Dagblaðið Vísir - DV - 28.04.2003, Blaðsíða 14

14
MÁNUDAGUR 28. APRÍL 2003
Menning
JOV
Fimm í sveit
Umsjón: Siija Aöalsteinsdóttir silja@dv.is
í gærkvöld frumsýndi Leikfélag Reykjavík-
ur farsann Öfugu megin uppí eftir Derek
Benfield. Ekki kannast ég við höfundinn en í
leikskrá segir aö hann sé einn afkastamesti
gamanleikjahöfundur Bretlands. Eins og þeir
vita sem séð hafa nokkra farsa um ævina
snúast þeir gjarnan um framhjáhald eða til-
raunir til þess og er þessi engin undantekn-
ing þar á.
Sögusviðið er fremur hallærislegt sveita-
hótel en tilvalið fyrir leynilega ástarfundi
þar sem það er úr alfaraleið. Friðþjófur (Egg-
ert Þorleifsson), sem gætir hótelsins fyrir
systur sína, sér fram á náðuga helgi enda
einungis gestir á tveimur herbergjum. í
græna herberginu er Reynir (Bjöm Ingi
Hilmarsson) búinn að koma sér fyrir en í því
bláa er Guðni (Ellert A. Ingimundarson) og
báðir eru þeir að bíða eftir ástkonum sínum.
Svala (Jóhanna Vigdís Arnardóttir) mætir
fyrst og steðjar beint upp á herbergi til Reyn-
is, skömmu síöar kemur svo Hulda (Sigrún
Edda Bjömsdóttir) og laumar sér inn á her-
bergi til Guðna.
Eins og lög gera ráð fyrir í dæmigerðum
farsa verður minna úr ástarleikjum en til
stóð því í ljós kemur að pörin þekkjast inn-
byrðis og upphefst nú mikill blekkingar- og
feluleikur. Þar mæðir einna mest á Friðþjófi
sem gerir hvað hann getur til að koma í veg
fyrir að allt komist upp en hefur að sjálf-
sögðu ekki erindi sem erflði.
Þótt margt sé fyndið í Öfugu megin uppí er
verkið ekki gallalaust. Framvindan mætti oft
vera hraðari og í seinni hlutanum var plott-
iö orðið ansi teygt og togað. Áherslan á Frið-
þjóf verður líka til þess að pörin tvö em oft-
ar en ekki í aukahlutverkum og hlýtur það
að hluta að skrifast á Maríu Sigurðardóttur
leikstjóra.
Væntanlega kemur engum á óvart að Eggert
Þorleifsson njóti sín vel í hlutverki Friðþjófs
enda einn okkar besti gamanleikari. Að vanda
vom allar tímasetningar óaðfinnanlegar og
þótt svipbrigði og látbragð hafi stundum virk-
að kunnuglega þurfti Eggert lítið annað en að
birtast á sviðinu til að kalla fram hlátur. Sig-
Framhjáhaldiö gæti gengiö miklu betur
Ellert A. Ingimundarson og Sigrún Edda Björnsdóttir í hlutverkum sínum.
DV-MYND SIG.JOKULL
rún Edda Bjömsdóttir sýndi sömuleiðis frá-
bæran leik í hlutverki Huldu og var í raun sú
eina af pörunum sem lék í þessum ýkta stíl
sem er farsanum svo nauðsynlegur. Dásamleg
raddbeiting og hámákvæm tOfinning fyrir
hinu kómíska í hreyfingum og töktum skiluðu
sér í heilsteyptum og bráðfyndnum karakter.
Bjöm Ingi, Ellert og Jóhanna Vigdís virtust
ekki finna sig sem skyldi í hlutverkum sínum
en áttu öll ágæta spretti.
Leikmyndin er einfold í sniðum en þjónar
sínu hlutverki prýðilega þó ekki sé hún neitt
augnayndi. Búningar eru misvel heppnaðir
en tekst oftast að styðja við karakterein-
kenni persónanna. Lýsing er ágæt en sá sem
keyrir Ijósin á greinilega eftir að þjálfa sig
betur.
Öfugu megin uppí verður seint kallað
snilldarverk en er ágætis afþreying fyrir þá
sem vilja saklausa skemmtun eina kvöld-
stund.
Halldóra Friðjónsdóttir
Leikfélag Reykjavíkur sýnir á stóra svlói Borgarleik-
hússlns: Öfugu megin uppi eftir Derek Benfield. Þýö-
ing og aðlögun: Árni Ibsen. HIJóö: Ólafur Örn Thorodd-
sen. Lýsing: Lárus Björnsson. Leikmynd og búningar:
Steinþór Sigurösson. Leikstjóri: María Siguröardóttir.
Ljóömynd í tímann
- sérstæö Ijóðmyndverk á sýningu í Lóuhreiðrinu við Laugaveg
Eyvindur P. Eiríksson, málfrœöingur,
Ijóöskáld og sagnahöfundur meö meiru,
hefur sett upp sýningu, sem hann kallar
„Ljóömynd í tímann", í veitingastofunni
Lóuhreiöri viö Laugaveg 61. Þetta eru
myndklipp eöa „collage" meö Ijósmyndum
og Ijóöum sem fjalla um hringrás lífs og
náttúru. Sýningin er opin alla virka daga
og daglega kl. 12.30 eru uppákomur í
tengslum viö sýninguna, Ijóöalestur, söngur
og/eöa hljóðfœrasláttur.
... mannsgaman
Misst andlit
Sólstafirnir úr himninum geta verið
þeirrar gerðar að stinga úr manni augun.
Þá koma þeir eftir láginni og látast baða
geislum sínum gæfulega.
Samt gerist það víða. Á augabragði. Menn
koma fyrir hom og blindast gersamlega.
Ganga á næsta staur, skemma greiðslu,
fletja nef. Vankast vægt í erli dags.
Þannig lá sólin eftir samfelldri Tryggva-
götu daginn sem Listasafnið var opnað með
leik og blæstri. Fánar blöktu í blænum.
Himinn skýr. Stundin komin.
Ráðherrann steig út úr heitfrárri bifreið
sinni með mjúklaga konu sér við hlið. Og
þau gengu til móts við mikið anddyri.
Enn er það svo að ljósastaurinn stendur
en þenna dag söng í honum sárlega. Og
kona ráðherrans með hönd á enni alla ræðu
hans. Bólgin, beygð.
Þannig getur það verið. Sólin svíkur. Og
menn missa andlit. -SER
„Ég nota fallegar myndir úr túristabæk-
lingum í klippin," segir Eyvindur, „og flétta
þær saman við ljóðin mín.“
- Er broddur í þessum verkum?
„Ja, kjarninn í þeim er að við manneskj-
urnar séum hluti af hringrás náttúrunnar.
Ég kalla þetta heiðin ljóð af því að þar reyni
ég að byggja brú milli viðhorfa forfeðra okk-
ar og okkar núna til náttúrunnar því mér
finnst við farin að hugsa meira um það en oft
áður að fara gætilega að náttúrunni. Um leið
felst í verkunum gagnrýni á þá sem halda
áfram að djöflast á náttúrunni. Þeir eru
búnir með skóginn, búnir að þurrka upp
allar mýrar og andskotast nú í stórum
hlutum hálendisins og eyðileggja það til
frambúðar. Ég er ekki að ráðast á allar
virkjunarframkvæmdir heldur er ég að
tengja gömul og ný viðhorf sem eru
hlynnt náttúrunni."
Sams konar verk en þó ívið minni um
sig sýndi Eyvindur á samsýningu í Le
Arie del Tempo í Genova á Ítalíu fyrir síð-
ustu jól. Boðið kom í gegnum listamanna-
hóp í Quibec í Kanada sem Eyvindur hef-
ur starfað með, bæði þar og hér heima.
„Fyrsta boðið kom fyrir um það bil ári
og í því var ég beðinn að svara konunni
sem skrifaði mér og senda henni ástarbréf
meö einhverju myndefni,“ segir Eyvindur
brosleitur. „Sams konar boð fengu 140
aðrir listamenn og framlag mitt varð bara
þetta eina blað. En þeim leist svo vel á
það að mér var boðið að vera með á
annarri sýningu í nóvember. Þar var 21
listamaður héðan og handan úr heimin-
um og okkur var uppálagt að skila tíu
möppum með verkum þar sem sameinuð-
ust texti og myndir. Því miður hafði ég
ekki efni á að fara á sýninguna þótt ég
fengi auðvitað voða fint boðskort en þau
voru svo ánægð með sendinguna frá mér
að nú hefur mér verið boðið að koma
þangað í haust og vera gestur stofnunarinn-
ar í heilan mánuð. Engir skilmálar fylgja en
vel þegið ef ég vil kynna íslenskar bókmennt-
ir og verk mín sérstaklega - og það ætla ég
auðvitað að gera.“
Auk uppákoma í Lóuhreiðrinu í hádeginu
vill Eyvindur minna á lokahátíð sýningar-
innar á lokadegi hennar 3. maí - á laugardag-
inn kemur kl. 16. Þangað eru væntanlegir
meðal annarra þeir Steindór Andersen
kvæðamaður og Erpur rappari sem kannski
taka saman lag að sínum sérstæða hætti.
Við erum hluti af hringrásinn!
Eitt Ijóömyndverk Eyvindar af ítölsku sýningunni.
Ævisögur
Vika bókarinnar ber að
þessu sinni yfirskriftina
Ævisögur og af því tilefhi
munu þrír rithöfundar,
sem allir hafa hlotið ís-
lensku bókmenntaverð-
launin fyrir ævisögur,
spjalla um aðferðir sínar
og viðhorf til ævisagnarit-
unar og lesa úr verkum
sínum á Súfistanum í kvöld kl. 20. Þetta
eru þau Silja Aðalsteinsdóttir, sem hlaut
verðlaunin 1994 fyrir ævisögu Guðmundar
Böðvarssonar, Skáldið sem sólin kyssti,
Guðjón Friðriksson, sem hlaut verðlaunin
1997 fyrir ævisögu Einars Benediktssonar,
og Páll Valsson sem hlaut verðlaunin 1999
fyrir ævisögu Jónasar Hallgrímssonar.
Frítt inn.
Hörpuleikur fyrir álfana
Austurríski hörpuleikarinn Norbert
Maier er einn þekktasti keltneski hörpu-
smiður og hörpuleikari í heiminum og
draumur hans hefur lengi verið að leika á
hörpu fyrir álfana undir Snæfellsjökli að
kvöldi þess 30. apríl og fram á aðfaranótt
1. maí. Áður fyrr var talið að vættir væru
á ferð þá nótt, og sums staðar í grannlönd-
unum er enn dansað í kringum maístöng-
ina.
Norbert Maier er í fylgd íslensku mynd-
listarkonunnar Elínar Magnúsdóttur sem
býr í Vorarlberg en dvelur hér á landi um
þessar mundir vegna sýningar á eigin
verkum sem verður opnuð í Reykjavík 1.
maí. Elín og Norbert koma til með að
dvelja á Gistiheimilinu Brekkubæ á Helln-
um og þar er hægt að fá nánari upplýsing-
ar um það hvar og hvenær Norbert mun
slá á strengi sinnar keltnesku hörpu. Öll-
um er velkomið að koma og hlusta á hann.
Ævintýri frá ýmsum löndum
Skálholtsútgáfan
hefur endurútgefið
bókina Ævintýri frá
ýmsum löndum - sög-
ur og sígild ævintýri
eftir Bob Hartman í
þýðingu Hreins S.
Hákonarsonar.
Bókin er hugsuð fyrir foreldra sem vilja
lesa upphátt uppbyggilegar sögur og ævin-
týri fyrir börnin sín og ræða um efnið við
þau. Margar sögurnar draga fram mikil-
vægi heiðarleika og trúmennsku, góðvildar
og hjálpsemi, aðrar segja frá kostum þess
að vera einlægur og klókur þegar vanda
ber að höndum og enn aörar draga fram
vonir og þrár bama sem fullorðinna þar
sem farið er öruggum höndum um við-
kvæm efni.
Bob Hartman er kunnur fyrir lipran og
lifandi frásagnahátt. Kímni og alvörufull
hlýja svífa yfir vötnum í frásögn hans.
Metaðsókn
Mikill fjöldi erlendra ferðamanna dvaldi
í höfuðborginni nýliðna páskahelgi. Metað-
sókn var í nýopnaða Upplýsingamiðstöð
ferðamanna í Ingólfsnausti og sýndu teljar-
ar að alls heimsóttu hátt á annað þúsund
manns miðstöðina í leit að upplýsingum
um ferðamöguleika um allt land. Meiri-
hlutinn reyndist vera frá Bretlandi og
Skandinavíu og virðist það benda til þess
að aukið framboð á flugi til þeirra áfanga-
staða sé þegar að skfla íslenskri ferðaþjón-
ustu umtalsverðri aukningu.
http://www.visitreykjavft.is, nýr ferða-
vefur Höfuðborgarstofu, sem rekur Upplýs-
ingamiðstöðina, var opnaður fyrir
skemmstu og hefur hann þegar reynst
mikOvægur brunnur upplýsinga og fróð-
leiks fyrir þá sem áhugasamir eru um ís-
landsferðir.
Ljósmyndanámskeið
www.ljosmyndari.is stendur fyrir tveim-
ur ljósmyndanámskeiðum í maí fyrir byrj-
endur og lengra komna. Annars vegar er
námskeið kl. 13-17 helgina 3.^4. maí í
Gerðubergi og hins vegar í Flughóteli
Keflavík kl. 13-19 10.—11. maí. Kennt verð-
ur m.a. aö velja réttu tækin og meðferð
þeirra, notkun ljósmæla, filtera og flass,
myndataka í stúdíói, nærmyndataka,
geymsla og skráning ljósmynda ásamt staf-
rænni myndatöku.
Leiðbeinandi er Pálmi Guðmundsson;
skráning og nánari upplýsingar á vefsíð-
unni www.ljosmyndari.is.