Lesbók Morgunblaðsins - 04.02.1968, Qupperneq 15

Nýjar bækur
á sænsku
í Borgarbókasafni
Sundmaii, Per Olof: Ingenjör And-
rées lnftfárd. Sth., 1967. 344 bls.
Höfundurinn, einhver hinn merkasti af
núlifandi höfundum Svía, hlaut bók-
menntaverðlaun Norðurlandaráðs fyrir
þessa stórbrotnu, sögulegu skáldsögu,
sem fjallar um dapurlega ferð Svíans
Andrées og félaga hans, sem heitið var
til norðurskautsins.
Asturias, Miguel Angel: Stormvind.
iFalköping 1967. Höfundurinn hlaut,
eins og kunnugt er, bókmenntaverð-
laun Nóbels síðastliðið ár. Stormvind
er þjóðfélagsleg skáldsaga, sem fjallar
um baráttu bananabænda í Guatemala
við útsendara stórfyrirtækis sem
leggja vil'l bananaframieiðsluna undir
sig. Þetta er fyrri hluti hinnar frægu
„bananasögu" höfundarins og kom
fyrst út 1950.
Eftir sama höfund eru og nýkomnar
þessar bækur.
Gröna páven: Falköping 1967. 320 bls.
Annar hluti „bananasögu“ Nóbelsverð-
launahöfundarins, og kom fyrst út
1954.
Majsmánniskor: Kristianstad 1967
366 bls. Þessi stórbrotna skáldsaga
nóbelsverðlaunaskáldsins kom fyrst út
1949 og fjallar um baráttu mexíkanskra
Indíána við hina fégráðugu hvítu herra,
:am .rcða sér stöðugt lengra inn í
skógana.
Mulattkvinnan: Halmstad 1967. 314
bis. Síðasta saga höfundarins, kom
fyrst út 1962. Hún fjallar um skógar-
höggsmann, sem selur öðrum konu
sína og kvænist fallegri kynblendings-
stúlku. Gerast af þessu margvíslegir
og stórbrotnir atburðir. Höf. er hér
fyrst og fremst sagnamaður, sem bygg-
ir á þjóðtrú og þjóðháttum Indíána
í Guatemala.
Delblanc, Sven: Nattresa. Roman.
Sth., 1967 . 262 bls. Delblanc hefur
verið nefndur nýtízkulegastur sænskra
höfunda. Þessi nýja bók hans er frem-
ur erfið aflestrar, en mjög svo merki-
leg bæði að efni og meðferð. Hún
fjallar um hið mikla djúp, sem mynd-
azt hefur milli hinna alltof mörgu
heimsins barna, sem þjást, og hinna
alltof fáu, sem lifa góðu lífi á neyð
fjöldans.
Fichte Hubert: Dockögat. Uppsala
1967. 192 bls. Höfundurinn er einn af
yngstu rithöfundum þjóðverja, f. 1935.
Þetta er fyrsta skáldsaga hans. Fjallar
hún um hugarheim munaðarlauss barns
á þýzku barnaheimili í síðasta stríði.
Hlaut höfundurinn Hermann Hesse
bókmenntaverðlaunin fyrir hana 1965.
Josephson, Ragnar: Strimmor av liv.
Sth., 1967. 228 bls. Registur, myndir.
Höf var eins og kunnugt er, prófessor
í listasögu í Lundi, meðlimur sænsku
akademíunnar og einn kunnasti list-
fræðingur Svía. Hann lézt fyrir tveim-
ur árum. Þetta eru minningaþættir,
sem hann lét eftir sig, bæði frá
bernskuárum hans, háskólaárum og
’ i iðinsárum. Þeir eru einkar
skemmtilegir og vel ritaðir, eins og
allt annað, sem kom frá hendi þessa
höfundar.
..ieii, V.ijo: Överstens chaufför.
Tammerfors 1967. 148 bls. Meri er sá
athyglisverðasti af yngri rithöfundum
Finna, einn af brautryðjendum hinnar
nýju skáldsögu á Norðurlöndum. Þessi
nýja skáldsaga hans, Överstens chauf-
för, er sálfræðilegt verk, þar sem
sýnd eru hlið við hlið hin hversdags-
legu ytri atvik og það sem þau kalla
fram hið innra með aðalpersónunni.
Mjöberg, Göran: Dröm och verk-
ligliet, 1. Nordisk och utlandsk skön-
litteratur belyst av konst och musik i
urval för det nya gymnasiet. Lund
1967. 206 bls. Myndir. Höfundurinn,
sænskur menntaskólakennari, hefur áð
ur m.a. skrifað bók um ísland
Strandhugg pa Sagaö. Þessi nýja bók
hans, sem er samin sem kennslubók
í hinum nýja sænska menntaskóla, á
að sýna ‘hinar m'argvíslegu ihliðar
eldri bókmennta, biblíunnar, fornskáld
anna, bókmennta miðalda, endurreisnar
tímans og barocktímans. Meðal mynd-
anna er litmynd af málverki eftir Ás-
grím Jónsson. Bókin virðist vera at-
hyglisverð sem kennslubók í bókmennt
um.
Mcberg, Vilhclm: Förriidarland.
-- En beráttelse om mánniskor som
historian har glömt. St'h., 1967. 300 bls.
Þetta er söguleg skáldsaga, sem gerist
um 1520 á ■mörkum Várend og Blek-
inge, en þar voru þá landamæri
milli sænska og danska ríkisins. Þarna
voru þá miklir umbrotatímar, þegar
Gústaf Vasa var að brjótast til valda
í Svíþjóð, og er sagan hin merkileg-
asta, bæði frá menningarsögulegu og
bókmenntalegu sjónarmiði.
Ström, Folke: Nordisk hedendom.
Tro och sed í förkristen tid. Lund
1967 264 bls, Nafna- og bókaskrár.
Höfundurinn er einn af kunnustu
fræðimönnum um ásatrú, sem nú eru
uppi. Þetta er önnur útgáfa bókar-
innar, nokkuð breytt frá þeirri fyrri,
sem kom út 1961. Gerð er grein fyrir
hinum fornu trúarbrögðum, allt frá
bænda — og veiðimannatrú steinaldar
og þar til kristin trú bar ásatrúna
olurl ði á Norðurlöndum.
Framkv.stj.: Sigfús Jónsson
Ritstjórar: Sigurður Bjarnason frá Vigur.
Matthías Johannessen.
Eyjólfur Konráð Jónsson
Ritstj. fltr.: Gísli Sigurðsson
Auglýsingar: Arni Garðar Kristinsson.
Ritstjórn: Aðalstræti 6 Sími 22480.
Útgefandi: H f Arvakur. Reykjavik
4. febrúar 1968
LESBÓK MORGUNBLAÐSINS 15