Dagblaðið Vísir - DV - 17.07.2000, Side 16

16
MÁNUDAGUR 17. JÚLÍ 2000
MÁNUDAGUR 17. JÚLÍ 2000
Útgáfufélag: Frjðls fjölmiölun hf.
Stjórnarformaöur og útgáfustjóri: Sveinn R. Eyjölfsson
Framkvæmdastjóri og útgáfustjóri: Eyjólfur Sveinsson
Ritstjórar: Jónas Kristjánsson og Óli Björn Kárason
Aóstoöarritstjóri: Jónas Haraldsson
Auglýslngastjóri: Páil Þorsteinsson
Ritstjórn, skrifstofur, auglýsingar, smáauglýsingar, blaöaafgreiösla, áskrift:
Þverholti 11,105 Rvík, sítnl: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Gr®n númer: Auglýsingar: 800 5550. Áskrift: 800 5777
Stafræn útgáfa: Heimasíöa: http://www.skyrr.is/dv/
Vísir, netútgáfa Frjálsrar fjölmiölunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, sími: 462 5013, blaöam.: 462 6613, fax: 461 1605
Setning og umbrot: Frjáls fjölmiölun hf.
Filmu- og plötugerö: ísafoldarprensmiðja hf. Prentun: Árvakur hf.
Áskriftarverö á mánuöi 1950 kr. m. vsk. Lausasöluverö 180 kr. m. vsk., Helgarblað 250 kr. m. vsk.
DV áskilur sér rétt til aö birta aðsent efni blaösins í stafrænu formi og í gagnabönkum án endurgjalds.
DV greiðir ekki viömælendum fyrir viötöl viö þá eöa fyrir myndbirtingar af þeim.
Dýrmœtur tími keyptur
Seðlabanki íslands stóðst mikla prófraun í liðinni
viku þegar bankanum tókst með umfangsmiklum að-
gerðum að verja krónuna frá frjálsu falli á gjaldeyris-
mörkuðum, án þess að grípa til vaxtahækkana, eins
og margir reiknuðu með. Draga verður í efa að gengi
krónunnar á næstunni verði varið með vaxtahækk-
unum.
Mikil óvissa og órói hefur einkennt innlendan
gjaldeyrismarkað og gengi krónunnar að undanförnu
og á fimmtudag var gripið til þess ráðs að loka á við-
skipti með krónuna í nokkra klukkutíma. Til slíkra
aðgerða hefur ekki verið gripið áður, en þær voru
skynsamlegar til að gefa markaðsaðilum tækifæri til
að ná áttum. Sú hætta er alltaf fyrir hendi á frjálsum
fj ármálamörkuðum að atburðarásin taki völdin.
Seðlabanki íslands hefur fylgt skynsamlegri stefnu
í peningamálum - aðhaldssamri stefnu sem miðar að
því að halda verðlagi stöðugu. En það skiptir í sjálfu
sér engu hversu hart Seðlabankinn gengur fram til að
ná fram markmiðum sínum ef stjórnun opinberra
fjármála er ekki með eðlilegum hætti. Bankinn getur
keypt dýrmætan tíma með inngripum sínum á mark-
aði, en á endanum verður hann að láta eftir ef svig-
rúmið er ekki nýtt.
Stjórnendur Seðlabankans hafa á undaníörnum
mánuðum ítrekað varað við stöðunni í íslensku efna-
hagslífi. í maí síðastliðnum bentu sérfræðingar bank-
ans á að þensla í efnahagslífinu væri of mikil og að ef
ekkert yrði að gert myndi sá stöðugleiki sem íslend-
ingar hafa notið undanfarin ár að engu gerður. Við-
vörun Seðlabankans kom engum á óvart sem fylgist
meö þróun efnahagsmála.
Ekki er hægt að halda því fram að tíminn frá því
Seðlabankinn sendi út viðvörun sína í byrjun maí
hafi verið vel nýttur. Verðbólga er enn of mikil og
viðskiptahallinn er óeðlilega hár. Sjúkdómseinkennin
eru því enn til staðar og aðhaldsaðgerðir Seðlabank-
ans duga ekki lengur til að halda sjúkdóminum í
skefjum. Því verður eitthvað að láta undan.
Lækkandi gengi krónunnar er langt frá því að vera
áfall fyrir íslenskt þjóðarbú. Þvert á móti er eðlilegt
að verðmæti krónunnar minnki eitthvað á næstunni.
Lægra gengi skapar góð sóknarfæri fyrir efnahagslíf-
ið, sé rétt á málum haldið. Þar skiptir mestu til hvaða
aðgerða ríkisstjórnin grípur.
Fjármálaráðherra og ríkisstjórnin þurfa ekki að
leita einhverra töfralausna til að vinna sig út úr þeim
tímabundna vanda sem blasir við. Hin gömlu sann-
indi um ráðdeild og hófsemd eiga hér við eins og
alltaf. Mestu skiptir að skera niður útgjöld ríkissjóðs
og nýta tækifærið til að selja ríkisfyrirtæki til að slá
á neyslu. Með skattalegum aðgerðum er hægt að örva
sparnað almennings og með lækkun opinberra gjalda
að draga úr áhrifum sem lækkandi gengi hefur á
verðlag.
Ríkisstjórn Sjálfstæðisflokks og Framsóknarflokks
stendur á nokkrum tímamótum eftir atburði síðustu
daga. Eftir að hafa náð góðum árangri á mörgum svið-
um efnahagslífsins þurfa ríkisstjórnarflokkarnir að
sýna hvers þeir eru megnugir þegar á móti blæs.
Seðlabankinn hefur keypt tíma og því aðeins spurn-
ing hvernig ríkisstjórnin nýtir hann.
Óli Björn Kárason
I>V
Skoðun
Nýr Nostradamus?
„Ef að því kemur, sem er í rökréttu framhaldi af þessu
öllu, að Svanur segist hafa hitt og talað við Elvis, þá
má vœntanlega treysta því, að Ríkisútvarpið veiti hon-
um tœkifœri til að lýsa því nánar. “
Einn samkennari
minn í Háskóla ís-
lands, Svanur Krist-
jánsson prófessor,
virðist hafa óviðráðan-
lega löngun til að feta í
fótspor spámannsins
Nostradamusar. Svan-
ur hefur ailan áratug-
inn og raunar lengur
spáð mörgu og miklu
um stjórnmálaþróun á
íslandi. En hinum
nýja Nostradamusi
hefur ekki tekist eins
vel upp og hinum
gamla.
Spáði fyrir Svavari og Friðrik
Svanur spáði því til dæmis haust-
ið 1987 í tímaritinu Þjóðlífi, sem
hann gaf út viö misjafnar undirtekt-
ir landsmanna, að Svavar Gestsson
yrði áfram formaður Alþýðubanda-
lagsins. Varð þessi spádómur Svans
tilefni sérstakrar fréttar í Ríkissjón-
varpinu. En Ólafur Ragnar Grímsson
varð þá formaður Alþýðubandalags-
ins. Svanur spáði því í viðtali við
Þjóðviljann haustið 1989, að Friðrik
Sophusson yrði áfram varaformaöur
Sjáifstæðisflokksins. En Friðrik
vék fyrir Davíð Oddssyni.
Spáði fyrir Þorsteini og
Pálma
Svanur spáði því í umræðu-
þætti í Ríkissjónvarpinu vorið
1991, að Þorsteinn Pálsson ynni
formannskjör í Sjálfstæðis-
flokknum gegn Davíð Oddssyni.
En Davíð var kjörinn formaður.
Svanur spáði því enn fremur í
Þjóðlífi 1991, að Pálmi Jónsson
yrði ráðherra í næstu ríkisstjóm
Sjálfstæðisflokksins. En svo varð
ekki. Halldór Blöndal gerðist
landbúnaðar- og samgönguráðherra.
Spáði þingrofi
Þrátt fyrir þessa misjöfnu reynslu
af spádómum Svans er hann ekki af
baki dottinn. í Ríkisútvarpinu 1.
febrúar á þessu ári sagði hann í
pistli, sem honum var boðið að flytja:
„Nú, þegar lyktin af þingrofi er að
verða æ meira áberandi - ég spái því
reyndar, að innan skamms verði sú
lykt alltumlykjandi - skuluð þið því,
góðir hlustendur, fylgjast vel með
forsetanum okkar, Ólafi Ragnari
Grímssyni." Skemmst er frá því að
segja, að enginn annar en Svanur
Kristjánsson lét sér detta i hug þing-
rof í febrúarbyrjun 2000. Því síður
hafa einhverjar umræður um það
aukist þá fjóra mánuði, sem síðan
eru liðnir.
Undariegar hugleiðingar
Við þessa spá sína bætti Svanur
undarlegum hugleiðingum um það, að
líklega myndi Ólafur Ragnar Gríms-
son neita Davíð Oddssyni um þingrof,
ef og þegar forsætisráðherra legði
beiðni um það fyrir hann. Þótt Svanur
kenni stjómmálafræði í Háskóla ís-
lands, virðist hann ekki vita margt
um stjórnskipan okkar íslendinga.
Samkvæmt henni er forseti
ábyrgðarlaus á stjórnarathöfnum.
Hann getur því ekki neitað að rjúfa
þing, biðji forsætisráðherra hann um
það. Þótt þingrof sé í nafni hans, er
það á ábyrgð ráðherrans. Neiti for-
seti hins vegar að undirrita lög, þá
taka þau gildi, en eru lögð undir at-
kvæði kjósenda. Deila lögfræðingar
og aðrir um, hversu langt málskots-
réttur forseta nái.
Hittir Svanur Elvis?
Þessi furðupistUl hins nýja
Nostradamusar virðist hafa farið
fram hjá flestum, þótt Svanur teldi
sig líka nokkru síðar þurfa að gefa
sérstaka yfirlýsingu um það, að hann
gæfi ekki kost á sér til formanns í
Samfylkingunni, en ekki var til þess
vitað, að neinn hefði skorað á hann í
slíkt framboð. Það er hins vegar
ánægjulegt, hversu vel Ríkisútvarpið
hefur sinnt Svani.
Hver einasti spádómur hans er tal-
inn fréttnæmur, þótt enginn þeirra
hafl ræst. Ef að því kemur, sem er í
rökréttu framhaldi af þessu öllu, að
Svanur segist hafa hitt og talað við
Elvis, þá má væntanlega treysta því,
að Ríkisútvarpið veiti honum tæki-
færi til að lýsa því nánar. - Við bíð-
um í eftirvæntingu.
Dr. Hannes Hólmsteinn Gissurarson
Kjallari
Dr. Hannes
Hólmsteinn
Gissurarson
prófessor
Hollywoodhetjur og pólitík
Ég reyndi um daginn í allri vin-
semd að hugga Hannes H. Gissurar-
son stjómmálafræðing sem óttast að
vinstrivillingar hafi lagt undir sig
bandaríska kvikmyndagerð. En
hann lætur sér ekki segjast og hon-
um er reyndar nokkur vorkunn. í
fyrsta lagi leiöist honum að hafa
ekki slóttuga komma til að halda sér
og öðrum viö efnið í því skuggaboxi
sem hugmyndabarátta nútímans er
(markaöshyggja berst við enn
hreinni markaðshyggju). Hann vant-
ar óvin.
í öðru lagi er Hannes viðkvæmur
höfðingjasinni: hann ítrekar það að
„myndasmiðir í Hollywood bregða
oft upp ófagmri mynd af vestrænum
stórfyrirtækjum og stjómmálamönn-
um“ og því vill hann ekki una. Hann
vill heldur sjá eitthvað jákvætt og
fallegt í kvikmyndasögiun um þessa
menn, enda hefur hann bundið við
þá vonir heimsins. Hann er satt að
segja eins viðkvæmur fyrir orðstír
shma manna og flokkshollur sovét-
gagnrýnandi, sem hafði áhyggjur af
því að héraðsformaðurinn í síðustu
kvikmynd væri ekki nógu rismikill
eða heiðarlegur.
Þjóðverjar og Rússar
Hannes bendir á það máli sínu til
sönnunar, að þeir í Hollywood geri
sjaldan eða aldrei myndir á móti
kommúnisma en fjölmargar á móti
nasisma og fasisma og sér í þessu
skuggalega hlutdrægni. Hann hefur
rangt fyrir sér sem fyrr. Hollywood
gerir reyndar mjög sjaldan myndir
„Því eru myndir gegn nasisma fyrst og fremst sögur
um helför gyðinga, því þœr sögur þekkja margir og
bandarískir gyðingar bera þœr vitaskuld mjög fyrir
brjósti.“ - Úr myndinni „Schindler’s List“.
Með og á móti
Tvímælalaust
Það er tvímæla-
laust verið að
eyðileggja sand-
fjörur við Reykja-
vík. Við sem
búum við sjóinn og fylgjumst
með sjávarfóllum og náttúru
fjörunnar verðum átakan-
lega vör við breytingar.
Hér er ekki um að ræða
venjulegar breytingar sem
stafa af tilfærslu vegna
brims og sjávarfalla heldur
ógnvænlegar breytingar þar
sandflákar hafa horfið og upp úr
um líf Þjóðverja undir nas-
isma eða líf Rússa undir
kommúnisma. (Nýleg und-
antekning er ágæt mynd
rússnesks leikstjóra,
Kontsjalovskis um kvik-
myndasýningarmann
Stalíns).
Þetta gerist ekki af póli-
tískum ástæðum. Heldur
vegna þess að hinn banda-
ríski áhorfandi nennir ekki
að setja sig inn i líf fólks í
framandi löndum og skilur
ekkert í því - eins og líka kemur
fram í því að Bandaríkjamenn kaupa
helst ekki erlendar kvikmyndir. Því
eru myndir gegn nasisma fyrst og
fremst sögur um helfor gyðinga, því
þær sögur þekkja margir og banda-
rískir gyðingar bera þær vitaskuld
mjög fyrir brjósti. Það er líka hægt
að segja eina og eina sögu úr næsta
nágrenni Hitlers og Stalíns því þeir
eru þekkt nöfn. Fasismi Mussolinis
er aftur á móti einna helst notaður í
gamanmyndir.
Okkar strákar
Þegar Hollywood hættir sér út fyr-
ir landsteinana þá er það jafnan með
sömu formerkjum og þegar lýst er
viðureign við samsæri ríkra og vold-
ugra heima fyrir. Það er verið að lofa
hetjuna, garpinn sem aldrei bilar og
kemur okkur til hjálpar þegar öll
sund eru lokuð. Hetjan fær á er-
lendri gnmd um leið það hlutverk að
efla bandariskt þjóðarstolt eða þjóö-
rembu. Myndimar fylgja bandarísk-
Arni Bergmann
rithöfundur
um hermönnum í stríð
gegn Hitlers-Þýskalandi og
hugprúðum agentmn til
viðureignar við KGB í
njósnastríði eftirstríðsár-
anna. Og það era þessir
menn, „okkar strákar",
sem skipta máli í sögunni.
Útlendingamir era ann-
aðhvort aðdáunarfullar
hjálparhellur okkar stráka
(einkum ein stúlka fogur)
eða misjafiilega illa innrætt
fúlmenni. Þessu heldur svo
áfram eftir að kommúnismi líður
undir lok. Rússar era að kvarta yfir
þvi að þeir haldi áfram að vera fant-
amir sem amríska hetjan stútar á
tjaldinu - nú eru það gjama vald-
sjúkir herforingjar í samkrulli viö
nýríka maflósa sem taka við hinu
sovéska hlutverki. Óvinir verða að
vera, hefði góði dátinn Sjveik sagt.
Stundum herjar Hollywood lika á
sína vini með óbeinum hætti. Fyrir
skömmu var frumsýnd mynd sem
sýnir garpa í áhöfn bandarísks kaf-
báts komast yfir þýsku dulmálsvélina
Enigma og finna leiðir til að ráða
skeytasendingar þýska hersins. Bret-
ar móðguðust sárlega, því i rauninni
vora það breskir kafbátamenn og dul-
málssnillingar sem unnu þetta afrek
og það áður en Bandarikjamenn
komu í stríðið. En hvað geta Bretar
gert: Bandaríkjamenn eiga alþjóðleg-
an kvikmyndamarkað og þar með það
litla sem almenningur samtímans fær
að frétta af sögulegum tíðindum.
Árni Bergmann
r við Reykjavík með efhistöku?
Vísað til æðri máttarvalda
Sigþór
Magnússon
skólastjórí Klé-
bergsskóla
sem
standa nú einungis stórgrýti
og mór.
Ástæður eru ef til vill
margar en áberandi er að þeg-
ar sanddæluskip hefur verið
úti fyrir ströndinni eða rétt-
ara sagt nánast uppi í fjöru,
þá hafa umtalsverðar breytin-
ar fylgt í kjölfarið í næsta
brimróti. Auðvitað verður að
rannsaka orsakir þessa vand-
lega en það segir sig sjálft að
þar sem sandur er tekinn úti
fyrir að þangað rennur sandur við
næsta brimrót.
Leiðrétting
Vegna mistaka við vinnslu Með og
á móti síðastliðinn fostudag
víxluðust myndir og texti þar sem
spurt var um fjörurnar í Reykjavík.
Hér er svörin birt á ný og era
hlutaðeigandi beðnir velvirðingar á
mistökunum.
Skráð saga
| landbrots á höfuð-
borgarsvæðinu er
f jafngömul íslands-
byggð. Allir
þekkja Seltjörnina sem ekki
er lengur tjörn. Ámi Magnús-
son lýsir landbroti víða á
Kjalarnesi árið 1703 og segir
m.a. að bærinn Saltvík hafi
þrisvar veriö færður undan
ágangi sjávar frá landnámi
og fjórða færslan sé áformuð.
Hvar var Björgun þá? Kirkjugarður-
inn á Saurbæ er hálfur horfinn
vegna landbrots án þess að efnistaka
sé þar neins staðar nærri.
Efnistaka Björgimar fer fram 115
metram, hið minnsta, frá stór-
straumsfjöruborði en yfirleitt mun
Sigurður R.
Helgason
framkvæmdastjórí
Björgunar
lengra frá landi. Efnistakan
er á fáum og einangruðum
stöðum á svæðinu. Þær rann-
sóknir sem framkvæmdar
hafa verið á efnisdælingu
Björgunar hafa sýnt að nám-
ur Björgunar eru utan fjöru-
tengdra setflutningaleiða
malar og sands og því án
áhrifa á fjörur á þeim örfáu
stöðum þar sem dælt er ná-
lægt landi. í ljósi þessara
staðreynda og sögu almenns
landbrots á höfuðborgarsvæðinu er
þeim sem áhyggjur hafa af landbroti
vísað til æðri máttarvalda.
Kjalneslngar hafa að undanförnu gagnrýnt efnlstöku Björgunar í Kollaflröi og telja að hún sé að eyðlleggja Qörurnar við Reykjavík.
Ummæii
Sálarlíf markaðarins
„Það er hefð hjá
okkur að kommentera
aldrei á gengi bréfa
okkar, hvort sem þau
fara upp eða niður, og
er það í samræmi við
reglur Verðbréfaþings.
Það er rétt, að gengið
hefur fallið. Það er markaðurinn sem
ræður þessu og hugmyndir manna
geta orsakað sveiflur til eða frá. Ég sá
að gengið var í dag 9,25, en var 8 á
sama tíma í fyrra, þannig að þetta
sveiflast upp og niður eftir því hvemig
sálarlíf markaðarins sveiflast."
Höröur Sigurgestsson, forstj. Eimskipa-
félagsins, í Degi. 12. júlí
Tímasprengju beðið
„HIV dreifist á ná-
kvæmlega sama hátt
og lifrarbólga C,
þ.e.a.s. með blóðblönd-
un við fikniefnanotk-
un. Þama er því um
að ræða tímasprengju
sem okkur hefur lengi
fundist að biði eftir að springa en hef-
ur ekki gert þaö enn, sem betur fer, og
er ekki ljóst hvers vegna. Þetta er sem
sagt áhyggjuefni okkar hér á landi og
er í raun og veru skilaboð til okkar
um að taka fikniefnaneyslu á íslandi
mjög alvarlega."
Siguröur Guömundsson landlæknir í
Morgunblaðinu 14. júlí 2000
Að pissa í skóinn
„Nýlega var tekin sú ákvörðun að
flytja Byggðastofnun út á land. Frels-
aranum hefur þótt nokkuð skondið að
fylgjast með því hvemig starfsmenn
Byggðastofnunar þurfa að kyngja
ákvörðun ráðherra án þess að geta
hreyft neinum mótmælum. Ef þeir
gerðu það væri „innsti kjami“ stuðn-
ingsmanna byggðastefnunnar farinn
að viðurkenna ókosti þess að flytja út
á land, og væri þá fokið í flest skjól..."
Af frelsi.is þann 11. júlí 2000
Ekki svona
„Umræðan um brott-
kast hefur gosið upp af
og til á undanfórum 20
árum. Eðli málsins
samkvæmt eru rann-
sóknir á brotum af
þessu tagi mjög erfiðar
viðfangs en samkvæmt
lauslegum athugunum okkar á undan-
fómum árum á þessu bendir fátt til að
brottkastið sé af þessari stærðargráðu.
Þótt gert sé ráð fyrir því að öllum
þorski 70 sentímetrar að lengd og
styttri sé hent er hæpið að magnið geti
veriö svo mikið miðað við eðlilega sókn
og samkvæmt stofhmati okkar."
Jóhann Sigurjónsson, forstjóri Hafrannsókna-
stofnunar, í Morgunblaöinu 14. júlí 2000
mikið
Dalabændur sem
gleymdust
Nokkrir dagar era síðan
víkingaskipið íslendingur
lagði úr höfn í Búðardal
vestur um haf. Lítil hafnar-
mannvirki höfðu verið í
Búðardal síðustu 1000 ár
eða allar götur síðan Eirik-
im rauði hóf þar fræga ferð
sína til Grænlands. Nú
hafði ríkisstjómin látið
gera á siðustu mánuðum
smábátahöfn svo allt væri
fint og fallegt þegar ráð-
herra og aðrir kveddu vík-
ingaskipið íslending. Eng-
inn mátti verða blautur í fætuma
við athöfnina. Eiríkur rauði og
menn hans sjósettu fyrir 1000 áram
skip sitt beint úr fiörunni. Samt var
þaö svo að þessi látlausa og fátæk-
lega sigling þeirra varð ein frægasta
sjóferð sögunnar.
Fátækleg húsakynni
Bær Eiríks rauöa stóð í Haukadal
og rústir hans hafa verið rannsakað-
ar af fomleifafræðingum. Það vekur
athygli hve smátt, látlaust og fátæk-
lega var búið. Torfbærinn var engin
höll. Samt var hægt að undirbúa
þarna landnám á Grænlandi. I þessu
koti fæddist Leifur heppni. Engan
hefur þá grunað að hann ætti eftir að
fara svo vítt um lönd og verða einn
frægastur sæfara. í Haukadal er líka
verið að endurgera þennan gamla fá-
tæklega torfbæ. Þar er ekkert sparað.
Líklega yrði enginn meira undr-
andi en Eiríkur rauði sjálfur endur-
fæddur í dag ef hann sæi gamla kotið
sitt svona flott. Jafnvel Leifur heppni
endurfæddur teldi þetta óþarfa flott-
heit. Hann gæti jafnvel alveg fundið
Ameríku aftur einn og óstuddur þótt
ríkissjóður væri ekki að eyða öllum
þessum peningum á hann.
Gamalt héraðskólahús í næsta ná-
grenni hefur verið gert að nýrri Hót-
el Sögu eða er jafnvel enn finna. Ekki
hefði Eiríki rauða dottið í hug fyrir
1000 árum að menn byggju svona flott
þegar þeir heiðruðu hann árið 2000.
Þama er sér bað með hverju herbergi
en Eiríkur rauði sjálfur varð oftast að
láta sér nægja að blotna einstöku
sinnum örlítið þegar sjó gaf á vík-
ingaskipiö. Svo geta menn gengið
öma sinna inni í sérherbergi þegar
Eirikur rauði varð að láta borðstokk-
in og Atlantshafið duga.
Tímamir breytast mennimir og
siðimir með. Varla munu þó gestim-
ir í sumar í Haukadal endurtaka
Lú&vík
Gizurarson
hæstaréttrlögmaöur
nokkuð á sinni ævi sem
borið verður saman við af-
rek Eiríks rauða og sonar
hans, Leifs heppna.
Mi&aldir gleymdust
Þessa dagana er verið að
leggja nýjan finan upp-
hækkaðan veg frá Bröttu-
brekku og um Miðdali vest-
ur í Haukadal að endur-
byggingunni á bæ Eiríks
rauða. Áður var árum sam-
an venjulegur sveitavegur
frá Bröttubrekku um Mið-
dali sem ferðamenn hafa farið sið-
ustu áratugina á leið sinni til Vest-
fiarða og komist sæmilega leiðar
sinnar. Svo gistu menn í Flókalundi
en að vísu var þar ekki gullklósett í
hverju herbergi eins og nú er komið
í nýju gistinguna að Laugum.
í öllu þessu peninga- og gullregni
vestur í Dölum vegna Eiríks rauða
og sonar hans Leifs heppna hafa
menn gleymt Miðdölunum sjálfum.
Þar era stórar sand- og malareyrar í
öllum dalbotninum. Fjöllin til beggja
handa era ber og gróðurlaus. Samt
eru mörg örnefni sem bera þess vott
að þama hefur verið skógur. Á örfá-
um stöðum standa enn nokkrar
hríslur sem bera vott um foma
frægð. Þessa gróðureyöingu munu
heiðursgestimir skoða og sjá út um
bílgluggann þegar þeir aka Miðdali á
nýja fina vegimun.
Hugmyndir hafa komið fram um
aö græða upp þennan fallega dal sem
þjóðvegurinn liggur um frá Bröttu-
brekku vestur að Haukadal. Þá yrðu
grænar grundir grasi vaxnar í dal-
botninum í stað núverandi sand- og
malareyra. Svo kæmu tré og skógur
í hliðarnar.
Þegar farið hefur verið fram á ein-
hvem smástyrk úr ríkissjóði til- að
hefia þessa brýnu uppgræðslu þá er
sagt að engir peningar séu til. Það
má vera að þeir séu ekki á lausu i
svona verkefni sem bindur þó C02og
græðir upp landið. Gras kemur þar
sem sandur veu- áður. Peninga skort-
ir samt ekki þegar menn þurfa að
sitja á gullklósetti vestur í Dölum til
að geta heiðrað bæ Eiríks rauða og
fæðingarstaö Leifs heppna. Já, gull-
klósett eru dýr. Það er ekkert til að
gera grín að.
Lúðvík Gizurarson
„Líklega yrði enginn meira undrandi en Eiríkur rauði
sjálfur endurfœddur í dag ef hann sœi gamla kotið sitt
svona flott. Jafnvel Leifur heppni endurfœddur teldi
þetta óþarfa flottheit.“ *