Frjáls verslun - 01.02.1995, Side 46

NÆRMYND
Sigurjón Sighvatsson kvikmyndaframleiðandi í nærmynd:
UR HUOMSVEITAHARKI
IHOLLYWOODHÆÐIR
Þótt Sigurjónbúi íHollywood er hann einn af umtöluðustu mönnum íslensks
viðskiptalífs. I kvikmyndaborginni hefur hann verið eftirsóttur að undanförnu
igurjón Sighvatsson, kvik-
myndaframleiðandi í Holl-
ywood, var enn einu sinni í
fréttunum á dögunum. Ekki vegna
nýrrar kvikmyndar eða hlutabréfa-
kaupa hér heima heldur vegna þess
að stórir aðilar í kvikmyndaiðnaðinum
í Hollywood slást nú um að fá hann til
sín í vinnu.
Nokkuð er um liðið síðan Sigurjón
og skólabróðir hans úr kvikmynda-
skóla vestra, Steve Golin, seldu hlut
sinn í Propaganda en þeir stofnuðu
fyrirtækið 1986. Sigurjón vann reynd-
ar áfram hjá fyritækinu við kvik-
myndaframleiðslu við góðan orðstír
en hætti störfum rétt eftir áramót.
Eftir að Sigurjón hætti hefur atvinnu-
tilboðunum rignt yfir hann. Fyrst bár-
ust þau tíðindi með erlendum frétta-
skeytum að forráðamenn nýs kvik-
myndarisa í Hollywood, Lakeshore
Entertainment, vildu fá hann sem
framkvæmdastjóra. Síðar kom í ljós
að Lakeshore Entertainment var ekki
eini aðilinn á höttunum eftir starfs-
kröftum Sigurjóns. Hinir þekktu
bræður Ridley og Tony Scott, einir
eftirsóttustu leikstjórar í Hollywood í
dag, voru einnig á höttunum eftir Sig-
urjóni til framleiðslu kvikmynda.
Þegar þetta er skrifað, er ekki vitað
til að Sigurjón hafi gengið til samninga
við neinn þeirra sem til hans hafa leit-
að vestra, en nokkuð víst þykir að
hvaða tilboði sem hann tekur muni
ekki væsa um hann næstu árin. Nú
þegar er hann í hópi ríkustu núlifandi
íslendinga.
Þessi tíðindi segja, svo ekki verður
um villst, að fáir íslendingar fagna jafn
mikilli velgengni á erlendri grundu og
Sigurjón Sighvatsson. En það er ekki
aðeins erlendis sem Sigurjón er að-
sópsmikill í viðskiptum. í fyrrasumar
komst Sigurjón heldur betur í frétt-
irnar hér heima þegar hann keypti
hlutabréf í íslenska Útvarpsfélaginu
fyrir um 150 milljónir króna og varð
þar með stærsti hluthafinn í Stöð 2.
Sigurjón keypti 43 milljóna króna hlut
í íslenska Útvarpsfélaginu sumarið
1992 og átti þar með 9 prósenta hlut í
félaginu. í fyrrasumar var haft eftir
Siguijóni að hann væri allt annað en
ánægður með rekstur Stöðvar 2 og
hefði áhuga á að selja sinn hlut í félag-
inu. Síðan gerist það að stórfelld kaup
á hlutabréfum í félaginu áttu sér stað.
Sigurjón og erlendir aðilar, tengdir
honum, voru orðaðir við kaupin. I
fyrstu fékkst ekkert staðfest en
þegar upp var staðið kom í ljós að
Siguijón hafði keypt hlutabréf fyrir
um 50 milljónir króna að nafnvirði eða
150 milljónir króna að söluvirði. Þar
með var hann orðinn langstærsti hlut-
hafi íslenska Útvarpsfélagsins, með
18 prósenta hlut.
„Sigurjón vildi selja hlut sinn í Stöð
2 vegna þess að honum líkaði ekki
hvernig stöðin var rekin og þau við-
horf sem ríktu um reksturinn. Þarna
réðu hrein og klár viðskiptasjónarmið
en það var skoðun Sigurjóns að fæstir
í stjóm félagsins vissu almennilega
hvernig reka ætti sjónvarpsstöð,"
sagði samstarfsmaður Sigurjóns úr
kvikmyndagerð. Orð Sigurjóns sjálfs
styðja þetta en í blaðaviðtali sagði
hann um ástæðu fyrir hlutabréfakaup-
unum: „Annars vegar er það arðsem-
issjónarmiðið. Ég tel mig geta ávaxt-
að mitt fé betur með því að eiga
stærri hlut. Hins vegar tel ég að með
því að eiga stærri hlut geti ég haft
meiri ítök í félaginu."
í kjölfar þessara stóratburða í ís-
lensku viðskiptalífi fylgdi orðaskak og
átök um meirihlutavald í stjórn ís-
lenska Útvarpsfélagsins sem ekki
skal fjölyrt um hér. En nýr meirihluti
Sigurjóns, Jóns Ólafssonar í Skífunni,
Jóhanns J. Ólafssonar og Haraldar
Haraldssonar hafði undirtökin þegar
upp var staðið. Þó ber að geta þess að
fyrrum forráðamenn Stöðvar 2 og
fleiri sökuðu Sigurjón um svik og
blekkingar þegar hann keypti nær öll
föl bréf í félaginu um leið og hann taldi
mönnum trú um að hann væri að selja
sinn hlut. Hér skal ekki lagt mat á
þessar fullyrðingar en víst er að þama
var á ferðinni maður sem hafði gengið
í gegnum strangan skóla, fyrst hér
heima og síðan í einu harðasta við-
skiptaumhverfi heims þar sem það er
daglegt brauð að maður vegi annan í
grimmri samkeppni.
EINSETTISÉR AÐ NÁ LANGT
Sigurjón Sighvatsson, eða Jonni
eins og vinir og kunningjar kalla hann,
er fæddur á Akranesi 15. júní 1952.
Ólst hann þar upp og síðar í Reykja-
vík. Sigurjón komst fyrst í kastljósið
sem meðlimur hljómsveitanna
Flowers og Ævintýri, þar sem Björg-
vin Halldórsson var í broddi fylkingar,
og síðar með Brimkló. Á þessum ár-
um komu nokkrir af þeim eiginleik-
um, sem þykja einkenna Sigurjón, í
ljós; dugnaður, sterkur vilji og stað-
46