Dagblaðið - 12.08.1981, Síða 9

DAGBLAÐIÐ. MIÐVIKUDAGUR 12. ÁGÚST 1981.
1
I
Erlent
Erlent
Erlent
Erlent
Tvífarar brugðu á leik:
„Bretadrottning” reyndi að
sníkja sérfar með bíl
Þetta var fjörug samkoma. George
Washington Bandaríkjaforseti, Nelson
flotaforingi, Lincoln B. Bandaríkjafor-
seti, Jimmy Cartert, Elísabet Breta-
drottning, Ronald og Nancy Reagan og
Henry Kissinger höfðu um nóg að tala.
Nelson þurfti að segja frá orrustunni
við Trafalgar árið 1805 þegar hann lét
lífið á dekki flaggskips Breta, Victory,
og Abraham Lincoln varð tíðrætt um
leikritið sem hann var að horfa á þegar
hann var myrtur.
Flókið? Ekki svo. Allir viðstaddir
voru nefnilega tvífarar þeirra er þeir
áttu að vera. Og fólkið var allt saman-
komið fyrir tilstuðlan Ron Smith, sem
hefur atvinnu af því að láta taka aug-
lýsingamyndir af tvíförum. Tvífararnir
sjálfir fá svo auðvitað dágóðar summur
fyrir sinn snúð.
Eftir langar og gagnmerkar um
ræður brugðu tvífararni r á leik og
reyndu að snikja sér far með bifreið.
Sagnir herma að bílstjórarnir hafi
orðið nokkuð hissa þegar Elísabet
drottning og forsetarnir Lincoln,
Washington og Reagan stóðu við veg-
kantinn veifandi bílunum. Sjálfsagt
mundi íslendingum verða svipað um ef
þeir sæju Hannes Hafstein og Hallgrím
Pétursson biðja um far á Vesturlands-
veginum.
Abraham Uncoln og Ne/son
fíotaforingi.
Norsk fjölskylda var 14 mánuði á leiðinni til fóstur-
jarðarinnar:
Sigldi á seglbát alla leiðina
jrá Ástralíu
Larsen-fjölskyldan sem býr á Trom-
eyju fyrir utan Arendal í Noregi kom
nýlega heim aftur eftir 10 ára dvöl í
Ástralíu. í sjálfu sér er það ekki í frá-
sögur færandi, utan hvað heimferðin
tók 14 mánuði, en fjölskyldan sigldi
alla leiðina frá Ástralíu á seglbátnum
Santosha sem fjölskyldan hafði sjálf
smiðað.
Ævintýralöngun rak hjónin Steinar
og May og börn þeirra Tine, 14 ára, og
Audun, 16 ára, til Ástralíu fyrir sléttum
áratug. Ástralska stjórnin greiddi far-
miðana fyrir fjölskylduna til Ástralíu,
en á móti lofuðu Norðmennirnir að
vinna í landinu næstu tvö árin. Steinar
er trésmiður og átti létt með að fá vinnu
og fyrstu árin kunni fjölskyldan vel við
sig meðal andfætlinganna. En siðan
kom heimþráin til sögunnar. Skútuna
hafði fjölskyldan smiðað fyrir sex
árum og fyrir tveimur árum ákvað fjöl-
skyldan að sigla á henni heim til
Noregs.
Lagt var af stað frá Brisbane i
Ástraliu í maí í fyrra og þaðan var
haldið til Jólaeyjunnar, skammt suð-
vestur af Jövu. Áfram var siglt yfir
Indlandshaf unz komið var til Durban i
Suður-Afríku. í Durban hélt fjölskyld-
an kyrru fyrir í þrjá mánuði og beið
eftir heppilegum staðvindum fyrir sjó-
ferðina yfir Atlantshafið. Loks byrjaði
að blása úr réttri átt, en þá gerðist það
óhapp að dísilmótor bátsins bilaði.
Alla leiðina frá syðsta odda Afríku
varð fjölskyldan því að treysta á segl-
búnað skútunnar og hann stóð svo
sannarlega fyrir sínu. Prófraun segl-
anna var ofsaveður út af Góðrarvonar-
höfða, vindhraði komst í 11 vindstig en
seglin gáfu sig hvergi og norska fjöl-
skyldan hélt áfram siglingu sinni eins
og ekkert hefði í skorizt.
Norsararnir sigldu næst yfir til
Brasilíu með viðkomu á St. Helens
eyju, þar sem Napóleon eyddi síðustu
ævidögum sínum. Þá var haldið upp
með strönd Suður-Ameríku, alla leið til
Karíbahafsins. Frá Barbados var
strikið tekið til Jómfrúareyja og Azor-
eyja i miðju Atlantshafinu. Nú var
leiðin tekin að styttast og kunnugleg
lönd í Evrópu birtust við sjóndeildar-
hringinn: Möneyja í írlandshafi, þá
Skotland og loks var siglt góðum byr
yfir Noðursjóinn til Noregs. Fjölskyld-
an var komin heim.
May Larsen með börn sin tvö,
Audun og Tine. í baksýn sést segl
skútan Santosha sem fjölskyldan
sigldi 6 frá Ástralíu.
Gabriela Mistral, sem hlaut nóbels-
verðlaunin I bókmenntum árið 1945,
var nýlega veittur einhver æðsti
heiður sem hægt er að veita nokkurri
manneskju í Chile. Mynd af henni
prýðir nýja peningaseðla sem gefnir
voru út I landinu og Mistral varð þvl
fyrst kvenna i Chile til aðfá mynd af
sér á seðla. Seðlar þessir eru 5000
pesóa-seðlar (jafngildi um 960 króna)
og verðmestu peningaseðlar í umferð I
Chile.
Mistral lézt l Hampstead í Banda-
rikjunum árið 1957,68áraað aldrí
Oabriela Mlstral hlaut nóbelsverö-
launin 1945.
Laxinn stökk í
fang Svíans
Svíi nokkur varö nýverið
fyrir þeirri merkilegu reynslu
að lax hoppaði beint í fang
hans. Atburður þessi gerðist í
ánni Lágen, serrrer rétt vestan
við Oslófjörð. Svíinn var á bát
úti á ánni er hann vissi ekki
fyrr en 11 punda lax stökk upp
úr vatninu og í næstu andrá
sat Svíinn með hœnginn í fang-
inu. Svíinn varð að sjálfsögðu
steinhissa en fannst fiskurinn
víst góð búbót. Þessi sama
veiðiaðferð vœri kannski reyn-
andi í Elliðaánum!