Dagblaðið Vísir - DV - 26.09.2000, Blaðsíða 2

2
ÞRIÐJUDAGUR 26. SEPTEMBER 2000
Fréttir
I>V
Alls 125 manns hafa veikst af salmonellusýkingu:
Faraldurinn í rénun
- leitað samstarfs við bresk heilbrigðisyfirvöld
Salmonellufaraldurinn sem geng-
ið hefur yflr hér á landi er nú ótví-
rætt í rénun, að sögn Guðrúnar Sig-
mundsdóttur, læknis hjá sóttvarna-
lækni landlæknisembættisins. Að-
eins tvö ný tilfelli greindust í gær.
Samtals hafa 125 manns veikst sem
þýðir i raun að gera megi ráð fyrir
að á annað þúsund manns hafi
sýkst af bakteríunni.
Öll sýni sem Hollustuvernd hefur
rannsakað hafa reynst neikvæð. Að
sögn Franklíns Georgssonar hafa 45
sýni nú verið rannsökuð. Engin
salmonellusýking hefur fundist í
þeim. Nú er aðeins eftir að fá niður-
stöður úr 2-3 sýnum sem Heilbrigð-
iseftirlit Reykjavíkur hefur tekið
vegna salmonellusýkingarinnar.
í ljós hefur komið að tveir stofnar
salmonellu hafa herjað á fólk í Bret-
landi. Annar þeirra hefur reynst
vera samstofna þeirri bakteriu sem
valdið hefur sýkingunni hér.
Salmonellufaraldurinn í Nova
Scotia í Kanada reyndist hins vegar
vera af öðrum stofni.
Guðrún sagði að heilbrigðisyfir-
völd hér myndu vera í sambandi við
heilbrigðisyfirvöld í Bretlandi til að
kanna hvort faraldurinn í löndun-
um ætti eitthvað sameiginlegt. Hún
sagði að heilbrigðisyfirvöld hér
stæðu enn í þeirri trú að sýkingin
stafaði frá jöklasalati. Allar faralds-
fræðilegar rannsóknir bentu til
þess. Hins vegar væri vel þekkt í
sýkingum af þessi tagi að matvælin
sem lægju undir grun væru búin
þegar til þeirra ætti að taka til sýna-
töku. f þeim tilvikum væri aldrei
hægt að staðfesta með ræktun sýna
hvaðan sýkingin hefði komið. Nið-
urstöðumar byggðust því á faralds-
fræðilegum rannsóknum.
„Spumingin er hvort hugsa eigi
um fjárhag einstakra fyrirtækja eða
hundrað manna sem veikjast í þjóð-
félaginu. Salmonellusýkingin getur
verið lífshættulegur sjúkdómur og
lögin mæla fyrir um að við eigum
að vinna á þennan hátt. Við erum
að reyna að afmarka sýkinguna við
eina ákveðna salattegund til að
þurfa ekki að eymamerkja allt
jöklasalat á markaðnum." -JSS
Byggðastofnun:
Engar tilkynningar
um vanhæfi
Nokkur styr hefur staðið um þá
ákvörðun Byggðastofnunar að semja
við Sparisjóð Bolungarvíkur um að
sparisjóðurinn annist alla innheimtu
fyrir stofnunina, og hefur stjóm
Byggðastofnunar verið gagnrýnd fyrir
að bjóða ekki út verkefnið í ljósi
tengsla stjómarmeðlima við byggðar-
lagið. f reglugerð fyrir Byggðastofnun
er kveðið á um að stjómarmönnum
beri við upphaf setu að leggja fram yf-
irlit yfir þau fyrirtæki sem þeir telja
sér það nátengd að þeir geti ekki tekið
þátt í afgreiðslu á málefnum þeirra.
Samkvæmt upplýsingum frá Guð-
mundi Malmquist, forstjóra Byggða-
stofnunar, hefur enginn stjómarmann-
anna sjö tilkynnt um fyrirtæki sem
hann er vanhæfur að íjalla um, þar á
meðal alþingismennimir Kristinn H.
Gunnarsson, stjómarformaður Byggða-
stofnunar, og Einar K. Guðfmnsson,
sem eru báðir frá Bolungarvík og eiga
þar hagsmuna að gæta. -MT
Glæpaamman laus
65 ára gömul reykvísk kona, sem
sett var i 10 daga gæsluvarðhald vegna
gruns um stórfelld skipuiögð fjársvik,
var látin laus í gær. Konan er grunuð
um að hafa haft á fjórða tug milljóna
af allt að 10 einstaklingum. Taiið er að
konan hafi haft samband við mun
fleiri aðila en ekki tekist að hafa af
þeim fé. Hún hefur verið dæmd
tvisvar áður fyrir fjársvik. Efnahags-
brotadeild Ríkislögreglustjóraembætt-
isins tókst að ljúka þeim hluta rann-
sóknarinnar sem gæsluvarðhaldið
tengdist áður en konan var látin laus
en deildin hefur málið enn í rannsókn
og það er ekki komið tO ákæruvalds-
ins enn. -SMK
Nafna stökkvarans dv-mvnd njodur helgason
Hér er Páll stoltur meö sína Völu sem hlaut nafn sitt eftir frábæran árangur Völu Flosadóttur á Ólympíuleikunum í
gærmorgun.
Hvolpurinn Nala varð Vala
DV, SELFOSSI:________________________
„Þessi hvolpur kom til okkar fyr-
ir þrem vikum. Þá fylgdi honum
nafnið Nala en við vorum búin að
vera að velta fyrir okkur nýju nafni
á tíkina. Og í morgun þegar við
höfðum fylgst með stangarstökk-
skeppninni í Sydney lá nafnið fyrir,
hún skyldi heita Vala,“ sagði Páll
Bragi Hólmarsson, stoltur hunda-
eigandi sem býr í Sandvíkurhreppi
hinum forna rétt neðan við Selfoss.
Páll segir að Vala lofi góðu enda
sé hún af góðri ætt, hann eigi ömmu
hennar og hún hafi alltaf verið mik-
il sómaskepna. Páll á sjálfur eitt
sameiginlegt með Völu Flosadóttur,
bæði eru Norðurlandameistarar,
Vala í sinni grein en Páll er ný-
krýndur Norðurlandameistari í
fimmgangi og tölti. Það er þvi vel
viö hæfi að Norðurlandameistari í
hestaíþróttum eigi nöfnu Norður-
landameistarans í stangarstökki
kvenna, afrekskonunnar Völu
Flosadóttur. -NH
Faðirinn sem óskaði eftir lögreglurannsókn á flugslysinu í Skerjafirði:
Flugmálastjórn liggur undir grun
- og tortryggilegt að flugmálastjóri neiti að afhenda
„Neitun flugmálastjóra er tor-
tryggileg í ljósi þess að stofnun
hans hefur að mínum dómi stöðu
grunaðs í þessu máli,“ segir Friðrik
Þór Guðmundsson, faðir annars
piltanna sem lifðu af flugslysið sem
varð í Skerjafirði 7. ágúst sl. og
kostaði íjögur mannslíf. Eins og DV
hefur skýrt frá hefur Flugmála-
stjórn neitað að afhenda lögregl-
unni segulbandsupptökur af sam-
tölum Flugumferðarstjómar fyrir
og eftir' slysið og borið við hags-
munum þeirra sem koma fyrir á
upptökunum. M.a. er um að ræða
upptöku á samtali flugumferðar-
stjórans á vakt og flugmanns vélar-
innar sem fórst. Lögreglan mun
leita ásjár dómstóla til að fá hljóð-
ritanimar.
Ekki persónuleg samtöl
„Þessi neitun vekur ekki síst
spurningar fyrir þá sök að um er að
ræða samtöl á rásum sem í raun
allir geta hlustað á og eiga að vera
fagleg en ekki persónuleg. Það
Feluleikur hjá Flugmálastjórn?
„Þaö mætti ætla aö Flugmálastjórn
heföi eitthvaö aö fela en vonandi er
þaö ástæöulaus ótti, “ segir faöir ann-
ars piltanna sem liföu af flugslysiö í
Skerjafiröi á dögunum.
hljóðritanir
mætti ætla að Flugmálastjóm hafl
eitthvað að fela en vonandi er það
ástæðulaus ótti. Neitunin tefur
rannsóknina enda er ekki hægt að
rannsaka slysið án þess að hafa
þessi gögn,“ segir Friðrik.
Rannsókn lögreglunnar er gerð
að ósk Friðriks og fer fram óháð og
samhliða rannsókn rannsóknar-
nefndar flugslysa. Friðrik segir lög-
reglurannsóknina fyrst og fremst
eiga að beinast að rektstri
Leiguflugs ísleifs Ottesen sem átti
og rak flugvélina sem fórst. Rann-
sóknin eigi þó ásamt öðra jafnframt
að taka til þess hvort og hvers
vegna ekki var nægur aðskilnaður
milli vélarinnar og þeirrar sem á
undan lenti og varð til þess að flug-
manninum var gert að hætta við
lendingu á síðustu stundu. í því
sambandi sé ekki gefið að sökin
liggi hjá flugmanninum og að mik-
ilvægt sé að fá úr því skorið hvem-
ig þessu atriði var háttað. Þar til
það verði gert liggi Flugmálastjórn
undir grun um að hafa brugðist
hlutverki sínu. -GAR

Vinnubrögð sæta ámæli
Hjörleifúr Gutt-
ormsson, náttúrufræð-
ingur og fyrrum þing-
maður, telur það
merkilegt hjá Lands-
virkjun ef ætlunin sé
að „pikka út einhverj-
ar rúsínur" sem taldar séu kræsilegar
fyrir almenningsálitið vegna Kára-
hnjúkavirkjunar. Dagur sagði frá.
Hönnun gagnrýnd
Nýbyggingin við Leifsstöð á Keflavík-
urflugvelli liggur undir ámæli aðila í
ferðaþjónustu. Fagaðilar sem þekkja til
flugstöðvarmála hafa lýst yfir vanþókn-
un sinni á hönnun og skipulagi. Dagur
sagði frá.
Ný deild fyrir aldraða
Ný hjúkrunardeild
fyrir aldraða sjúklinga
tók til starfa á Landspít-
ala við Hringbraut í
gær. RÚV greindi frá.
Heilahimnubólga á Eskifirði
Fjórir hafa verið lagðir inn á spítaia
með heilahimnubólgu í kjölfar pestar
sem hefur verið að ganga á Eskifirði. Að
sögn Hannesar Sigmarssonar, læknis á
Eskifirði, eru þetta óvenjumargir þó
ekki sé rétt að tala um faraldur. Réttara
sé að tala um umgangspest sem yfirleitt
gangi um landið á þessum tima árs.
Mbl. sagði frá.
Hart sótt í sjúkrasjóð
Allt að 40% auking hefúr orðið á
beiðnum um aðstoð úr sjúkrasjóði Efl-
ingar - stéttarfélags frá í fyrra. Talið er
að þetta sé afleiðing af róti sem er á
vinnumarkaðnum þar sem fólk staldrar
stutt við á hverjum stað og ávinnur sér
því lítil sem engin réttindi. Dagur sagði
frá.
Jarðskjálftar í Mýrdalsjökli
Talsverð skjálftavirkni hefur verið í
vestanverðum Mýrdalsjökli undanfam-
ar vikur. Stærsti skjáiftinn varð klukk-
an 6 að morgni sunnudags en sá mæld-
ist 3,1 stig á Richter. Veðurstofan segir
um að ræða árstíðabundna skjálfta-
virkni sem tengist því að það léttir á
jöklinum vegna bráðnunar sem verður
á sumrin. Dagur sagði frá.
Færri fá barnabætur
Foreldrum sem fá bamabætur fækk-
ar um 3300 í ár miðað við árið í fyrra.
Þetta gerist meðal annars vegna skerð-
ingar af völdum hækkunar fasteignar-
mats. Stöð tvö sagði frá.
Milljarður í haust
Gengið hefúr verið
frá samkomulagi um
hvemig staðið verður
að greiðslu Lands-
síma íslands hf. á um
5 milljarða króna
skuld fyrirtækisins
við ríkið. Mun Lands-
síminn greiða einn milljarð króna 30.
nóvember og gefa út skuldabréf fyrir eft-
frstöðvunum til nokkurra ára. Mbl.
sagði frá.
10 þúsund undirskriftir
Andstæðingar gegn byggingaáform-
um bæjarstjórnar Kópavogs á Vatns-
endasvæðinu ætla að reyna að afhenda
forystumönnum bæjarins undirskrifta-
lista með um 10 þúsund nöfhum á bæj-
arstjómarfundi klukkan 17 i morgun.
Dagur sagði frá.
Kvikmyndaver til sólu
Forsendur fyrir byggingu og rekstri
stórs kvikmyndavers í Grafarvogi em
brostnar og eina sérsmíðaða kvik-
myndaverið hér á landi er til sölu. í
fréttum sjónvarps kemur fram að ís-
lenskir kvikmyndagerðarmenn hafa
sýnt húsinu litinn áhuga og er verið að
kanna möguleika á að selja það.
Borða minna af þorski
Meðalneysla á fiski
í Bandaríkjunum, ein-
um helsta markaði ís-
lendinga, er svipuð og
fyrir 13 árum en
neysla á þorski hefur
minnkað um meira
en helming. Á sama
tima hefur neysla á laxi aukist. RÚV
sagði frá. -GAR