Dagblaðið - 24.02.1978, Page 6
6
DAGBLAÐIÐ. FÖSTUDAGUR 24. FEBRUAR 1978.
Hraðar, hraðar, hraðar...
Verðbólgan 48% á
síðustu mánuðum
Ljóst er nú samkvæmt út-
reikningum opinberra aðila að
verðbólguhraðinn hefur verið
mun meiri á undanförnum
mánuðum en nokkurn tíma
hefur verið opinberlega viður-
kennt eða reiknað með.
Á síðustu sex mánuðum
hefur hraði hennar verið 48%
miðað við heilt ár. Frá 1.
febrúar 1977 til 1. febrúar
síðastliðins urðu verðhækkanir
samkvæmt útreikningum 37%
og á þessum hlutfallstölum sést
glögglega hvernig stöðugt
hefur sigið á ógæfuhliðina.
Aftur á móti er ljóst að
stjórnvöld hafa ekki gert sér
grein fyrir hraða þessarar þró-
unar eða þá ekki viljað viður-
kenna hann þvf í opinberum
umræðum, bæði á Alþingi og
utan þess, hefur verðbólgan
ávallt verið talin vera um það
bil 40% í byrjun þessa árs.
Athyglisvert er einnig að
Seðlabanki Islands virðist ekki
hafa talið ráðlegt að hækka al-
menna vexti um jafnmikið hlut-
fall af hækkun vísitölu og hann
hefur gert f þau tvö skipti sem
núverandi fyrirkomulag hefur
verið á breytingum þeirra.
Talið er að þar muni um það
bil 2% eða í stað þeirra 3% sem
vextir hækkuðu á þriðjudaginn
var hefðu þeir átt að hækka um
nálægt 5%.
Er þetta raunar tekið fram í
tilkynningu Seðlabanka og rétt-
lætt með þeim ráðstöfunum og
lagasetningum sem gerðar hafa
verið til endurreisnar efna-
hagsmálunum.
Forvextir á víxlum hækkuðu
f 23.5% og heildarársvextir
vaxtaaukalána 33%. Almennir
innlánsvextir á sparisjóðsbók-
um hækka úr 16% í 19%.
- ÓG
Jarðsímastrengurinn
slitinn 80 sinnum
— kostnaður7 milljónir
Verktakar og fyrirtæki Akur-
eyrarbæjar slitu jarðsfmastreng-
inn þar að minnsta kosti 80
sinnum frá í júnf sl. til áramóta.
Nam heildarkostnaður vegna
viðgerða rúmlega sjö milljónum
króna, að þvf er segir í Akur-
eyrarblaðinu Degi.
Segir þar einnig að svo virðist
sem ekki hafi verið höfð hliðsjón
af teikningum sem Landssfminn
hefur yfir legu strengsins um bæ-
inn.
Starfsmenn Landssímans á
Akureyri hafa unnið um 3500
klst. við viðgerðir á strengnum —
sem samsvarar fimm mánaða
stöðugri vinnu fjögurra manna.
Hafa þessar skemmdir tafið stór-
lega fyrir framkvæmdum Lands-
sfmans annars staðar á Akureyri.
Til dæmis hefur tenging stofn-
strengs f Glerárhverfi setið á hak-
anum vegna þessara tfðu
skemmda.
-ov
• Bæði Ijósaborð og strimill
(mod 2251)
• Stórir og skýrir stafir
• Fullkomin kommusetning
í ■ ' - !
GISLII JOHNSEN HF.
Vesturgata 45 Reykjavík
síml 27477
Veðurblfðan undanfarna verkfallsdaga blaðamanna hefur verið með
eindæmum, enda snúa fréttamenn dagblaðanna hressir í bragði til
vinnu að nýju. Suður f Nauthólsvfk hafa menn notfært sér góðviðrið
(blaðamenn þó ekki í neinum mæli). Þessi mætti til leiks á reiðhjóli
sínu og fékk sér heitt og gott bað f Volgu, heita læknum sem stöðugt
rennur til sjávar ofan úr Öskjuhlíð.DB-mynd Bj.Bj.
Kraf la komin í
f yrsta gír—
af níu mögulegum
— vantar margfalt meiri gufu
— stef na í gufuöf lun ekki f ullmótuð
Kröfluvirkjun framleiðir nú
um 1 /9 af því sem hún á að geta
framleitt fullnýtt, eða 7 til 8
megawött og hefur gert svo
síðan iðnaðarráðherra, dr.
Gunnar Thoroddsen, gangsetti
þar formlega vélasamstæðu sl.
þriðjudag. Skv. upplýsingum
vélstjóra við virkjunina í
morgun virðist vélabúnaður
allur vera í lagi og hafa engir
gallar komið fram.
Gufuskortur stendur f vegi
fyrir frekari framleiðslu og
hafa ekki verið teknar endan-
legar ákvarðanir f gufuöfl-
unarmálum enn. í fréttatil-
kynningu iðnaðarráðuneytisins
um gangsetninguna segir m.a.
„verður nú að því stefnt að afla
meiri gufu til þess að nýta að
fullu vélakost virkjunarinnar."
Skv. upplýsingum vélstjór-
ans í morgun er rafmagnið sent
til dreifistöðvar á Akureyri.
Framleiðsla Kröfluvirkjunar
nú er ámóta og Lagarfossvirkj-
unar.
G.S.
Fengu ekki inngðngu í dýrðina:
GERÐU AÐSUG AÐ
ÁFENGISÚTSÖLU
Sfðdegis í gær dró til nokkurra
tíðinda við útsölu ATVR við
Snorrabraut. Bar þar að garði tvo
unga menn og eina konu rétt um
sexleytið en dyrum hafði verið
læst og þeim var neitað um inn-
göngu. Þvf vildi unga fólkið ekki
una og leitaði að bakdyrum. Þar
var heldur ekki inngöngu að fá og
tók nú að sfga f unga fólkið,
einkum þó ungu konuna. Reif
hún f bræði sinni upp stein úr
freðinni foldinni, fleygði að hús-
inu og hitti rúðu sem splundraðist
með tilheyrandi hávaða. Var nú
lögregla til kvödd og tók hún hóp-
inn sem að húsinu sótti. Skýring
fólksins var sú að ekki hefði átt að
hæfa rúðuna heldur aðeins húsið.
Málið gekk sfna leið. -ASt.
Evuklæðin settu lögreglu-
menn útaf laginu
Náttfataball var haldið á
Óðali á þriðjudagskvöldið og
bar ekki til tfðinda svo vitað sé
fyrr en að dansleik loknum. Þá
barst lögreglu tilkynning um að
ölvaður náttfataklæddur maður
væri að aka brott frá staðnum.
Var hans leitað í skyndi en
fannst ekki einkum vegna þess
að bfllinn er hann ók var
skráður á firmanafn i Reykja-
vfk.
Loks fékk lögreglan grun urm
hvar ökumanns væri að leita og
var bankað upp á á þeim stað.
Til dyra kom stúlka á Evuklæð-
um og urðu lögreglumenn við
svo búið að fella frekari leit
niður, ökumaður gekk lögreglu
úr greipum. - ASt.
Smurbrauðstofan
BJORNINN
Njúlsgötu 49 - Simi 15105