Frjáls verslun - 01.02.1995, Qupperneq 59

ERLEND VEITINGAHUS
LA RAMEAUDIERE
Best varðveitta leyndarmálið í Lúxemborg
Sigmar B.
Hauksson skrifar
reglulega um
þekkta erlenda
businessveitinga-
staði í Frjálsa
verslun.
ú fer sá tími í hönd að fólk í
viðskiptum fer að fara á vöru-
sýningar erlendis. Vörusýn-
ingar af ýmsu tagi verða æ mikilvæg-
ari. Þar kynnast menn ýmsum nýj-
ungum og koma sér upp
viðskiptasamböndum. Líklegast er á
enga þjóð hallað þótt fullyrt sé að
hvergi séu haldnar eins vand-
aðar og vel skipulagðar vöru-
sýningar og í Þýskalandi.
Stundum er erfitt að fá
góða gistingu nálægt þeim
stöðum, þar sem stórar vöru-
sýningar eru haldnar, og oft
er sú gisting, sem í boði er,
mjög dýr. Margir íslenskir
kaupsýslumenn hafa því grip-
ið til þess ráðs að fljúga til
Lúxemborgar og taka þar
bílaleigubíl og aka áleiðis til
þeirrar borgar í Þýskalandi
þar sem sú vörusýning er
sem heimsækja á. Kjörið er
að gista á leiðinni, t.d. í um
klukkutíma fjarlægð frá vöru-
sýningunni.
Eins og áður hefur verið
bent á hér f þessum pistlum
er vel til fundið að gista fyrstu
nóttina í Lúxemborg eða síð-
ustu nóttina, áður en farið er
heim á leið. í Lúxemborg er fjöldi
góðra veitingastaða. Frönsk mat-
reiðsluhefð er ríkjandi í Lúxemborg
en sagt er að skammtarnir séu þýskir
en verðið belgískt. í stuttu máli, góð-
ur matur og vel útilátinn á hagstæðu
verði.
Þá er rétt að benda á að á veitinga-
húsum í Lúxemborg er yfirleitt gott
firamboð af góðum vínum, aðallega
frönskum, og eru jpau yfirleitt ódýrari
en í Frakklandi. I miðborg Lúxem-
borgar eru ekki margir úrvalsveit-
ingastaðir. Flestir bestu veitinga-
staðirnir eru í þorpum víðs vegar um
landið.
Þess ber að geta að Lúxemborg er
ekki stórt land, það er svipað að
stærð og Reykjanesskaginn. Fyrir
ferðamenn, sem ekki eru kunnugir í
Lúxemborg, getur því verið snúið að
finna góðan veitingastað.
Eitt af bestu veitingahúsum Lúx-
emborgar er LA RAMEALFDIERE.
Sumir segja að þessi veitingastaður
Tími vörusýninga erlendis fer nú í hönd. Eitt af bestu
veitingahúsum Lúxemborgar er La Rameaudiere.
Sumir segja að það sé best varðveitta leyndarmál
Lúxemborgar. Veitingastaðurinn er í litlu þorpi, Ell-
ange, skammt frá frönsku landamærunum.
sé best varðveitta leyndarmál Lúx-
emborgar. Veitingastaðurinn er í litlu
þorpi, ELLANGE, sem er skammt
frá frönsku landamærunum. Veit-
ingastaðurinn eða réttara sagt hjónin,
sem eiga staðinn, hann er matreiðslu-
meistari og hún yfirþjónn, gera ekk-
ert í að kynna staðinn, hann er aðeins
í símaskránni. Þrátt fyrir það er LA
RAMEAUDIERE ávallt þétt setinn
og erfitt að fá þar borð. Sælkerar
Lúxemborgar og nágrannalandanna
vita um staðinn og það nægir eigend-
unum.
Á aðalmatseðlinum eru 38 réttir og
á hverju kvöldi er sérstakur sérrétta-
seðill. Meðalverð forrétta er um 1200
krónur. Meðalverð fiskrétta er um
2.400 krónur, kjötrétta 2.500 krónur
og eftirrétta um 700 krónur. Miðað
við gæði matar og þjónustu er verðið
mjög gott. Meðal forrétta, sem hægt
er að mæla með, er humar lasagna og
af fiskréttunum er humar og sand-
hverfu ragout eða nokkurs konar
pottréttur með undursam-
legri sósu frábær réttur. Af
kjötréttunum er hægt að
mæla með lambafile með
hvítlauks- og basilsoði, and-
abrjóstum með vínedikssósu
og kanínu með trufflu safa.
Eftirréttimir eru allir veru-
lega góðir, t.d. súkkulaði
mósaík og ferskir ávextir með
heimagerðum vanilluís. Vínl-
istinn er haganlega samansett-
ur og mörg úrvalsvín í boði.
Eins og áður sagði er ekki
hlaupið að því að finna þetta
góða veitingahús en það er
skammt frá smábænum
MONDORF. Og munið að
nauðsynlegt er að panta
borð. Ef þið eigið leið um
Lúxemborg, lesendur góðir,
og hyggist eiga þar kvöldst-
und þá verðið þið ekki svikin
af því að eiga kvöldstund á LA
RAMEAUDIERE.
LA RAMEDEAUDIERE
ELLANGE - GARE
10 RUE DE LA GARE
SÍMI 661063.
59