Dagblaðið - 03.06.1978, Blaðsíða 13

er ekki auðvelt að koma orðum að píanöleik meistarans, svo stórkostlegur var hann.
a. DB-myndir: Hallgrímur Björgólfsson.
fjöldans alls af tríóum sem störfuðu allt
fram til ársins 1973. Meðal meðlima
triós Oscars Peterson fyrstu árin voru
Ray Brown, Irving Ashby, Barney
Kessel og Herb Ellis. Árið 1962 breytti
Oscar Peterson formi tríós sins. i stað
gitarleikarans kom Ed Thigpen, mjög
smekklegur trommuleikari, og lék hann
með tríóinu fram yfir miðjan sjöunda
áratuginn. Á síðustu árum hefur Peter-
son notið aðstoðar Joe Pass gítarleikara,
trommuleikaranna Bobby Durham,
Jake Hanna og Louis Hayes og bassa-.
leikaranna Sam Jones, Georg Marz og
Niels Henning Orsted Pedersen.
Verðlaunaður
jassþáttur
Á sínum tíma sá Oscar Peterson um
fastan jassþátt í sjónvarpinu þar sem
ýmsir þekktir jasslistamenn voru gestir
hans. Þessir þættir voru sýndir í sjón-
varpsstöðinni á Keflavíkurflugvelli og
hafa þar ýmsir eflaust fengið fyrsta
smjörþefinn. — Jassþáttur Petersons
hlaut verðlaun sem bezti jassþáttur í
sjónvarpi.
Þá hefur Oscar Peterson ritað tvær
bækur, Jazz Exercises and Pieces og
Oscar Peterson new Piano Solos, sem
Hansen Publications gaf út.
Engum blöðum er um það að fletta að
Peterson er virtur sem einn af fremstu
jasspíanóleikurum heims. Á árunum
1965—75 var hann árlega kosinn bezti
jasspíanisti heimsins í tímaritinu Play-
boy. Einnig var hann útnefndur sá bezti
í ameríska jassblaðinu Down Beat árum
Afköstin ógurleg
Oscar Peterson fæst einnig við tón-
smíðar í „modefn music” og er mjög
skapandi og afkastamikill i þeim stíl.
Hann hefur leikið inn á meira en eitt
hundrað hljómplötur i eigin nafni og
áreiðanlega eru þær jafnmargar skíf-
urnar, ef ekki fleiri, sem hann hefur að-
stoðað vini við. Árið 1975 hlaut hann
Grammyverðlaunin fyrir plötu sina,
The Trio. Sama ár var hann sæmdur
doktorsnafnbót í lögfræði við Carleton
University.
Hliðarspor frá
poppmúsík
Eftir tónleikana í Berkeley gafst tæki-
færi til að ræða stuttlega við Oscar
Peterson. Hann var fyrst spurður að því
hvernig honum likaði „nýi” jassinn.eins
og til dæmis hjá Weather Report.
„Ég tel þessa tónlist ekki hreinan jass
heldur miklu fremur hliðarspor frá popp-
músík,” svaraði hann og bætti við: „Það
sem mér er annt um er hið klassíska
form jassins. Fólki, sem spilar þann jass,
er annara um tónlistina en að selja sem
flest eintök af plötum. Fólk eins og
Duke Ellington og Ella Fitzgerald.
Þeirra músík breytist ekki, hún er sí-
gild.”
Þessu næst snerum við okkur að
íslandsferð hans og spurðum hvort ein-
hver sérstök ástæða væri fyrir þvi að
hann hefði engan trommuleikara með í
förinni til íslands. Hann svaraði:
Eftir 45 minútna stanzlausa spilamennsku klöppuðu áhorfendur trióið upp aftur.
Oscar Peterson lék þá einleik I einar fimm minútur og hlaut fyrir verðskulduð fagn-
aðarlæti.
„Ég spila stundum með bassaleikara,
stundum sóló, það fer eingöngu eftir því
hvað mér finnst bezt í það og það skipt-
ið. Ég hætti að spila með föstu bandi
árið 1973 og byrjaði einn. Það skemmti-
legasta við þá breytingu er að nú ræð ég
þvi alveg hverja ég fæ til að spila með
mér í hvert skipti.
Áður var ég fastur við ákveðið form.
Ég var búinn að spila eftir því í ein
fimmtán til átján ár og fannst nóg
komið."
Uppáhalds-
hljóðfæraleikarinn
En hver skyldi uppáhaldshljóðfæra-
leikari Oscars Peterson vera?
„Óhjákvæmilega mótast maður alltaf
af þeim sem á undan fara. Flestir píanó-
leikarar hafa spilað Chopin og aðra
gamla meistara til að kynnast þeirra stíl.
Ég verð að viðurkenna að mér þykir Art
Tatum sáalbezti.”
Sýnist þér „bítlakynslóðin” svokall-
aða vera að snúa sér meir að jasstónlist-
inni en áður, spurðum við píanósnilling-
inn.
„Ég vil taka enn dýpra í árinni en að
segja að bítlakynslóiðin hafi snúið sér að
jassinum,” svaraði hann. „Það er ungt
fólk i yfirgnæfandi meirihluta sem
kaupir jassplötur nú til dags. í skólum í
Kanada eru starfandi yfir sjö hundruð
jasshljómsveitir og yfir tólf þúsund i
Bandaríkjunum. Fólk hefur raunar
aldrei farið frá jassinum, hann hefur
aðeins verið misjafnlega vinsæll."
Að lokum var Oscar Peterson spurður
hvort hann hefði nokkurn tíma áður
heimsótt ísland.
„Nei, aldrei,” svaraði hann. „Ég veit
þó hvar ísland er á hnettinum og þar er
mikill fiskur. Meira að segja lúða sem ég
hef ákaflega gaman af að veiða.”
- Hallgrimur
DAGBLAÐIÐ. LAUGARDAGUR 3. JÚNÍ1978
—Ég tel nýja jassinn
ekki hreinan jass, held-
ur miklu fremur hliðar-
spor frá poppmúsík,
segir Oscar Peterson i
viðtalinu. Hann hefur
ekki komið áður til
íslands.

Þú, stóra svín! Ef þú
kæmist hér út myndi ég
/VV^ ganga á þér!
Jæjajá!?!
© Bull's

1

h
m
I