Skólavarðan - 01.11.1990, Blaðsíða 15

VILTU KOMA TIL SEATTLE 1991?
Næsta þing Alþjóðlegu skólasafnasamtakanna verður haldíð
í smábænum Everett, í nágrenni Seattle í Washingtonfylki
í Bandaríkjunum, 23-27 júlí, 1991. Yfirskrift
ráðstefnunnar er: School libraries in a diverse world:
Providing the personal touch. Öllum er heimilt að sækja
þessa ráðstefnu, og þeir sem vilja bjóða fram eitthvert
fyrirlestrarefni þurfa að senda tillögur þar að lútandi
til skipuleggjendanna fyrir 18. janúar, 1991.
Fyrir ráðstefnuna verður haldið eins dags námskeið um
stjórnim og eflingu leiðtogahæfileika hjá skólasafn-
vörðum. Námskeiðið er ókeypis, en þátttakendur verða að
greiða ferða- og dvalarkostnað, auk skráningargjalds á
ráðstefnuna. Skráningargjaldið er yfirleitt 150 dollarar,
en ekki liggja fyrir endanlegar tölur run annan kostnað.
Eftir ráðstefnuna er boðið upp á 13 daga ferð til Alaska
sem án efa verður mikilfengleg.
Til tals hefur komið að efna til hópferðar héðan á þíngið
og stjórnunarnámskeiðið, og eru þeir sem hefðu e.t.v. hug
á að fara á þessa ráðstefnu beðnir að hafa samband við
formann eða gjaldkera Skólavörðunnar sem fyrst, eða senda
línu í pósthólf Skólavörðunnar og mtinum við þá senda
upplýsingar um ráðstefnuna, námskeiðið og Alaskaferðina
eftir því sem þær berast.
Formaður undirbúningsnefndar í Everett er:
Doris Olson,
Director of the Conference,
920 Grand Avenue,
Everett, Washington 98201,
USA
15