Dagblaðið - 22.07.1976, Side 3

DACiBLAÐIÐ. FIMMTUDAGUR 22. JÚLÍ 1976.
3
2v

N
Raddir
lesenda
Jafnvel i Bréiðholtinu er húsa-
leigan sprengd upp úr öllu
valdi.
Sigríður Brynjúlfsdóttir
hringdi:
Ég hef verið í húsnæðisleit
nú í nokkurn tíma. Hef ég bæði
notfært mér dagblöðin og svo
aðrar leiðir til að komast í sam-
band við þá sem leigja út hús-
næði. En það ríkir algjört
okur á þessum markaði.
Tveggja herbergja ibúðir, jafn-
vel í Breiðholtinu, eru leigðar á
30.000 krðnur. Að þessu við-
bættu kemur svo húsgjald sem
er allt að 7.500 krónum á mán-
uði. Svo er þetta ekki gefið upp
og leigjendur fá kvittun sem
nemur helmingi þeirrar upp-
hæðar sem greidd er. Ég þekki
dæmi um þaó að kvittunin var
upp á 9.000 krðnur, en það var
þriðjungur þeirrar upphæðar
sem greidd var í leigu.
I einni ferð minni lá leiðin í
Kópavog. Þar var til leigu 3ja
herbergja kjallaraíbúð á 25.000
krónur á mánuði. Við leigutöku
átti að greiða tryggingu sem
nam 100.000 krónum og sú upp-
hæð átti að endurgreiðast eftir
leigutímann, ef engin spjöll
hefðu verið unnin á íbúðinni.
Það skipti ekki neinu máli, hve
langur þessi leigutími var, þó
hann hefði verið 10 ár, þá var
upphæðin aðeins 100.000 þús-
und sem leigutaki fékk endur-
greidda. Þegar við spurðumst
fyrir um leigusamninginn, þá
vildi húseigandi ekki heyra
minnst á svoleiðis. Hann sagði
að ef hann væri gerður, þá
gæti hann ekki hent okkur út
daginn eftir þess vegna.ef hon
um líkaði ekki leigjendurnir.
Leigjendur hafa alls engan rétt
!! Það er hægt að fara með
okkur að vild húsleigjandans.
Fyrirframgreiðsla er á
flestum stöðum, þar sem ég hef
borið niður, eitt ár fyrirfram.
Ef heppnin er með, þá er hægt
að finna íbúð, þar sem krafizt
er 6 mánaða fyrirframgreiðslu.
Hvernig geta húseigendur
komizt upp með þetta okur?
Hvernig geta þeir komizt upp
með að svíkja svona undan
skatti?? Hvers vegna er ekki
gert eitthvað i þessu af yfir-
völdum? Svona lagað er ekki
hægt að líða.
Húsaleiguokríð
Orðsending
Til Hilmars Jónssonar
fró Arna Gunnarssyni
Æ, Hilmar minn! Það er ótta-
legt að þurfa að svara þessari
orðsendingu þinni í Dagblaðinu
19. júlí. Línurnar verða ekki
margar, aðeins um það, sem þú
rangfærir, sem er nær öll orð-
sendingin. Þá vil ég biðja þig
lengst allra orða að blanda ekki
Vilmundi Gylfasyni inn i þetta.
Það er allt annað mál, sem
okkur greinir á um.
1. Eg gef þér ekkert siðferðis-
vottorð. Þú hefur sjálfur orðið
þér úti um það fyrir löngu. Þar
get ég enga bragarbót gert. '
2. Ég hef aldrei gefið Eiði
Guðnasyni einkunn fyrir lélega
blaðamennsku. Svo vitlaus er
ég ekki enda er Eiður með
snjöllustu fréttamönnum hér á
landi.
3. Mér kemur ekkert við hvað
þeir Styrmir og Matthías á
Morgunblaðinu gera; hvort
þeir eru vondir við þig eða
ekki.
4. Ef þú segir mig skorta
þekkingu á Klúbb- og Geir-
finnsmálinu þá verður svo að
vera. Um slíkt þræti ég ekki við
sérfræðing.
5. Ég hef ekki verið með Vil-
mundi Gylfasyni á einum ein-
asta fundi eða fyrirlestraríerð
úti á iandi; aðeins ósköp venju-
legum kratafundum, sem þú
sækir stundum sjálfur.
Þetta er allt og sumt, sem ég
hef að segja um orðsendinguna.
Vertu nú vænn og hlífðu mér
við frekari skrifum.
Með flokkskveðju,
Árni Gunnarsson.
MIKIL FRAMFÖR
- ÁR OG HREPP
AR MERKTIR
Þór Eggertsson hringdi:
„Eg eyddi sumarleyfinu
mínu hér innanlands og fór
hringveginn ásamt fimm kunn-
ingjum. Við hófum ferðina í
Reykjavík og héldum í austur
til Hornafjarðar. Við höfðum
ekki ekið langt, þegar við
fórum að taka eftir því að ár
höfðu verið merktar. Á brúnni
var skilti með nafni árinnar.
Mér fannst þetta mjög
skemmtilegt og eins fannst
samferðafólki mínu. Við tókum
eftir því að í Strandasýslu
voru allir hreppar merktir með
nafni.
Þetta er mjög mikil framför
að hafa þennan háttinn á. Það
eru ekki allir kunnir stað-
háttitm um þ?’t héruð sem þeir
fara. Þekking manna getur því
verið af skornum skammti á
nöfnum og staðháttum. Er
þetta því vel að merkja svona
ár og hreppa. Þökk fyrir þessa
framtakssemi.“
lesenda
Hringið í síma
83322
milli kl. 13 og 15
eða skrifið
LAMBAKJÖTSVEIZLA
í ÚTLÖNDUM
— en ekki hér hjó aumum mörlanda
Sigríður Guðmundsdóttir
skrifar:
„Það er ekki ofsögum sagt að
við íslendingar kunnum ekki
að stjórna okkur. Eitt lítið
dæmi um það er að við skulum
árlega flytja út kindakjöt til
Noregs og fleiri landa fyrir
helmingi lægra verð en við
aumir neytendur borgum fyrir
það hér. Hvers vegna í
ósköpunum megum við ekki
heldur njóta þess sjálfir að éta
okkar eigið kjöt á lægra verði,
en að bjóða útlendingum í
veizlu? Er það þessi eilífi
sleikjuháttur við allt, sem
útlent er, sem ræður ferðinni,
eða hvað?
Ef það er ekki þetta, sem
ræður ferð stjórnvalda .í
þessum efnum, þá hljóta þau að
geta haft áhrif á bændur í þá
átt að minnka við sig ærstofn-
inni, nema annað komi til og
við tslendingar getum fengið
kjötið á lægra verði eins og ég
nefndi áðan.“
Spurning
dagsins
Ef þér byðist far með vík-
ingaskipi eða skinnbóti
yfir hafið, hvorn farkost-
inn mundirðu velja?
Þrándur Thoroddssen kvik-
myndagerðarmaður: Þetta er
skrýtin spurning. Ætii ég mundi,
ekki frekar velja vikingaskipið.
Þetta hlýtur að vera hálfgerð vos-
búð þarna um borð í Brendan.
Ágnar Árnason, frá Ákureyri: Ég
hefði nú engan hug á því að
ferðast með þessum farkostum
yfir hafið, en ég vildi nú heldur
víkingaskipið.
Birna Ólafsdóttir atvinnulaus:
Ég mundi vilja fara með bát eins
og Brendan.
Dagný Guðmundsdóttir verka-'
kona: Ég mundi þiggja far með
hvoru sem væri. Það hlýtur að
vera heilmikið ævintýri að fara i
svona ferð eins og þeir félagarnir
á Brendan.
Sigurður Vaigarðsson vélstjóri:
Ég held að ég mundi ekki þiggja
neina ferð. Það væri frekar að ég
veldi víkingaskipið.
Ása Björg Ólafsdóttir 11 ára: Ég
mundi fara með víkingaskipinu,
það er öruggiega miklu sterkara
en skinnbáturinn.