Frjáls verslun - 01.01.1942, Blaðsíða 4
Frá jólatrésskemmtun V. R.
dönsuðu börnin og fóru í leiki og skemmtu sér
á annan hátt.
Undirleik við sönginn og dansinn annaðist
Hafliði Jónsson.
Jólatrésskemmtanir þessar stóðu frá kl. 5 e. h.
til kl. 10 um kvöldið.
Síðasta kvöldið var tekin mynd af barna-
hópnum, er stillti sér upp í kring um jólatréð
og er myndin sem hér er birt frá því kvöldi.
Jólatrésskemmtanir þessar þóttu takast mjög
vel og höfðu margir það á orði að þær hefðu
verið þær beztu, sem félagið hefir haldið, og þá
sérstaklega heimilislegar.
Skemmtinefnd félagsins sá um og stjórnaði
þesum jólatréskvöldum, en hana skipa: Hjörtur
Ilansson, form., Lárus Bl. Guðmundsson, Ólafur
Beinteinsson, Konráð Gíslason og Lúðvíg Hjálm-
týsson. Ennfremur aðstoðuðu nokkrir félags-
menn, þar á meðal Árni Einarsson.
Hlutavelta V. R.
Þann 8. febrúar var haldin hlutavelta í Verka-
mannaskýlinu, til ágóða fyrir húsbyggingarsjóð
félagsins. Sá stjórn og húsnefnd um hlutavelt-
una og varð af henni mjög góður ágóði. Er
skylt að þakka verzlunarmönnum hve vel þeir
brugðust við um gjafir til hlutaveltunnar og
sýndi það sig í þetta skifti, eins og endranær,
að verzlunarmenn eru fljótir að hlaupa undir
bagga ef félagið leitar til þeirra um styrk fyrir
nauðsynjamál sín.
Áfmæli V. R.
Afmæli V. R. var haldið hátíðlegt 27. janúar
á Ilótel Borg. Ilófst samkoman með borðhaldi
kl. 8 e. h. og var síðan dansað til kl. 41/2 eftir
miðnætti. Undir borðum voru ræður fluttar. Töl-
uðu þar m. a. formaður V. R., Egill Guttorms-
son, sem setti samkomuna, Árni Jónsson alþm.
fyrir minni íslands, og dr. Oddur Guðjónsson
fyrir minni verzlunarstéttarinnar. í ræðu sinni
mælti formaður nokkrum orðum til Hjálmars
Björnssonar viðskiftafulltrúa, sem var boðs-
gestur félagsins á samkomunni, en Iljálmar
svaraði með ræðu.
Mjög mikil aðsókn var að afmælisfagnaðinum
og urðu margir frá að hverfa. Skemmtu menn
sér hið bezta.
Arbók Reykjavlkur
1940
Dr. Björn Björnsson, hagfræðingur Reykja-
víkurbæjar, hefir samið mikla bók, þar sem
safnað er saman margvíslegum skýrslum varð-
andi hag Reykjavíkur og bæjarlífið í ýmsum
myndum. Er það í fyrsta sinn, sem slíkar hag-
fræðilegar skýrslur hafa verið gefnar út um
nokkurn kaupstað í landinu.
Árbók þessi er gefin út af bæjarsjóði Reykja-
vikur og ná skýrslur þær, sem þar birtast yfir-
leitt til ársins 1940 og svo langt aftur í tímann,
sem föng eru á og tilefni er til. í bókinni er
feiknarmikill fróðleikur um Reykjavík og geta
engir, sem láta sig nokkru varða hagsögu
Reykjavíkur nú og á síðastliðnum árum, án bók-
arinnar verið.
Erlendis er það alsiða að stærri bæjarfélög
komi sér upp skrifstofum er vinna hagfræðileg-
ar skýrslur úr gögnum bæjanna um fjárhag,
atvinnulíf og annað það, sem bæjarbúa varðar.
Þegar Jón Þorláksson var borgarstjóri í Reykja-
vík réði hann dr. Björn í þjónustu bæjarins til
slíkrar skýrslusöfnunar og hefir hann unnið að
því verki lengst af síðan. Má nærri geta að það
er mjög mikilsvert fyrir stjórn svo stórs bæjar-
félags sem Reykjavík er, að hafa við hendina
nákvæmar skýrslur um hin ýmsu mál er bæinn
varða. Með samanburði milli hinna einstöku ára
og á ýmsu öðru, sem út úr slíkum skýrslum má
lesa, geta þeir, sem um bæjarmálefnin fjalla,
séð margt og fengið mikilsverðar upplýsingar.
Hér í blaðinu eru á öðrum stað nokkrir smá-
kaflar sem fengnir eru úr bók dr. Björns. Auð-
vitað veita þessir stuttu útdrættir mjög ófull-
komna hugmynd um bókina, en Reykvíkingar,
sem kynnast vilja hag bæjarins, ættu að kaupa
hana.
4
FRJÁLS VERZLUN