Frjáls verslun - 01.01.1942, Blaðsíða 27
Hann var svo ungur; bjó yfir mikilli lífsgleði,
var áhugamikill og átti mörg verkefni fyrir
höndum. Frá þeim er hann fallinn og við lítum
á autt sæti með djúpum söknuði.
Ungur að aldri, 16 ára gamall, lauk Emil heit.
fullnaðarprófi frá Verzlunarskóla íslands með
ágætiseinkunn. Ég kynntist honum í Verzlun-
arskólanum, og hélzt vinátta okkar allt til þess
að dauðinn skildi leiðir. Ég veitti strax athygli
áhuga hans á náminu. Góðar gáfur, samfara
miklu kappi, skipuðu Emil heit. í fremstu raðir
skólasystkina hans.
í skólanum þótti öllum vænt um Emil; hann
var tápmikill og síglaður. Glaðlegt yfirbragð
einkenndi hann í daglegri framkomu.
Ekki einungis í skóla komst Emil í fremstu
raðir. Eftir stutt æfistarf hefir hann komist
lengra áleiðis, en mörgum verður auðið þó að
mörg ár eigi að baki.
Að námi loknu vann Emil í rúmt ár í skrif-
stofu föður síns. En hugur hans hneig brátt að
því að verða sjálfstæður í starfi. — 21 árs að
aldri stofnaði hann ásamt félaga sínum, Lár-
usi Óskarssyni, heildverzlun hér í bæ.
Þeir félagar voru þá báðir ungir að aldri og
lítt lífsreyndir. Með tvær hendur tómar, á þeim
tímum, þegar kreppan herti mest að, hófu þessir
ungu menn sjálfstæðan atvinnurekstur. Þeir
voru samhentir, höfðu trú á sjálfum sér og trú
á framtíðinni, þó að þá væru margir bölsýnir
og tímarnir til þess fallnir að draga dug úr
ungum mönnum.
Svo voru efni, í upphafi, af skornum skammti,
að mér er kunnugt um að þegar Emil heit. var
að undirbúa stofnun sjálfstæðrar starfsemi,
fékk hann aura að láni hjá móður sinni til þess
að kaupa frímerki á bréfin, sem hann þurfti
að senda, En með dugnaði tókst þeim félögum
að skapa fyrirtæki, sem frá upphafi hefir farið
sívaxandi og stendur nú föstum fótum.
Emil hafði hafið glæsilegt æfistarf og miklar
vonir voru bundnar við framtíð hans.
Ungur var hann búinn að ryðja sér myndar-
lega starfsbraut. Og það sem mest réði brautar-
gengi þessa unga og efnilega manns var sam-
viskusemi. Hann tamdi sér að vera orðheldinn
og reglusamur í störfum og viðskiptum.
Á síðastliðnu sumri kvongaðist Emil heit.
eftirlifandi konu sinni, Sigrid fædd Mogensen.
Sambúð þeirra var ástúðleg, og þau litu til
framtíðarinnar með fögnuði og gleði á hinu
nýja heimili sínu. En sambúð þeirra varð
skemmri en vonir voru um. Hin unga kona
syrgir mann sinn dáinn eftir fimm mánaða
hjónaband.
Emil heit. var til moldar borinn á Þorláks-
messudag. Jarðarför hans var fjölmenn og bar
vott um að vinsæll maður var í valinn hníginn.
A. B.
ÁHræður: Pétur Jónsson
Pétur Jónsson fyrrv. kaupmaður átti 80
ára afmæli hinn 20. febr. s. 1. Pétur gekk á
unga aldri á verzlunarskóla erlendis og varð
síðan starfsmaður við Knudsens-verzlun í
Hafnarfirði. Síðar gerðist hann bóndi í Krýsi-
vík:, en Pétur var kvæntur dóttur Árna sýslu-
manns, er átti þá jörð. Seinna hóf Pétur svo
verzlunarstörf á ný og rak verzlun í Reykja-
vík um skeið, en síðast var hann starfsmaður
hjá Sameinaða.
Pétur var hið mesta glæsimenni og hefir
alla tíð fengið hið besta orð þeirra sem hann
hafa þekkt. Pétur er að allra dómi sannur
,,gentle“-maður, sem ekki mátti vamm sitt
vita.
Hann er heiðursfélagi Verzlunarmanna-
félags Reykjavíkur. „Frjáls verzlun“ óskar
honum til hamingju.
FRJÁLS VERZLUN
2'