Alþýðublaðið - 26.07.1973, Blaðsíða 5

Alþýðublaðsútgáfan hf. Stjórnmálarit-
stjóri Sighvatur Björgvinsson.
Fréttastjóri Sigtryggur Sigtryggsson.
Ritstjórnarfulltrúi Bjarni Sigtryggsson.
Ritstjóri og ábyrgðarmaður Freysteinn
Jóhannsson. Aðsetur ritstjórnar Hverfis-
götu 8—10. Simi 86666. Blaðaprent hf.
Hver ræður?
Þegar allir alþingismenn samþykktu
samhljóða ályktun um landhelgismálið, vakti
það þjóðarfögnuð.
En ekki leið á löngu áður en aðalstuðnings-
blöðum rikisstjórnarinnar og þá sérstaklega
Þjóðviljanum reyndist ómögulegt að sitja á
sér. Flokkspólitikin skyldi vera ofar öllu öðru.
Gamla tilhneigingin til þess að ófrægja and-
stæðinga varð ofaná. Hafnar voru dylgjur um
sviksamlegt hugarfar andstæðinga. Sérstaklega
voru skrifaðar ótaldar rógsgreinar um land-
helgissamningana 1961, sem Guðmundur í.
Guðmundsson þáverandi utanrikisráðherra átti
megin þátt i að gera. Þessi samningur færði ís-
lendingum allsherjarviðurkenningu á 12 milna
landhelgi og skuldbatt Breta til að hverfa
með herskip sin úr islenzkri landhelgi. Það var
þvi engan veginn að ófyrirsynju, að þessi
samningur var kallaður mesti stjórnmálasigur
íslendinga.
Nú telja Þjóðviljinn og Timinn hann
„landráðasamning” vegna þess, að gert var i
honum ráð fyrir þvi, að hvor aðila um sig gæti
skotið ágreiningi af frekari útfærslu landhelgi
til alþjóðadómstólsins i Haag. Þessu ákvæði er
kennt um innrás brezka flotans i islenzka land-
helgi nú. Fáránlegri og ódrengilegri málflutning
er varla hægt að hugsa sér. 1 skjóli hvaða
samningasákvæða ruddist brezki flotinn inn i
islenzka landhelgi eftir útfærsluna 1958?
Kannske Þjóðviljinn og Timinn vilji svara þvi?
Og hver var i hópi þeirra 1961, semákveðnast
héldu þvi fram, að íslendingar yrðu ætið að
vera reiðubúnir til þess að leggja deilumál fyrir
alþjóðadómstólinn? Núverandi forsætisráð-
herra Ólafur Jóhannesson. Og samt lætur þessi
maður stuðningsblöðum sinum liðast að halda
þvi fram, að meira en tiu ára gamalt samnings-
ákvæði um rétt beggja aðila til þess að
ágreiningi til alþjóðadómstólsins jafngildi
landráðum. Dómur sögunnar um skörungsskap
ogdrengskap sliks manns verður ekki mildur.
Alþýðublaðið hefur aldrei stofnað til neins
konar ágreinings um landhelgismálið. Þvi hefði
t.d. verið innan handar að halda á loft land-
grunnsstefnunni, sem Alþýðuflokkurinn varð
fyrstur til þess að setja fram. En Alþýðublaðið
hefur verið málgagn einingar i landhelgismál-
inu. Hins vegar verða sundrungarskrif Þjóðvilj-
ans'æmeira ögrandi. Það er yfirlýst stefna rikis
stjórnarinnar að reyna til þrautar að ná bráða-
birgðasamningi við Breta og Vestur-Þjóðverja
til þess að binda enda á hættuástand á miðun-
um, án þess að nokkrum grundvallar-
hagsmunum eða grundvallarsjónarmiðum ís-
lendinga væri fórnað. Stjórnarandstaðan hefur
verið látin fylgjast með þessum samningum og
áherzla lögð á, að allsherjar samstaða sé nauð-
synleg, ef slika samninga á að gera. En nú
bregður svo við, að i gær lýsir Þjóðviljinn
algerri andstöðu við slika samninga. Þjóð-
viljinn er málgagn Alþýðubandalagsins. Hvað
er hér á ferðinni? Er ágreiningur innan rikis-
stjórnarinnar? Hver ræður þar? Forsætisráð-
herrann verður að gera hreint fyrir dyrum
rikisstjórnarinnar. Annað hvort verður
forsætisráðherra að afneita stefnu Þjóðviljans
eða taka undir hana og boða þar með
breytingar áþeirristefnu, sem þjóðareining hef-
ur verið um.
FRA JAFNAÐARMONNIIM I SVIÞJOD:
NODFÉLAGID MRF AD
SKIPULEGGJA AD NVJU
Réttur tii vinnu
1 gegnum umræðurnar um at-
vinnumál, jafnréttismál. stöðu
konunnar og vinnumarkaðs- og
landshlutamál hefur þetta gengið
einsog rauður þráður: Rétturinn:
til vinnu.
Arne Geijer sýndi fram á það
með þunga, hve mikilvæg undir-
staða þessi krafa sé. Hann hefur
fengið svar hjá þinginu. Enn einu
sinni nefni ég þá staðreynd, að
okkur hefur með ýmsum aðgerð-
Ræða
Olof Palme
2. hluti
um tekizt að láta fleiri og fleiri fá
atvinnu samkvæmt vinnumála-
skýrslum eru nú 150 til 200 þúsund
fleiri menn i atvinnu en voru 1967,
og tek ég þá fullt tillit til
ónákvæmninnar, sem oft er i
hagskýrslutölum.
En atvinnuleysið er of mikið.
Útvegun atvinnu verður brýnasta
viðfangsefnið.
Þegar atvinnuleysi eykst,
kemst fólk úr jafnvægi. Eirðar-
leysið og kviði gripur ekki
einungis þá, sem atvinnuna
missa, heldur einnig giftar konur,
sem eru að hugsa um að leita
fyrir sér á vinnumarkaðinum, og
unglinga, sem eru að ljúka námi.
Mönnum er ljóst, að hver ein-
stakur ræður ekki við atvikin,
þjóðfélagsbreytingarnar
markaðsástandið.
t þess stað fara kröfur um
samábyrgð vaxandi. Menn leita
hverjir til annarra.
Það er styrkur jafnaðar-
stefnunnar, að hugmyndafræðin
rekur okkur ekki til að segja
mönnum að berjast sjálfir gegn
fésýsluöflunum. Borgarflokkarn-
ir segja við menn: Við skulum
auka arðsemi atvinnufyrir-
tækjanna, og þá færðu kannske
eitthvað að gera.
Slikt viðhorf nægir engan
veginn til þess að vernda at-
vinnuna. Við erum vissir um, að
almenn skattalækkun á fyrir-
tækjum ein saman leysir ekki at-
vinnuvandann. Þetta þing hefur
hins vegar enn einu sinni kveðið
upp úr með það, að samfélagið
verður að taka á sig beina ábyrgð
á öryggi fólksins. Við getum ekki
látið okkur nægja að veita at-
vinnurekstri ivilnanir og ætlazt
svo til, að eigendur fyrirtækjanna
veiti mönnum atvinnu.
Við þurfum að gera ráðningu
manna öruggari og veita hinum
fötluðu. konum og ungmennum
betri aðstöðu á vinnumarkaðin-
um.
En við verðum einnig að auka
atvinnuna. Það á að gerast með
framkvæmdum i atvinnupóli-
tikinni til þess að framleiðsla i
iðngði ú.tbreiðisi, og aykist.
En þátttaka hins opinbera þarf
einnig að aukast með fyrir-
hyggju. Ella næst ekki markmið
okkar: Atvinna handa öllum. Enn
eru það mörg viðfangsefni, sem
ekki verða leyst nema sameigin-
lega.
Kröfur borgaranna á hendur
þjóðfélagsins fara vaxandi.
Krafan um atvinnu handa öllum
og krafan um betri þjónustu geta i
sameiningu borið glæsilegan
ávöxt. Hraðvaxandi óskir um at-
vinnu geta fyrir atbeina hins
opinbera orðið til framleiðslu-
aukningar, sem eflir sameigin-
legan velfarnað okkar.
Að baki þessu sjónarmiði liggur
ein hinna langdrægu grundvallar-
hugsana i jafnaðarstefnunni: að
flétta ólik áform saman i eina
stjórnmálastefnu.
Það varðar þjóðfélagið
allt
Það eru ekki einstök vandræði
og misrétti, sem nauðsynlega
þarf úr að bæta. Það þarf að
skipuleggja allt þjóðfélagið upp á
nýtt. Ætli menn sér aö taka eitt
verkefni fyrir og leggja allt kapp
á að leysa úr þvi, mega þeir vita,
að það hefur áhrif á hitt, hvort
önnur aðkallandi þjóðfélags-
vandamál verða leyst eða ekki.
Reyni menn að gera fyrirtæki
öflugri án þess að sjá svo um, að
hið almenna hagkerfi eflist, t.d. á
opinberu sviði, vofirsú hætta yfir,
að atvinnuleysi aukist. Reyni
menn að gera vatnsföll og
andrúmsloft hr.inna, hlifa
náttúrunni, án þess að leysa jafn-
framt vandamál atvinnustaða og
umhverfis, leiðir það einnig af sér
erfiðleika.
Við ætlum að halda áfram við
að færa út yfirgripsmikla
áætlanagerð. Um þaðgerði þingið
ályktun. Við ætlum að auka lýð-
ræði á vinnustöðvum, bæði já inu
opinbera og hjá einkaaðilum. Um
það gerði þingið ályktun.
Að baki þessari stefnu stendur
sameinuð verkalý ðshrey fing.
Þessi framkvæmdastefna er
samslungin lýðræðisjafnaðar-
stefnunni.
Henni verður ekki komið i
framkvæmd svo að gagn sé að
nema með faglegu og pólitisku
samstarfi. 1 hugsun og fram-
kvæmd eru jafnaðarmanna-
flokkurinn og verkahreyfingin
nástæðari hvort öðru en ef til vill
nokkru sinni fyrr.
(framhald i næsta blaði)
ALÞYÐUFLOKKSFELAG REYKJAVIKUR AUGLYSIR
FJOLSKYLDUFERÐ TIL
KAUPMANNAHAFNAR
Alþýðuflokksfélag Reykjavikur auglýsir viku
sumarleyfisferð til Kaupmannahafnar í sumar. Öllu
alþýðuflokksfólki er heimil þátttaka í þessari ferð svo
og fjölskyldum þeirra.
Eneru nokkursæti laus. Brottfarardagurinn er hinn
8. ágúst n.k. en komudagur heim hinn 15. ágúst.
Fargjöld eru sérstaklega hagstæð og verður reynt
að útvega ódýrt gistihúsnæði i Höfn fyrirþá, sem þess
óska. Farnar verða skemmtiferðir um borgina svo og
til Svíþjóðar meðan á dvölinni stendur.
Allar nánari upplýsingar um þessa glæsilegu
sumarleyfisferð fjölskyldnanna eru gefnar á skrif-
stofum Alþýðuflokksins í Alþýðuhúsinu við Hverfis-
götu kl. 1-5 alla virka daga nema laugardaga.
Simar: 15020 og 16724.
Nú er hver siðastur að láta skrá sig til fararinnar.
Áhugafólki skal sérstaklega á það bent, að tíminn er
alveg að renna út, sem við höfum til ráðstöfunar til
þess að ganga frá hótelpöntunum erlendis fyrir þá,
sem óska hótelgistingar.
Stjórn og ferðanefnd.
I SOL OG
SUMRI í
K.HÖFN!
Fimmtudagur 26. júli 1973.
o