Helgarpósturinn - 22.12.1994, Síða 4

4
MORGUNPÓSTURINN FRÉTTIR
FIMMTUDAGUR 22. DESEMBER 1994
Friðrik Pálsson framkvæmda-
stjóri SH. „Okkar starfsemi getur
ómögulega fallið undir lög um
samkeppni."
Niðurstaða Sam-
keppnisstofnunar
„Heiðurs-
manna-
samkomu-
lagið“
löglegt
Samkeppnisstofnun hvggur ekki
á frekari aðgerðir vegna ummæla
Friðriks Pálssonar, fram-
kvæmdastjóra Sölumiðstöðvar
hraðfrystihúsanna, hinn 1. nóv-
ember síðastliðinn.
í viðtölum við fjölmiðla þann
dag sagði Friðrik, að fram að þeim
tíma hefði ríkt það sem hann kall-
aði „heiðursmannasamkomulag"
milli Sölumiðstöðvarinnar annars
vegar og Islenskra sjávarafurða hins
vegar, um að reyna ekki að hafa
viðskipti hvort af öðru.
I kjölfar þessara ummæla Frið-
riks fór Samkeppnisstofnun fram á
skýringar, þar sem grunur lék á að
um hugsanlegt brot á samkeppnis-
lögum lægi þar að baki. Forsvars-
menn Sölumiðstöðvarinnar urðu
við tilmælum Samkeppnisstofnun-
ar og samkvæmt heimildum
MORGUNPÓSTSINS eru menn
þar fyllilega sáttir við þær skýringar
sem fram hafa komið og hyggja því
ekki á frekari aðgerðir. Að sögn
Friðriks Pálssonar átti hann aldrei
von á öðrum málalokum. „Það var
aldrei nein spurning íyrir okkur,
hvernig þetta færi,“ sagði Friðrik í
samtali við blaðið í gær. „Við
stundum engin viðskipti á Islandi
og allt sem við seljum er í umboðs-
sölu. Okkar starfsemi getur því
ómögulega fallið undir nokkur lög
um samkeppni hér á landi. Við
bentum á þetta í bréfi okkar til
Samkeppnisráðs og þeir féllust á
þetta sjónarmið enda ekki annað
hægt. Það er ósköp eðlilegt að þeir
hafi farið fram á skýringar í fram-
haldi af því sem ég sagði, ég skil það
mætavel. Nú hafa þeir fengið þær
og málið er úr sögunni.“ -æöj
Undirbúningur málshöfðunar Ríkisábyrgðasjóðs á hendur eigendum raðsmíðaskip-
anna svokölluðu, vegna vanskila þeirra við sjóðinn er á lokastigi. í millitíðinni hefur
útgerðarmaður eins þeirra hins vegar fengið óvæntan glaðning frá ríkinu
Tólf milliónir á sitfurfati
bann nmfpmKpr cirtactlir^ínn ^ ' • ' 'i'y' " kílllDíinnR íi rsðsmiðílskÍniinU
Þann 16. nóvember síðastliðinn
var rækjukvótinn aukinn um
13.000 tonn og var kvótaaukning-
unni dreift niður á skip í samræmi
við þann kvóta, sem þau höfðu fýr-
ir. Utgerð Gissurar AR 6 í Þorláks-
höfn fékk 300 tonn í sinn hlut.
Skipið var hins vegar þegar fullnýtt
og því seldi útgerðin aukakvótann
fyrir 12 milljónir króna. Þetta gerist
á sama tíma og Sigurður Thor-
oddsen, lögfræðingur Ríkis-
ábyrgðasjóðs, keppist við að ljúka
undirbúningi vegna fyrirhugaðrar
málshöfðunar á hendur útgerðar-
félags Gissurar og hinna raðsmíða-
skipanna þriggja, vegna vanskila
við sjóðinn.
Hvorki Sigurður né Magnús
Pétursson, ráðuneytisstjóri í fjár-
málaráðuneytinu, vissu af þessari
dýru gjöf ríkisins til útgerðar-
mannanna, þegar MORGUNPÓST-
URINN hafði samband við þá í vik-
unni. „Ég hafði ekki hugmynd um
þetta,“ sagði Magnús, „og það
hljómar óneitanlega undarlega ef
Jöfur ÍS 172, eitt raðsmíðaskipanna fjögurra. Á meðan lög-
fræðingur Ríkisábyrgðarsjóðs reynir að ná inn einhverju af þeim
hundruðum milljóna, sem útgerðarmenn raðsmíðaskipanna
skulda sjóðnum, færir önnur ríkisstofnun, Fiskistofa, sömu út-
gerðarmönnunum milljónaverðmæti að gjöf.
Magnús Pétursson „Ég hafði ekki
hugmynd um þetta og það hljómar
óneitanlega undarlega ef verið er að út-
hluta svona kvóta algjörlega óháð getu
viðkomandi skipa til að nýta sér hann.“
verið er að úthluta svona kvóta al-
gjörlega óháð getu viðkomandi
skipa til að nýta sér hann.“ Unnið
hefur verið að undirbúningi máls-
höfðunarinnar á hendur útgerðar-
mönnunum fjórum í allt haust, en
enn hefur lítið sem ekkert fengist
greitt af lánum þeim, sem fallið
hafa á ríkisábyrgðasjóð vegna
kaupanna á raðsmíðaskipunum.
„Ég hef verið að reka á eftir Sigurði
Thoroddsen og þeim í lánasýslunni
út af þessu máli að undanförnu.
Málshöfðunin mun vera tilbúin að
öðru leyti en því að Landsbankinn
á eftir að grafa upp einhver skjöl.
Mér finnst þetta ganga alltof seint
og ætla að hafa samband við
bankastjóra og biðja þá að flýta fyr-
ir afgreiðslunni. Þetta mál er mér
til mikillar armæðu og ekki bæta
svona fréttir úr skák,“ sagði Magn-
ús að lokum.
Samkvæmt upplýsingum Indr-
iða Kristinssonar hjá Fiskistofu,
er eingöngu miðað við þann kvóta
sem skip hafa fyrir, þegar auka-
kvóta er úthlutað. Ekkert tillit er
tekið til veiðigetu skipanna eða
skuldastöðu þeirra við ríkissjóð.
Ekki náðist að komast að því því
hvað hin skipin þrjú, Nökkvi FfU
15, Oddeyrin EA 210 og Jöfur ÍS 172
fengu mikinn aukakvóta, áður en
blaðið fór í prentun.
-æöj
Jól í Rauða Kross-húsinu
Astleysi er
erfiðasta
vandamálið
Aðeins einn unglingur verður ör-
ugglega í neyðarathvarfi Rauða
Krossins um jólin en á síðustu
stundu bætast gjarnan fleiri í hóp-
inn. Vandamálin eru í flestum til-
fellum erfiðar heimilisaðstæður eða
samskiptaörðugleikar. Þau sem
koma gera það oftar en ekki á síð-
ustu stundu því að þau bíða og vona
að þetta verði góð jól. I janúar fjölg-
ar gestum um helming frá mánuð-
unum á undan. Þau voru kannski
ekki svo góð eftir allt saman þessi
jól.
Neysla foreldra
meirí en unglinganna
Frá upphafi athvarfsins við Tjarn-
argötu 35, sem var sett á laggirnar
fyrir níu árum síðan, hafa komið
700 einstaklingar og þar af 66 á
þessu ári. Unglingarnir sem leita sér
aðstoðar að eigin frumkvæði geta
leitað til athvarfsins á nóttu sem degi
og flestir koma utan hefðbundins
vinnutíma og hringja þá á undan sér
eða banka uppá.
Athvarfið átti upphaflega að vera
fyrir unga vímuefnaneytendur sem
hefðu ekki í önnur hús að venda og
gætu fengið aðstoð við að ráð bót á
vímuefnaneyslunni. Það hefur þó
komið á daginn að þörfin var ekki
mest þar. Af þeim sem hafa dvalið í
athvarfinu í ár voru aðeins 14 vímu-
efnaneytendur en 9 leituðu þangað
vegna neyslu forráðamanna. Það er
þó ljóst, að sögn forstöðukonunnar
Ólafar Helgu Þór, að áfengis- og
vímuefnaneysla foreldra spilar oft
og tíðum stóra rullu hjá þeim 40
gestum sem leituðu þangað vegna
samskiptaörðugleika og erfiðra
heimilisaðstæðna en þar koma aðrir
hlutir til og ekki er alltaf gott að sjá
hvað er orsök og hvað er afleiðing,
til dæmis bágar félagslegar aðstæð-
ur, kynferðisleg misnotkun og of-
beldi.
Toppurínn
á isjakanum
„Það er aðeins toppurinn á ísjak-
anum sem leitar hingað til okkar,
margir aðrir þyrftu aðstoð en láta
ekki verða af því að sækja hana,“
sagði Ólöf Helga. „Það eru sam-
skiptaörðugleikar mjög víða hjá
unglingafjölskyldum, ekki síst vegna
tímaskorts og margir foreldrar ótt-
ast líka þennan aldur og vantreysta
unglingunum og þeir fara að brjóta
af sér í samræmi við það. En börn
komast ekki upp með það að leita
hingað í því skyni að refsa foreldrum
sínum ef þeir fá ekki að hafa hlutina
eftir sínu höfði. Flestir, ef ekki allir
þeir unglingar sem leita hingað, eru
staðráðnir í að ráða bót á sínum
málum og þeir eru oft óvenju við-
ræðugóðir og þroskaðir miðað við
aldur.
Við setjum okkur aldrei í dóm-
arasæti hér á þessu heimili, hvorki
yfir foreldrum né börnum en reyn-
um að hjálpa eftir bestu getu og
virðum trúnað og höldum nafn-
leynd. Við höfum þó að sjálfsögðu
tiíkynningaskyldu til félagsmálayfir-
valda vegna barna undir lögaldri
sem hingað leita. Oft Iagast þessir
erfiðleikar en 9 gestir voru hjá okkur
vegna stundarósættis á heimilinu og
enn aðrar fjölskyldur taka höndum
saman um að leita leiða til að leysa
vandamálin. Svo koma upp mál þar
sem krakkarnir geta ekki farið heim
og þá aðstoðum við þau í atvinnu-
Ólöf Helga Þór „Það eru sam-
skiptaörðugleikar mjög víða hjá
unglingafjölskyidum, ekki síst
vegna tímaskorts og margir for-
eldrar óttast líka þennan aldur og
vantreysta unglingunum og þeir
fara að brjóta af sér í samræmi
við það.“
og húsnæðisleit eða þá að þau fara
inn á sambýli á vegum Unglinga-
heimilis ríkisins."
Hamborgar-
hryggur og gjafir
Það eru óteljandi dæmi um
vandamál og af nógu að taka. Það
tengist öllu framangreindu en það
erfiðasta og óyfirstíganlegasta segir
Ólöf vera ástleysi þar sem því er til
að dreifa.
„Þar sem er ást og umhyggja bak
við erfiðleikana er líka möguleiki á
að bæta kringumstæðurnar. Það er
ótrúlegt hvað börn geta orðið að
mönnum þrátt fyrir miklar raunir.
Ef þau finna að þau eru elskuð,“
sagöi Ólöf Helga aÖ lokum.
Á aðfangadag er borðaður ham-
borgarhryggur í Rauða Kross-hús-
inu og eftir á teknar upp gjafir en
fyrirtæki og verslanir hafa gefið
krökkunum jólapakka og séð hús-
inu fyrir nægum jólamat og gosi yfir
hátíðarnar. Gestirnir taka í spil og
starfsmaður með þeim, en hann
svarar einnig þeim hringingum sem
kunna að berast. Sumir unglingarn-
ir eru heima en þurfa stuðning yfir
hátíðarnar og þurfa þá að ræða það
sem hugsanlega kemur upp. Fyrir þá
unglinga sem þurfa skilning eða
hjálp yfir jólin þá er síminn í at-
hvarfinu, 996622.
-þká
Það urðu fagnaðarfundir hjá
félögunum Edwardi Inga
Torfasyni og fresskettinum
Tinnu eftir tíu vikna aðskilnað.
Jólakötturinn kominn heim eftir langa útlegð
Besta jólagjöfin
sem við gatum fengið
segirJóhanna Ingvarsdóttir, sem varbúin að gefa upp alla von um að sjá 7innu aftur.
„Þetta er tvímælalaust besta jóla
gjöfin sem fjölskyldan gat hugsað
sér. Við vorum búin að leita alls
staðar og vorum að lokum búin að
gefa upp alla von. Þá sáum við
fréttina í MORGUNPÓSTINUM og ég
ákvað að hringja og kanna málið,“
segir Jóhanna Ingvarsdóttir, sem
býr á Framnesveginum.
Blaðamaður MORGUNPÓSTSINS
rakst á svartan kött á Ingólfstorgi á
sunnudaginn þar sem hann hnipr-
aði sig saman kaldur og hrakinn,
eins og fram kom í blaðinu á
mánudaginn. Eftir árangurslausa
eftirgrennslan í næsta nágrenni í
leit að heimili kattarins fékk hann
húsaskjól á riststjórnaskrifstofum
blaðsins. Þar jafnaði hann sig fljótt
eftir að hafa tekið hraustlega til
matar síns og hvílst vel. Var eftir
því tekið hversu gæfur hann var,
mannelskur og vel upp alinn.
Á mánudagskvöldið hringdi Jó-
hanna og sagðist hafa týnt svipuð-
um ketti fyrir tveimur og háífum
mánuði. Þar var þá heimilisköttur-
inn Tinna kominn. Sönnunin
fékkst með því að Jóhanna lýsti sér-
kenni Tinnu sem er með nokkur al-
hvít hár á bringunni en er að öðru
leyti kolsvartur eins og jólaköttur-
inn. Fyrstu viðbrögð sonar Jó-
hönnu, Edwards Inga Torfason-
ar, þegar hann sá köttinn voru: „-
Tinna, Tinna mín er komin heim.“
Kisi kannaðist strax vel við sig á
heimilinu og virtist ánægður með
að vera kominn í heimahöfn.
Nafnið Tinna er svolítið ein-
kennilegt í ljósi þess að um freskött
er að ræða. „Það er einföld ástæða
fyrir því,“ segir Jóhanna. „Við héld-
um fyrst aÖ hann væri læða og
komumst ekki að hinu gagnstæða
fyrr en eftir að nafnið var komið.
Þá sáum við enga ástæðu til að
breyta því.“ -Bih