Frjáls verslun - 01.04.1942, Blaðsíða 4
mundi ríkja í þjóðfélaginu og það ofurselt illum
völdum. Þeir neita landsbúum um borgaraleg
réttindi til þess að geta sjálfir farið með valdið,
alveg eins og erlendu yfirdrottnarnir. En það
fer einnig svo nú, að það þýðir ekki að streit-
ast á móti til lengdar. Órétturinn víkur og
Tímamönnunum verður skipað á þann sess í
íslenzkum stjórnmálum, sem er í samræmi
við það fylgi kjósendanna, sem bak við þá
stendur.
Sjálfstæðismenn leggja út í þennan bardaga
við innlent kúgunarvald, alveg ótrauðir og án
þess að hika. Málið er það, sem barist er fyrir,
en mennimir hverfa í skuggann. Sjálfstæðis-
menn standa sameinaðir.
★
Þegar Tímamenn höfðu siglt öllu í strand
1939 báðust þeir samstarfs og hjálpar frá Sjálf-
stæðismönnum og það samstarf var látið í té.
Að baki var þá löng keðja kreppuára, sem Tíma-
menn höfðu notfært sér til framdráttar.- Þeir
hefðu ekki getað hitt á heppilegra árferði, til
að framkvæma kúgunarstefnu sína. Ef góðæri
hefði ríkt, hefði verið örðugra fyrir þá að koma
fram haftakúguninni. En kreppuástandið gátu
þeir notað sem hagkvæmt yfirskin fyrir því sem
framkvæmt var andstæðingunum til óhægðar.
Innræti Framsóknarmanna, sem stjórnmála-
flokks, lýsir sér bezt í því að þeir skyldu nota
sér kreppu og óáran til þess að gera hluta and-
stæðinga sinna enn verri. Þegar stjórnarsam-
vinnan hófst 1939 var styrjöld sjáanleg fram-
undan og Sjálfstæðismenn töldu það skyldu sína,
þjóðarinnar vegna, að skorast ekki undan sam-
starfi við forna andstæðinga. Um stjórnmála-
legan ávinning af slíku samstarfi var ekki að
ræða, enda miðaðist þátttaka þeirra einungis
við það, að reyna að lagfæra það öngþveitis-
ástand, sem þjóðarbúskapurinn var kominn í.
En Framsóknarmenn misstu aldrei sjónar á
hinum stjórnmálalega ávinningi. Þeir höfðu ætíð
flokk sinn ofarlega í huga og höguðu sér þar
eftir.
Nú hælast Tímamenn yfir því að Sjálfstæðis-
menn hafi tapað atkvæðum meðan þeir voru í
samstarfinu við þá. Þeir halda sig hafa unnið
Sjálfstæðismönnum pólitískt tjón meðan sam-
stjórnin sat að vöidum og efnt til klofnings og
sundurlyndis innan flokksins. En þótt ekki hafi
skort viljann hjá Tímamönnum til slíks, þá
liefir það þó ekki tekist. Sjálfstæðismenn ganga
til kosninga um kjördæmamálið til þess að slíkt
komi ekki fyrir aftur, að harðsnúin minnihluta-
klíka geti sagt fyrir verkum. Sjálfstæðismenn
krefjast aukinna áhrifa á mál þjóðarinnar í
samræmi við það, sem sjálf þjóðin vill.
Tímamönnum hefir ekki tekizt að nota stjórn-
arsamvinnuna Sjálfstæðismönnum til tjóns og
Sjálfstæðismenn berjast nú fyrir réttlætismáli
og standa sameinaðir sem einn maður.
★
Sjálfstæðisflokkurinn er ekki klíkuflokkur.
Hann nýtur fylgis manna úr hverri einustu
stétt þjóðfélagsins. Verzlunarmenn hafa fylgt
flokknum einhuga að málum vegna þess að
Sjálfstæðismenn berjast fyrir frjálslyndri verzl-
unar- og fjármálastefnu. Þess vegna er það, að
þegar Sjálfstæðisflokkurinn hefir nú hafið nýja
baráttu til að fá réttlát og aukin áhrif á stjórn
landsins, þá fylkja verzlunarmenn sér enn ein-
huga undir merki flokksins. Enginn ágreining-
ur kemst að. Menn skilja að nú er meiri nauð-
syn að standa saman en nokkru sinni fyrr.
Andstæðingarnir hafa hlakkað yfir því, að
vænta mætti sundurlyndis innan Sjálfstæðis-
flokksins, einmitt nú. Þeir hafa reiknað það
dæmi skakkt. Verzlunarmenn og menn úr öðr-
um stéttum, sem undanfarin ár hafa sameinast
undir merki Sjálfstæðisflokksins, standa þar
enn einhuga og sigurvissir.
Sameinaðir stöndum vér! Það mun sannast
hinn 5. júlí.
Verzlunarmenn hvarvetna
Fylkið yður um |oingmannaefni
á landinu!
Sjálfstæðismanna.
4
FRJÁLS VERZLUN