Lesbók Morgunblaðsins - 03.11.1968, Blaðsíða 6
Aristóteles Sokrates Onassis á heil-
an kaupskipaflota, flugfélag og fræg-
ustu skemmtisnekkju í heimi. Hann er
165 sm á hæð, svarar sjálfur í símann
og telur, að guðir og stjórnvöld vilji
koma sér á kné — nema hann knésetji
þau íyrsl.
Aristoteles Onassis á sér eftirlætis-
draum, þar sem hann er undirforingi
á einu flutningaskipa sinna, á siglingu
eftir suðlægum breiddargráðum. Hann
stendur við stjórnvölinn um stjörnu-
bjarta nótt, horfir upp til suðurkross-
ins með hugann við jafnan dyn vélanna
meðan skipið klýfur öldurnar mjúklega,
og hugleiðir hinn óbrotna virðuleik sjó-
mannslífsins — stritsamt, heiðarlegt og
heilbrigt líf hins óþekkta sjómanns.
„Þannig hefði ég orðið hamingjusam-
ur,“ andvarpar Onassis og bölvarþeirri
staðreynd sem kollvarpar draumnum,
staðreynd sem nemur um það bil 300
milljónum dollara. „Það versta, sem hent
getur nokkurn mann“, segir hann, „er
að verða frægur. Það er eins og ef lög-
in byðu manni að ganga allsnakinn á
almarmafæri — það skiptir engu hversu
vel vaxinn maður væri, maður yrði alls
staðar til athlægis".
Onassis er hluíi af nútíma goðsögn,
einskonar grískur Horatio Alger —
nærsýn, ómenntuð neðanjarðarvera, sem
kom tómhent og allslaus úr kafinu í
fátækrahverfum Smyrna og byggði upp
Stærri kaupskipaflota en margar þjóðir
geta státað af, keypti spilahöllina í
Monte Carlo og á eitt af fáum flug-
félögum í heiminum, sem ekki nýtur
r ekstr arsty rk j a, Olympic Airways í
Grikklandi. Á þessum tímum skipulegra
viðskiptaaðferða og sambandsmanna
stendur hann uppi sem einn af síðustu
„kóngunum“. Hann leggur aðvífandi
fréttamönnum vara við því að eyða tíma
sínum, sem kosti 200.000 dollara á dag.
Á skipum sínum og í skrifstofunum, sem
hann kemur sjaldan í, hefur hann um
3000 manns í vinnu.
Onassis hefur ekki einu sinni einka-
ritara og hann heldur engar spjald-
skrár í hinum mörgu dvalarstöðum sín-
um, en treystir á minni sitt og dóm-
greind við stjórn á hinu gífurlega og
margslungna flotaveldi sinu. „Þetta er
eitt af síðustu sjálfseignarfyrirtækjun-
um“, segir einn af framkvæmdastjórum
hans. „Hjá okkur þekkist ekki að hver
vísi a annan, né heldur er hugsað í
félagi. Þegar mig vantar úrskurð sný ég
mér tii Ari og ég fæ minn úrskurð".
Eina upplýsingaratriðið, sem Ari virð
ist ekki hafa á takteinum eru saman-
lögð auðæfi hans sjálfs, sem áætluð
eru einhversstaðar á milli 200 og 400
milljóna Bandaríkjadala.
Á meðal fasteigna hans má teljavillu
í Monte Carlo, þakhæð í París með við-
arþiijum frá átjándu öld og húsgögnum
írá tíð Loðvíks fimmtánda, búgarð í
Montevideo í Uruguay, hús í glæsilegu
íbúðarhverfi í Aþenu, skemmtisnekkj-
una hans, 1600 tonna kanadiskt beiti-
skip, sem breytt var í lúxusbústað og
skírt „Christina“, 600 ekrur eylands í
Jóniska hafinu, sem nefnist Scorpios,
þar sem hann er nú að byggja eftirlík-
ingu af krítversku höllinni í Knossos.
Sérh\ er þessara bækistöðva er vel mönn
uð, búin dýrum húsgögnum og birgð
af fatnaði og öðrum útbúnaði svo On-
assis þarf sjaldan að láta niður í ferða-
tösku.
ÞeLr sem notið hafa gestrisni Onassis
fullyrða að hann sé afar aðlaðandi mað-
ur sem hafi þann eiginleika er svo fá-
gætur sé hjá vellauðugum mönnum, að
geta gefið sig heilshugar að öðrum. „Þeg
ar Ari talar við þig, þá lætur hann
þér finnast þú vera það eina sem máli
skiptir“, er haft eftir mjög fagurri —
og hrifinni — konu. „Hann venst svo
vel að manni fer að finnast hann nærri
því myndarlegur“. Keppinautar hans
eru samt ekki sömu skoðunar og segir
einn þeirra að Onassis minni sig á
loðna könguló.
Onassis er nú 62ja ára og þykkt,
slétt hár hans er silfurgrátt, þungir
gráir pokar eru undir augunum og nef-
ið skagar fram eins og bugspjót á skipi.
Hann er um 165 sentímetrar á hæð og
gengur fattur eins og skipstjóri á velt-
andi fleyi. Hann hefur dálæti á rjóma-
gulum-, ísaumuðum silkiskyrtum og tví-
hnepptum tveed-fötum, sem undirstrika
kassalegt útlit hans.
Hann leitar félagsskapar við frægt
fólk með þeirri einbeittni sem vart fær
samrýmzt yfirlýstri þrá hans eftir að
vera óþekktur og opinbert umtal virðist
vera nauðsynlegur liður í áformum hans.
Til eru auðugri menn sem aldrei hafa
faðmað Elizabeth Taylor á Lido í París,
aldrei ferðast um grísku eyjarnar með
Jackie Kennedy, aldrei fagnað Gretu
Garbo með lúðrablæstri í Monte Carlo,
aldrei mölvað leirinn í aþenskri krá
ásamt Melinu Mercouri, aldrei borgað
hljómsveitarstjóra mörg hundruð doll-
ara fyrir að halda áfram að leika tangó
til að þjóna duttlungum Maríu Callas.
(Ungfrú Callas sem hefur verið stöðug-
astur kvenlegur förunautur hans síð-
ustu níu árin, á íbúð í sömu byggingu
og Onassis í París og er sagt að hún
sé eina manneskjan sem haft geti nokk-
ur áhrif á hann.)
Þegar Onassis er á höttunum eftir
frægu fólki, beitir hann eingöngu fyrir
stórlaxana. Beitan er snekkjan Christ-
ina, meistaraverk ofhlæðis í skreyting-
arlist, fljótandi farkostur í gerfi fransks
skrauthýsis frá átjándu öld. Þar eru
feiknamiklir, viðarþiljaðir gestaklefar,
baðherbergi úr Sienna-marma-ra með
gullkrana eins og höfrunga í laginu,
lapis lazuli arnar, mosaik dansgólf sem
hægt er að lækka og gera úr sundlaug,
40 manna áhöfn, franskur matsveinn,
fyrsta flokks vínkjallari, rakaþéttur
vindlakassi fullur af tuttugu senti-
metra Churchill vindlum. (Ari kann að
meta gróft grín: Hann segir gestum sín-
um við barinn að þeir sitji á hvala-
eistum, en skinn af þeim hefur verið
notað til að klæða barstólana.)
Haustið 1963 var Jackie Kennedy á
skemmtiferðalagi í Grikklandi ásamt
systur sinni Lee Radziwill. Þær dvöldu
þar í húsi skipakóngsins Markos Nomi-
kos við ströndina nærri Aþenu. Dag
nokkurn sigldi snekkjan Christina fram
hjá og Onassis lokkaði Jackie og vin-
6 LESBÓK MORGUNBLAÐSINS
3. nóvember 1968