Dagblaðið Vísir - DV - 16.10.2000, Blaðsíða 16
16
MÁNUDAGUR 16. OKTÓBER 2000
MÁNUDAGUR 16. OKTÓBER 2000
49
Útgáfufélag: Frjáls fjölmiölun hf.
Stjórnarforma&ur og útgáfustjóri: Sveinn R. Eyjólfsson
Framkvæmdastjóri og útgáfustjóri: Eyjólfur Sveinsson
Ritstjórar: Jónas Kristjánsson og Óli Björn Kárason
Aóstoöarritstjóri: Jónas Haraldsson
Auglýsingastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaðaafgreiösla, áskrift:
Þverholti 11,105 Rvík, sími: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Stafræn útgáfa: Heimasíöa: http://www.skyrr.is/dv/
Vísir, netútgáfa Frjálsrar fjölmiölunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, sími: 462 5013, blaöam.: 462 6613, fax: 4611605
Setning og umbrot: Frjáls fjölmiölun hf.
Filmu- og plötugerö: ísafoldarprensmiöja hf. Prentun: Árvakur hf.
Áskriftarverð á mánuöi 1950 kr. m. vsk. Lausasöluverð 180 kr. m. vsk., Helgarblaö 250 kr. m. vsk.
DV áskilur sér rétt til aö birta aðsent efni blaðsins í stafrænu formi og I gagnabönkum án endurgjalds.
DV greiðir ekki viðmælendum fýrir viðtöl við þá eða fyrir myndbirtingar af þeim.
Friðarviðrœður
Hvorki ísraelsmenn né Palestínumenn munu græða
á að ófriðurinn fyrir botni Miðjarðarhafs haldi áfram
eða magnist út í allsherjarstríð milli ísraels og ná-
granna þess. Hagsmunir allra íbúa á þessu stríðshrjáða
svæði eru samofnir og friður í krafti skUnings og gagn-
kvæmrar virðingar er eina leiðin sem þessum þjóðum
er fær.
Miklar vonir hafa verið bundnar við að varanlegur
friður komist á miUi ísraels og nágranna þess í gegn-
um árin en þær vonir hafa jafnóðum orðið að engu,
annaðhvort vegna hrottalegrar framkomu gyðinga í
garð nágranna sinna eða vegna ofsafenginna og á
stundum glæpsamlegra aðgerða hópa Palestínumanna
gagnvart ísrael.
Einstrengingsleg stefna ísraelskra stjórnvalda í mál-
efnum Palestínumanna hefur gert það nær ómögulegt
að komast að skynsamlegri niðurstöðu um hvernig
þessar tvær þjóðir geti lifað í nágrenni hvor við aðra í
sátt og samlyndi. Þegar Ehud Barak, frambjóðandi
Verkamannaflokksins, náði kjöri sem forsætisráðherra
á liðnu ári vöknuðu á ný vonir um að varanlegur frið-
ur kæmist loks á. Sá einstrengingsháttur sem ein-
kenndi stjórnartíð Binyamins Netanyahus og Likud-
flokksins var að baki en skynsamur hófsemdarmaður
tekinn við - eða til þess stóðu vonir allra.
Síðustu daga hafa ofsafengin viðbrögð ísraels hins
vegar orðið til þess að sýna að þrátt fyrir allt er lítill
munur á þarlendum stjórnmálamönnum. Þeir eru allir
tilbúnir til að grípa til ofbeldis telji þeir ísrael ógnað og
skiptir þá engu hvort í hlut eiga harðsvíraðir hryðju-
verkamenn eða óharðnaðir unglingar, vopnaðir stein-
völum.
Framganga ísraela á undanförnum dögum hefur
valdið þeim álitshnekki víða um heim. Harðir stuðn-
ingsmenn gyðinga telja sig ekki lengur geta varið
harkalegar aðgerðir gegn Palestínumönnum. Jafnvel
Bandaríkjaforseti getur ekki lengur verið þekktur fyr-
ir einhliða stuðning við ísrael, jafnvel þótt nú séu for-
setakostningar fram undan og gyðingar áhrifamiklir í
bandarískum stjórnmálum.
Átökin nú fyrir botni Miðjarðarhafs eru pólitískt
áfall fyrir Bill Clinton Bandaríkjaforseta sem hafði lát-
ið sig dreyma um önnur eftirmæli sem forseti en skilja
við logandi púðurtunnu. Áhrifaleysi og getuleysi Clin-
tons við að koma á friði milli ísraels og nágranna þess
hefur komið berlega í ljós á undanförnum dögum. í
stað þess að verða minnst sem forsetans sem tryggði
friðinn á hann það á hættu að sögubækur minnist hans
fyrir áhrifaleysi.
Yasser Arafat, leiðtogi Palestínumanna, og Ehud
Barak, forsætisráðherra ísraels, eiga þess kost í dag að
stíga raunveruleg skref í átt til friðar á leiðtogafundi í
Egyptalandi. Þar gefst Bill Clinton enn og aftur tæki-
færi til að rétt sinn hlut. Hvernig þessum þremur
mönnum tekst til getur haft veruleg áhrif á þróun
heimsmála á komandi misserum og árum. Arafat og
Barak geta hins vegar sýnt það og sannað að þeir séu
sannir leiðtogar sinna þjóða og í þeim krafti tekið
höndum saman - tryggt frið og hagsæld lítilla þjóða
sem öðrum fremur þurfa frið.
Óli Björn Kárason
DV
Skoðun
Ingibjörg Sólrún heim á ný
Þær eru stundum
skondnar klausumar sem
lesendur DV fá birtar í
dálkinum sem þeim er ætl-
aður. Ein þeirra birtist fyr-
ir nokkrum vikum undir
fyrirsögninni hér að ofan.
Þar segir höfundurinn,
Hjörtur Jónsson: „Flestir
geta verið sammála um að
Ingibjörg Sólrún Gísladóttir
hefur verið ötull borgar-
stjóri og snjall stjórnmála-
maður. Fáir standast henni
snúning þegar hún tínir
fram rök fyrir máli sínu (nema þá
Davíð Oddsson sem enginn virðist
hafa roð við). Ég myndi vel geta
hugsað mér að Ingibjörg yrði áfram
borgarstjóri þótt ég hafi ekki kosið
R-listann. Helst vildi ég að Ingi-
björgu mætti ráða sérstaklega sem
borgarstjóra Sjálfstæðisflokksins.
Hún kemur úr sjálfstæðisfjölskyldu
og væri hún því þannig einfaldlega
„komin heim“ á ný.“
Óánægður með flokksfélagana
Hér tcdar greinilega flokkshollur
sjálfstæðismaður sem sér sig knúinn
til að lofsyngja Foringjann, þótt ég
hafi ekki orðið var við að
Davíð Oddsson sé þvílíkur
afburðasnillingur að enginn
hafi roð við honum.
Bæði Ólafur Ragnar
Grímsson og Ingibjörg Sól-
rún hafa leikið sér að því að
kveða hann kútinn, þá
sjaldan hann hefur tekið
þátt i málefnalegri umræðu,
en hans pólitíski styrkur
felst í því að segja aldrei
neitt sem máli skiptir, taka
helst aldrei hreina og klára
afstöðu, en skáka í skálka-
skjóli billegra brandara eða ósmekk-
legra útúrsnúninga. Það segir reynd-
ar heilmikið um sjálfstæðismenn yf-
irleitt að slíkar eigindir skuli vera
taldar honum til tekna.
En Hjörtur er augljóslega ekki
allskostar ánægður með frammi-
stöðu flokksfélaga sinna í borgar-
stjóm, sem fáir munu lá honum. í
þeirra hópi er fyrirferðarmestur
ungur og hvimleiður gasprari sem
grípur hvert tækifæri til að gera upp-
hlaup og róta upp moldviðri um titt-
lingaskít sem æ ofaní æ gerir hann
að almennu athlægi. En hver veit
nema þessi háttur eigi eftir að
tryggja honum forustuhlut-
verk í Flokknum, þótt al-
menningur láti gaspur hans
sem vind um eyru þjóta?
Pólltísk svefnganga
En það er annað í klausu
Hjartar sem vert er að
íhuga nánar. Ingibjörg Sól-
rún kemur úr sjálfstæðis-
fjölskyldu og á því hvergi
heima nema í Flokknum.
Hér bólar á því algenga við-
horfi að menn hljóti að vera
fæddir með tiltekna póli-
tíska erfðavísa og séu að
svíkja sitt sanna eðli ef þeir
skipta um skoðun eða vaxa
uppúr umhverfi bernsku
sinnar og æsku.
Þessi skoðun byggir á
þeirri sannfæringu að ein-
staklingnum sé fyrirmunað
að læra af lífsreynslu sinni;
hann geti ekki vaxið eða
þroskast frá hugmyndum
eða tilfinningum æskuár-
anna. Þetta viðhorf er í
reynd afneitun á sjálfu líf-
inu og margvíslegum mögu-
leikum þess. Allt sem lifir
Ingibjörg Sólrún
heim á ný
Hjórtur Jönsson skrifar:
Flestir geta verið
sammála um að
Ingibjörg Sólrún
Gísladótíir hefur
verið ötull borgar-
stjóri og snjall
stjómmáiamaður.
Fáir standast henni
snúning þegar hún
tínir fram rök fyrir
„Hér talar greinilega flokkshollur sjálf-
stœðismaður sem sér sig knúinn til að
lofsyngja Foringjann, þótt ég hafi ekki
orðið var við að Davíð Oddsson sé því-
líkur afburðasnillingur að enginn
hafi roð við honum!
Ingibjörg Sóf-
rún Gísladóttir.
tekur breytingum; stöðnun
jafngildir í reynd dauða. „Það
er svo bágt að standa’ í stað,
og mönnunum munar annað-
hvurt aftur á bak ellegar
nokkuð á leið,“ sagði Jónas
Hallgrímsson.
Maður sem alla ævi heldur
fast við sömu skoöanir, er
„stefnufastur" einsog það
heitir í eftirmælum, hann er
löngu dauður andlega, hjakk-
ar í sama farinu og uppgötv-
ar aldrei neitt sem máli skipt-
ir. Honum má jafna við svefn-
gengil, enda mála sannast að
íslensk póltík sé í aðalatrið-
um svefnganga með ívafi
ofsatrúar.
Þegar Halldór Laxness var
spurður um itrekuð sinna-
skipti sín, svaraði hann því
til að lifandi menn héldu
áfram að þroskast og breyt-
ast. Því má hafa það til marks
um þroska Ingibjargar Sól-
rúnar að hún skyldi vaxa
upþúr umhverfí mótunarár-
anna og fara sínar eigin leið-
ir.
Sigurður A. Magnússon
Nú á að byrgja brunninn
Nýlega rann það upp fyr-
ir heilbrigðisráðherra að
eitthvaö væri bogið við
kynlíf unga fólksins okkar.
Hún (herrann) setti nefnd í
málið sem komst að þeirri
„óvæntu" niðurstöðu að
ungt fólk byrjaði sífellt
yngra að lifa kynlifi, það
fengi of litla fræðslu og
væri illa tekið í lyfjabúðum
þegar það reyndi að nálgast
getnaðarvamir sem væru
auk þess alltof dýrar. Af-
leiðingarnar væru ótíma-
Kristín
Halidórsdóttir
fyrrverandi
alþingiskona
bærar þunganir hjá ungum
stúlkum og stöðug fjölgun
fóstureyöinga.
Ansi gamlar fréttir
Heilbrigðisráðherra sagði
samráðherrum sínum frétt-
irnar og þeir urðu sammála
um að hér væri á ferðinni
vandamál sem taka þyrfti á
með fræðslu og forvarnar-
starfi. Fjölmiðlum þótti
þetta líka fréttir og Morgun-
blaðið lofaði framtakið I
leiðara. Reyndar á það ekki
„En betra er seint en aldrei, og nú hefur heilbrigðisráðherra
séð Ijósið og lýst upp hugskot félaga sinna í ríkisstjórninni.
Því ber að fagna og óska verkefninu góðs gengis. “
að kosta krónu, a.m.k. er ekki gert
ráð fyrir slíku enn sem komið er. En
viðurkenning vandans er fyrsta
skrefið og sjálfsagt að fagna því. Lái
mér þó hver sem vill, að mér skyldi
detta í hug málshátturinn kunni um
bamið og brunninn. Hefðu stjórn-
völd verið skjótari í viðbrögðum og
tekið meira mark á viðvörunum
áhugahópa og fagmanna að
ógleymdri löngu gerðri samþykkt Al-
þingis væri ástandið væntanlega öllu
skárra en nú er raunin. Þetta eru
nefnilega ansi gamlar fréttir.
Fyrir hálfu 14. ári eða nánar tiltek-
ið 19. mars 1987 samþykkti Alþingi
að frumkvæði undirritaðrar tillögu
þess efnis..að fela heilbrigðisráð-
herra að efla verulega fræðslu um
kynferðismál meðal almennings með
það að meginmarkmiði að koma í
veg fyrir ótímabærar þunganir og
hindra útbreiðslu sjúkdóma. Sérstök
áhersla skal lögð á að upplýsa fólk á
aldrinum 15-19 ára um kynlíf og
bameignir".
Áfall fyrir unga stúlku
Rökstuðningur fyrir tillögunni var
hinn sami og nú er hafður uppi og
raunar einnig þegar lögin um fóstur-
eyðingar og ófrjósemisaðgerðir voru
sett árið 1975. Ótímabær þungun er
mikið áfall fyrir unga stúlku og fóst-
ureyðing er alltaf neyðarúrræði.
Besta ráðið gegn slíku er forvarnir
og fræðsla.
Það gekk svo sem ekki þrautalaust
að fá háttvirta alþingismenn til að
samþykkja þessa tillögu okkar
þriggja sem þá sátum á Alþingi fyrir
Kvennalistann sáluga. Ég hafði ít-
rekað reynt að vekja athygli á vand-
anum með fyrirspumum og tillögum
m.a. um lækkun kostnaðar vegna
getnaðarvama en uppskar einungis
tómlæti flestra samþingmanna.
Ofannefnda tillögu þurfti að flytja
oftar en einu sinni áður en hún
hlaut blessun viðkomandi þing-
nefndar og reyndar óvist að hún
hefði fengist samþykkt nema fyrir þá
sök að um þær mundir var mikil
umræða um alnæmi sem menn ótt-
uðust að yrði að hreinum faraldri.
Grallarar sögðu að þá fyrst hefðu
sumir þingkarlar séð nauðsyn þess
að efla fræðslu um afleiðingar kyn-
lífs þegar þeim varð ljóst að líka
karlar gátu farið illa út úr slíku
háttalagi. Svo mikið er víst að lítið
fór fyrir umræðum um erfiða stöðu
ungra stúlkna sem verða fyrir ótíma-
bærum þungunum.
Af litlu að státa
Því miður varð minna úr fram-
kvæmd tillögunnar en efni stóðu til.
Fræðslan er nú að mestu í höndum
áhugafólks í röðum læknanema og á
vegum Fræðslusamtaka um kynlíf
og bameignir. Yfirvöld heilbrigðis-
og fræðslumála hafa af litlu að státa.
En betra er seint en aldrei, og nú
hefur heilbrigðisráðherra séö ljósið
og lýst upp hugskot félaga sinna í
ríkisstjórninni. Því ber að fagna og
óska verkefninu góðs gengis. Ekki
veitir af því þróunin er áhyggjuefni.
Meðan fóstureyðingum meðal
stúlkna undir tvítugu hefur fjölgað
jafnt og þétt hér á landi hefur þeim
fækkað á hinum Norðurlöndunum
og annars staðar á Vesturlöndum.
Þar hafa forvarnir og fræðsla verið
tekin fostum tökum og árangurinn
eftir því.
Kristín Halldórsdóttir
Með og á móti
Tekst Kasparov að sigra Kramnik?
Fremsti skákmaður sögunnar
Ég tel mun lík-
legra að Kasparov
vinni einvígið
þrátt fyrir sigur
Kramniks í ann-
arri skákinni á þriðjudaginn.
Bestu rökin fyrir þessari
skoðun er hans glæsilegi fer-
ill. Það ætti öllum að vera
ljóst að Kasparov hefur borið
höfuð og herðar yfir aðra
skákmenn í langan tíma.
Hann býr yfir feikilega mikilli og
dýrmætri reynslu af sterkum mótum
og erfiðum einvígjum og ég sé ekkert
sem bendir til þess að hann sé í einu
né neinu að lina tökinn á
heimsmeistaratitlinum.
Það má kannski segja að
Kasparov hafi gert of mikið
af því að hrósa Kramnik og
spá því að hann verði arftaki
sinn. En ég efast um að sú
stund sé upp runnin þó ein-
hvern tíma komi að því.
Skáksagan á sér marga snill-
inga og það er erfítt að bera
saman mismunandi tímabil í
skáksögunni. Engu að síður má full-
yrða að öllum ólöstuðum, að
Kasparov sé fremsti skákmaður sem
sem fram hefur komið.
Sérfræðingur í Kasparov
Það yrði skák-
inni til góðs að
Kramnik sigraði
og ég held hann
hafi góða mögu-
leika. Hann hefúr margsinnis
unnið Kasparov á skákmótum
liðinna ára og heimsmeistar-
inn ber mikla virðingu fyrir
honum.
Á fjölmörgum sterkum mót-
um siðustu ára hefur
Kramnik staðið fyllilega jafnfætist
Kasparov sem hefur mun meiri
reynslu af erfiðum einvígjum. Á
þeim vettvangi hefur enginn staðist
honum snúning hingað til.
Kramnik hefur gengið fremur
illa í einvígjum, t.d. tapað fyr-
ir Gata Kamsky og Shirov.
Eins og svo margir ungir,
rússneskir stórmeistarar, hef-
ur Kramnik alist upp við
„skóla“ Kasparovs og þróað
sinn eigin stíl með hliðsjón af
honum. Kramnik var aðstoð-
armaður Kasparovs í einvíg-
inu við Anand í New York
1995. Hann þekkir Kasparov að því
marki sem það er hægt og virðist búa
yfir stíl sem hentar vel gegn hinni
kraftmiklu taflmennsku Kasparovs.
Skákeinvígi Kasparovs og Kramniks í London þessa dagana hefur vakið gífurlega athygli. Það er af mörgum talið eiginlegt heimsmeistaraeinvígi þó svo
sé ekki samkvæmt túlkun og lögum Alþjóða skáksambandsins.
Ummæli
Besta veiðikerfi í heimi?
Því er stundum hald-
ið fram að Islendingar
hafi búið til besta fisk-
veiðistjómunarkerfi í
heimi. Það kann vel að
vera. En ef kerfið á að
halda áfram að vera
gott þarf að huga vel
að því að endurbæta það og sniða af
því augljósa agnúa og læra af reynslu
annarra. Reynslan af uppboði fjar-
skiptarásanna í Evrópu gefur gott til-
efni til slíks endurmats."
Þórólfur Matthíasson hagfræðingur,
í Mbl. 13. október.
Hóran RÚV
Ríkisútvarpið er
eins og ofursnyrt hóra
á gangstétt sem selur
hveijum sem kærir sig
um innviði sína. Það
er m.a. kölluð kostun.
Samt eru landsmenn
látnir borga úthaldið,
hvort sem þeim líkar betur eða verr. í
skjóli þeirrar nauðgunar er mennta-
málaráðherra æðsti maður apparatsins
og pólitískir framagosar sitja í fullkom-
lega áhrifalausu ráði og eiga að gæta
þar ímyndaðra almannahagsmuna..
Sovétstíllinn á ríkisupplýsingunni er
orðinn fullljós til að hægt sé að halda
honum tO streitu á nýrri þúsöld."
Oddur Ólafsson í Degi 13. október.
Frjálsræöiö í fyrirrúmi
„Nú I upphafi þings minnir Frelsar-
inn þingmenn Sjálfstæðisflokksins á að
hann muni fylgjast náið með því hvern-
ig þeir munu greiða atkvæði í einstök-
um málum í vetur.Menn tala gjarnan
um hve íslensku samfélagi hafi fleygt
hratt fram, sé litið til síðustu áratuga.
Að íslenskt samfélag hafi risið úr gam-
aldags bændasamfélagi, með torfkofum
og tilheyrandi, í nútímalegt tæknisam-
félag. Frelsarinn tekur undir það. En
hvað skyldi fyrst og fremst hafa orsak-
að framþróunina? Án efa er það aukið
fijálsræði manna til orða og athafna, og
virðing fyrir eignarrétti fólks.“
Úr Netmiðlinum frelsi.is 12. október.
Pappírslöggurnar
„Mér finnst þetta
uppátæki vera í senn
grátbroslegt og
kannski lýsandi fyrir
ástandið eins og það
er. Það hvarflar að
manni að þetta sé leið
stjómvalda til þess að
fjölga „lögreglumönnum" og fyrst þau
geta ekki fjölgað lifandi lögreglumönn-
um á færi, þá em þeir í staðinn ljósrit-
aðir og negldir upp á ljósastaura. Mað-
ur veit eiginlega ekki hvort maður á
að hlæja að gráta.“
Ragnheiöur Davíösdóttir forvarnarfull-
trúi, f Degi 13. október.
Framsóknarflokknum allt
Það gladdi mig að sjá
dönsku þjóðina kveða stofn-
ana- og atvinnurekenda-
veldið í kútinn og reyndar
fleiri óráðholl o.fl. Ðanir
hafa það sem okkur íslend-
inga sárvantar, það er að
ýta pólitíkinni til hliðar
þegar hún ógnar sjálfstæði
og lífskjörum. Við höfum
það gott, eigum við að kasta
því frá okkur fyrir eitthvað
sem við þekkjum ekki?
sagði danskur krónuvinur.
Sumir hlægja, aðrir brosa
í útskýringum sínum um evruna
og E.S.B. í nýlegum Kastljóss-þætti
kvað Halldór Ásgrímsson íslending-
um nauðsyn að miðla fátækum þjóð-
um af auðlegð sinni en hann er ákaf-
ur evrusinni sem skyndilega vill við-
ræður um aðild aö E.S.B. og leyfa út-
lendingum að fjárfesta í sjávarútvegi
okkar. Aldrei hef ég heyrt Halldór
Ásgrímsson fjalla í alvöru um að
hjálpa fátækum löndum sínum, hvað
þá að vilja fara í vafasamar breyting-
ar á lífskjörum þjóðarinnar fyrir þá
eins og hann vill gera fyrir fátækar
þjóðir og hann fjallaði um á svo lang-
dreginn hátt í þættinum.
Auðmýktin sem Halldór Ásgríms-
son vildi í þættinum sýna að hann
ætti til fór honum ekki vel og þegar
hann talar um að hjálpa fátækum
hlægja sumir, en aðrir brosa. Frá því
að Jón Baldvin Hannibalsson hvarf
af þingi hefur Halldór verið hægri
hönd Davíðs Oddssonar við
að færa aldraða, fatlaða og
aðra þá er erfitt eiga að fá-
tækramörkum og þar und-
ir. Hann hefur tekið þátt í
að stórauka misréttið og
gera fólki úti á landsbyggð-
inni svo erfitt fyrir að það
flýr í stórhópum frá óseljan-
legum eignum sínu til
Reykjavíkur og magnar um
leið þenslu og stórhækkar
kaupverð íbúða og leigu
fyrir utan yfirþyrmandi
húsnæðisskort. Aldrei mun
þjóðin bera þess bætur sem Halldór
Ásgrímsson er nú að hafa í gegn á
Austurlandi. Þar er útlit fyrir að
hann komi því til leiðar sem aldrei
áður hefur gerst í íslandssöguni, að
svo margir verði látnir fórna svo
miklu fyrir svo fáa.
Sjálfstæðisflokkur betri
kostur í vinstri stjórn
Á sínum tima í Bretlandi var
þessu öfugt farið, þar þótti með ólík-
indum hvað fáir gátu gert mikið fyr-
ir marga. Ótrúlegt hvað svo litlum
flokki sem Framsóknarflokkurinn er
hefur tekist að valda miklum vand-
ræðum í auðlinda-, byggða- og sjáv-
arútvegsmálum og ekki má gleyma
skipasmíðaiðnaðinum sem þeir
fluttu að mestu í hendur útlending-
um. Brimbrjótur Halldórs Ásgríms-
sonar í erfiðustu málunum er Ingi-
björg Pálmadóttir heilbrigðisráð-
herra og er greinilegt að henni er
ekki sjálfrátt í mörgum ákvarðana-
tökum.
Ingibjörgu virðist fjarstýrt og hún
neydd til að taka ósanngjarnar og
óvinsælar ákvarðanir sem hún
kemst ekki undan og situr ein uppi
með svo Halldór Ásgrímsson geti
verið sakleysið uppmálað frammi
fyrir þjóðinni. Þegar hún svo er orð-
in óþægilega óvinsæl fyrir flokkinn
er hægur vandi að skipta henni út
eins og óvinsælum Finni forðum.
Nú sér Halldór sér leik á hinu
pólitíska taflborði og sá skal leikinn
tímanlega og fleyta honum sjálfum í
forsætisráðherrastólinn. Hann telur
að vinstri flokkamir breyti engu án
sinnar aðstoðar og neyðist til að
sætta sig við afarkosti af hálfu litla
flokksins hans sem aðstoðað hefur
Sjálfstæðisflokkinn við að mismuna
þegnunum og færa þjóðareignir á
fárra hendur.
Sjálfstæðisflokkurinn kemur til
dyranna eins og hann er klæddur og
vill að rikir verði ríkari og segir að
fátækir hafi það ágætt og þar er átt
við fólk sem háð er bótum og lífeyri ,
og svo láglaunafólkið. Framsóknar-
flokkurinn reynir alltaf að sýnast
annað en hann er og einungis hags-
munir eða pólitísk trúarástríöa
nokkurra manna heldur honum á
floti. Meöan þjóöin sér ekki hvernig
stjórnarflokkamir eru að leika hana
er Sjálfstæðisflokkurinn, af tvennu
illu, betri kostur í stjómarsamstarf
vinstri flokkanna.
Albert Jensen
„Nu ser Halldór leik á hinu pólitíska taflborði og sá skal leikinn tímanlega og fleyta honum
sjálfum í forsætisráðherrastólinn. Hann telur að vinstri flokkamir breyti engu án sinnar
aðstoðar...“ - Formaður Framsóknarflokksins meðal ungra framsóknarmanna.