Dagblaðið - 07.11.1978, Qupperneq 15

DAGBLAÐIÐ. ÞRIÐJUDAGUR 7. NÓVEMBER 1978. 15
DROTTNINGIN TÖFRAR ALLA
Silvía Svíadrottning heldur áfram að
láta hjörtu karlmannanna taka aukaslag
þó hún sé gift kona og móðir. Þegar hún
var á ferð i Júgóslaviu á dögunum kom
það glögglega i ljós. Og með sinu glettna
skapi lagði drottningin gjörvalla þjóðina
að fótum sér. Meira að segja maðurinn
hennar, Karl Gústaf kóngur, fellur öðru
hvoru í skuggann af Silviu.
Hún gerir mönnum ekki létt fyrir að
lita af sér. Hún hreyfir sig eins og hún
hafi verið drottning allt sitt líf en jafn-
framt er hún svo lífsglöð að hún hrifur
alla. Föt hennar eru líka valin af mikilli
smekkvísi og fara henni einstaklega vel.
Ekki klæðist hún þó alltaf skv.
nýjustu Parisartízku. Margir segja hana
vera of oft í sömu fötunum, en aðrir
kunna vel að meta það að drottningin
tíðki þann sparnað sem aðrir verða að
viðhafa. Og menn segja að þegar hún
brosi gæti hún klæðzt lörfum, hún sé
alltaf jafn falleg.
Silvía hlýðir áhugasöm á opinbera ræðu í
Júgóslaviu. t barmi hennar er næla með
mynd af Karli GústaS.
Drottningunni þótti virkilega gaman að
júgóslavneskum þjóðdönsum. Myndin er
tekin i Ohrid.
Við miðdegisverð með forseta Serbiu,
Dobrivoje Vidic.
Hún á von á bami |
Ríkasta stúlka i heimi, Christina
Onassis Kauzov, hefur aldrei verið jafn
broshýr. Og það er að gefnu tilefni.
Myndin er tekin rétt eftir að hún til-
kynnti blaðamönnum að hún ætti von á
barni. Og það er maðurinn hennar,
Rússinn Sergei Kauzov, sem stendur við
hliðinaáhenni.
Þegar það fréttist fyrst að hún væri
ástfangin af Sergei gat enginn trúað þvi.
Hann er nefnilega kommúnisti. Og þótt
hann sé útgerðarmaður eins og faðir
hennar var, þá eru tekjumöguleikunum
takmörk sett, þvi hann vinnur hjá
ríkinu. Enda höfðu þau Sergei og
Christina ekki fyrr gift sig en blöðin
fullyrtu að hún væri farin frá honum
aftur.
En það ber ekki á öðru en þetta gangi
ágætlega hjá þeim og nú eru þau sem
sagt að verða foreldrar. Þetta er þriðja
hjónaband Christinu, sem er 27 ára, en
fyrsta skipti sem hún á von á sér. Barnið
verður milljónaerfingi.
Skyldi ekki afi gamli, Aristotle
Onassis, hafa hlakkað til væri hann enn
á lifi? Enda þótt tengdasonurinn sé
gallharður kommúnisti.
Hún brosir nú aftur ríka stúlkan, enda á
hún von á sér.