Dagblaðið - 24.08.1981, Side 6

6
DAGBLAÐIÐ. MÁNUDAGUR 24. ÁGÚST 1981.
Ljóma-ralli ’81 lauk í gær:
Einvígi milli Hafsteins og
Ómars frá u
zizzr
Ómar og Jón Ragnarssynir fagna sigri á þaki bils sfns við Austurbæjarskólann.
DB-mynd: Gunnar Örn.
Philips solarium
heimilislampinn kostar
aðeins 3.289.- króhun
meðstandara
og sjálfvirkum tímastilli
Philips solarium er fisléttur og meðfærilegur og tekur sára-
lítið pláss í geymslu. Það er líka hægt að nota hann án
standaransen þannig kostar hann aðeins2416 krónur.
Rafmagnseyðsla 0.24 kg. wött
Þyngd - 7,5 kg
Stærð dxbxh - 10x38x74 cm
heimilistæki hf
HAFNARSTRÆTI 3 — 20455 — SÆTÚN 8 — 15655
—Ómarog
Jón Ragn-
arssymr
sigruðu
enn einu
smm
Gefið i á Fjallabaksleiðinni á föstudag. Jón og Ómar eru búnir að keppa þrettán
sinnum á Renault Alpine bfl þess fyrrnefnda. Hann á væntanlega eftir að fara aðeins
eitt rall i viðbót. DB-mynd: Árni Biarna.
Aðeins tæplega fjórar mínútur
skildu að sigurvegarna í Ljóma-ralli ’81
og þá sem næstir komu á eftir. Það
voru bræðurnir Ómar og Jón Ragnars-
.synir sem sigruðu eina ferðina enn. I
öðru sæti voru Hafsteinn Hauksson og
Kári Gunnarsson.
Keppnin öll var eitt stanzlaust
einvígi milli Ómars og Hafsteins. Allt
frá fyrstu sérleið til þeirrar síðustu var
ekið í botni og hvergi slegið af. Lengi
vel hafði Ómar örugga forystu en á
síðari hluta laugardagsins og í gær
tókst Hafsteini að saxa verulega á
forystuna.
Það voru Norðmaðurinn John
Hauglandog Svíinn Jan Olav Bohlin
sem urðu i þriðja sæti í keppninni.
Lestina ráku bræðurnir Birgir og
Hreinn Vagnssynir. Alls hófu tólf bílar
keppnina á föstudagsmorguninn.
Lítið sem ekkert bar út af hjá öku-
mönnunum í tveimur efstu sætunum.
Óþétt kertahetta gerði Ómari og Jóni
gramt í geði á tímabili. Vegna hennar
gekk Renault bill þeirra aðeins á
þremur strokkum þegar þeir óku í
vatni.
Ástæðan fyrir því hversu mörg
refsistig John Haugland fékk var fyrst
og fremst sú að Skoda bíll hans drap á
sér úti í á á Kili. Þar slitnaði einnig
dempari í bílnum. Loks var miðstöðin
þeim Haugland og Bohlin til hins mesta
afma. í hvert skipti sem þeir óku út í á
fylltist bíllinn af gufu þannig að þeir
urðu að aka blindandi. Eftir að
Haugland sá að hann ætti ekki
möguleika á efsta sætinu sló hann tals-
vert af og ákvað að komast örugglega í
mark með heilan bíl.
Það þykir ágætis árangur hjá Birgi
og Hreini Vagnssonum að hafa lokið
keppninni. Þeir óku á óstyrktri Cortinu
með 2000 cc. mótor. Þeir voru sagðir
fallnir á tíma á laugardaginn vegna þess
hve lengi þeir voru að komast vestur
Fjallabak. Þann úrskurð kærðu þeir og
komst dómnefnd keppninnar að þeirri
niðurstöðu að lágmarkstími á Fjalla-
baksleiðinni hefði verið of lágur.
Ljómaralli ’81 er lengsta rall sem
haldið er hér á landi. Að þessu sinni var
það um 1.700 kílómetra langt. í fyrra
var það nær þúsund kílómetrum
lengra. -ÁT/ÁB.
Unnið að viðgerð á C'ortinu bræðranna Birgis og Hreins Vagnssona á tímavaröstöð
núlli Fjallabaks og Dómadalsvegar. Þarna hafði bensingjöfin gefið sig.
DB-mynd: Árni Bjarna.
Hafsteinn Hauksson og Kári Gunnarsson slógu helzt aldrei af sér á sérleiðum hvort
sem ekið var á þurru eða blautu. DB-mynd: Árni Bjarna.
John Haugland og Joan Olaf Bohlin á ferð á Skodanum. Þeir urðu fyrir nokkrum
óhöppum á Kili og fóru sér þvi fremur rólega eftir að ljóst varð að þeir ættu litla
möguleika á sigri. DB-mynd: Árni Bjarna.
ÓSA
Úrslitin íLjóma-ralli urðuþessi:
Sæti 1. ökumaöur 2. ökumaöur Tegund Refsistig
1. Ómar Ragnarsson Jón Ragnarsson Renault Alpine 1.10:47
2. Hafsteinn Hauksson Kári Gunnarsson Escort 2000 1.14:44
3. JohnHaugland Jan Olaf Bohlin Skoda 130RS 2.10:15
4. Birgir Vagnsson Hreinn Vagnsson Cortina 2000 4.34:43