Dagblaðið - 03.09.1977, Blaðsíða 5

DAGBLAÐIÐ. LAUGARDAGUR 3. SEPTEMBER 1977.
5
Atli inn — enn ekki gert
á milli Sigurðar og Árna
Guðgeir og Janus eiga enn við meiðsli að stríða en þó líklegt að þeír leiki
Frá Halli Símonarsyni,
blaðamanni DB i Brussel:
Atli Eðvaldsson Val leikur I
HM-leiknum gegn Belgíu í kvöld
á Anderlecht Stadion í Brussel.
Það er eina breytingin frá liðinu
sem lék siðustu 15 mínútur leiks-
ins gegn Hollandi á miðvikudag.
Atli leikur í stað Árna Sveins-
sonar ÍA. Vera kann þó að önnur
breyting verði á liðinu þar sem
fram kom á blaðamannafundi
KSl, sem efnt var til hér á
Ramanda-hótelinu glæsilega, að
enn hefði ekki verið ákveðið hvor
þeirra Sigurðar Dagssonar eða
Arna Stefánssonar léki í marki
Islands gegn Belgíu. Það verður
ekki gert fyrr en siðar i dag.
Landsliðið verður þannig
skipað: Sigurður Dagsson Val eða
Árni Stefánsson Fram i marki.
Aðrir leikmenn: Ólafur Sigur-
vinsson IBV, Gisli Torfason IBK,
Marteinn Geirsson Royale
Union, Janus Guðlaugsson FH I
vörninni. Framverðir verða
Asgeir Eliasson Fram, Hörður
Hilmarsson Val, Atli Eðvaldsson
Val og Guðgeir Leifsson Charle-
roi. Framherjar verða þeir Ásgeir
Sigurvinsson Standard Liege sem
jafnframt er fyrirliði liðsins og
Matthias Hallgrímsson Halmia.
Tony Knapp landsliðsþjálfari
sagði á fundinum að Guðgeir
Leifsson og Janus Guðlaugsson
ættu enn við meiðsli að stríða.
Hann reiknaði þó frekar með því
að þeir gætu leikið gegn Belgum i
kvöld.
Þá gat Ellert Schram þess að
Belgar hefðu gert athugasemd við
það að Teitur Þórðarson léki.
Belgar eru þar í fullum rétti —
þar sem tilkynna þarf 22ja manna
landsliðshóp 10 dögum fyrir leik.
Teitur var ekki I 22ja manna
landsliðshópnum og það fæst ekki
strax úr því skorið hvort hann fær
að leika i dag.
Af þessum ástæðum er ekki
hægt að gefa upp hverjir verða
varamenn. Tony Knapp sagði að
það væri áfall fyrir okkur að vera
án Jóhannesar Eðvaldssonar en
hann sagði að liðsandinn væri frá-
bær og vonaði að við byrjuðum
eins og Island lék síðari hálfleik-
inn gegn Hollandi. Þá væru mögu-
leikar góðir í leiknum gegn Belg-
um.
Ellert Schram gat þess að I EM
leikjunum 1975 hefði Island
byrjað heldur illa, gegn Frökkum,
en náð sér vel á strik nokkrum
dögum síðar gegn Belgum i Liege.
Tapað fyrir Frökkum 0-3 og síðan
0-1 tap í Belgíu, óverðskuldað.
Sama var uppi á teningnum
1973 — þá heldur slakur leikur í
Danmörku, 1-2 tap gegn Dönum
en síðan jafntefli gegn A-
Þýzkalandi í Magdeburg, 1-1 —
upphafið að hækkandi sól ís-
lenzkrar knattspyrnu.
Ellert sagði ennfremur:
„Leikurinn við Belga leggst mjög
vel i mig.“ Þá gat Knapp þess að
Atli hefði verið valinn i liðið til
þess að hafa nánar gætur á Cools,
upp
— íHM-leiknum
gegn Belgum
íkvöld
sem væri mjög hættulegur leik-
maður frá FC Brugge í gegnum-
brotum. Hann væri óþreytandi —
ákaflega hættulegur leikmaður.
Atli væri einnig óþreytandi — því
yrði athyglisverð viðureign
þeirra. Þá bjóst Knapp við því að
Marteins yrði settur til höfuðs
Ásgeiri Sigurvinssyni — slíkur er
orðstir Ásgeirs.
Þess má að lokum geta, að þeir
mörgu hollenzku blaðamenn sem
ég ræddi við í Hollandi fyrr í
vikunni, töldu að Island ætti að
vinna Belgíu — slíkur hefði verið
leikur Islands í síðari hálfleik. Ef
til vill óskhyggja Hollendinga, þvi
tap Belga er þeirra hagur.
Marteinn Geirsson og Olafur Sigurvinsson rétta upp hendur, telja
Ruud Geells rangstæðan, þar sem hann sendir knöttinn i netið fram
hjá Sigurði Dagssyni og svo reyndist lika vera, markið var dæmt af.
Simamynd, Algemeen Dagblad.
Vísir tók
símamynd
Þjóðviljans
— og birti sem eigin símamynd frá
Nijmegen í Hollandi af landsleik
íslendinga og Hollendinga
Það vakti athygli margra að
Þjóðviljinn varð fyrst íslenzkra
blaða til að birta „símamynd“ af
landsleik Islendinga og Hollend-
inga í heimsmeistarakeppninni á
miðvikudag. Svo héldu að
minnsta kosti flestir — en þegar
betur var að gáð kom í ljós að
„símamynd“ Þjóðviljans var
gömul ljósmynd, tekin í leik Is-
lendinga og Belga 1975.
Þjóðviljamenn höfðu fengið
símamynd um kvöldið — en fyrir
misskilning kom önnur mynd í
blaðið — gömul mynd af Ásgeiri
Sigurvinssyni. Helgi Ólafsson
íþróttafréttamaður Þjóðviljans
hafði sótt símamynd á Ritsímann
— farið með hana i Blaðaprent en
fyrir misskilning kom hún aldrei
inn. Símamyndin frá leik Islands
og Hollands var því í Blaðaprenti
en þar er Þjóðviljinn prentaður
ásamt Tímanum, Alþýðublaðinu
og Vísi.
Helgi skildi myndina eftir á
bakka þar sem íþróttafréttamenn
Vísis sáu inyndina, greinilega
merkta Þjóðviljanum. Þeir gerðu
sér lítið fyrir, settu myndina inn í
fimmtudagsblaðið.
Vísir gat því „státað“ af síma-
mynd frá Hollandi — eitt blaða
ásamt Dagblaðinu. Dagblaðið
fékk símamyndir frá Hollandi —
en vegna bilana í tækjum Ritsím-
ans, sem tekur við myndum, var
ekki hægt að setja myndina frá
Hollandi inn i fyrstu 5 þúsund
eintökin, sem prentuð voru. Tæki
Ritsímans eru gömul — rúmlega
20 ára gömul og gjörsamlega úr
sér gengin. Raunar forkastanlegt
að Póstur og sími skuli ekki
endurnýja þau til að veita eðli-
lega þjónustu.
Belgar gera athuga- _fkgk^“néiHa,a,,,í
semd viðaðTeitur leiki tekur stöðu Teits
Frá Halli Simonarsyni, blaða-
manni DB i Brussel:
Belgar hafa gert athugasemd
við að Teitur Þórðars. leiki gegn
þeim i kvöld, þar sem hann var
ekki tilkynntur I 22ja manna
landsliðshópi KSl er gefinn var
upp fyrir 10 dögum. Að vísu hafa
Belgar ekki sagt blátt nei við að
Teitur leiki — en Matthías Hall-
grímsson, Halmia, tekur sæti
Teits og því hugsanlegt að Teitur
komi inn á síðar i leiknum í kvöld.
Það er, ef Belgar samþykkja Teit
Þórðarson — en samþykki eins og
áður sagði hefur ekki verið gefið.
Tony Knapp landsliðsþjálfari
hefur því ekki hætt á neitt, vill
engin vafamál, og valið Matthías
Hallgrímsson til að leika í kvöld
gegn Belgum.
Jönköping neitaði á sínum tíma
að Teitur fengi að leika slðari
leikinn, það er gegn Belgum. En
eftir að KSl itrekaði beiðni i Hol-
landi, til Jönköping, að Teitur
fengi að leika síðari leikinn gaf
Jönköping grænt Ijós. FIFA gaf
grænt ljós — belgíska knatt-
spyrnusambandið hefur ekki, að
minnsta kosti enn, gefið grænt
ljós — en ekki heldur neitað.
Þýzku Mondi
vetrarvörurnar
nýkomnar