Dagblaðið - 01.04.1978, Síða 3

DAGBLAÐIÐ. LAUGARDAGUR 1. APRÍL 1978.
Spuminga-
þættirog
hlutdrægni
Nokkrar umræður hafa að undan-
förnu orðið manna á meðal um svo-
nefnda spurningaþætti i sjónvarpi og
útvarpi.
Deilt hefur m.a. verið á stjórnanda
sjónvarpsþáttarins fyrir skort á rögg-
semi. Sannleikurinn er hins vegar sá
að þarna er erfitt um vik þegar bjöllu-
kerfið er annars vegar og sá kemst oft
fyrr að með svarið sem handfljótari
er.
Hinn þátturinn er að minu áliti
sýnu lakari. Þar áttu nú báðir aðilar að
hafa jafna möguleika, þegar stjóm-
andinn hefur lokið sér af með mesta
Raddir
lesenda
orðaflóðið. En í reynd virðast þeir
hafa litla möguleika til sigurs, sem
ekki hafa lært hina mætu list, latín-
una, eða önnur rómönsk mál. Nefna
má sem dæmi spurningar um merk-
ingu orðanna Kosmos, Kanaríeyjar
eða Equador, og enn versnar svo
málið þegar t.a.m. er spurt í hvaða
sveitarfélagi væri að finna tekjuhæstu
einstaklinga landsins og svarið var í
sveitarfélagi annars keppandans. Þá
keyrði nú hlutdrægnin úr hófi fram.
Með þökk fyrír birtinguna.
Virðingarfyllst,
Sigurjón Jónsson
Þettaer
mint-jelly
— Pétursson leiðréttir misskilning
Forðizt
eftir-
líkingar:
„Ég hef undanfarna mánuði verið
að auglýsa eftir mint-jellyi hér í les-
endadálknum með litlum árangri eins
og fram hefur komið. Mint-jelly þetta
er hið mesta lostæti, eins og ég hef
margtekið fram og því þykir mér það
afskaplega undarlegt að menn skuli
vera að reyna að vekja athygli á ein-
hverju hermangsdóti, sem eigi að
koma í staðinn fyrir mint-jelly.
Nú á dögunum skrifaði einhver um
grape-jélly í blaðið og taldi það vera
allt eins gott og mint-jelly. Meira að
segja fann hann því til ágætis, að það
væri til sölu hér á landi andstætt mint-
jellyinu. Það er vissulega rétt, en það
sem fyrir mér vakti með því að hefja
umræðu um mint-jelly hér í blaðinu
var að fá menn til að betrumbæta
og lyfta upp á sunnudagssteikina —
vera svolítið „gourmet” — ekki venja
sig á gömlu rabarbarasultuna og þvi
síður fara að éta einhverja afganga frá
Kananum á Vellinum.
Ég leyfi mér þvi að fara fram á það
við blaðið að það birti mynd af mint-
jellyinu mínu þannig að fólk geti áttað
sig á þvi hvað er rétt og hvað er rangt i
jelly-heiminum.
Eins vil ég biðja fólk að vera ekki að
gefa mér alls konar rangar upplýsingar
um, hvar sé hægt að fá mint-jelly hér á
landi. Ég er búinn að þræða allar búðir
hér á svæðinu og það þýðir ekkert að
vera að gabba mig i búðir.
Forðizt eftirlikingar!! • Pétursson
Hvað óttast Þjóðviljinn?
Hér á eftir fer stutt grein sem send
var Þjóðviljanum 11. marz að gefnu
tilefni. Hún var merkt sem „opið bréf'
— en venjulegir siðir fjölmiðla eru
meðal annarra þeir að birta slíkar
greinar, a.m.k. úrdrætti og svar. Þykir
það rétt þó ekki sé nema til þess að
standa við orð þau er blaöamenn eða
aðrir setja á þrykk um menn og
málefni.
Ekki skal gizkað á ástæður
Þjóðviljans til ritskoðunarinnar, en
lítil er reisnin og enn minni hug-
dirfskan.
Ég skora á Þjóðviljamenn að svara
pistlinum og gefa mér siðan eitt
tækifæri til svars i blaði sínu svo þeir
geti svo lokið umræðuhringnum.
A.T.G.
Þjóðviljanum til leiðbeiningar.
Opið bréf til Álfheiðar Ingadóttur og
Einars Karls.
í Þjóðviljanum, fimmtudaginn 9.
mars sl., er minnst nokkrum sinnum á
Einingarsamtök kommúnista (marx-
leninista).
Segir þar i grein um fundi í tilefni
alþjóðadags kvenna, 8. mars, að það sé
yfirlýst stefna EIK (m-1) að kljúfa allar
samfylkingar vinstri manna
svonefndra.
Greinarhöfundur, Álfheiður
Ingadóttir, nefnir fund 8. mars-
hreyfingarinnar í Tjarnarbúð sér til
halds og traust og svo kosningar nema
i Háskóla tslands.
Ekki veit ég hvar EIK (m-I) hafa
lýst yfir klofningsstefnu á hendur
öllum samfylkingum. En ef til vill gæti
Á. I. aðstoðað við leit á slíku. Mjög
margir vita eitt og annað um afstöðu
samtakanna til samfylkinga.
Það er t.d. alkunna að EIK (m-1) eru
algjörlega ósammála því að Samtök
herstöðvaandstæðinga taki ekki
stefnuskrárbundna afstöðu i orði og
æði gegn báðum risaveldunum,
Bandaríkjunum og Sovétrikjunum. Þá
afstöðu standa fél. EIK (m-1) í
Samtökum hernámsandstæðinga við
og berjast fyrir henni um leið og þeir
taka þátt í baráttu og fundum SHA.
Þá er vitað að EIK (m-1) eru
algjörlega ósammála starfsaðferðum
Rauðsokkahreyfingarinnar og megin-
hluta stefnu hennar eins og hún hefur
birst í 4-5 ár. EIK (m-1) eiga ekki fél.
nú innan Rsh að fenginni reynslu, en
styðja heilshugar og taka þátt í smíði
8. mars-hreyfingarinnar.
Loks er ljóst að EIK (m-1) eru
ósammála forvígismönnum „vinstri”
stúdenta um hagsmúnamál nema i
H.l. í ö.llum helstu atriðum og að þau
berjast fyrir annarri grundvallar-
stefnu. Hvatning um að skila auðu i
kosningum er liður í þeirri baráttu og
alls engin kofningsstefna fyrir það.
Af þessum dæmum sést að það er
ágreiningur um stefnu og starf sem
meðal annars afmarkar EIK (m-1) frá
ýmsum vinstri öflum svonefndum. Sé
barátta allsendis ólikra stefna kölluð
klofningur, mætti alveg eins saka
Alþýðubandalagið um klofningsstarf-
semi gagnvart Eik (m-1) og EIK (m-I)
um klofningsstarf gagnvart
Alþýðuflokki og Alþýðuflokk um
klofningsstarf gagnvart Alþýðubanda-
laginu!
Ég skora á Á.I. að leggja fram hald-
reipi fyrir dylgjur sinar um „yfirlýsta
klofningsstefnu EIK (m-1)”.
Við Álfheiði vil ég að lokum
leiðrétta þá tölu sem hún býr til sem
mælikvarða á fundarsókn til 8. mars-
hreyfingarinnar. Hún staldraði í 2—3
mín. áfundinum, tók 1—2 ljósmyndir.
en taldi ekki fundarmenn. Þeir 250
sem hún „sá” voru tæplega 350.
Einar Karl Haraldsson bætir um
betur i klofningstalinu og segir EIK
(m-1) halda margar aðgerðir á „dögum
vinstri manna”, 1. maí, 1. des., 8. mars
o.s.frv. Þykir Einari þetta dónaskapur
og feluleikur hinn mesti, þvi EIK (m-1)
feli sig á bak við alls konar nefndir.
Með þessu vill Einar fá lesendur
Þjóðviljans til að gæta sin á komm-
únistunum sem læðast í sauðargæru
að þeim. Mjög margir, — og trúlega
Einar sjálfur — vita vel að t.d.
Baráttunefndin 1. des. og 8. mars-
hreyfingin eru samfýlkingar ein-
staklinga. Tugir og hundruð baráttu-
sinna standa að aðgerðum hverju
sinni, margir utan EIK (m-1) — meir
að segja Alþýðubandalagsfólk. Þaö er
betra að gæta að atkvæðunum en
reyna að einangra EIK (m-1) án þess
að gera a.m.k. tilraun til þess að
gagnrýna stefnu samtakanna og
hnjóta ekki utn augljósustu
staðreyndir.
Þjóðviljinn reyndi um sinn að þegja
um kommúnistana ogEIK (m-1),
síðan tók við smáskothrið, þar sem
reynt var að gera lítið úr þeim, sneiða
hjá stefnumörkun þeirra, vaxandi
virkni og fylgi, en bera út haldlitlat
gróusögur í staðinn — svo nú hlýtur
blaðið að fara að helga kommúnistun-
um heilar greinar og síður.
Treysti Alþýðubandalagið og
Þjóðviljinn sér út í opnar umræður
um stéttabaráttuna og sósíalíska
hreyfingu munu EIK (m-1) og Verka-
lýðsblaðið sjá um að flokkurinn og
blaðið geti ekki skorast undan þeim.
Ari T. Guðmundsson
form. miðstjórnar EIK (m-1).
Spurning
dagsins
Hefurðu
hlaupið
fyrsta aprfl?
Brvndis Sveinsdóttir skrifstofumaöur:
Jú, sjálfsagt hef ég hlaupið fyrsta apríl
en ég man ekki eftir neinu i svipinn, ætli
ég lád ekki eiginmanninn hlaupa i dag ef
mér dettur eitthvað sniðugt i hug.
Þórdis ívarsdóttir, 12 ára: Já, oft og
mörgum sinnum, en i dag ætla.ég að láta
einhvern hlaupa.
Ásdis Bragadóttir nemi, MS: Komið
hefur það fyrir en vel gæti skeð að ég léti
einhvern hlaupa apríl i dag.
Björn Ólafsson kennari: Já. börnin mín
hafa oft látið mig hlaupa april en ég er
staðráðinn í að láta einhvern hlaupa
april i dag.
Berglind Pálmadóttir húsmóðir: Já, og
ég ætla örugglega að láta einhvern
hlaupa apríl í dag.
Eva Hreinsdóttir nemi: Ég hef hlaupið
apríl þrisvar sinnum en það er leyndar-
mál hvort ég læt nokkurn hlaupa í dag.