Dagblaðið Vísir - DV - 25.01.2001, Page 6

6
FIMMTUDAGUR 25. JANÚAR 2001
Fréttir 33V
í nógu að snúast hjá Héraðsdómi Reykjavíkur:
Einkamál aldrei fleiri
- málum fór að fjölga 1997, segir dómstjóri
Almennum einkamálum, sem
þingfest eru í Héraðsdómi Reykja-
víkur, hefur fjölgað um 55 prósent
frá árinu 1999 og hafa þau aldrei
verið fleiri frá því árið 1993 þegar
dómurinn tók til starfa. Friðgeir
Bjömsson dómstjóri segir að á ár-
unum 1993 til 1996 hafi orðið eðlileg
fækkun á almennum einkamálum í
kjölfar breytinga á einkamálalögun-
um árið 1992. Þá hafi verið hægt að
fara með ákveðna tegund mála, eins
og mál út af víxlum og skuldabréf-
um, beint til borgarfógeta og gera
fjárnám.
„Árið 1997 fer málunum síðan að
íjölga og frá 1998 hefur verið ákveð-
in stígandi," segir Friðgeir.
Hann segir að erfitt sé að átta sig
á þessum sveiflum og skiptar skoð-
anir um ástæðu þess að málum hef-
ur fjölgað. Sumir telji að hún sé vís-
bending um versnandi efnahags-
ástand en aðrir telji að hún bendi til
batnandi efnahagsástands því þá
taki menn til við að innheimta
skuldir sem þeir áður töldu von-
laust að fengjust greiddar.
Dómurinn fékk alls 14.750 mál til
afgreiðslu á síðasta ári sem er 12
prósent aukning frá árinu áður og
stafar fyrst og fremst af fjölgun
Úr dómsal
Einkamálum hefur fjölgað jafnt og þétt.
einkamála og sakamála. Flutt voru
770 einkamál munnlega en árið 1999
voru munnleg mál 661 og er það
töluverð fjölgun á milli ára. Ef hins
vegar miðað er við árin á undan,
þ.e. frá 1994 til 1998, er fjöldi þessara
mála svipaður og á þeim árum. Þá
fjölgaði ákærumálum frá 1.069 árið
1999 í 1.156 áriö 2000. Um síðustu
áramót beið 401 munnlega flutt
einkamál afgreiðslu og 172 sakamál
en á árinu voru afgreidd 763 munn-
lega flutt einkamál og 1.144 saka-
mál.
Að sögn Friðgeirs hefur meðalaf-
greiðslutími mála verið svipaður
undanfarin ár. Um tvo mánuði tek-
ur að afgreiða sakamál sem ríkis-
saksóknari höfðar en mánuð að af-
greiða mál sem lögreglustjóri höfð-
ar og er þá miðað við tímann frá því
að ákæruvaldið afhendir dómstóln-
um ákæru þar til málið er afgreitt.
Meðalafgreiðslutími munnlega
fluttra einkamála tekur hins vegar
sjö og hálfan mánuð, þ.e. tíminn
sem líður frá þingfestingu þar til
mál er afgreitt. -MA
Frá Húsavík
Framkvæmdir viö brimvarnargarð
sem kostar yfir hálfan milljarð króna
hefjast í sumar.
Húsavík:
280 þúsund
rúmmetrar
í brim-
varnargarð
DV, AKUREYRI:
Framkvæmdir við brimvamar-
garð við Böku í Húsavíkurhöfn
verða boðnar út á næstunni og er
áætlað að verklegar framkvæmdir
geti hafist í apríl og verkinu verði
lokið á tveimur árum.
Að sögn Reinhards Reynissonar,
bæjarstjóra á Húsavík, er hér um
mikla framkvæmd aö ræða og mjög
mikilvæga fyrir bæjarfélagið þar
sem það er ekki fyrr en nýi garður-
inn hefur verið kláraður sem hægt
verður að hafa full not af öðrum
mannvirkjum í höfninni.
Rikissjóður greiðir 75% þessara
framkvæmda en áætlað er að nýi
brimvarnargarðurinn muni kosta
yfir hálfan milljarð króna. Þá er
vonast til að hafnabótasjóður sjái
sér fært að styðja framkvæmdina.
Alls verða flutt í brimvarnargarð-
inn um 280 þúsund rúmmetrar
grjóts en efnið verður tekið á Tjör-
nesi og flutt á bílum til Húsavíkur.
Fari svo að verkið taki tvö ár er
hugsanlegt að árið 2003 verði svo
reist stálþil innan á garðinum sem
þýðir að stærri skip gætu haft þar
viðlegu. -gk
Reiðhöllin að komast í gagnið
DV-MYND ÖRN PÓRARINSSON
Reiðhöllin á Sauöárkróki
Svona lítur Reiðhöllin mikla út - stórt mannvirki sem margir bíða eftir.
DV, SKAGAFIRÐI:_____________________
„Eg vonast til að mínum mönnum
takist að loka reiðhöllinni í lok
þessa mánaðar og þá er mínum
verkþætti lokið,“ sagði Sveinn
Pálmason, framkvæmdastjóri Stál-
bæjar ehf„ sem er aðalverktaki við
reiðhöllina sem risin er á Sauðár-
króki. Sveinn segir að verkið sé
tveimur mánuðum seinna en upp-
haflega var áætlað en skýringin sé
sú að ekki hafi verið notað það efni
sem upphaflegt tilboð miöaðist við.
Þá var ætlunin að nota samlokur
með úretaneinangrun en eigendur
hússins hafi viljað nota steinullar-
einangrun og það hafi orsakað
nokkurra vikna töf á afgreiðslu
stáleininganna i húsið.
Það er hlutafélagið Fluga sem
stendur að byggingu hússins. Að
því félagi standa hestamenn í
Skagafirði, Hestamiðstöð islands,
sveitarfélagið Skagafjörður og fleiri
aðilar. Reiðhöllin er 31x80 metrar
að stærð og til viðbótar kemur and-
dyri norðan við bygginguna. Áhorf-
endasvæði munu rúma um 500
manns.
Kristján Óli Jónsson, umsjónar-
maður hússins, sagði að vinna við
raflögn væri að hefjast, svo og ýmis
frágangur innanhúss. Hann sagðist
vonast til aö húsið yrði komið í full-
an rekstur í marsmánuði. Talsvert
hefur verið spurst fyrir um tíma í
reiðhöllinni fyrir margvíslega starf-
semi. -ÖÞ
Árnl vakti hrifningu
Hið nýja og glæsilega skip Hafrannsóknastofnunar kom inn til ísafjarðar á mánudag. Á þriðjudag var skipiö til sýnis
almenningi og vakti vægast sagt mikla hrifningu gesta sem um borð komu. Frá ísafirði heldur skipið til loðnuleitar.
■B&u Umsjón:
Hörður Kristjánsson
netfang: sandkorn@ff.is
Ríkissjóður fitnar
Bridgespilarar
jru að öllu jöfnu
taldir miklir frið-
semdarmenn,
enda bridge svo
sem engin of-
stopaíþrótt. Það
þóttu því mikil
tíðindi er lögregl-
an á Húsavík
stóð bridgespilara að hópafbrotum
við hraðakstur í Kinninni í Suður-
Þingeyjarsýslu á laugardagsmorg-
uninn. Mun lögreglu hafa verið lítt
skemmt en víst þykir að Geir H.
Haarde fjármálaráðherra glotti út
í annað yfir stórauknu Qárstreymi
í ríkiskassann í formi sekta. Gár-
ungar velta því nú fyrir sér hvort
ekki megi búast við hertu eftirliti
með skákmönnum þjóðarinnar
þegar rólyndis-bridgespilarar eru
famir að plaga lögreglu ...
Heyrir illa
Viðskiptablaðið
segir frá fundi
sem íslensk erfða-
greining hélt með
íslenskum fjárfest-
um á laugardag-
inn og var ætlun-
in að Kári Stef-
ánsson kynnti
stöðu og mark-
mið varðandi deCODE genetics og
gæfi kost á fyrirspumum. Þótti
sumum fundarmönnum sem Kári
svaraði fyrirspurnum þeirra með
skætingi og hafi jafnvel sýnt þeim
lítilsvirðingu með svörum sínum.
Þá mun Kári m.a. hafa sakað fyrir-
spyrjendur um að vinna ekki
heimavinnuna sína. Heimildir
Sandkoms herma að einn þeirra
hafi verið Bjarni Ármannsson,
bankastjóri Íslandsbanka-FBA, sem
Kári telur að heyri bara skrambi
illa og þá aðeins það sem hann vill
heyra ...
Franska á Patró
Sagt er að Jón
Girnnar Stefáns-
son, bæjarstjóri í
Vesturbyggð, sé í
laumi farinn að
læra frönsku. Til-
efnið má greina á
; fréttavefnum TÍÐ-
IS-fréttum sem er
nýtt heiti á
fréttavef Patreksfirðinga á slóðinni
patreksfjordur.it.is. Þar segir frá
því að sjómannadagshald Patreks-
firðinga þyki svo eindæma
skemmtilegt að hróður þess hafi
borist alla leið til Frakklands. Mun
nú vera stefnt að beinu flugi frá
Frakklandi til Patreksfjarðar
næsta sjómannadag. Er þar von á
frönskum hópi afkomenda þar-
lendra útgerðarmanna og
skútukarla sem hafa áhuga á því
að upplifa sjómannadag á Patreks-
firði. Velta gárungar því fyrir sér
hvort ekki þurfi að drífa í stækk-
un Patreksfjarðarflugvallar fyrir
vorið svo hann verði boðlegur sem
millilandaflugvöllur ...
Gjammandi
Á Alþingi ís-
lendinga fór allt
úr böndunum við
þriðju umræðu ör-
yrkjafrumvarps-
ins fræga. Stjórn-
arþingmaðurinn
Árni Johnsen
hélt tilfinninga-
þrungna ræðu
yfir þingheimi þar sem hann fann
stjómarandstöðunni og fjölmiðlum
flest til foráttu. Hann upplýsti að
fréttastofa Ríkisútvarpsins gengi
erinda stjórnarandstöðunnar og
líkti höfuðpáfa Vinstri-grænna við
íslenskan fjárhund, að þeirri
skepnu ólastaðri. Árni sagði
Steingrím J. Sigfússon vera
gagnslausan, sígeltandi og búkhljóð
hans væru áberandi. Ögmundur
Jónasson þótti svara fimlega í
andsvari við ræðunni þar sem
hann lýsti því að ríkisstjórn sem
hefði slíkan liðsmann sem Árna
þyrfti enga andstæðinga...