Helgarpósturinn - 11.04.1996, Side 11

FIMMTUDAGUR ±L APRÍL1996
11
: ■ ■ .■■
I
viðtalið
Þjóövaki, sprengiframboö síðustu
alþingiskosninga, mælist nú vart í
skoðanakönnunum. í snörpu
samtali viö Eirík Bergmanti Einarsson
segir Jóhanna Sigurðardóttir að fylgisleysið
sé vegna úthaldsleysis kjósenda og telur
að nú hilli undir sameiningu vinstrimanna.
,Fólkið hefur
gefist upp í
fyrstu lotu“
Jóhanna Sigurðardóttir: „Við náðum ekki því fylgi sem dugði til breyt-
inga og það er eins og fólk hafi misst móðinn; nokkuð sem er mjög
slæmt, því fólkið veitir þar með flokkakerfinu ekki nauðsynlegt aðhald.
Fólkið hefur hreinlega gefist upp í fyrstu lotu, en það sem gildir í svona
málum er að hafa úthald, því pólitík er ekkert annað en langhlaup."
Sameining vinstrimanna hef-
ur verið eitt heitasta um-
ræðuefnið í stjórnmálum
landsins það sem af er kjör-
tímabilinu. Stjórnarandstæð-
ingar eru — svo sem búast
mátti við — flestir sammála
um að samstjórn Sjálfstæðis-
flokks og Framsóknarflokks
bjóði eingöngu upp á stöðnun
íslensks þjóðlífs. Þjóðvaki er
sá flokkur sem hvað háværast
hefur talað um nauðsyn sam-
einingar, enda margir sagt að
flokkurinn muni ekki lifa næstu
kosningar af án sameiningar.
Þjóðvaki mælist vart í skoð-
anakönnunum og hefur að
undanförnu staðið í stífum
sameiningarviðræðum við Al-
þýðuflokkinn. HP spjallaði af
þessu tilefni við Jóhönnu Sig-
urðardóttur, formann Þjóð-
vaka.
Jœja Jóhanna — hvað er
að frétta af sameiningarvið-
rœðunum?
„Ég held að í því máli sé síg-
andi lukka best og þótt lítið
hafi komið út úr þessum við-
ræðum enn, þá hef ég trú á að
stór skref verði stigin í samein-
ingarmálum á þessu kjörtíma-
bili. Menn eru að tala saman
og ég sé nú meiri vilja hjá
vinstriflokkunum til samein-
ingar en nokkru sinni fyrr.“
Kemur til greina að sam-
ema aðeins Þjoðvaka og Al-
þýðuflokk, þar sem minnst
virðist skilja á milli þeirra?
„Við í Þjóðvaka viljum sjá
mun víðtækari sameiningu en
Jrað og viljum að Alþýðu-
bandalagið komi að því borði.
Enn sem komið er vil ég ekki
útiloka neitt í þeim efnum. Og
fulltrúar Þjóðvaka og Alþýðu-
flokks eru enn að tala saman
um mögulega sameiningu."
Nú hafa forystumenn Þjóð-
vaka og A-flokkanna allir
talað fyrir einhvers konar
samvinnu; sameiningu eða
kosningabandalagi. Hvaða
form viltu sjá á þessum mál-
um?
„Það kemur að sjálfsögðu
ýmislegt til greina, en ef við
viljum sjá róttækar breytingar
hér í jijóðfélaginu þá væri
skynsamlegast að sameina al-
veg þessa flokka sem mótvægi
við íhaldið."
Ná hefur sameiningarum-
rœðan verið í gangi í áratugi
en aldrei gerist neitt. Af
hverju œtti sameining frekar
að takast nána en áður?
„Það er rétt, þetta hefur ver-
ið rætt fram og til baka í gegn-
um tíðina og eftir því sem tím-
inn hefur liðið hafa komið fram
framboð eins og Bandalag jafn-
aðarmanna og Þjóðvaki, sem
beinlínis var stefnt gegn
flokkakerfinu. Vinstrimenn eru
að átta sig á að ef ekki verður
breyting gerð nú og flokkakerf-
inu rústað þá munum við sjá
Sjálfstæðisflokkinn við völd
Iangt fram á næstu öld —
stundum í samfloti við ein-
hverja vinstriflokka. Það held
ég að sé sýn sem mönnum
hugnast lítt.“
En er þetta sameiningartal
ykkar í Þjóðvaka ekki bara
tilkomið vegna þess að það
er lífsnauðsynlegt fyrir Þjóð-
vaka að af sameiningu
verði? Flokkurinn mœlist
vart í skoðanakönnunum og
mun vægast sagt eiga erfitt
uppdráttar í nœstu alþingis-
kosningum...
„Ef litið er til stofnunar Þjóð-
vaka þá var það alltaf markmið
okkar að vinna að sameiningu
vinstriflokkanna, þannig að
þetta er ekkert örvæntingar-
bragð. Allt starf flokksins bygg-
ist á þessu. Við töpuðum
sennilega á að útiloka að starfa
með Sjálfstæðisflokknun, en sú
afstaða er engu að síður
óbreytt. Hins vegar er það al-
veg rétt að niðurstöður skoð-
anakannana hafa valdið okkur
miklum vonbrigðum, en það er
ljóst að fólk vill sjá breytingar
og kannanir sýndu það fyrir
síðustu kosningar."
En það var þá — og þetta
er ná...
„Já, við náðum ekki því fylgi
sem dugði til breytinga og það
er eins og fólk hafi misst móð-
inn; nokkuð sem er mjög
slæmt, því fólkið veitir þar
með flokkakerfinu ekki nauð-
synlegt aðhald. Fólkið hefur
hreinlega gefist upp í fyrstu
lotu, en það sem gildir í svona
málum er að hafa úthald, því
pólitík er ekkert annað en lang-
hlaup. Sérstaklega þegar við
erum að reyna að stokka upp
gamalt kerfi sem við höfum bú-
ið við í áratugi."
Er Þjóðvaki ekki báinn að
vera sem stjórnmálaafl ef
ekki verður af sameiningu?
„Ég vil ekki útiloka að Þjóð-
vaki bjóði fram aftur ef ekki
verður af sameiningu."
Mun Þjóðvaki bjóða fram í
sveitarstjórnarkosningum?
„Það er nú ekki komin niður-
staða í það mál, en við munum
styðja við bakið á starfinu sem
hófst með Reykjavíkurlistan-
um og væntanlega leggja okkar
af mörkum til að það samstarf
geti haldist áfrarn."
Að lokum. Hvernig líður
þér nú í stjórnarandstöðu?
„Það er alveg ljóst að að-
gerðir þessarar ríkisstjórnar
hafa þjappað stjórnarandstöð-
unni saman og það skelfir mig
mjög að ríkisstjórnin virðist
ekki sjá neina aðra lausn á
efnahagsvandanum en ráðast
með einum eða öðrum hætti á
réttindi og kjör launafólks. Það
ríkir nær aiger stöðnun í öllum
mikilvægum málum. Sam-
stjórn Sjálfstæðisflokks og
Framsóknarflokks er sú versta
sem völ er á og þarna skiptast
línurnar í íslenskum stjórnmál-
um í dag.“
Pálmi Matthíasson
Popppresturinn ætlar sko ekki
aö gefast upp meö framboö sitt
og kom aö minnsta kosti fimm
sinnum fram í sjónvarpinu yfir
páskana.
Þorsteinn Pálssou
Þessi ágæti dómsmálaráöherra
sá til þess aö landinn gat
djammaö frá sér ráö og rænu
upp á næstum hvern einasta
dag yfir páskana.
Dagur Sigurðsson
Kom, sá og gjörsigraöi sem fyrir-
liöi Vals-liösins er rótburstaöi
heillum horfna (lélega) KA-menn
í úrslitakeppninni í
handknattleik.
Davið Oddsson
Mikiö var aö beljan bar, varö
einhverjum aö oröi eftir aö
forsætisráðherra haföi loksins
kveöiö upp úr með þaö, aö
honum dytti ekki í hug aö fara í
framboö. Ogviö sofum rólegri.
Ingibjörg Sólrún Gísladóttir
Reykjavíkurlistinn er aö drepa
alla úr leiöindum og borgarstjóra
hefur þannig alveg mistekist
aö endurala upp gömlu
flokkshestana.
Alfreð Gíslason
Eftir aö manninum hefur
mistekist mörg ár í röö aö gera
KA-menn aö íslandsmeisturum í
handknattleik er kominn tími á
aö fara að pakka saman.
Páll Skúlason
Eins og aörir hugsanlegir fram-
bjóöendur- veröur hann á niöur-
leiö meöal pirraörar þjóðarinnar
þar til hann lýsir yfir framboöi.
Steingrímur Hermannsson
Þaö er náttúrlega meö eindæm-
um furðulegt aö þjóöin skuli
vera steinhætt í aö spá í Denna
sinn sem hugsanlegan forseta
lýðveldisins.
bingmannsefnið
Guðjón
Petersen
Þaö væri gott aö fá Guðjón
Petersen, fyrrverandi fram-
kvæmdastjóra Almannavarna
og núverandi bæjarstjóra, til
starfa á Alþingi. Hver á heima á þingi ef ekki maður meö
langa reynslu af almannavörnum? Þó svo að núverandi
þingmenn telji sig vera fulltrúa almennings þá eru alltof
margir þeirra fulltrúar einhverra annarra, svo sem ríkisins,
atvinnuveganna eöa bara fulltrúar sjálfra sín. Almenningur
fær litlum vörnum komið við þegar þingmenn eru að sam-
þykkja hitt og þetta sem skaðar hagsmuni þorra fólks í
landinu. Þess vegna verðum við að koma upp almanna-
vörnum á þingi til að verjast þessum sífelldu áföllum og þá
beinast sjónir manna aö sjálfsögðu að Guöjóni Petersen.
Að vísu sneri starf hans hjá Almannavörnum einkum að
vörnum gegn hvers kyns náttúruhamförum og viðbrögðum
viö þeim sem og stórslysum. En tilfellið er að ýmsum að-
gerðum Alþingis má líkja við hamfarir af mannavöldum og
ýmis stórslys hafa orðið á þingi án þess að nokkur hafi
reynt að koma í veg fyrir þau eða séö afleiöingarnar fyrir.
Það þarf því sérfræðing á sviöi almannavarna til aö koma
vitinu fyrir þingiö og ekki spillir að Guðjón er með skip-
herrapróf upp á vasann og hefur lært það sérstaklega að
skipa mönnum fyrir verkum. Það ætti því raunar að gera
hann að forseta þingsins um leið og hann tekur þar sæti.
Nú er Guðjón orðinn bæjarstjóri vestur á Snæfellsnesi eftir
að formaður Almannavarna hrakti hann úr embætti með sí-
felldum slettirekuskap. En sá hlær best sem síðast hlær.
Guðjón mun öðlast viðbótarreynslu í bæjarstjórastarfinu
sem kemur honum til góða þegar hann verður þingmaöur.
Og þá má nú forstjóri Gæslunnar fara aö vara sig...
Qoipetaefnið H| ;ÉÉi||
Sigurður ■ •■ .. 1 ■L'r * ip ■H B. "Æ s
Hall wTj
T-»egar forsetaembættiö Jtr ber á góma verður
mörgum fyrst hugsað til gestgjafahlutverks forset- ans. Forseti landsins fær ýmsa tigna gesti í heim- sókn og þarf að gera vel
við þá í mat og drykk. Sömuleiðis þarf forseti að sitja
margar veislur sem gestur erlendra þjóöhöfðingja og ann-
arra. Með þetta í huga er því eðlilegt að nafn Sigurður
Hall komi upp í hugann. Sigurður er heimilisvinur allra
landsmanna gegnum matarþætti sína á Stöð 2 þar sem
hann fer á kostum sem matgæðingur og sjónvarpsmaður
(og eins eru eftirminnilegir laugardagsþættir hans á Bylgj-
unni með orðhákinum Eiríki Jónssynij. Siggi væri því ekki
í vandræðum þegar veislurnar á Bessastöðum eru annars
vegar og ekki vafi á aö hann færi létt með aö láta útbúa
eftirminnilega og gómsæta rétti meö tilheyrandi vínum af
bestu tegund. Siggi Hall á auðvelt með að ræða við fólk af
ólíkum toga og af ýmsu þjóöerni og ekki vafi á að hann
myndi sinna hlutverki sínu sem forseti meö sóma og sann.
Til embættis forseta þarf eiginlega að veljast maður með
sérþekkingu á mat og drykk því hann er veislustjóri þjóðar-
innar og því ríður á að hann kunni sitt fag út í ystu æsar.
Siggi yrði eflaust svolítiö ööruvísi forseti en þeir sem hafa
gegnt embættinu til þessa, en þaö er líka í góðu lagi. Það
má vel peppa embættiö svolítið upp og hafa það ekki eins
formfast og veriö hefur. Þeir sem hafa áhuggjur af því að
Siggi sé ekki nógu mikill menningarviti ættu að hugsa til
þess að matar- og vínmenning er öllum forsetum ekki síð-
ur nauösyn en önnur menning...
Svövuí
Útflutningsráð
Svava Johansen heitir
kona sem flestir þekkja
best sem stórkaupmann í
hinni risavöxnu tískuverslun Sautján. Nú er málum
þannig háttaö aö Svava hefur — ásamt Bolla, eigin-
manni sínum — gert Sautján að eina sannarlega stór-
veldinu á sviöi tískufatnaðar hér á landi og er því
ókrýnd tískudrottning fslands (á svipaðan hátt og glæsi-
kvendi á borð viö hina pönkuðu Vivienne Westwood,
Body Shop-eigandann Anitu Roddick og prinsessuna
Coco Chanel hafa dómínerað tískustrauma á erlendri
grundu). Árum saman hefur Svava flutt til landsins
tískufatnað fyrir yngri kynslóðina í gámavís og veit upp
á hár hvað gengur i kröfuharöan markaðinn hér — og
hvað ekki. Þegar fólk hefur náö ákveðnum hátindi á
starfsferli sínum er hins vegar ekki óalgengt að það
taki að líta yfir á önnur mið, samanber Pétur Blöndal
og fleiri góðir menn. HP ætlar því að vera svo djarfur að
stinga upp á að hugaðir og framsýnir menn sem rikjum
ráöa í Útflutningsráöi komi nú aö máli viö Svövu og fal-
ist eftir stuðningi hennar og ráðgjöf varðandi íslenskan
útflutning. Svava þekkir jú gjörla til innflutningsins og
markaðslögmálanna og ætti því að vera snögg upp á
lagið í útflutningsdeildinni. Það er nefnilega af og frá að
íslendingar geti ekki flutt annað út en eitthvað tengt
fiskvinnslu og-veiöum. Og hveryrði betri fulltrúi íslands
á viðskiptaferðum og -veiöum erlendis en þessi unga,
stórgáfaða, skemmtilega og glæsilega kona? Það er
löngu tlmi til kominn að pakka rykföllnu karlkyns jakka-
lökkunum saman oggefa verðugum fulltrúa kvenkyns-
ins tækifæri til að sýna hvað í henni býr...