Dagblaðið - 10.10.1981, Blaðsíða 5

Dagblaðið - 10.10.1981, Blaðsíða 5
DAGBLADIÐ. LAUGARDAGUR 10. OKTÓBER 1981. Dagblaðsvinníngur í viku hverri: „Sannfærðist þegar síminn f ór að ham- ast um kvöldið" — segir Aðalsteinn Einarsson á Þingeyri sem vann glæsilegt reiðhjól í áskrif endagetraun DB „Vinkona okkar, sem búsett er í Reykjavík, hringdi í konuna mína á föstudag, sama dag og nafnið birtist. lí onan kom til mín í vinnuna og sagði mér frá þessu. Ég hélt að hún væri að stríða mér en þegar síminn fór að hamast um kvöldið sannfærðist ég," sagði Aðalsteinn Einarsson, til heimilis að Brekkugötu 7 á Þingeyri við Dýrafjörð. Gæfuhjólið snerist honum í vil í síðustu viku. Honum gafst kostur á að svara spurningum þeim sem Dag- blaðið leggur fyrir lesendur sínar í hverri viku en aðeins einum áskrif- anda gefst kostur á að svara. „Mér fannst þetta auðvelt. Ég hélt þó fyrst að ég myndi fara i baklas, ég var dálítið spenntur þegar ég hringdi. En spurningin var létt, nefna staðinn þar sem þessi auglýsing var .. og segja svo símanúmer auglýsingadeildar- innar," sagði Aðalsteinn. Hann er Reykvíkingur en flutti vestur árið 1977. Þá var hann ein- hleypur en nú á hann konu og tvö börn. Eiginkona hans, Elísabet Skúladóttir, er frá Gemlufalli sem er við Dýrafjörð, gegnt Þingeyri. „Ég kann mikið betur við mig fyrir vestan en fyrir sunnan. Ég hef ekki hugsað mér að breyta til," sagði vinningshafinn sem að launum fyrir að svara hinum einföldu spurningum rétt fær reiðhjól frá Fálkanum að verðmæti 3.500 krónur. „Yfirleitt labba ég í vinnuna. Ég er svona sjö til átta mínútur að því en hjólið gæti stytt ferðatímann veru- lega," sagði Aðalsteinn Einarsson. Hann vinnur í beinamjölsverksmiðju Kaupfélags Dýrfirðinga og er þar aðstoðarverksmiðjustjóri. -KMU. Féll 15 metra úr mastri Vetraráætlun Flugleiða: FERDUM FJOLGAR BÆÐIINN ANLANDS 0G TIL ÚTLANDA Ungur maður slasaðist alvarlega við Hagavatn i gærmorgun er unnið var við línulögn frá Hrauneyjafossvirkjun. Maðurinn féll niður úr mastri og var fallið um 15 metrar. Að sögn Hannesar Hafstein, framkvæmdastjóra Slysa- varnafélagsins, barst hjálparbeiðni frá Landsvirkjun um kl. 10 i gærmorgun. Slysavarnafélagið fór þess þegar á leit við varnarliðið á Keflavíkurflugvelli að það sendi þyrlu á staðinn til þess að sækja hinn slasaða mann. „Það var auðsótt mál og vélin var komin af stað um 10.30 með lækni innanborðs. Þyrlan kom á slysstaðinn um kl. 11 þar sem læknirinn gerði að meiðslum mannsins eins og unnt var. Þyrlan lenti síðan við Borgarspítalann kl. 12.05. Þar var læknalið tilbúið til aðgerðar. Aðgerðin stóð lengi dags en maður- inn, sem er tvítugur, reyndist vera með innvortis meiðsl í kviðarholi og brjósti og áverka á höfði. Líðan hans var þó talin eftir atvikum góð. -JH/DB-mynd: S. Með vetraráætlun sinni ætla Flug- leiðir að fjölga ferðum bæði innan- lands og til útlanda. Þannig fjölgar ferðunum innanlands um tíu á viku og ferðum til útlanda um fimm, fjórar til Evrópu og eina lil Bandaríkjanna. Vetraráætlun i innanlandsflugi hófst um síðustu mánaðamót og hefst um þau næstu til útlanda. Jafnframt því sem ferðum með far- þega fjölgar í vetur og ef allt fer að óskum enn næsta sumar fjölgar einnig fraktferðum. Mikið verður gert að því að fljúga með bæði fólk og frakt í sömu ferðinni. Til þess að bæta þjónustu við far- þega sína hafa Flugleiðir nú hætt sam- skiptum við Gabríel. Það er tölva sú í Bandarikjunum sem skráð hefur fram að þessu allar ferðir. Nú hafa Flugleiðir komið sér upp eigin tölvukerfi sem á að gera ferðaskrifstofum kleift að fá mun fyrr upplýsingar um laus sæti og fleira því fylgjandi. Einnig spara Flugleiðir á sama tíma síma og skeytakostnað. En vetraráætlun verður sem hér segir: Landið: Akureyri: þrjár á dag nema fimmtu- daga, föstudaga og sunnudaga, þá 4 ferðir. Egilsstaðir: ein ferðá þriðjudögum og sunnudögum, tyær ferðir aðra daga. Vestmannaeyjar: tvær ferðir á dag. Hornafjörður: ein ferð þriðjudaga, flmmtudaga, föstudaga og sunnu- daga. Húsavik: ein ferð mánudaga, miðviku- daga, fimmtudaga, föstudaga og sunnudaga. ísafjörður: tvær ferðir á dag nema laugardaga og þriðjudaga, þá er ein ferð. Norðfjörður: ein ferð mánudaga, mið- vikudaga og laugardaga. Sauðárkrókur: ein ferð alla daga nema laugardaga. Patreksfjörður: ein ferð mánudaga, miðvikudagaog föstudaga. Þingeyri: ein ferð mánudaga, þriðju- daga og fimmtudaga. Auk þessara ferða verða síðan auka- ferðir um jól og paska sem síðar verður greint frá. Til útlanda: Kaupmannahöfn: ein ferð á dag alla daga nemaþriðjudaga. Osló og Stokkhólmur: Ein ferð þriðjudaga og föstudaga. London: ferð á þriðjudögum, fimmtu- dögum, laugardögum og sunnudögum. Glasgow: ferð þriðjudaga og laugar- daga. Luxemburg: ferð þriðjudaga, fimmtu- daga, föstudaga, og laugardaga. New York: ferð þriðjudaga, fimmtu- daga, föstudaga og laugardaga. Ferðir til Chicago hefjast 6. marz. Færeyjar: Flogið verður um Egilsstaði á miðvikudögum og laugardögum. -DS. Dómur f allinn ílögbannsmálinu: Frjálsu f ramtaki heimilt að nota ABC á barnablaðið Fallinn er dómur í lögbannsmáli því sem ABC hf., auglýsingastofa, höfðaði gegn Frjálsu framtaki hf. vegna nafnsins á barnablaði útgáf- unnar, ABC. Dómsorð kveður á um það að Frjálsu framtaki sé heimilt að nota nafnið ABC og lögbannið er því fellt úr gildi. Málskostnaður var felldurniður. Vegna lögbannsins, sem sett var á barnablaðið ABC í fyrra, var nafni blaðsins breytt í ABCD. Jóhann Briem, framkvæmdastjóri Frjáls framtaks, sagði í gær að hið fyrra nafn yrði nú tekið upp aftur og héti bláðið því ABC: Jóhann sagði að lögbannsmálið hefði verið harkaleg aðgerð sem valdið hefði útgáfunni fjárhagstjóni. Skaðabótakröfur væru því íhugaðar. Lögmenn Frjáls framtaks voru Eiríkur Tómasson og Ólafur Axels- son en lögmaður ABC auglýsinga- stofu var Haraldur Blöndal. Dóminn kvað upp Steingrímur Gautur Kristjánsson. -JH. I OPIÐTILKL.4 ÍDAG Með vctraráætlun sinni hafá Flugleiðir tekið upp þi nýjung að bjóða monnum i innan- landsflugi hressingu á 15 krónur. Er það dós af ávaxtasafa, kex, súkkulaði og smur- ostur. Brosandi flugfreyja heldur hér á tveim bökkum með þessum kræsingum. DB-mynd: Bj. Bj. VERZLUNIN NÓATÚN NÓATÚIMI17. SÍMI17260.

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.