Lesbók Morgunblaðsins - 28.11.1971, Blaðsíða 12

Lesbók Morgunblaðsins - 28.11.1971, Blaðsíða 12
Ásgeir Jakobsson — 2. hluti Um borð í Mánafossi YFIRMANNAÞÆTTIR Skipstjórinn, I>órarínn Ingi (jafnan kallaður Ingi) á heldur ekki langt að sækja það, að kunna að stjórna íólki af lagni, því að hann er sonur Sigurðar á Geir, en Sig- urður var alþekkt valmenni í togaraflotanum og það lá öll- um vel orð til hans, og var þó Sigurður uppi á þeim árum, sem togaraskipstjórar þurftu ekki að vanda mannskapnum kveðjurnar, ef þeir voru þann ig gerðir. í>að voru jafnan tiu menn fyrir einn í boði. Sigurður var Seltirníngur að ætt og byrjaði sjómennsku á kútterum ungur að árum. Hann lauk prófi úr Stýrimanna skólanum 1912, þá tæplega 21 árs. Hann var alla tíð búsett- ur í Reykjavik og átti hlut að útgerðarfélögúm, bæði kúttera og togarafél. og togaraskipstjóri var hann í meir en tuttugu ár, lengst af á togaranum Geir og við hann var hann jafnan kenndur. Hann varð bæjarfuJl- trúi 1942, en dó ári síðar fyr- ir aldur fram. Hann var 51 árs þegar hann dó (F. 20.6. '91. D. 9.6. 1943). Kona Sigurðar, Ólina Ágústs dóttir er enn á lífi. Hún er ættuð úr Reykjavík. Ingi skipstjóri byrjaði ung- ur að árum með föður sinum til sjós á Geir, og lærði þar tog- arasjómennsku til hlítar, en langaði til að prófa fleira og réðst fyrir hálft kaup á Detti- foss. Hann langaði til að prófa far mennskuna, en þótti þetta samt hörð býti, þar sem hann var orðinn fullgildur háseti á tog- ara, og á fullum hlut og kaupi, en fékk nú ekki nema um þriðj ung þess kaups um borð d Foss inum. Hann bjó þó ekki við þessi kjör nema einn túr, þvl að þegar sýrimaðurinn hafði horft á hann splæsa, en við það verk standa engir togara- möimum á sporði, taldi hann ekki stætt á því, að hafa pilt- inn upp á hálft kaup. Síðan þetta var hefur Ingi verið hjá Eimskip, nema árin, sem hann var i skólanum, en þaðan lauk hann prófi úr far mannadeild 1946 og nú hefur hann tekið við nýjasta skipi fé lagsins. Ingi er málamaður ágætur, og þó að hann segi hér siðar, að hann hafi eytt frí- stundum sínum illa á sjónum, þá held ég það eigi ekki lengur við. Hann hefur með sér góðar bækur á sjómn og stundum Ingi skipstjóri við radarinn og teligrafið. Finnbogi 1. stýrimaður. gerir hann það sér til dundurs, að skrifa heilar ritgerðir á ensku eða sænsku, en þau mál erlend eru honum törnust. Þannig æfir hann sig í þessum málum. Ég kom oft upp til skipstjór ans á ferð minni með Mána- fossi, því að við könnuðumst hvor við annan frá veru okk- ar í Stýrimannaskólanum. Ingi var í 2. bekk farmannadeild- ar þegar ég var í 2. bekk fiskimannadeildar. Við kynnt- umst ekkert þá, því að yfir- leitt er lítill samgangur, eða var, hvað sem nú er, milli fiski manna og farmanna í Stýri- mannaskólanum. Ég man þó vel eftir Inga. Hann var þá dökkur á brún og brá og áber- andi spengilegur, enda íþrótta- maður, einkum góður sundmað- ur, en nú er hár hans tekið að grána og hið granna mitti horfið — farið að votta fyrir skipstjóraístru. Mér finnst allt af nokkurt öryggi í þvi að hafa skipstjóra vel í holdum, — helzt svo feitan að hann geti ekki forðað sér úr brúnni, hvað sem á gengur. Slíkur mað ur hefur gilda ástæðu til að halda skipi sinu á floti. Þetta á ekki við skipstjórann á Mána fossi — hann er rétt að byrja að hlaða á sig og eunþk manna friskastur á fæti. Ég meina það heldur ekki til hans, held- ur miklu fremur til sjálfs min að það finnast mér undarleg ör lög, að þegar maður er kominn yfir miðjan aldur, stækkar ekkert á manni nema belgur- inn. 12 IÆSBÓK MORGUNBLAÐSINS 28. nóvember 1971

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.