Dagblaðið Vísir - DV - 10.12.2003, Qupperneq 14

14 MIÐVIKUDAGUR 10. DESEMBER 2003
Fókus DV
Guðmundur Ingi Þorvaldsson er leikstjóri Ójólaleikritsins sem leikhópurinn Fimbulvetur frumsýnir
í kaffihúsinu Aðalstræti 10 í kvöld. Verkið er í anda Monty Python, að sögn Guðmundar. Hann hefur
einnig í nógu að snúast með hljómsveitinni Atómstöðinni sem var að gefa út sína fyrstu plötu.
„Það er aldrei fullkomina
Iriðnr í sálinni He^ar
álriðarástand er i heiminum"
„Þetta er svona álíka kaos og
hefði myndast ef geimverur hefðu
lent á Snæfellsnesi,“ segir Guð-
mundur Ingi Þorvaldsson leikstjóri
um Ójólaleikritið sem leikhópurinn
Fimbulvetur frumsýnir í kvöld, í
húsnæðinu þar sem Vídalín var
áður.
„Þetta er svona skets í anda
Monty Python og er sirka 30 mín-
útna langt. Það gerist á jólanóttina
sjálfa fyrir 2002 árum og segir frá því
kaosi sem varð þegar engill guðs
kom til jarðar og tilkynnti allri
heimsbyggðinni að eitthvað stór-
kostlegt hefði gerst í Betlehem,
sendi þangað þúsundir fjárhirða,
vitringa og borgara að leita að frels-
aranum sem enginn vissi hvað var.
Bærinn er ekki í stakk búinn til að
taka við öllu þessu fólki og hvorki
gistirými né klósett handa öllum.“
Klósett koma reyndar einnig við
sögu æfinga leikritsins. Meðan á æf-
ingum stóð var verið að gera húsið
upp og iðnaðarmenn djöfluðust í
kringum leikarana á meðan rekstr-
araðilar hússins gengu um gólf með
gemsa í hendi.
Æfingar á klósettinu
„Til að fá frið til að æfa læstum
við Gísli Pétur Hinriksson, fyndn-
asti maður Islands, okkur inni á
klósetti til að fara með línurnar
okkar. En við fengum ekki frið þar
heldur, því þegar við byrjuðum að
fara með rullurnar fór einhver að
pússa hurðina að utan með raf-
magnsslípitæki." „Hættu þessu,"
bætir hann við og ég held að hann
sé að leika fyrir mig hvernig það er
að standa inni á klósetti og biðja
smiðinn að hætta að pússa, en þá
kemur í ljós að fyndnasti maður ís-
lands er að klípa í rassinn á honum.
„Þetta er öðruvísi leikhús," segir
Guðmundur. „Þetta er kallað Black
Box Theatre á ensku en við höfum
kosið að kalla það nakið leikhús.
Umgjörðinni er haldið í lágmarki
en því meira treyst á túlkun leikar-
anna. Og leikararnir lögðu allir
mikið á sig; mættu t.d. allir hingað
beint úr dagvinnu eða af öðrum
sýningum.“
Vinstri-grænn og sjálfstæðis-
maður saman í bandi
Leikritið er eftir Jeff Goode, sem
vonandi stendur undir nafni, og
verður frumsýnt í kvöld klukkan 20,
en frekari upplýsingar má nálgast í
síma 551 0962. Guðmundur Ingi
Þorvaldsson er leikari og leikstjóri,
en honum er fleira til lista lagt. Hann
er nefnilega einnig söngvari og ann-
ar gítarleikariAtómstöðvarinnar sem
er að gefa út diskinn New York-
Baghdad-Reykjavik.
Hvers vegna þessi nöfn? Ekki
eruð þið kommúnistar?
„Þessi hljómsveit verður seint
sammála um pólitík. Meðal með-
lima eru fyrrverandi formaður hjá
vinstri-grænum og einn eldheitur
sjálfstæðismaður, þannig að túrarn-
ir hjá okkur hafa ósjaldan endað í
rifrildi. Platan er pólitísk en á mjög
innhverfan hátt; textarnir fjalla um
það hvernig hefur verið að vera
venjulegur Islendingur með skugga
11. september í bakgrunninum. Það
er aldrei fullkominn friður í sálinni
þegar ófriðarástand er í heiminum."
Popptíví-dúkka sem stundar
hópsex tvisvar í viku
Guðmundur var áður í gleðisveit-
inni Tvö dónalega haust sem gaf út
plötuna Mjög fræg geislaplata. En
hérna er brúnin orðin heldur þyngri,
eða hvað?
„í heild eru laga- og textasmíðar
Atómstöðvarinnar mun alvarlegri og
einlægari, og spilamennska betri og
metnaðarfyllri, en það rná enn þá
finna húmor og kaldhæðni hér og
þar, eins og til dæmis f laginu „Lag
hins hamingjusama neytanda.“
Skotleyfi auglýsenda á neytendur er
algert. Þú þarft að drekka kók til að
vera í fallega liðinu, ert ekki frjáls
nema þú eigir síma, enginn lítur við
þér nema þú lítir út eins og popp-
tívi-dúkka og þú verður að stunda
hópsex tvisvar f viku til að vera mað-
ur með mönnum. Það er eitthvað að
þegar farið er að leggja 6 ára stúlkur
og 12 ára stráka inn á geðdeild með
anorexíu, er það ekki? Það þarf að
vernda börn og unglinga fyrir mark-
aðshyggjunni."
Ömurlegt morð í Mexíkó
Minna fer þó fyrir kaldhæðni í
laginu Blæðandi sár; „Tilurð textans
við það lag var sú að við vöknuðum
snemma í góðum gfr síðasta vor til
að hefja tökur á plötunni. En áður en
við byrjuðum fékk Sigfús Ólafsson
trommari þær fréttir að skiptinema-
bróðir hans hefði verið myrtur á
heimili sínu úti í Mexíkó um nóttina
af innbrotsþjófum þegar hann
reyndi að vernda konu sína og son,
en Sigfús er guðfaðir sonarins. Sigfús
dreif sig að sjálfsögðu upp í næstu
flugvél til Mexíkó og þegar hann kom
aftur flaug hann beint í gigg með
okkur á Isafjörð. Eftir ball settist
hann niður og skrifaði ógrynni af
ljóðum urn hugarástand sitt, sem við
breyttum svo í textann við lagið
Blæðandi sár.“ Útgáfutónleikar
Atómstöðvarinnar eru á Grandrokk á
laugardagskvöldið klukkan 23. Amos
hitar upp, og það er ókeypis inn.
Platan New York-Baghdad-Reykja-
vik er komin í búðir.
valur@dv.is
Kanínur eiga að taka lýsi
Sigrún spyr:
Dóttir mín á tvær kanínur og við
höfum verið að velta fyrir okkur
hvað sé eðlilegt að þær borði mikið.
Er hægt að reikna út eðlilegan dag-
skammt af fóðri og hvaða grænmeti
er betra en annað? Er nauðsynlegt
að viðra þær reglulega yfir hávetur-
inn?“
Dýralæknirinn svarar:
Kanínur þola ekki skemrnt,
rykugt eða myglað fóður. Forðist
öll snögg fóðurskipti. Reglusemi í
fóðrun og gjafatímum er mikilvæg
því annars er hætta á ofáti ef dýrin
svengjast um of. Það á alltaf að
hafa gott hey hjá þeim og gott er að
hafa gras yfir sumartímann. Einnig
er gott að gefa kanínum grænmeti,
kál, epli, gulrætur og síðan heilfóð-
ur sem fæst í pökkum. Kanínur
eiga alltaf að hafa aðgang að
hreinu vatni. Þó að vítamínin séu
aðeins mjög lítill hluti fóðursins
eru þau engu að síður mikilvæg.
Vítamínskortur veldur ýmsum
kvillum. Einn dropi á dag af lýsi
nægir kanínu tll að fullnægja A- og
D-vítamínþörf. Gott er að kanínur
fái hæfilega hreyfingu en ekki er
nauðsynlegt að viðra þær á vet-
urna.
Köttur með kláða
Björn Sigurðsson spyr:
„Kötturinn minn er eins árs um
þessar mundir. Hann hefur verið
stálhraustur en nú er eins og hann
fái kláðaköst. Getur verið að hann sé
með ofnæmi?“
Dýralæknirinn svarar:
„Það er mögulegt að hann þjáist
af ofnæmi. Hann getur einnig verið
með eyrnamaur sem veldur kláða í
eyrum og umhverfis þau. Til þess að
ganga úr skugga um það er best að
láta dýralækni líta á hann."
Lesendur geta sent fyrirspurnir
um gæludýrin sín til Guðbjargar
Þorvarðardóttur dýralæknis á póst-
fangið dyralaeknir@>dv.is.