Dagblaðið Vísir - DV - 24.02.2003, Side 2

2
MÁNUDAGUR 24. FEBRÚAR 2003
Fréttir DV
Breytingar á ráöningarsamningi valda megnri óánægju:
Hamahjúkpun í uppnámi
- starfsfólkið telur um aö ræða tekjuskerðingu og jafnframt uppsögn
Heimahjúkrun
Rúmlega helmingur þess starfsfólks sem starfar viö heimahjúkrun er hjúkr-
unarfræðingar.
Heimahjúkrun á höfuðborgar-
svæðinu er nú í uppnámi eftir að
ríkið hefur tilkynnt breytingar á
ráðningarsamningi þeirra sem við
hana vinna, að sögn Gunnars Gunn-
arssonar, framkvæmdastjóra
Sjúkraliðafélags íslands. „Það er
gríðarleg óánægja meðal þeirra sem
vinna á þessum vettvangi,“ sagði
Gunnar við DV í gærkvöld. Breyt-
ingin felst í því að starfsfólk heima-
hjúkrunar skal nota rekstrarleigu-
bíla við vinnu sína, en notaði áður
eigin bíla og fékk fyrir það fastar
greiðslur. Um 80 hjúkrunarfræðing-
ar og sjúkraliðar vinna nú við
heimahjúkrun á því svæði sem
breytingin nær til, þ.e. í Reykjavík,
á Seltjamarnesi, Mosfellsbæ og
Kópavogi.
„Þetta starfsfólk hefur verið ráðið
upp á það að það skuldbindi sig til
þess að hafa bílpróf og eigin bíl til
umráða,“ sagði Gunnar. „Það hefur
haft einhveijar tekjur af þessu og
margar umræddra kvenna eru með
bíla sem þær hafa verið að fjárfesta
í með tilliti til þeirra tekna sem þær
hafa haft af þessu. Sumar þeirra eru
með rekstrarleigubíla á eigin vegum
til að geta svarað þeim kröfum sem
gerðar hafa verið viö ráðningu, þar
sem skammt er síðan þær voru full-
vissaðar um að engar breytingar
væru á döfinni. Þessar rekstrarleig-
ur eru til þriggja ára, þannig að þær
sitja uppi með ábyrgðina, en enga
afkomu. Það er því ekki alveg að
ástæðulausu sem óánægjan hefur
blossað upp.“
Umræddum lið ráðningarsamn-
ings starfsfólks heimahjúkrunar
hefur verið sagt upp og tekur ofan-
greind breyting gildi 1. apríl næst-
komandi.
„Þarna er verið að segja þeim upp
ráðningarsamningi og ráðningar-
kjörum," sagði Gunnar. „Það er al-
veg Ijóst að þær geta litið á þetta
sem hreina uppsögn. Þetta er mjög
mikil röskun á högiun þeirra. Ég
held að margar þeirra geti ekki ann-
að en hætt störfum því það er gjör-
samlega verið að kippa undan þeim
fótunum og svipta þær forsendun-
um fyrir starfi sínu.“
Gunnar sagði að starfsfólkið í
heimahjúkrun veitti gífurlega mikla
og vaxandi þjónustu. Benda mætti á
nýlega úttekt landlæknis á samein-
ingu ríkisspítalanna þar sem komið
hefði fram að á sl. tíu árum hefði
sjúkrarúmum á Landspítalanum
fækkað um 490. Innlögnum hefði
fjölgað, en legudögum fækkað.
„Þetta þýðir ekki að fólk sé hætt
að vera veikt,“ sagði Gunnar. „Það
þýðir einungis að fólk er veikt
heima hjá sér. Fólk kemur haug-
veikt inn á sjúkrahúsin og það fer
haugveikt þaðan út. Því er mætt
með heimahjúkrun. Þetta er erfitt
starf sem felur í sér mikla ábyrgð og
síður en svo heppilegt að raska svo
högum starfsfólksins eins og fyrir-
hugað er að gera.“
-JSS
Sjá einnig bls. 6
Skotinn í
andlitið með
loftbyssu
Piltur á tvítugsaldri var flutt-
ur á slysadeild eftir að hafa ver-
ið skotinn í andlitið með loft-
byssu rétt fyrir klukkan eitt að-
faranótt sunnudagsins. Fékk
pilturinn gat á kinnina og
bólgnaði hún mikið upp. Að
sögn lögreglunnar í Reykjavík
munaði ekki miklu að skotið
færi í auga piltsins.
Þolandinn kærði atvikið og lög-
reglan handtók 18 ára pilt
nokkrum klukkustundum síðar.
Við yfirheyrslur játaði hann á
sig verknaðinn og var byssan
gerð upptæk. Segir lögreglan
nokkuð mikið um að svona loft-
skotvopn séu i umferð og að
unglingar virðist ekki gera sér
grein fyrir hversu alvarlegar af-
leiðingar þær geta haft, sé þeim
beitt á rangan hátt.
Annars var helgin nokkuð tíð-
indalaus hjá lögreglunni. Lítið
var um pústra í miðbænum og
segir lögreglan að þar hafi rok
og rigning komið til góða og
haldið fólki innandyra. Þá voru
sjö aðilar stöðvaðir, grunaðir
um ölvun við akstur. -vig
Suðurstrandarvegur:
Eykup öryggi
íbúa á Reykjanesi
Mikil ánægja ríkir meðal bæjar-
stjóra Grindavíkur og Ölfuss vegna
þeirrar ákvörðunar ríkisstjómarinn-
ar að veija 500 milljónum króna í
Suðurstrandarveg milli Þorlákshafn-
ar og Grindavíkur. Vegurinn verður
um 60 kilómetra langur en leggja
þarf hann að mestu leyti frá grunni.
Vegurinn skiptir miklu máli vegna
ferðamálasjónarmiðs, fiskflutninga
og almennrar umferðar innan hins
nýja Suðurkjördæmis. Áætlað er aö
vegurinn í heild komi til með að
kosta 800 til 1.200 milljónir króna og
segir Ólafur Öm Ólafsson, bæjar-
stjóri í Grindavik, að 500 miiljónir
muni koma verkinu vel á veg. Hann
telur veginn vera mikið hagsmuna-
mál fyrir Sunnlendinga og Suður-
nesjamenn enda hafi hann verið
mikið baráttumál Grindvíkinga, Ölf-
usbúa og fleiri.
Bent er á Suðurstrandarvegur
auki öryggi fyrir íbúa á Reykjanesi,
t.d. ef Reykjanesbrautin myndi lok-
ast, því þá er engin önnur leið til
Reykjavíkur. Þá auðveldar vegurinn
allar samgöngur milli Suðurlands og
Suðumesja. Vegurinn kemur til með
að verða heils árs vegur og verður
að miklum hluta lagður á öðrum
stað en núverandi vegstæði er. Áætl-
að er að endurbæta veginn frá
Grindavík austur fyrir ísólfsskála og
frá Þorlákshöfn vestur fyrir Hlíðar-
vatn. Miðjukaflinn myndi þá vænt-
anlega bíða annars áfanga verksins.
-GG
DV-MYND JÚLÍA IMSLAND
Ungir listamenn í Krakkaholti
Leikskólabörnin í Krakkakoti á Höfn, Mánadeildin, tók að sér að myndskreyta barnahorniö í biðstofu heiisugæsiustöðvarinnar. Eins og sést á myndinni eru
þarna efnilegir listamenn og þeim fannst það alveg sjálfsagt að stilla sér upp fyrir Ijósmyndarann aö verki ioknu og fóstrurnar máttu líka vera með. -Jl
Stuttar fréttir
Samiö til 2005
Samningur Vegagerðarinnar og
Samskipa um rekstur Vestmanna-
eyjaferjunnar Herjólfs hefur
hækkað að verðgildi um 123% frá
þvi hann fyrst var undirritaður
árið 2000. Vegagerðin greiðir Sam-
skipum 163 milljónir króna fyrir
reksturinn en samningurinn hef-
ur verið framlengdur til loka árs-
ins 2005. Upphaflega var samið um
436 ferðir á ári fyrir 73 milljónir
en þeim hefur verið fjölgað í 511.
Sjjikrahússorpi fargað
á Isafirði
Fyrsti farmur-
inn af sjúkra-
hússorpi frá Ak-
ureyri er nú kom-
inn til eyðingar í
sorpbrennslu-
stöðinni Funa á
ísafirði. Alls voru þetta fjögur
tonn sem komu til brennslu í
Funa, mestmegnis frá Fjórðungs-
sjúkrahúsinu á Akureyri. - BB
greindi frá.
Sjúkraflug tryggt
Nothæft flugvélabensín sem
stenst öryggiskröfur fannst í
birgðastöð Skeljungs á Akureyri.
Voru um 8.000 lítrar fluttir með
bíl til Reykjavíkur og með því
verður hægt að tryggja sjúkraflug.
Flug bensínknúinna smáflugvéla
verður þó áfram takmarkað.
Ferðum fækkað
Stjóm Strætó bs. fól á síðasta
fundi framkvæmdastj óra fyrir-
tækisins að kanna það hvort raun-
hæft sé að fækka ferðum í sumar
þannig að vagnarnir fari á 30 min-
útna fresti í júní, júlí og fram i
miðjan ágúst í stað 20 mínútna
eins og verið hefur.
Tapa milljón á sýningu
íslenska óperan tapar rúmlega
einni milljón króna á hverri sýn-
ingu á óperunni Macbeth sem nú
er sýnd í Gamla bíói. Átta sýning-
ar verða á óperunni en ekki kem-
ur til greina að fjölga þeim.
Bjart útlit
Grásleppuvertiðin hefst eftir um
mánuð og útlitið er bjart hvað varð-
ar sölu á hrognum. Landsamband
smábátasjómanna hefur látið þau
boð út ganga að tunnan ætti að fara
á um rúmar 70.000 krónur. - Inter-
seafood greindi frá. -HKr.