Dagblaðið - 01.12.1979, Síða 29

DAGBLADIÐ. LAUGARDAGUR 1. DESEMBER 1979.
29
Eini hluthafinn sem veðsetti persónulegar eigur:
MISSTIEIGNIR FYRIR HÁTT
Á ANNAN TUG MILUÓNA
sem fór ígreiðslu
á skuldum félagsins,
segir Hjörleifur Hall-
gríms, einn af
eigendum Akurfells,
við Dagblaðið
„Ég harma að hafa verið þátttak-
andi í fyrirtæki sem varð þess vald-
andi að fólk fór fjárhagslega illa út úr
viðskiptum við það.
Gangur mála hefur að miklu leyti
verið rakinp sem hálfgerð framhalds-
saga á síöum Dagblaðsins. Þar hefur
ekki verið rétt farið með i mörgum
atriðum og ýmsu sleppt, enda eðlilegt
þar sem aðeins hefur verið vitnað í
annan aðila málsins, ibúðakaupend-
ur,” sagði Hjörleifur Hallgríms í
samtali við Dagblaðið.
Hjörleifur er einn aðstandenda
Byggingafélagsins Akurfells hf. sem
oft hefur komið við sögu á síðum
blaðsins að undanförnu. Aðrir
skráðir eigendur Akurfells hf. eru
Steinunn Ingólfsdóttir, örn Her-
bertsson, Nanna Jósefsdóttir og Rafn
Herbertsson. Að sögn Hjörleifs báru
hann og örn Herbertsson hitann og
þungann af rekstri félagsins.
„Ég sá um skrifstofuhald og fjár-
reiður Akurfells. örn sá um útifram-
kvæmdirnar. Það er þvi af og frá að
taka mig út úr og gera mig einan
ábyrgan fyrir því hvernig fór. Ég
byggði ekki Akurfellshúsin í eigin
persónu.”
— Kaupendur íbúðanna ykkar
gefa i skyn að peningarnir sem þeir
greiddu ykkur hafi verið notaðir í
annan atvinnurekstur eða til greiðslu
á skuldum óviðkomandi húsbygging-
unni. Hverju svarar þú því?
Ég vildi allt
fyrir þá gera
„íbúðakaupendurnir vita miklu
betur en það sem DB hefur eftir þeim
haft. Og þeir vita nákvæmlega hvað
varð þess valdandi að Akurfell hf.
lagði upp laupana og gat ekki staðið
við skuldbindingar sínar. Þeir vita
líka að ég var maðurinn sem allt
reyndi fyrir þá að gera fram á síðustu
stundu. Ég afsalaði sumum þeirra
íbúðunum löngu fyrir tímann til þess
að þeir héldu því sem hægt væri, úr
því sem komið var. Enda leituðu
kaupendurnir til mín en ekki bygg-
ingameistarans (þ.e. Arnar Herberts-
sonar). Hvers vegna? Þeir svari því
sjálfir.
Við seldum ibúðirnar á föstu verði
með vaxtalausum greiðslum langt
fram í tímann. í óðaverðbólguþjóð-
félagi, þar sem nánast eru dagprísar á
efniskaupum og launagreiðslum, er
varla von að vel fari. En ég er sann-
færður um að ýmislegt hefði verið
hægt að gera i átt að því að fullklára
íbúðirnar ef allir íbúðakaupendur
hefðu staðið full skU á sinum greiðsl-
um. Svo var ekki. Vanskil námu
milljónum króna.
Það er einkennilegt að biðja um
opinbera rannsókn á fjármálamis-
ferli Akurfells á sama tíma og þeir
hinir sömu ákærendur stóðu ekki við
sinar skuldbindingar — sumir
hverjir.”
Ég missti eigurnar
Var ekki löngu orðið ljóst að
AkurfeU væri að fara á hausinn þegar
þið hélduð ykkar striki við innheimtu
peninga fyrir íbúðir sem sýnt var að
ekki yrðu kláraðar í samræmi við
kaupsamninga?
,,Ég gat ekki sætt mig við að illa
væri að fara. Mér hafði alltaf gengið
ágætlega með það sem ég hafði áður
sýslað við og ekkert misfarizt fyrr. Ég
gerði ýmsar ráðstafanir til að bjarga
málunum. Þar á meðal að setja per-
sónulegar eignir í milljóna veð fyrir
Akurfell hf. — nokkuð sem mér bar
engin skylda til. Slíkt gerir enginn
óvitlaus maður. Það hef ég lært af
biturri reynslu. En ég hafði slíka
ofurtrú á fyrirtækinu og ég var eini
hluthafinn í Akurfelli sem setti per-
sónulegar eigur i veð. Andvirði eign-
Hjörielfur Hallgrims: „Af og frá að
gera mig einan ábyrgan fyrir því
hvernig fór.”
DB-mynd: RagnarTh.
anna var hátt á annan tug milljóna,
sem fór til greiðslu skulda fyrir Akur-
feU hf. öm Herbertsson býr í stóru
einbýlishúsi á Akureyri og ekur dýr-
um bíl. Það segir sína sögu um mun-
inn á því hvernig við fórum út úr
óförum AkurfeUs hf.
Textinn á jóla-
kortinu var óbirt-
ingarhæfur
Einn íbúðareigandi við Seljahlíð
segir að Akurfell hafi notað oíiu og
rafmagn á sinn kostnað á meðan þið
byggðuð raðhúsið allt. Og svo hafið
þið afhent honum íbúðina hálfklár-
aða.
„Það er rétt, að við vorum með
trésmíðaáhöld inni i íbúðinni hans á
meðan sú ibúð var I smíðum, annað
er fjarstæða. Ég treysti mér ekki til
að sverja fyrir það að rafmagnsreikn-
ingar vegna þessa hafi brenglazt eitt-
hvað. Það er byggingameistarans að
svara fyrir. Hins vegar notuðu íbúða-
eigendur rafmagn frá Akurfelli hf.,
tengdu hunda i vinnuskúr o.fl. átölu-
laust. Ekki veit ég því á hvern hallar.
Ég tek með fyrirvara ásakanir frá
íbúðareigandanum sem ber á okkur
þungar sakir og þú kallar „ljótasta
dæmið um viðskipti húseigenda á
Akureyri og Akurfells” i Dagblaðs-
frétt. Á jólum 1977 fékk fjölskylda
mín jólakort frá þessum manni, þar
sem hann óskaði okkur norður og
niður. Við værum þau mestu úrhrök
sem hann hefði kynnzt. Textinn á
kortinu er slíkur að ekkert dagblað
myndi treysta sér til að birta hann.
Þessum manni mun ég og fjölskylda
mín fyrirgefa vegna þess að við vitum
að honum er oft á tíðum ekki sjálf-
rátt.
Rannsóknarlögregl-
unni hefur verið
skýrt frá öllu
saman
— Nú hefur komið fram, Hjör-
leifur, að rannsóknarlögreglan er að
rannsaka kærur á Akurfell vegna
meintra svika félagsins í viðskiptum
við veðdeild Landsbankans. Þvi er
haldið fram að þið hafið tekið út
hluta byggingalána án rétts umboðs í-
búðareigenda. Er það rétt?
„Akurfell hf. hafði kaupsamninga
og umboð í höndum til töku hluta
veðdeildarlána frá þremur af fjórum
íbúðakaupendum að Litluhlíð 2 sem
þarna er um að ræða. Það segir sína
sögu að kaupsamningarnir kveða
skýrt á um þetta atriði.
Hvað viðvíkur því í hvað pening-
arnir fóru, sem Akurfell hf. fékk frá
veðdeildinni, hefur rannsóknarlög-
reglunni verið gerð full grein fyrir öll-
um málum. Og þar lagði ég fram
launareikninga og efnisreikninga sem
greiddir voru með veðdeildarpening-
unum. Þetta mál er því á hreinu frá
minum bæjardyrum. Ég átti gott
samstarf við rannsóknarlögregluna,
sem berað þakka.
Raðhúsið sem Akurfell hf. byggði við Litluhlið á Akureyri.
DB-mynd: Fax.
Þáttur dómsmála-
ráðherrans
Síðasti þáttur málsins af minni
hálfu, í bili að minnsta kosti, er
hlutur dómsmálaráðherrans. Skel-
eggur núverandi dómsmálaráðherra
þessa lands brá skjótt við, eins og
hans er von og vísa, þegar „kara-
melluþjófur” var á ferðinni og ósk-
aði rannsóknar á meintu misferli
hans — eins og fyrirsögn í Dagblað-
inu bendir til. „Akurfellsmálið
verður skoðað þegar í stað,” er haft
eftir Vilmundi í blaðinu. „Þetta er
glæpamál”, hef ég eftir honum ann-
ars staðar,” sagði Hjörleifur.
„Þá hefur dómsmálaráðherrann
heimilað gjafsókn til hæstaréttar í
máli því sem íbúðaeigendur við Litlu-
hlíð 2 töpuðu gegn Akurfelli heima í
héraði.
Skyldu nú ekki íbúðakaupendur
hjá öðrum bygginv.ifélögum, sem
gjaldþrota hafa orðió, lara að leggja
við hlustir í von um að geta látið ríkið
borga væntanleg málaferli. Að
minnsta kosti þar sem svipaðir at-
burðir hafa orðið og hjá Akurfelli hf.
Minn hugur segir að þeir séu ófáir
íbúðakaupendurnir sem eru i svipuð-
um sporum og viðskiptavinir Akur-
fellshf.
En Akurfell hf. hefur trúlega ekki
(til allrar guðsblessunar) verið búið
að byggja nógu margar íbúðir áður
en það fór á hausinn til þess að ég,
Hjörleifur Hallgríms, nyti gjafmildi
dómsmálaráðherrans og yrði settur
til að stjórna fjármálum einhverrar
stofnunar kerfisins.
En ég er helzt farinn að hallast að
því að dómsmálaráöherrann sé búinn
að kasta þó nokkrum steinvölum úr
eigin glerhúsi sem æðsti maður dóms-
mála á íslandi og einnig fyrr á sínum
ferli sem stjórnmálamaður.
Þeir sem hafa frekari áhuga á því
sem ég er að segja ættu að lesa viðtal
við Daníel Ágústínusson, stjórnar-
mann hjá Sementsverksmiðju ríkisins
i Tímanum laugardaginn 24. nóvem-
ber sl.
Þar eru rakin tengsl ákveðinna
aðila, allt frá því nátengdum
dómsmálaráðherranum, við bygg-
ingafyrirtæki sem þótti stórt í sniðum
hér i borg. í Tímanum segir að hinir
sömu aðilar hafi verið á hlaupum
vegna hundruða milljóna vanskila-
skulda jressa fyrirtækis sem þá var
vitað að var með vonlausan rekstur.
Það eru of stór orð til að hafa í
flimtingum án þess að rökstyðja þau.
„Þetta er glæpamál.”
Því verða mín lokaorð að sinni,
herra dómsmálaráðherra: „Maður
littu þér nær,”” sagði Hjörleifur
Hallgrímsaðlokum. -ARH
Minnispunktar um Akurfellsmálið
Akurfellsmálið, sem Dagblaðið
hefur skrifað um undanfarnar vikur,
snýst um samskipti byggingafélagsins
Akurfells og húseigenda í raðhúsum
við Litluhlíð og Seljahlið á Akureyri.
Akurfell seldi íbúðir við Litluhlíð í
byggingu. Áttu þær samkvæmt
kaupsamningi að vera fokheldar og
húsið fullfrágengið að utan.
Umsamið kaupverð var kr.
5.400.000 og afhendingartími í
sept./okt 1976.
Kaupendur halda því fram að þeir
hafi staðið við greiðslur sínar en
seljendur ekki við verkskil. Sam-
kvæmt mati reyndist kostnaður við
að ganga frá fjórum íbúðum sem hér
um ræðir kr. 3.980.000.
Akurfell varð gjaldþrota og hús-
eigendur sátu eftir með íbúðir sínar
hálfkláraðar og skaða sinn óbættan.
Þeir höfðuðu mál á hendur félaginu
og aðstandendum þess. Niðurstaða
bæjarþings á Akureyri var sú að
AkurfeU var dæmt til að greiöa
húseigendum kr. 3.980.000 með
vöxtum, auk málskostnaðar.
Hins vegar voru aðstandendur
AkurfeUs sýknaðir af kröfum.
Kaupsamningar um íbúðirnar
reyndust gerðir áður en Akurfell var
formlega skráð sem hlutafélag. Og
samkvæmt dómnum eru aðstand-
endur félagsins ekki taldir ábyrgir
fyrir skuldbindingu þess sem stofnað
er til áður en félagið er skráð með
lögmætum hætti.
Einn húseigenda sagði við DB, að
ekki væri annað séð en málið væri
tapað og tjón þeirra fengist ekki
bætt.
Húseigendur skrifuðu dómsmála-
ráðherra og báðu um gjafsókn í
málinu til að geta áfrýjað dómnum til
Hæstaréttar. VUmundur gaf grænt
ljós og nú safnar lögfræðingur hús-
•eigenda frekari gagna í málinu.
Þá kærði veðdeild Landsbankans
Akurfell fyrir að hafa mögulega
veðsett íbúðir við Litluhlíð án gilds
veðleyfis. Upphæð lánanna er 550
þús. pr. íbúð, eða alls 2,2 milljónir.
Rannsóknarlögregla ríkisins hefur
unnið að rannsókn málsins að und-
anförnu og tekið skýrslur af aðilum
málsins, bæði húseigendum og Akur-
fellsmönnum. -ARH.