Dagblaðið - 10.06.1981, Blaðsíða 4

Dagblaðið - 10.06.1981, Blaðsíða 4
DAGBLAÐIÐ. MIÐVIKUDAGUR 10. JÚNl 1981. DB á ne ytendamarkaði ANNA BJARNASON Á að kaupa nýja skó eða láta gera við þá gömlu? .... Kifiandi þcssa skós var grcinilcga á þvi að fullscint væri aó fara mcð hann i við gerð og skildi hann þvi eftir á viðavangi. SÓLNING KOSTAR ÞRKMUNG SKÓVERÐS DB-mynd R.Th. ,,Á ég að láta gera við skóna mina eða fá mér nýja?” Þessi spurning vaknar ugglaust i huga flestra aö minnsta kosti einu sinni á ári. Þegar ,,góðu” skórnir eru farnir að slitna, verða ljótir og jafnvel óþægilegir. Svo virðist sem flestir láti það fremur verða sitt verk aö kaupa nýja skó en að láta gera við þá gömlu. Ef til vill er það merki um velmegun að fólk geti veitt sér nýja skó f hvert sinn sem gömlu skórnir taka að slitna. Ef til vill er það merki um dýrar skóviö- gerðir og jafnvel trassaskap fólks að láta ekki fremur gera við en kaupa nýtt. Rúnar Magnússon hjá Skóvinnu- stofu Sigurbjörns Þorgeirssonar var spurður um það hvað kostaöi að láta gera viö skó á þessum síðustu og verstu tímum. Hann sagði aö sólning á skóm með leðursólum kostaði 84 krónur. Sólning með nælonsólum 71 krónu og 50 aura. Nýir hælar kosta 88.50 og plata undir hæl kostar 47 krónur. Þetta gefur nokkra mynd af því hvað viðgerðir kosta en þarna er enn eftir allt sem heitir saumaskapur sem miklu erfiðara er að verðleggja í heild. Lítum á málið nánar. Nýir skór kosta núna um 250 krónur. Þaö má þvi láta sóla skó eða skipta um hæla á þeim allt að þrisvar sinnum fyrir verð á nýjum skóm. Að visu er hægt að fá bæði dýrari og ódýrari skó, frá sand- ölum upp i sérstaka gönguskó. Einn nýtinn vinur Neytendasíðunnar hefur þaö fyrir sið að láta skipta um hæla á skóm sinum þegar þeir komast úr tizku. Við það eitt verða þeir eins og nýir fyrir þriðjung af skóverði. Möguleikar á slíkum skiptum eru þó vitaskuld alltaf takmarkaðir þvi skó- lagið bindur nokkuð hælagerö og hæð. Dýrt eða sanngjarnt Mörgum finnst það þó ugglaust nokkuð dýrt að borga þriðjung skó- verös fyrir nýja sóla eða nýjan hæl. Rúnar var spurður að því hver ákvæöi verðlagningu á skóvið- gerðum. Hann sagði að skóvinnu- stofur reiknuðu út á 3 mánaða fresti þær hækkanir sem orðið hefðu á efni og vinnu. Verðlagsráði væri siðan send hækkunarbeiðni sem það af- greiddi á grundvelli þessara útreikn- inga. Rúnar var spurður að því hvort i gamla daga, þegar verðið var upp- haflega sett upp, hefði verið miðað við eitthvert ákveðið hlutfall af skó- verði. Hann sagði að sér væri ekki kunnugt um það. Þó að skóviögerðir hafi breytzt nokkuð siðan fyrst var farið að gera við skó er mesta vinnan enn fram- kvæmd i höndunum. Slípa þarf sól- ana niður í rokkum og stjómar mannshöndin því hvernig það er unnið. Saumavélunum þarf einnig að stjóma. Kaup er einnig orðið hærra en það var og meiri kröfur eru gerðar til húsnæðis. í gamla daga þótti sjálf- sagt og eðlilegt að skóvinnustofur væru i litlum skúrum, jafnvel óein- öngruðum. Núna lætur enginn skó- smiður bjóöa sér slíka vinnuaðstöðu. Þvi er það aö þó sjálf vinnan hafi minnkað eitthvað hefur kostnaður- inn við hana aukizt að sama skapi. Draga ekki of lengi Eitt ættu menn að athuga þegar þeir velta fyrir sér hvort gera á við skóna eða henda þeim i stað nýrra. Það er að draga viðgerðina ekki of lengi. Þaö þýðir ekki aö láta sóla skó með útvöðnu yfirleðri sem er að morkna i sundur. Reyndar virðist mörgum íslendingnum þykja þægi- legast að ganga á slíkum skóm og að skór séu þá fyrst orðnir góðir að þeir eru verulega ljótir. En þá er lika eins gott aö henda þeim þegar sólinn er kominn i sundur. Annars fer svo að menn sitja uppi með flna sóla á ónýtum skóm og hafa hent peningun- um útumgluggann. Einu enn má bæta við. Það er hreint ótrúlegt hvað íslenzkir skó- smiðir geta gert við. Margir láta sér til dæmis ekki detta i hug að hægt sé að skipta um rennilás i háum skóm. Að slíku leika þó skósmiðir sér. Þeir geta einnig saumað skó sem rifna viö sólann þannig að ekki sjáist. DS. Hvað kostar vegabréfíð? —ogmyndatakan stööum þar sem við spurðum, enda verðskrá til yfir þær myndir. Á nokkrum af þeim stöðum voru einnig fáanlegar svarthvítar myndir og voru þær nokkuð ódýrari. Verðið fer hér á eftir: Nú er sá tlmi sem flestir huga að utanlandsferðum. Einn nauðsynleg- asti hlutur sem ber að hafa með sér ei auðvitað vegabréfið. Gildir það jafnl um Noröurlönd sem önnur lönd Þrátt fyrir að vegabréfið sé ekk nauðsynlegt til að komast inn í Norðurlöndin þá er hvergi hægt að fá skipt ferðatékkum án þess að sýna vegabréf. Þar fyrir utan getur ýmis- legt gerzt og þá betra að vera með skilriki i lagi. En eins og aörir hlutir hér á landi kostar vegabréfið sitt. Þaö þarf tvær myndir og vegabréflð sjálft kostar hvorki meira né minna en 90 krónur. Er þá átt viö þá sem eru orönir 18 ára en ekki orðnir 67 ára. Undir 18 ára aldri og ellilífeyrisþegar greiða 50 krónur. Fyrir þá sem eru undir 18 ára gildir skirteiniö f 5 ár en hina i 10 ár. Við könnuðum á nokkrum stöðum hvað tvær litmyndir, skyndimyndir, kosta. Verðið var svipað á þeim Amatör Laugavegi 55........ tvær myndir i lit 85 kr., 65 kr. i svarthvitu Hraðmyndir Hverfisgötu 59 ... tvær myndir 1 lit 85 kr., ekki til s/h Minútumyndir Hafnarstræti 20 tvær myndir 1 lit 88 kr., 72 kr. s/h Stúdió Guðmundar Einholti 2 .. tvær mvndir í lit 85 kr., 70 kr. s/h Barna- og fjöiskylduljósmyndir Austurstræti .................... tvær myndir í lit 88 kr., ckki til s/h Passamyndir Hlcmmtorgi .... tvær myndir i lit 85 kr., 72 kr. s/h, cn ckki til eins og cr. Ávaxtar vindlinga- peninga og ætlar í veglegt sumarfrí ,,Þá er ég aftur byrjuð á búreikningnum, byrjaði um áramót.. ég ákvað að senda ekki inn tölur fyrr en ég væri viss um að ég héldi áfram,” segir m.a. 1 bréft frá húsmóður á Patreksfirði. Hún hafði sent okkur upplýsingaseðla áður fyrir nokkrum mánuðum. Við bjóðum hana velkomna i hóp heimilisbók- haldsmanna og birtum fleira úr bréfi hennar. y ,,Það er nú orðinn svo mikill vani hjá mér að skrifa niður hverja krónu að ég held að mér sé óhætt. Þó ég hafl ekki haldið reikning hef ég alltaf séð hvað ég fer með mikiö i mat, þvi ég er í reikningi i kaupfélaginu. Ég hef alltaf borið mig saman við meðal- talið og hef alltaf verið mun hærri. Samt flnnst mér ég ekki bruðla f mat.” Patreksfjarðarhúsmóðirin sendir okkur sundurliöun á liönum ,,annað” , sem er upp á hvorki meira né minna en tæplega 17.500 kr. Þar á meðal er afborgun af húsi tæp 4 þúsund, gjafir fyrir tæp 1200 kr., bensín og viðhald á bil 1240, slmi 859 kr., happdrætti 2600 og annað upp árúml. 6þús. kr. „Rétt er að taka fram að í liðnum happdrætti er endurnýjun 1 H.H.Í. fyrir apríl og mai þannig að það er i hærra lagi. Það verður þó mun minna næst. Þó ég endurnýi fyrir þetta háa upphæð á mánuði hef ég alltaf komið út meö tvö- til þrefaldan hagnaöeftir árið. í liönum annað eru m.a. 850 kr., sem ég dreg frá, legg mánaðarlega inn á vaxtaaukareikning, og ætla að nota sem sumarleyfispeninga. Þessa upphæð fæ ég út með þvi að áætla að hvort okkar hjóna reyki einn sfgarettupakka á dag, sem við gerum ekki. Ég er búin aö leggja svona inn i rúmt ár og er ákveöin í að halda þvi áfram og reyna að komast með fjöl- skylduna f veglegt sumarfrí annaö hvert ár. Jæja, ég vona svo að meðaltaf fimm manna fjölskyldu hækki ekki mjög mikiö frá því sem verið hefur. Ein á Patró." Raddir neytenda Meiri mjólk Mjólkurframleiðsla er nú að aukast aftur frá þvi sem var f byrjun ársins. Reyndar er framleiðslan ennþá minni en hún var i fyrra en munurinn er ekki eins geysilegur og hann var í ársbyrjun. Fyrstu tvo mánuði ársins var sam- drátturinn 14,7%. í marz var hann slðan 8,6% en í aprfl aðeins 3%. Heildarsamdrátturinn fyrstu fjóra mánuðina var þannig um 10%. Þykj- ast forvígismenn bændastéttarinnar nú hafa náð góðum árangri i þv! að stjóma mjólkurframleiðslunni þannig að hún miðist eingöngu við þarfir landsmanna. Biðja þeir nú f hljóði um það aö mjólkin taki ekki aftur upp á þvf að flæöa yfir landið f alltofstórum stfl. -DS.

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.