aurum á hverjum.
Hann var þá spurður hvemig hann
gæti stundað þessi viðskipti. „Jú,
sjáðu til, það gengur með því að
selja nógu marga“. Fyrir aldarfjórð-
ungi var höfundur staddur á fundi
fulltrúa framleiðenda flskafurða
með rannsóknarmönnum. Einn full-
trúinn lýsti ástandinu í sinni grein
og sagði: „Eiginlega er allt í besta
lagi hjá okkur, við fáum bara ekki
nóg fyrir afurðimar". - Semsagt
smámál.
Enginn grætur íslending
Vissulega eru margs konar upplýs-
ingar i fréttamiðlum sem lesendur
eiga erfltt með að átta sig á, enda oft-
ast bara smámál þar sem spumingin
er einungis um formerki. Stjórnmála-
menn hælast um vegna mikils tekju-
afgangs í ríkissjóði en á sama tíma er
viðskiptajöfnuður við útlönd nei-
kvæður og í sögulegu hámarki.
Hver er munurinn á skuldasöfhun
fyrirtækja og rikisins í útlöndum?
„Hefur t.d. forstjóri Baugs margsinnis birst á sjón-
varpskjánum vegna mikillar hœkkunar verðs á inn-
fluttum matvœlum í ársbyrjun. Engin skýring hefur
fundist en forstjórinn tönnlast enn á aukinni hag-
kvœmni í rekstri stórfyrirtœkisins. “
Með og á móti
Voru með besta liðið
Það fer víst eftir því hvort
lánsféð fer í arðsama hluti
eða ekki, fjárfestingar....eða
þannig. Sif umhverflsráð-
herra hælir sér fyrir að hafa
lagt til í útlöndum að land-
græðsla verði viðurkennd
aöferð til að binda kolefni á
sama tíma og gróðureyðing
á sér stað hér; enn ein
spumingin um formerki.
Bankabólga og stór
rekstur
Mismunur á innláns- og útláns-
vöxtum er óeðlilega hár hérlendis en
skýringin er óhagkvæmni i bönkun-
um. Fólk hefur því tekið áformum um
sameiningu banka með velvild. Nú
segja talsmenn Íslandsbanka/FBA
eftir sameininguna að viðskiptamenn
bankans muni ekki fá bætt viðskipta-
kjör. f hvað fer þá hagræðingin marg-
prísaða, bankastjórar brosandi? Öll í
aukinn arð?
Hefur t.d. forstjóri Baugs marg-
sinnis birst á sjónvarpskjánum vegna
mikillar hækkunar verðs á innflutt-
um matvælum í ársbyrjun. Engin
skýring hefur fundist en forstjórinn
tönnlast enn á aukinni hagkvæmni í
rekstri stórfyrirtækisins. Neytendur
geta því glaðst yfir því að hafa fengið
verðlækkun með öfugu formerki.
Framsóknarmenn í fyrirrúmi
Landsmenn mega ítrekað láta sér
lynda að hlusta á yflrlýsingar stjóm-
málamanna um hagræðingu sem síð-
an verður ekki. Fyrrverandi umhverf-
isráðheira taldi flutning á Landmæl-
ingum íslands upp á Akranes vera
gott mál og hagkvæmt. Kostnaður hef-
ur vaxið og hvað með það? Páll Péturs-
Kjallari
Jónas Bjarnason
efnaverkfræöingur
son félagsmálaráðherra legg-
ur Húsnæðisstofnim rikisins
niður og kastar út krötum
fyrir framsóknarmenn og
stofnar íbúðalánasjóð sem á
að valda spamaði sem síðan
reynist neikvæður. Jafnrétt-
isráð vill hann senda norður
á land þar sem það er setið
af þreyttu fólki; nýr nei-
kvæður sparnaður í uppsigl-
ingu?
Páll Pétursson er líklega
þreyttasti maðurinn sjálfúr
og fráleitt sá sex vetra foli sem hann
þóttist vera. Hugmyndin um að koma
þroskaheftu fólki fyrir í Hrísey er til-
efni til alvarlegrar umhugsunar. Ráð-
herrann sagði í sjónvarpi, fullur af
umhyggju og gamalli nýtni úr sveit-
inni, að laust húsnæði í eynni mætti
nota fyrir eitthvert fólk úr hópi áður-
nefndra. Ef einhver húskofi er á lausu
í sveitinni er hann nýttur til einhvers,
þó ekki væri nema til að geyma gömui
verkfæri og reiðtygi.
Þegar maður hefur verið sauðfjár-
bóndi í mörg ár veit maður að sauð-
fjárrækt er hagkvæm og ef peninga-
dæmið gengur illa upp er einfaldast að
láta ríkið borga mismuninn og greiða
niður afurðaverð svo að fólk fáist til
að kaupa kindakjötið. Þegar ráðherr-
ann áttaði sig á því að hann hafði vað-
ið um eins og naut flagi í einu við-
kvæmasta máli sem til er, sagði hann
svekktur: „Ég átti ekki þessa hug-
mynd í upphafi. Ef fólk vill þetta ekki
getur það svo sem verið áfram á
biölistum." Ungu kynslóðimar, sem
hafa sennilega ekki skilið orðið
„sveitarómagi" í gömlum bókum, era
nú nokkurs vísari.
Jónas Bjarnason
j Frakkar voru ein-
faldlega með besta
liðið. Þeir spiluðu
vel alla keppnina
ef undan er skilinn
úrslitaleikurinn sem er skilj-
anlegt þar sem svo mikið var í
húfi. Það er engum blöðum
um það að fletta að franska
landsliðið er það besta í Evr-
ópu ú dag.
Þeir með besta leikmanninn, 11 1
Zinedine Zidane. Hann er sá
yfirburðamaður sem hvert lið þarf til
þess að í jafn sterkri keppni og Evr-
ópukeppnin er. Frakkarnir era með
Andri
Sgþórsson,
sóknarmaóur KR
toppmenn í öllum stöðum, frá-
bæra knattspyrnumenn sem
geta bæði sótt og varist.
Ég er mjög ánægður með að
Frakkamir skyldu vinna frek-
ar en ítalamir því að það er
gott fyrir knattspyrnauna sem
slíka að það lið sem spilaði
sóknarknattspyrnu mótið út í
gegn skyldi sigra en ekki
vamarsinnaðir ítalir.
7rákkar sigurinn skilinn?
Hollendingar bestir
Eg er hundfúll yfir
I því að Hollending-
Bjjjy"** ar skyldu ekki
(r komast í úrslita-
leikinn þar sem
mér fannst þeir, vera með
langbesta lið keppninnar. Þeir
spiluðu reyndar ekkert sér-
staklega vel í fyrsta leiknum
en fyrir utan hann spiluðu
þeir frábæra knattspymu. Það
hefði verið draumaúrslitaleik-
ur ef Holland og Frakkland
mæst og ég er fullviss um að leikurinn
hefði orðið meiri háttar knattspyrnu-
veisla. Frakkar áttu samt sem áður
Pétur
Pétursson,
þjálfari KR
hefðu
frekar skilið að vinna heldur
en ítalimir því þeir reyndu að
spila sóknarknattspymu. Ég
er þó fúllviss um að Hollend-
ingar gefðu klárað dæmið ef
þeir hefðu komist í úrslitaleik-
inn þar sem þeir era með
besta og skemmtilegasta lið
Evrópu.
Flestir era sammála um það
að Evrópukeppnin í ár hafi
verið sannköÚuð knattspyrnu-
veisla. Það era þó ekki allir á eitt sátt-
ir hvaða lið hafi raunverulega verið
með besta lið keppninnar og hverjir
hafi átt sigurinn skilinn.
Evrópukeppnin í knattspyrnu hefur vakiö mikla athygli undanfarinn mánuð og hafa sparksérfræöingar lofaö keppnina hástert sem ein besta
fótboltaveislan í áraraðir. Mönnum ber hins vegar ekki saman um hvort Frakkar áttu sigurinn skilinn.
Engin vægð úr
Vatnsmýrinni
Æfinga- og skemmti-
flug yfir mesta þéttbýli
landsins þykir eins sjálf-
sagt og að safhast saman
og ærast um í miðbæn-
um bjartar sumamætur.
Þótt einhver kvarti er
engin vægð sýnd... Flug-
málayfirvöld bregðast skjótt við þegar
Innnesjamenn eru komnir upp að Húsa-
felli eða lyfta sér upp á Þingvölium, að
vernda þá fyrir flugvélagný. En þegar
þeir biðja um svipaða vernd heima hjá
sér er þverskallast við og jafnvel stað-
hæft að það sé ósvífni, eigingirni og
byggðafjandsamlegar hvatir sem að baki
liggja.“
Oddur Ólafsson blm. f Degi 1. júlí.
Maka krókinn
„Sviptingar í gengi íslensku krón-
unnar á rúmri viku sýna, að við búum
við gjörbreyttar aðstæður á gjaldeyris-
markaðnum og efnahagslifinu al-
mennt... I almennri umræðu um fjár-
mál er hlutur spákaupmanna yfirleitt
ekki góður. Hugtakið hefur á sér nei-
kvæðan blæ og spákaupmenn taldir
sinna því hlutverki einu að maka
krókinn - jafnvel á kostnað annarra
sem sitji eftir með sárt ennið. í stórum
dráttum er þetta rétt.“
Úr forystugrein Mbl. l.júlí.
Menntunin er lykillinn
„Höfuðeinkenni
okkar mannanna er að
við erum andlegar,
hugsandi verur sem
stöndum andspænis
margvíslegum gátum,
eins og þeim hvernig
lífið hófst og hvar
mörk heimsins séu. Mannsandinn leit-
ast við að glíma við óendanleikann og
gátur hans og þráir að komast að hinu
sanna... Menntun er lykillinn í
glímunni við gátuna um tilgang lífsins
og því að átta sig á því hvað það er
sem færir okkur hamingju."
Dr. Páll Skúlason háskólarektur í viö-
tali í Degi 1. júlí.
Skrúðgöngur og
tískusýningar
„Nú hefur óðaverð-
bólga hlaupið í guðs-
orðið og kristnidóms-
ritin... Skrúðgöngur
kirkjufeðra, biskupa,
prófasta og presta
minna á tískusýningar
hjá Elsu Klensch eða
Sævari Karli fremur en guðsþjónustur.
1 hugann koma gallerí og gala fremur
en bænir og blessun. Myntslátta og
minjagripasala leiðir hugann að sölu
aflátsbréfa á dögum páfavillu."
Pétur Pétursson í Mbl. 2. júll.
Skoðun
Kárahn j úkavirk j un
Tillaga að áætlun um mat á um-
hverfisáætlun hefir nú verið sett
fram af hönnuðum framkvæmda um
virkjanir á NA-landi. Þetta er gert í
nafni Landsvirkjunar, sem er mjög
villandi, bæði gangvart almenningi
og stjórnmálamönnum, sem standa
vamarlausir gagnvart slíkum
vinnubrögðum. Að baki standa
sömu menn og áður gerðu tillögurn-
ar um að veita snjóflóðum úr tveim
hættulegum giljum sitt hvorum
megin Flateyrar inn yfir bæinn og
gera þar síðan mikla vamargarða til
að verjast þeim.
Þessir vamargarðar á besta bygg-
ingarsvæði staðarins kostuðu fimm-
falt meira en leiðigarðar neðan gilj-
anna hefðu kostað. Allir vita nú
hvar Davíð keypti súra ölið á Flat-
eyri. Það er ástæða til að vara Aust-
firðinga við laumuspili þessara
manna. Stjóm Landsvirkjunar á
ekki heldur að láta nota nafn henn-
ar við slíkar blekkingar.
Einstakt tækifæri
Hönnuðimir segja ætlun sína
vera að athuga „allar hugsanlegar
leiðir til að vemda náttúrana.“
(kafli 4.6, bls. 15, 2. ml.) en tillaga
þeirra gengur í þveröfuga átt. Hún
er sú að veita öllum jökulám úr
norðan- og austanverðum Vatna-
jökli (þar með taldar Jökulsá á Fjöll-
um og Kreppa, sem koma í síðari
áfanga) niður í Fljótsdal og þaðan í
gegn um Löginn til sjávar.
Fljótsdalurinn og allt Héraðið eru
með bestu ræktunar- og landbúnað-
arsveitum landsins, þar sem um
áraraðir hefur verið stunduð skóg-
rækt með óvenjugóðum árangri hér-
lendis. Þama er einstakt tækifæri tii
að vernda náttúruna með
því að veita jökulvatni úr
Jökulsá í Fljótsdal yfir í
Kárahnjúkalón eða Hálslón,
sem síðan yrði nýtt í virkj-
unum á Jökuldal þar sem
jökulvatnið veldur ekki
skaða og jökulleirinn fer
beint út í Héraðsflóa, svo
sem hann hefir ávailt gert.
Blekkingarleikurinn
Tilgangur hönnuðanna
sést best á því að hvergi í ______
texta né á yfirlitskortunum
er að finna neinar upplýsingar um
hæðarmælingar, hvorki á lónum,
stíflum eða virkjunum. Eina hæðar-
mælingin sem gefin er er Snæfell
1833 m en ekki sagt hvort það er
sumar- eða vetrarmæling. Þetta er
nefnilega bara grín. Það er ekki til
þess ætlast að almenningur eigi að
hafa yfirsýn um blekkingamar. 100
m hæðarlínur era aðeins sýndar á
sjálfum Vatnajökli en án hæðar-
talna.
Matsáætlunin gerir ráð fyrir 700
MW virkjun í Fljótsdal sem sjái
360.000 t álveri á Reyðarfirði fyrir
nægilegri orku. „Til þess að fá næga
orku fyrir slíkt álver þarf að ráðast
í byggingu Kárahnjúkavirkjunar
ásamt Jökulsár- og Hraunaveitum.“
(2.1) Fullyrðingin er algjör og ófrá-
víkjanleg ósk hönnuðanna. Til þess
er ekki ætlast að almenningur eigi
að skilja tillögurnar.
Þetta er eins og gert var á Flat-
eyri. Þar var haldinn fyrirvaralaus
borgarafundur 2.5.1996 og samþykkt
að byggja vamargarðana svo sem
enn má sjá, til háðungar öllum verk-
fræðingum landsins um alla fram-
_Onundur
Ásgeirsson
fyrrv. forstjóri Olís
tíð. Vonandi láta Austfirð-
ingar ekki misnota sig
þannig. Hönnuðimir
íjalla ekkert um heildar-
kostnað mannvirkja eða
arðsemi fiárfestingarinu^
ar í tillögunum. Það kem-
ur almenningi greinilega
ekkert við. Þetta skal
samþykkt blindandi eins
og á Flateyri.
Úrlausnin
_________ Niðurstaðan af athug-
unum á „matsáætlun
Landsvirkjunar“ ætti að vera sú að
það er aðeins einn valkostur í stöð-
unni. Hann er sá sem hönnuðimir
telja sístan, þ.e. þrepavirkjanir nið-
ur Jökuldal. Þetta myndi verða eins
og í Þjórsá, þar sem frárennsli bæði
Vatnajökuls og Hofsjökuls hefir ver-
ið sameinað og nýtt i mörgum þrep-
um. Þetta er eina umhverfisvæna
leiðin til að nýta vatnsorkuna frá»»
þessu svæði. Með þessum hætti yrði
Fljótsdalur og Hérað samfelldur un-
aðsreitur. Vart er hugsanlegt að
spilla þessu að ástæðulausu.
Það á þannig að hætta að hugsa
um virkjun í Fljótsdal en gera öflug
jarðgöng fyrir allt afrennsli frá Jök-
ulsá i Fljótsdal og Hraunaveitum
yfir í Kárahnjúkalón. Þaðan kæmu
síðan 4-5 virkjanir niður Jökuldal
með mjög öflugum stöðvum. Hugs-
anlega yrði þama um einhvem
kostnaðarauka að ræða en þetta
væri eina rétta leiðin til aö nýta
skynsamlega þá virkjunarmöguleika
sem þama er að finna, án þess að
rýra landkosti eða spilla umhverfi
svæðisins til frambúðar. ^
Önundur Ásgeirsson
„Þetta er eina umhverfisvœna leiðin til að nýta vatnsorkuna frá þessu svœði. Með
þessum hœtti yrði Fljótsdalur og Hérað samfelldur unaðsreitur. - Vart hugsanlegt '*
að spilla þessu að ástœðulausu. “