Ársrit Ræktunarfélags Norðurlands - 01.01.1935, Side 163

166
ræktar, og hefur einn af stjórnarnefndarmönnunum haft
það undir höndum.
Ennfremur kom sambandið á hrútasýningum og styrkti
nokkur félög til kaupa á tveim karakúlhrútum.
I austurhluta sýslunnar hefur verið nokkur hreyfing
uppi um stofnun klakstöðvar við Laxá. Þessi hreyfing
hefur verið allmjög í molum, en þó hafa samtök komist á
um starfrækslu klakstöðvar á sl. ári, og hefur sambandið
lagt til hennar nokkurn styrk.
Á sl. vori stofnuðu 20 menn Rjómabú Þingeyinga og
hefur það verið starfrækt síðan að Brúum og leigt þar
húsrúm og raforku, en vélar og ýms áhöld hafa kostað
fast að 5000.00 kr.
Búnaðarsambandið styrkti Rjómabúið með kr. 300.00,
og auk þess naut það styrks frá ríkissjóði og Kaupfélagi
Þingeyinga.
Qarðrækt hefur átt erfitt uppdráttar hér i sýslu og
margir verið furðu tómlátir um þau efni. Á þessu er nú
að verða mikil breyting. Veldur því bæði aukin fræðsla og
skilningur fólksins á nauðsyn hennar.
Hefur sambandið lagt sinn skerf til þeirra umbóta, með
fræðslu, úthlutun fræs og verðlaunum fyrir aukna upp-
skeru. Þá hefur það veitt ríflegan styrk til gróðurhúss-
byggingar við Uxahver, en það er hin fyrsta tilraun, sem
gerð hefur verið á því sviði hér í héraðinu. Niðurstaðan af
þessari tilraun hefur orðið mjög góð, og er nú hafin bygg-
ing annars gróðurhúss á Hveravöllum og á það að vera
rúmlega hálfu stærra en hið fyrra.
Þá er stjórn sambandsins nú að safna skýrslu um garð-
stærð, uppskeru og fólksfjölda á hverju heimili á sam-
bandssvæðinu, og mun sú vitneskja, sem fæst á þann hátt,
verða grundvöllur undir nýjar ráðstafanir til eflingar garð-
yrkjunni.
Kvenfélag S.-Þing. hefur starfað um langt árabil en