Dagblaðið - 14.09.1976, Blaðsíða 8
SÁ FLJÚGANDI FURÐU-
HLUT YFIR FJÖLLUM
DAGBLAÐIÐ. ÞRIÐJUDAGUR 14. SEPTEMBER 1976.
' '
f——
Horfði á fyrirbrigðið
lengi í kiki, frá
Skeiðavegi en enginn
getur gefið góða
skýringu
„Ég hélt fyrst að þetta væri
flugvél, en hraðinn á hlutnum
var það mikill að slíkt fékkst
ekki staðizt,“ sagði Örn Jónsson
úr Reykjavík sem á sunnudags-
kvöldið sá eitthvað í líkingu við
fljúgandi furðuhlut.
Örn var staddur rétt vestan
við Kílhraun á Skeiðum um sjö-
leytið á sunnudagskvöldið með
kíki sinn. Var hann að skoða
fjallahringinn þarna í kring
þegar hann rak augun í stálgrá-
an hlut í mikilli fjarlægð í
norðurátt. Líktist hann einna
helst vindli, mjór til beggja
enda og digur um miðjuna.
Örn reyndi að sjá hlutinn
með berum augum, en það var
ekki unnt. Hluturinn virtist
risastór og fór með ógnarhraða.
Kvaðst Örn fyrst hafa haldið að
hér væri flugvél að hrapa.
Fyrirbærið steyptist ýmist
niður eða fór með ógnarhraða
upp í loftið og sveimaði yfir
svæðinu.
öðru hvoru komu mjög
skærir blossar og inn á milli
eins og flassblossar.
Starði á fyrirbœrið
í nokkrar mínútur
Örn sagðist hafa fylgzt með
hreyfingum ferlíkisins í einar
5-10 mínútur. Hefði hann reynt
að finna einhverja skýringu á
fyrirbrigðinu. Lengi vel kvaðst
hann hafa haldið að hér gæti
hugsanlega verið um að ræða
háspennulínu, sem hefði slegið
út. En slíkt gat ekki staðizt
þegar að stálgrá bolurinn birt-
ist alltaf á miili blossanna.
Þegar að blossarnir minnkuðu,
var eins og hægðist á farinu.
Örn sagðist hafa hætt að
fylgjast með fyrirbrigðinu, er
hann hafði skoðað nægju sína.
Og var það enn á sveimi þegar
hann hvarf af staðnum.
Ekki kvaðst Örn hafa verið
neitt óttasleginn við þessa sjón,
enda hefði hann verið svo upp-
tekinn við að fylgjast með
þessu.
Tœplega veðrið
Haft var samband við
Markús Einarsson veður-
fræðing og hann spurður álits á
þessu fyrirbrigði. Hann kvaðst
telja að þarna væri ekki um
veðurfyrirbrigði að ræða. Taldi
hann hinn gífurlega hraða sem
lýst væri aðalástæðuna fyrir
því að þarna gætu varla hafa
verið ský á ferð.
Markús sagði að ekki væri
óalgengt að menn hringdu til
veðurstofunnar og lýstú
fyrirbrigðum, sem þeir sæju.
Hann vissi hins vegar ekki til
þess að það hefði verið hringt á
sunnudagskvöldið.
Engar þotur þar
á sunnudagskvöldið
Þegar haft var sambnd við
flugturninn kom í ljós að engin
þota hafði, samvkæmt því sem
menn bezt vissu, verið yfir
þessu svæði. Sagði starfsmaður
flugturnsins að hér gæti vart
verið um að ræða annað en þotu
ef um flugvél væri að ræða.
Sagði hann að flugturninn ætti
að vita um allar þotur, sem
fljúga yfir landið.
Og hið sama ætti að gilda um
vélar sem notaðar væru í
æfingum hjá NATO.
-BA.
DULARFULLUR HELLIR
FANNST AF TILVIUUN
Þar hafa einhverjir vandlega frá gengið
og vandlega falið
Eðvar Ölafsson, rannsóknarlögreglumaður, er þarna kominn innst i hellinn en þar er iágt til lofts.
DB-myndir Árni Páll.
Trönuspýtum var raðað vandlega yfir hellismunnann. Mosi var síðan
settur vandlega yfir og sást ekki misfella i landslaginu.
Hellir fannst í Hafnarfjarðar-
hrauni fyrir tilviljun á sunnudag-
inn. Frágangur við hellismunn-
ann var slíkur að grunsemdir
vakna um að hellirinn hafi e.t.v.
verið notaður í einhverju skyni af
óþekktum aðilum. Rannsóknar-
lögreglan í Hafnarfirði hefur
skoðað hellinn, en þar fannst
ekkert sem gæti gefið vísbend-
ingu um hvort eða hverjir hafi
gert sér þar bækistöð.
Það var maður í berjamó sem
fann hellismunnann af tilviljun.
Var hann á gangi niður slakka
niður í lága hraungjá, en hraunið
þarna í krikanum norðan Krísu-
víkurvegar og austan Reykjanes-
brautar er mjög mosavaxið.
Skyndilega rann hann til á mosa-
breiðu. Við athugun kom i ljós að
laus mosi huldi tréverk sem var
vandlega lagt yfir hellismunnann.
Var allur frágangur mjög vand-
aður og mosinn svo vel breiddur
yfir spýturnar að ekki var unnt að
greina hellismunnann frá um-
hverfinu.
Maðurinn gerði lögreglu aðvart
án frekari athugana. Lögreglan
kom að hellinum tómum og inni
fannst ekkert nema plastpoki
utan af málningu.
Hellirinn er á að gizka 25—30
fermetrar að flatarmáli og mann-
gengur að hluta til. Vegur liggur
að fisktrönum sem eru þarna í
krikanum milli veganna og er
stutt að fara frá bílvegi að hellin-
um. Gæti hann því verið ákjósan-
legur geymslustaður.
Hvort sem hellirinn hefur verið
notaður eða ekki, er umbúnaður
heliismunnans í hæsta máta grun-
samlegur. Spýturnar sem voru
lagðar yfir op hellisins eru trönu-
spýtur en eru vandlega sagaðar í
mátulegar lengdir. Lögreglan
óskar upplýsinga um þennan helli
ef einhverjir þekkja til hans. ASt.
GLÆSILEGT ÍÞRÓTTAHÚS
VÍGT í EYJUM
Nýtt og glæsilegt íþróttahús var
vígt í Vestmannaeyjum á sunnu-
daginn með mikilli viðhöfn. Stóð
vígsluathöfnin hátt á þriðju
klukkustund, enda komu fram
ótal flokkar iþróttafólks á ýmsum
aldri og iðkendur ýmissa íþrótta-
greina.
Iþróttahúsið er dönsk hönnun
og smíð og flutt hingað í flekum
og reist. Gólfflötur iþróttasalarins
er 20x40 metrar auk áhorfenda-
svæðis. Húsið er mjög glæsilegt
og boðar þáttaskil í íþróttastarfi
og íþróttaaðstöðu Vestmanna-
eyinga.
Frá vígsluathöfninni. Fimleikaflokkar ganga til sýninga.
DB-mynd Ragnar Sigurjónsson.
Málaskólinn Mímir
l.ii’andi lungiunálakennsla. Mikió uni nýjungar. Kviild-
uámskeió — siódegisnámskeió. Samtalsflokkar h.já F.ng-
lendinguiu. I.éllari þýzka. Íslenzka fyrir útlendinga.
Franska. spánska. ítalska. Noróurlandamálin. Hin
vinsælu enskunámskeið barnanna. Unglingum hjálpaó
fyrir próf.
Innritun í sínia 10004 og 11109 kl. 1-7 e.h