Dagblaðið - 15.09.1978, Blaðsíða 9

DAGBLAÐIÐ. FÖSTUDAGUR 15.SEPTEMBER 1978.
9
Camp David fundur
dregst á langinn
— Bandaríkin leggja gíf urlega áherzlu á að árangur náist á fundinum sem gæti
staðiðframáhelgi
Þrátt fyrir miklar tilraunir viröist
svo sem Jimmy Carter Bandarikjafor-
seta hafi ekki tekizt að koma friðar-
viðræðum milli Sadats Egyptalands-
forseta og Begins forsætisráðherra
Ísraels á einhvern verulegan rekspöl á
fundi þeirra þremenninga í Camp
David i Maryland. Talsmenn Banda-
ríkjaforseta hafa sagt að nokkur
árangur hafi náðst en þó var talið í
morgun að tæplega yrði hægt að
Ijúka fundinum í dag eins og ráðgert
hafði verið. Hafa þjóðarleiðtogarnir
nú setið á fundum i tíu daga. Jafnvel
er búizt við að fundur verði um alla
næstu helgi þrátt fyrir að Carter for-
seti hafi verið á stöðugum fundum í
gær baeöi með fulltrúum Egypta og
ísraelsmanna.
Talsmenn Carters hafa ítrekað
varað við of mikilli bjartsýni um
beinan árangur viðræðnanna í Camp
David en þó hefur áður verið sagt frá
þvi að tekizt hafi að eyða þeirri per-
sónulegu óvild sem verið hafi milli
þeirra Sadats og Begins.
Dagblaðið Al-Ahram i Cairo er ekki
bjartsýnt um árangur viðræðnanna og
segir þar að ísrael hafi tekið þá afstöðu
til mála að búast megi við algjöri
árangursleysi i viðræðum
þremenninganna í Camp David.
Blaðið segir að algjör neitun Begins á
brottflutningi ísraelsks herliðs frá
vesturbakka árinnar Jórdan valdi nær
óleysanlegum vanda í viðræðunum.
Sagði að enn væri langt til sam
komulags milli Egypta og Israels-
manna. Vestrænir sendimenn í Cairc
töldu að með þessum skrifum egypzka
blaðsins væri verið að undirbúa
Egypta undir hugsanlegt árangursleysi
fundarins í Camp David.
Greinilegt er að Bandaríkjastjórn
leggur gífurlegt kapp á að
merkjanlegur árangur náist á fund-
unum.
Carter forseti hélt samtals sextán
klukkustunda fundi með ráða
mönnum Israels og Egyptalands i gær.
Cyrus Vance utanríkisráðherra
Bandaríkjanna tekur einnig þátt i
fundunum auk Walter Mondale vara-
forseta. Allir þessir ráðamenn hafa
undanfarna daga rætt við báða
deiluaðila af miklum móð undanfarna
daga.
Erlendar
fréttir
Nicaragua:
Harðnandiátök
Aukin harka færðist í bardaga i
Nicaragua í gær. Sveitir þjóðvarð-
liða, sem styðja Somoza forseta
landsins, sóttu ákaft að þrem
borgum, sem eru í höndum upp-
reisnarmanna. Voru sveitirnar
studdar bæði herflugvélum og
þyrlum.
ísrael:
Ráðherra segir
afsér
Samgönguráðherra Israels, Meir
Amit sem áður var yfirmaður
leyniþjónustu landsins, sagði af sér
í gær. Telur hann að Begin for-
sætisráðherra hafi ekki gert nægi-
lega mikið til þess að koma á
friðarsamningum við Egyptaland.
Suður-Afríka:
Ráðiztinní
hverfi
svertingja
Tveir svertingjar féllu og eitt
ungbarn tróðst undir er suður-
afriska lögreglan réðst inn i hverfi
svertingja nærri borginni Cape
Town i gær. Að sögn yfirmanna’
lögreglunnar voru þeir að koma i
veg fyrir óeirðir en að sögn sjónar-
votta voru mörg hundruð manns
handteknir. Nokkrn .lagar eru
liðnir síðan minnz var þess að ár
er liðið frá dauða blökkumanna-
leiðtogans Steve Bikos, sem talinn
er hafa verið barinn til bana i
gæzlu suður-afrísku lögreglunnar.
Miklar óeirðir hafa verið i lran að undanförnu og vitað er að margir hafa fallið.
Stjórnarandstæðingar saka stjórn landsins um að falsa tölur fallinna og segja þá
skipta hundruðum en ekki tugum eins og opinberar tölur bera með sér. Ástæður
óeirðanna eru bæði taldar vera óánægja frjálslyndra með stefnu stjórnar keisar-
ans og einnig munu ihaldssamir múhameðstrúarmenn vera andvigir ýmsum breyt-
ingum i frjálsræðisátt i þjóðfélaginu.
Washington:
Mýsnar aö ná völd
um í skrifstofum
öldungadeildar
— truf la jaf nvel mikilvægustu f undi
með tisti sínu
Skrifstofur öldungadeildarþingmanna
á Bandarikjaþingi eru fullar af músum
og byggingin er eitt allsherjar músa-
hreiður að sögn William Proxmire, eins
þingmannanna. Fræddi hann starfs-
félaga sína á þessu í gær.
Segir þingmaðurinn að þrátt fyrir
miklar tilraunir til að útrýma músunum
þá fjölgi þeim stöðugt og ráða nú lögum
og lofum um alla bygginguna.
„Þegar ég ræði um mýs, þá á ég við
heilan herskara af músum,” sagði þing-
maðurinn. „Þetta eru allar tegundir af
músum, svartar mýs, brúnar mýs, hvítar
mýs, mjúkhærðar mýs, bröndóttar, með
stutt skott eða langt, feitar mýs, mjóar
mýs, grimmar mýs og gæfar mýs, sem
sagt allar tegundir,” sagði Proxmire í
ræðu sinni i öldungadeildinni.
„Enginn þekkir mýs i raun fyrr en
hafa séð þær gleypa i sig fulla skál af
eitri og siðan leita eftir meiru af sliku.
Þær eru orðar óþolandi djarfar og hreint
óþolandi að þurfa að hlusta á nagið og
tistið i þeim jafnvel á mikilvægustu
nefndarfundum,” sagði þingmaðurinn.
„Mýsnar í byggingunni hafa ekki
nokkra sómatilfinningu og skortir alla
kurteisi.”
Spennandi keppni — Góð verðlaun
Björgunarsveitin Stakkur
Torfæruaksturskeppni
Björgunarsveitin Stakkur í Keflavík heldur torfæruaksturskeppni við
Grindavík sunnudaginn 17. sept. og hefst kl. 14.
Væntanlegir keppendur láti skrá sig í símum 92-2874 (Ragnar) eða
92-2009 (Verzl. Duus) fyrir hádegi laugardaginn 16. sept.